د. أحمد عجينة - Dr. Ahmed Agena

د. أحمد عجينة - Dr. Ahmed Agena عيادة أطفال وحديثي الولادة شخّص صح لطفل أصح ... د. أحمد عجينة

01/03/2026

أعتذر عن العيادة غدًا الإثنين ٣/٢

25/02/2026

🍒 للماميز والجدات قبل الماميز ..
معدة طفلك أصغر مما تتخيلين!
في اليوم الأول من ولادته، معدة طفلك بحجم حبة الكرز فقط 🍒
تستوعب ٥ إلى ٧ مليلترات لا أكثر!
وتخيلي.. لبن الأم (اللبأ) في أول أيامه مصمم بشكل دقيق ليتناسب مع هذه المعدة الصغيرة جداً ✨
📌 حجم معدة طفلك يوماً بيوم:
🍒 اليوم الأول ← حبة كرز (٥–٧ مل)
🍋‍🟩 اليوم الثالث ← حبة ليمون صغيرة (٢٢–٣٠ مل)
🍑 نهاية الأسبوع ← حبة مشمش (٤٥–٦٠ مل)
🥚 نهاية الشهر الأول ← بيضة كبيرة (٨٠–١٥٠ مل)
---
💛 لذلك.. في الأسبوع الأول، طفلك لا يحتاج إلا لبن أمه فقط!
لبن الأم في الأيام الأولى (اللبأ أو الـ Colostrum) هو كنز حقيقي:
✅ مركّز وغني بالمناعة
✅ يغطي احتياج المعدة الصغيرة تماماً
✅ يحمي الطفل من الأمراض
✅ يمنع الإصابة بالصفراء
✅ يساعد على خروج البراز الأول (العقي)
---
🛑 لا داعي للقلق ولا للحليب الصناعي في هذه المرحلة!
كثير من الأمهات يقلقن في الأيام الأولى ويظنن أن حليبهن لا يكفي..
لكن الحقيقة هي أن جسم الأم يعرف تماماً ما يحتاجه طفلها 💪
أكثري من الرضاعة، والتصقي بطفلك، وثقي بجسمك 🤍
---
🔁 شاركي هذا البوست مع كل أم حامل أو مرضع..ربما يغير قلقاً إلى ثقة 💛
\ #رضاعة\طبيعية #لبن\الأم #حديث\الولادة #أم #مولودجديد #تغذية\_الرضيع

تحذير انخفاض درجات الحرارة وأمطار رعدية غزيرة . تقلوا للأطفال وبلاش خروج إلا للضرورة ، أطفال الحساسية ياخدوا بخاختهم . و...
22/02/2026

تحذير
انخفاض درجات الحرارة وأمطار رعدية غزيرة . تقلوا للأطفال وبلاش خروج إلا للضرورة ، أطفال الحساسية ياخدوا بخاختهم . وربنا يستر

بعد غياب فترة لظروف صحية،الحمد لله عدنا من جديد 🤍متواجد اليوم بالعيادة إن شاء اللهوسعيد باستقبال أطفالكم 🌸👶د. أحمد عجينة...
19/02/2026

بعد غياب فترة لظروف صحية،
الحمد لله عدنا من جديد 🤍
متواجد اليوم بالعيادة إن شاء الله
وسعيد باستقبال أطفالكم 🌸👶
د. أحمد عجينة
شربين مدخل شارع باتا بجوار حلواني الملكة
ت ٠١٠٩٩٩٦٠٩٣٧

17/02/2026

أعتذر عن العيادة اليوم

🌙 بمناسبة حلول شهر رمضان المبارك.. كل عام وأنتم بخير 🌙​تعلن العيادة عن مواعيد العمل خلال الشهر الكريم، تمنياتنا لكم بالص...
16/02/2026

🌙 بمناسبة حلول شهر رمضان المبارك.. كل عام وأنتم بخير 🌙
​تعلن العيادة عن مواعيد العمل خلال الشهر الكريم، تمنياتنا لكم بالصحة والعافية:
​📍 عيادة شربين:
​العنوان: مدخل شارع باتا - بجوار حلواني الملكة.
​المواعيد: يومياً (ماعدا الجمعة) من 11:00 صباحاً حتى 4:00 عصراً.
​⚠️ تنويه هام: لضمان الإنتهاء من الحالات قبل موعد الإفطار ، نعتذر عن استقبال حالات جديدة بعد الساعة 3:30 عصراً.
​للتواصل: 📞 01099960937 | 01111406650
​📍 عيادة طلخا:
​العنوان: كفر الطويلة - بجوار مسجد الشيخ عبد السلام.
المواعيد : بعد صلاة التراويح إلي ١١م ، برجاء الإتصال أولًا للتأكد أن العيادة تعمل .
​للتواصل: 📞 01000978802 | 01149311173
​رمضان كريم ودمتم في أمان الله.

أحيانًا… أول خطأ صحي في حياة الطفل بيبدأ من ببرونة.مش كل ببرونة بريئة…ومش كل لبن صناعي ضرورة.اللبن الصناعي مش مجرد “أكل ...
14/02/2026

أحيانًا… أول خطأ صحي في حياة الطفل بيبدأ من ببرونة.
مش كل ببرونة بريئة…
ومش كل لبن صناعي ضرورة.
اللبن الصناعي مش مجرد “أكل إضافي”…
اللبن الصناعي تدخل طبي.
يعني إيه تدخل طبي؟
يعني له دواعي… وله أضرار محتملة… وله توقيت.
إنك تدي طفل لبن صناعي وهو مش محتاجه طبيًا،ده مش حرص زيادة…
ده ممكن يحرم الطفل من أهم هدية ربنا خلقها له: الرضاعة الطبيعية.
الرضاعة الطبيعية مش بس غذاء…
دي مناعة 🛡️
دي حماية
دي استثمار صحي مدى الحياة.

وفي نفس الوقت…
فيه أطفال لازم ياخدوا لبن صناعي…
وساعتها بيكون طوق نجاة.
علشان كده القاعدة المهمة جدًا:
اللبن الصناعي… مش اختيار أم أو جدة أو خالة
اللبن الصناعي… قرار طبي.
ما تسمعش كلام جروبات…
ولا نصايح قرايب…
ولا تجارب الآخرين…
كل طفل حالة خاصة.
اسأل طبيب الأطفال قبل ما تدخل الببرونة حياة طفلك.
د. أحمد عجينة
شربين مدخل شارع باتا بجوار حلواني الملكة
ت ٠١٠٩٩٩٦٠٩٣٧

🚨 لو ابنك عنده حساسية… البوست ده مهم جدًا قبل ما أمشير يدخل بيتك! 🌪️زمان قالوا:"أمشير أبو الزعابيب الكتير… ياخد العجوزة ...
13/02/2026

🚨 لو ابنك عنده حساسية… البوست ده مهم جدًا قبل ما أمشير يدخل بيتك! 🌪️
زمان قالوا:
"أمشير أبو الزعابيب الكتير… ياخد العجوزة ويطير!"
طب أهو مش بياخد العجوزة بس…
ده ناوي على صدور و أنوف الأطفال كمان 🤧👶
خليني أقولك الخلاصة بسرعة قبل ما الزعابيب تدخل الشباك 👇
وتراب النهارده مش هزار 😶‍🌫️

أنف تسد… كحة تبدأ… والموضوع ممكن ينزل على الصدر في ساعات!

❌ المشكلة مش حر ولا برد
المشكلة في التقلب + التراب

الرياح دي مش هوا بس… دي شايلة معاها:

حبوب لقاح + أتربة + مهيجات
يعني أنف الطفل السليم تتعب…
ما بالك بطفل عنده حساسية؟! 🤧

✅ قبل ما ابنك “يخنفر” أو “يرشح”
اعملي كده فورًا:
✔ محلول ملح / مياه بحر كل شوية
✔ اقفلي الشبابيك وقت التراب
✔ قللي الخروج
✔ حطي فوطة مبلولة تحت الباب
✔ غسيل وش وأنف بعد أي نزول
إحنا مش بنعالج… إحنا بنسبق الحدث 😎

⚠ لو بدأ رشح أو كحة
لو ابنك ماشي على بخاخ حساسية أو مضاد هيستامين:
نزود الجرعة مؤقتًا حسب الخطة العلاجية.
لو مش بياخد حاجة وبدأ يتعب:
ابدئي علاج حساسية بعد استشارة الطبيب.
ماتستنيش الحالة تدخل في صدر.
أطفال حساسية الصدر ياخدوا الوقائي بتاعهم بانتظام

💧 السوائل… السوائل… السوائل
مش مهم يشرب إيه
مهم يشرب
شوربة – ينسون – لبن دافي – أي حاجة
الإفرازات لازم تخف.

🎒 مدرسة؟!
لو الجو تراب واضح
يوم غياب أهون من أسبوع علاج.

🚨 إمتى أجري على الدكتور فورًا؟
كحة مش بتهدى
كحة بترجع اللي في بطنه
نهجان أو زرقة حتى لو لحظة
حرارة فوق 39
رفض أكل أو رضاعة
صفير مستمر في النفس
أعراض مكملة أكتر من 10 أيام
أي علامة من دول = كشف فوري.
خلوا بالكم…
موجة التراب دي مش هزار.
والوقاية اليومين دول بتفرق جدًا.
ربنا يحمي أطفالنا جميعًا 🤲💙
مع تحيات
د. أحمد عجينة
أخصائي طب الأطفال وحديثي الولادة
شربين - مدخل شارع باتا- بجوار حلواني الملكة ت ٠١٠٩٩٩٦٠٩٣٧

هل ينفع الأطفال يصوموا؟ 🤔🌙سؤال بيتكرر كتير مع اقتراب رمضان… والإجابة مش واحدة لكل الأطفال 👶👦العمر والحالة الصحية بيفرقوا...
09/02/2026

هل ينفع الأطفال يصوموا؟ 🤔🌙
سؤال بيتكرر كتير مع اقتراب رمضان… والإجابة مش واحدة لكل الأطفال 👶👦
العمر والحالة الصحية بيفرقوا جدًا 👇
👶 الأطفال أقل من 5 سنوات
الصيام الكامل في السن ده مخاطرة كبيرة ⚠️
جسم الطفل بيحتاج طاقة وسوائل بشكل مستمر علشان النمو والمناعة 🧠💪
ممكن فقط التفكير في صيام جزئي بسيط ولفترات قصيرة
وده لازم يكون مع:
🥛 تعويض ممتاز للسوائل
🍽️ أكل غني بالطاقة
👀 متابعة دقيقة لأي علامات تعب أو خمول
👦 الأطفال 6 سنوات فأكثر
بعض الأطفال الأصحاء يقدروا يتحملوا الصيام الكامل 💪
لكن بشروط مهمة:
⚖️ متابعة الوزن والنمو
🍲 تعويض كافي للطاقة في الفطار والسحور
💧 شرب سوائل بكميات مناسبة
😴 راحة ونوم كفاية
❗️مهم جدًا:
أي طفل يعاني من أنيميا، ضعف نمو، أمراض مزمنة، أو فقدان شهية لازم يستشير طبيبه قبل ما يجرب الصيام 👨‍⚕️
رمضان عبادة رحمة مش مشقة 🤍
وصحة أطفالنا دايمًا الأولوية 🌟

أصوم ولا لأ يا دكتور؟ 🤱🌙دليلك الكامل لصيام آمن ليكي وللبيبي في رمضانكل سنة وأنتِ طيبة يا مامي 💛أكتر سؤال بيجيلي الأيام د...
06/02/2026

أصوم ولا لأ يا دكتور؟ 🤱🌙
دليلك الكامل لصيام آمن ليكي وللبيبي في رمضان

كل سنة وأنتِ طيبة يا مامي 💛
أكتر سؤال بيجيلي الأيام دي:
"يا دكتور أنا برضع… ينفع أصوم؟ ولا ده هيأثر على اللبن؟"

علشان نجاوب صح، لازم نفهم قاعدة مهمة جدًا:
إدرار اللبن = سوائل كتير 💧 + طاقة وأكل صحي 🥗 + رضاعة منتظمة 🍼

الصيام مش "خطر" بشكل مطلق ❌
وبرضه مش "عادي" لكل الناس ✅❌
تأثيره بيختلف من أم للتانية، وغالبًا بيأثر على كمية اللبن أكتر من مكوناته.

علشان كده قسمت لك الموضوع بشكل بسيط يساعدك تاخدي قرارك 👇

1️⃣ إمتى تقدري تصومي وإنتِ مطمئنة؟ (🟢 المنطقة الخضراء)

غالبًا الصيام يكون آمن لو:

✔️ عمر البيبي أكبر من 6 شهور
✔️ بدأ ياخد أكل خارجي بجانب الرضاعة
✔️ صحتك كويسة (مفيش أنيميا أو أمراض مزمنة)
✔️ تقدري تعوضي الأكل والسوائل كويس جدًا بين الإفطار والسحور

2️⃣ إمتى الصيام ممكن يكون مُتعب أو فيه مخاطرة؟ (🟡🟠 المنطقة الصفراء/الحمراء)

استشيري طبيبك قبل ما تصومي لو:

⚠️ الرضاعة طبيعية حصرية والبيبي أقل من 6 شهور (دي أكتر فترة حساسة)
⚠️ البيبي وزنه قليل، مولود بدري (خديج)، أو عنده مشكلة صحية
⚠️ عندك أنيميا متوسطة أو شديدة، سكر غير منتظم، أو نحافة شديدة
⚠️ حصل قبل كده إن اللبن قل جدًا مع الصيام

3️⃣ علامات الخطر 🚨

إمتى لازم تفطري فورًا؟

لو قررتِ تصومي، راقبي العلامات دي كويس… دي رخصة ليكي تفطري فورًا عشان صحتك وصحة طفلك 🤍

🔴 علامات عند البيبي:
• وزنه بيقل أو مش بيزيد طبيعي
• عدد الحفاضات المبللة قل بشكل واضح (علامة جفاف)
• عياط مستمر أو خمول ونوم زيادة
• واضح إنه مش شبعان وبيرضع بصعوبة

🔴 علامات عندك إنتِ:
• عطش شديد وجفاف غير محتمل
• دوخة، صداع شديد، زغللة
• لون البول غامق وكميته قليلة
• إحساس واضح إن صدرك فاضي واللبن قل

4️⃣ روشتة الصيام الآمن 📝💧

لو حالتك تسمح وقررتِ تصومي:

💧 المياه ثم المياه
اشربي سوائل كتير جدًا من المغرب للفجر (على فترات، مش مرة واحدة)

🌙 السحور مقدس
ما تفوتيهوش، وخليه متأخر
لازم يحتوي على بروتين + نشويات معقدة
زي: فول، بيض، زبادي، شوفان

🍼 الرضاعة عند الطلب
كل ما البيبي يطلب يرضع… ده أهم حاجة للحفاظ على اللبن

🛏️ الراحة
قللي مجهودك في نهار رمضان على قد ما تقدري

💡 معادلة بسيطة عشان ما تحتاريش

🍼 بالنسبة للأكل:
إنتِ محتاجة حوالي 500 سعر حراري زيادة
يعني ببساطة:
كُلي كل ما تجوعي وركزي على الأكل المفيد
🥦 خضار + 🍗 بروتين + 🥜 مكسرات
وابعدي عن السكريات الكتير اللي بتزوّد العطش

🥤 بالنسبة للشرب:
محتاجة حوالي 800 مل سوائل زيادة
يعني:
اشربي كل ما تعطشي +
🚰 كوباية مياه كبيرة "إجبارية" مع كل رضعة

ربنا يتقبل منكم ويقويكم على رعاية أطفالكم 🤲💖
دي عبادة… ودي عبادة ❤️

د. أحمد عجينة
شربين مدخل شارع باتا بجوار حلواني الملكة
📞 ت ٠١٠٩٩٩٦٠٩٣٧

06/02/2026

كل عام وأنتم بخير
الأمهات المرضعات ناوين تصوموا رمضان ولا هتعملوا إيه ، رأيكم إيه ؟ اكتبوا في الكومنتات ، ونجاوب اليوم إن شاء الله علي السؤال

Address

شربين/مدخل شارع باتا/بجوار حلوانى الملكة
Talkha

Opening Hours

Monday 1pm - 5pm
Tuesday 1pm - 5pm
Wednesday 1pm - 5pm
Thursday 1pm - 5pm
Saturday 1pm - 5pm
Sunday 1pm - 5pm

Telephone

+201099960937

Website

Alerts

Be the first to know and let us send you an email when د. أحمد عجينة - Dr. Ahmed Agena posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to د. أحمد عجينة - Dr. Ahmed Agena:

Shortcuts

Share

Category