Dr Walid Sabry

Dr Walid Sabry أخصائي النساء والتوليد والحقن المجهري ، ولادة بدون ألم

19/10/2025

دي أفكار منتشرة بس مش صحيحة .. قلت لازم اتكلم عنها عشان حان الوقت نعدلها بقى 😃😃
مفيش علاقة بين الحموضة وشعر الجنين 😏 .. أيوة يامدام وارد جدا طول الحمل تعاني من الحموضة وتفاجئي وقت الولادة بأن راس البيبي أنظف من الصيني بعد غسيله 😃😃

ومفيش علاقة بين المياه السخنة والولادة الطبيعية ،، اللهم إلا للغسيل والتنظيف .. لكن عادي الولادة بتتم ان شاء الله بدون مياه سخنة
ومفيش علاقة لنزول الدم ليلة الزواج بعفة الزوجة ،، اه مفيش علاقة .. يعني لو مانزلش دم عادي جدا ، ولو نزل برضه عادي ، والدليل على عفتها هو تربيتها وأخلاقها ودينها وأسرتها .. لكن موضوع الدم دا اللعب فيه سهل أوي

وأخيرا وليس آخرا ..
مفيش علاقة للمولود البنت بسوء الحظ وقلة البخت
ربنا لما يديك بنت فدي نعمة .. أسف هي مش نعمة واحدة ،، هي نعم كتير مع بعض مفروض نحمده عليها ونشكره انه رزقنا بيها بدون تعب ولا لف كتير على الدكاترة وانها كويسة وصحتها تمام ..
ودمتم بخير وصحة ورضا
💐💐💐💐💐💐

18/10/2025

سؤال وصل لي والرد عليه
دكتور حضرتك بتدخل شباب العمليات معاك ؟ تمريض أو كدا ؟
لا خالص .. لحد ماالعملية تخلص خالص والمريضة تبقى مستورة تماما ، ودا نظام عام عامله بغض النظر عن المريضة وشخصيتها
هل فيه استثناءات يادكتور ؟
اه الدكاترة زي دكتور التخدير 😃😃 اومال مين اللي هينيم الحالة 😃😃

17/10/2025

الدورة الشهرية المظلومة في كلامنا 😃😃
بعض الناس بتستحيي من ذكر الدورة الشهرية بلفظها الطبيعي (الدورة) ، وبدلا من كدا بيذكروها بألفاظ تانية حياء من اسمها
مرة بسمع حد بيقول عنها (البوريد) ومرة (البوريت) ومرة (العادة) ، وأحيانا بنتكلم عنها بدون ذكر اسمها .. يعني تسمع مثلا ( هي جت لي يوم الاتنين اللي فات ) .. المقصود من (هي) دي الدورة 😃
ولما نكون عاوزين نتكلم انجليزي كويس شوية بنقول عليها (البيريود) 😁
والأمر سهل و بسيط خالص ،، اسمها الدورة . حضرتك ليه بتحاولي تغيري في اسمها ؟ على أساس لما تبقى (البيوريت) هتبقى أحسن يعني ؟ 😃
فأفضل اسم لها اما الاسم العربي (الدورة) أو الانجليزي معربا يعني( البيريود) 😃😃

14/10/2025

شد البطن مع الولادة و علاقة الولادة القيصرية بحجم البطن
هل فيه علاقة بين مهارة الدكتور وحجم البطن بعد الولادة القيصرية ؟
يعني هل الدكتور يقدر يقلل حجم البطن بعد الولادة القيصرية ؟
الاجابة المختصرة ...لأ
الدكتور مالوش علاقة بحجم البطن بعد الولاده سواء في الولادة الطبيعية أو القيصرية ، هو بيقوم بعملية ولادة بس ، لكن هو مش جراح تجميل بيعمل شد بطن ولا له دور في حجم البطن بعد الولادة
طيب دكتور ممكن تشد لي بطني أثناء الولادة ؟
اجراء عملية شد البطن أثناء الولادة بيزود الخطورة جدا على الأم ، كمان اذا حصل والدكتور عمل شد بطن بنفسه أو بوجود جراح ،، فغالبا النتيجة مش بتكون مرضية للأم لأن دا مش شكل ولا وضع البطن الطبيعي وبالتالي لايمكن الاعتماد عليه لاجراء شد البطن وعمليات التجميل
طيب امتى ممكن الأم تعمل شد بطن ؟
مش قبل ٣ـ٦ شهور بعد الولادة واللي بيقوم بالعملية دي جراح تجميل ،، دكتور النساء الغلبان ملوش علاقة بالموضوع دا
احنا غلابة كل أملنا في الحياة الأم والطفل يبقوا كويسين وان ربنا يسترنا دنيا وآخرة
ربنا يستركم دنيا وآخرة 🤲💐💐💐

شوفي يامدام الحمل كويس الحمل لله ، الجنين نبضه كويس ووزنه تمام والمياه حواليه معقولة ، ووضعه كويس للولادة الطبيعي ، راسه...
28/09/2025

شوفي يامدام
الحمل كويس الحمل لله ، الجنين نبضه كويس ووزنه تمام والمياه حواليه معقولة ، ووضعه كويس للولادة الطبيعي ، راسه هي اللي تحت
المدام : 👇👇
راسه تحت ؟!!

24/09/2025

ايه أفضل وقت ناخد فيه حمض الفوليك عشان يحمي الجنين من التشوهات ؟ وايه هي التشوهات اللي بيحمي الجنين منها ؟
حمض الفوليك بيحمي الجنين من تشوه في القناة العصبية في أسفل الظهر .. لكن مش بيحمي الجنين من كل التشوهات
وأفضل وقت نبدأ فيه حمض الفوليك هو قبل مايحصل حمل ب 3 شهور ، يعني اذا بتخططي لحمل ابدأي خدي أقراص حمض الفوليك يوميا ، ودا يشمل طبعا المتزوجات حديثا و اللي توقفوا عن وسيلة منع الحمل

15/09/2025

صباح الخير
عاوزة علاج عشان تفطمي ؟
الأفضل مانخدش علاج للفطام .. مجرد انك توقفي الرضاعة بس دا كفاية في معظم الأوقات انه يوقف نزول اللبن بالتدريج
وعلى ما اللبن يقف ، بنلبس واسع ونتجنب أي ضغط على الثدي عشان مايحصلش التهاب
وغالبا مش بنحتاج علاج
لكن لو حاسة بتعب هنا ممكن ناخد علاج

دي الأنسة (كارمن) 🥰🥰🥰 كانت عاملة قلق طول فترة الحمل 😃😃وأخيرا نورتنا بولادة قيصرية بدون ألم الحمد لله ربنا يبارك لكم فيها...
05/09/2025

دي الأنسة (كارمن) 🥰🥰🥰 كانت عاملة قلق طول فترة الحمل 😃😃
وأخيرا نورتنا بولادة قيصرية بدون ألم الحمد لله
ربنا يبارك لكم فيها 🤲
وحمدا لله على سلامتك يامنة 💐💐💐💐💐

نجاح حقن مجهري مع تحديد نوع الجنين ذكر لسيدة لديها ٤ بنات اللهم لك الحمد ربنا يكمل لكم على خير ويرزقكم الذرية الصالحة
03/09/2025

نجاح حقن مجهري مع تحديد نوع الجنين ذكر
لسيدة لديها ٤ بنات
اللهم لك الحمد
ربنا يكمل لكم على خير ويرزقكم الذرية الصالحة

حمدا لله على سلامة العروسة (بيسان) 😍😍وألف مبروك ماجالكم حمدا لله على سلامتك يامدام هدى 💐💐
01/09/2025

حمدا لله على سلامة العروسة (بيسان) 😍😍
وألف مبروك ماجالكم
حمدا لله على سلامتك يامدام هدى 💐💐

التوأم الجميل دا نورنا بولادة قيصرية بدون ألم بفضل الله الأستاذ أحمد والأستاذ أمير 😍😍شكرا جزيلا لأخويا الدكتور مازن أخصا...
28/08/2025

التوأم الجميل دا نورنا بولادة قيصرية بدون ألم بفضل الله
الأستاذ أحمد والأستاذ أمير 😍😍
شكرا جزيلا لأخويا الدكتور مازن أخصائي الأطفال وحديثي الولادة
حمدا لله على سلامتك يايارا وألف مبروك وربنا يبارك لكم فيهم
💐💐💐💐

دا الأستاذ(وسيم) 😍😍😍نورنا بولادة قيصرية بدون ألم الحمد لله حمدا لله على سلامتك يامدام ولاء ألف مبروك يا أبو يزن ربنا يبا...
26/08/2025

دا الأستاذ(وسيم) 😍😍😍
نورنا بولادة قيصرية بدون ألم الحمد لله
حمدا لله على سلامتك يامدام ولاء
ألف مبروك يا أبو يزن ربنا يبارك في أولادكم 😍😍😍

Address

طلخا : شارع صلاح سالم الموقف القديم برج النور الدور السادس
Talkha

Opening Hours

Monday 4pm - 10pm
Tuesday 4pm - 10pm
Wednesday 4pm - 10pm
Saturday 4pm - 10pm
Sunday 4pm - 10pm

Telephone

+201101219097

Website

Alerts

Be the first to know and let us send you an email when Dr Walid Sabry posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Walid Sabry:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category