دكتور عيالى محمد عبدالحليم

09/07/2025

مواعيد العيادة النهاردة..
طناح من ١:٣٠-٦ مساءً، وطلخا من ٨-١١ مساءً
مفيش حجز تليفوني بسبب وجود عطل عام في شبكة المحمول
عرفوا بعض ضروري 🙄

09/07/2025

الأمهات اللى بترضع او شعرها بيقع او عندها وجع فى العضم تعرفنى عشان اعملكم منشور بالفيتامينات الضرورية👌

09/07/2025

عاوزين تسيبوا لهم أحلى ميراث..
سيبولهم التعلق بربنا والحب والخوف على بعض🤍

08/07/2025

08/07/2025

متواجد ان شاء الله في عيادة طلخا اليوم من ٧:٣٠ ل ١١ اللي محتاج حاجة يحضر للعيادة لأن للأسف التليفونات كلها فاصلة😓

08/07/2025

روشتة علاج حمو النيل ❤️

08/07/2025

تفاصيل حادث حريق سنترال رمسيس أمس..
بدأ الأمر بتلقي غرفة عمليات النجدة بلاغاً من الأهالى بنشوب حريق داخل سنترال رمسيس، وعلي الفور انتقلت سيارات الإطفاء إلي المكان، وتبين اندلاع النيران داخل المبنى، وتمكن رجال الحماية المدنية السيطرة على النيران المشتعلة في المكان.

فيما أعلنت الشركة المصرية للاتصالات أن الحريق الذي اندلع عصر أمس داخل سنترال رمسيس بوسط القاهرة تم التعامل معه فورًا بالتعاون مع قوات الحماية المدنية.

المصرية للاتصالات: تعطيل مؤقت للخدمات بسبب إجراءات السلامة.
وقالت الشركة أنه قد تم فصل الكهرباء عن المبنى بالكامل خلال عملية إخماد النيران لضمان سلامة العاملين وعدم انتشار النيران بشكل أكبر، ما تسبب في تعطيل مؤقت في بعض خدمات الاتصالات، مشيرة إلى أنه سيتم حصر جميع الخدمات التي تأثرت فور الانتهاء من عمليات الإطفاء من أجل تعويض المتضررين، كما أكدت أن الفرق الفنية ستباشر أعمالها لضمان عودة الخدمات للعمل بشكل كامل في أسرع وقت.

نقلا عن جريدة اليوم السابع.

08/07/2025

نعي شهداء الواجب الذين فقدوا أرواحهم خلال أداء عملهم في حادث حريق سنترال رمسيس.
- المهندس محمد طلعت
- المهندس أحمد رجب
- المهندس أحمد الدرس
- الأستاذ وائل مرزوق
ربنا يغفر لهم ويرحمهم ويسكنهم فسيح جناته، ويصبر أهلهم ويلهمهم الصبر والسلوان.
إنا لله وإنا إليه راجعون.

08/07/2025

اللي محتاج روشتة علاج حمو النيل يعرفني ضروري علشان ألحق أجهزهالكم🙄

07/07/2025

بصفتي دكتور أطفال لأكتر من ١٥ سنة.. بقولكم وكلي ثقة ان كتير منكم دايخين.. بصوا عشان اختصر عليكم..
- مفيش حاجة اسمها دور برد متكرر او مبيقطعش.. دي حساسية أنف أو لحمية..
- ومفيش حاجة اسمها نزلات شعبية متكررة.. دي حساسية صدر او ضعف مناعة او مشكلة في وظيفة الاهداب في الرئة او تليف كيسى..
- مفيش حاجة اسمها الطفل بيدلع وبيتلهي في اللعب وبيعمل بيبي علي نفسه.. ده إلتهاب بمجري البول او مثانة عصبية أو مرض السكري..
- ومفيش حاجة اسمها اسهال متكرر او مطول معاه.. في حاجة إسمها حساسية ألبان وعدم تحمل لاكتوز وحساسية جلوتين وإلتهاب تقرحي في القولون..

يا ريت نفكر في السبب ونعالجه مش بس الأعراض.. لأن طول ما السبب موجود مفيش أعراض بتتحسن وهنفضل نلف في دوامة ملهاش أخر... وهيبقي كل علاجنا مسكنات مؤقتة😓..



د.دكتوراة الأطفال
استشارى الحساسية والمناعة
🌐| المنصورة - طلخا

07/07/2025

الأم التي تحاول قمع طفلها ليصبح كتلة من الهدوء والبلادة والصمت لم تنجح في تربيته، بل نجحت فقط في كبته والسيطرة عليه..

فلقد أثبتت الدراسات أن الطفل المشاغب كثير الأسئلة سيصبح شخص قيادي ذو شأن عظيم في المستقبل إذا نجحنا في توجيهه والتعامل معه بشكل صحيح 🤍.

اسمعوا لهم وشجعوهم يقولوا رأيهم، ادوا لهم مهاهم داخل وخارج البيت وشجعوهم يعملوها، اطلبوا دايما رأيهم وقعدوهم مع الكبار، استخدموا مبدأ التخيير بيجيب نتائج مذهلة مع الطفل العنيد.
#اكسبلور

07/07/2025

صبرنا يا رب على قلة التركيز وضعف المناعة ورفض الأكل والتسنين والسهر والإسهال وغيار الحفاض..
مش شحاته أنا بدعي عادي😂