Dr Walid Sabry

Dr Walid Sabry أخصائي النساء والتوليد والحقن المجهري ، ولادة بدون ألم

دي مشكلة في المشيمة اسمها placenta succenturiataبتبقى فيها المشيمة اللي بتغذي الجنين مكونة من جزئين الجزء الاول بيكون ال...
30/03/2026

دي مشكلة في المشيمة اسمها
placenta succenturiata
بتبقى فيها المشيمة اللي بتغذي الجنين مكونة من جزئين
الجزء الاول بيكون الجزء الكبير و الأساسي
الجزء الثاني بيكون صغير ومتصل بالجزء الأساسي عن طريق أوعية دموية
مشكلة المشيمة دي

انه ممكن بعد ولادة الطفل ، وأثناء ولادة المشيمة ممكن نلاقة الجزء الكبير بس اللي اتولد والجزء الصغير ينفصل ويتبقى داخل الرحم وطبعا يسبب نزيف لأنها بتمنع الانقباض الطبيعي للرحم
و ممكن كمان تعمل حمى نفاس أو تكون لحمية داخل الرحم
عشان كدا مهم تشخصيها من قبل الولادة ، والحمد لله الحالة دي كنت مشخصها قبل الولادة
تخيل ان أهم حاجة في ولادتها هي الحتة الصغنونة اللي جنب المشيمة دي 😃😃
حمدا لله على سلامتك يامدام وردة وسلامة بنتك وربنا يبارك لكم فيها 💐💐💐

دا الأستاذ (زياد) 🥰🥰🥰🥰نورنا بفضل الله بولادة قيصرية بدون ألم بعد عملية حقن مجهري ناجحة الحمد لله حمدا لله على سلامتك يام...
30/03/2026

دا الأستاذ (زياد) 🥰🥰🥰🥰
نورنا بفضل الله بولادة قيصرية بدون ألم بعد عملية حقن مجهري ناجحة الحمد لله
حمدا لله على سلامتك يامدام أسماء ربنا يبارك لكم فيه 💐💐💐

دكتور أنا مش باخد أقراص ولا باخد مقويات ولا علاج فماتكتبليش على أي حاجة عشان مش هاخد علاج دي بقى أكتر حالة بقلق منها .. ...
28/03/2026

دكتور أنا مش باخد أقراص ولا باخد مقويات ولا علاج
فماتكتبليش على أي حاجة عشان مش هاخد علاج
دي بقى أكتر حالة بقلق منها .. المهملة في نفسها دي ، بقلق منها أكتر من اللي عندها ضغط حمل وسكر حمل بس مواظبة على علاجها ومتابعة كويس
خدي مقويات وتابعي كويس واهتمي يامدام 👇👇👇😄😄😄😄

28/03/2026

مطلوب انسة او مدام للعمل في عيادة طلخا ان شاء الله
الشروط من سكان طلخا
مواعيد وتفاصيل العمل ماسنجر بقى

آخر حالتين ولادة طبيعي ماشاء الله ربنا يبارك الحالتين في الشهر العاشر 😀😀حمدا لله على سلامتك يامدام اسراء ومدام ايمان 💐💐💐...
26/03/2026

آخر حالتين ولادة طبيعي ماشاء الله ربنا يبارك
الحالتين في الشهر العاشر 😀😀
حمدا لله على سلامتك يامدام اسراء ومدام ايمان 💐💐💐💐💐

25/03/2026

انتشر مؤخرا كلام على العلاقة بين أقراص منع الحمل والاصابة بالسرطان عند السيدات اللي بتستخدم الأقراص كوسيلة لمنع الحمل
وكان الكلام مركز على الأقراص اللي فيها هرمونين اتنين يعني الأقراص اللي بنمشي عليها 3 أسابيع ونوقفها أسبوع بتنزل فيه الدورة
الاستخدام المنتظم على أقراص منع الحمل اللي بتحتوي على هرمونين بيصاحبها زيادة بسيطة في احتمال الاصابة بسرطان الثدي وسرطان عنق الرحم ،، والخطورة دي بتزيد كل مانزود فترة استخدامها وبتقل الخطورة دي لما نوقف استخدام الأقراص

ودا مش معناه اننا نمنع استخدامها لكل الناس ، لكن على الأقل اللي عندهم تاريخ مرضي عائلي بالإصابة بأورام الثدي أو عنق الرحم فيفضل نتجنب الوسايل الهرمونية دي
ولو حضرتك عاوزة وسيلة هتستمري عليها سنين فيفضل نبعد عن الوسائل الهرمونية وخليكي في اللولب أفضل وأكثر أمانا

25/03/2026

نظرا لسوء الأحوال الجوية نكمل أجازة النهاردة ان شاء الله
اقعدوا في البيت ياجماعة بلاش خروج الوقتي
وأي حالة متابعة معايا ليها أي سؤال تبعت واتس وتحت أمرها
لحد ماالجو يتحسن ان شاء الله
دمتم بخير وصحة 💐💐

24/03/2026

ان شاء الله متواجد في العيادة من الغد الأربعاء
دمتم بخير 🥰🥰🥰🥰

19/03/2026

كل عام وانتم بخير وصحة وعافية 😍😍😍😍
تقبل الله منا ومنكم صالح الأعمال 💐💐💐

دكتور أنا باخد 3 أقراص فيتامينات يوميا ، بعد الفطار والغداء والعشاء قسمهم لي في الصيام بقى .. مفيش غير الفطار والسحور بس...
22/02/2026

دكتور أنا باخد 3 أقراص فيتامينات يوميا ، بعد الفطار والغداء والعشاء
قسمهم لي في الصيام بقى .. مفيش غير الفطار والسحور بس
بذمتك يامدام انتي مش بتاكلي في رمضان إلا الفطار والسحور بس ؟
بصراحة يادكتور مش ببطل أكل من أول الفطار لحد مااتسحر ☺️☺️

برافو عليكي 😃😃
خدي الاقراص بقى مرة بعد الفطار ومرة بعد السحور ومرة بينهم .. سهلة ها ؟

03/02/2026

أعتذر عن التواجد في العيادة غدا الأربعاء
و إن شاء الله متواجد يوم الخميس

29/01/2026

يامدام ..
حضرتك أنسب عمر للولادة هو بعد نص الشهر التاسع إلا لو فيه سبب واضح (في الأم أو الجنين أو الحمل) يستدعي ولادة بدري عن كدا
فماينفعش نولد الطفل بدري لمجرد انه يتسجل في نفس اليوم اللي اتولدت فيه بنت خالتك أو في يوم عيد ميلاد جوزك أو عشان يلحق يتسجل السنة دي عشان المدرسة ولا عشان يتولد في نفس يوم ميلاد اخوه
حضرتك بنت خالتك مش هتنفعه لما تولدي بدري وتلاقيه تعبان ومحتاج حضانة ، وجوزك أكيد مش هيبقى مبسوط لو حصل دا ، وميعاد المدرسة مش حاجة تستدعي نولده بدري ونعرضه للخطورة دي ..
احنا بنعتبر الطفل مكتمل ابتداء من منتصف الشهر التاسع فيما بعد ..
وبالمناسبة .. حقن الرئة ليست بديلا عن عمر الجنين .. يعني مش معنى انك أخدتي حقن الرئة انه خلاص بقى نولد أول يوم في التاسع !!
وبرضه مش معنى ان وزن الجنين زيادة شوية اننا نولده بدري ..
دمتم بخير وعافية 💐 💐 💐
قبل كدا بلاش تضغطي على الدكتور وتفتعلي شكاوي مش موجودة عشان تولدي بدري ..
ماتخافيش بطنك مش هتبوظ في اليومين دول 😃😃

Address

طلخا : شارع صلاح سالم الموقف القديم برج النور الدور السادس
Talkha

Opening Hours

Monday 4pm - 10pm
Tuesday 4pm - 10pm
Wednesday 4pm - 10pm
Saturday 4pm - 10pm
Sunday 4pm - 10pm

Telephone

+201101219097

Website

Alerts

Be the first to know and let us send you an email when Dr Walid Sabry posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Dr Walid Sabry:

Shortcuts

Share

Category