21/06/2024
الصور اللى قدامكم دى مش حاجة تضحك ولا مجال سخرية
دى صورة وجعتنى انا شخصيا لانى حسيتها 😥😥😥
يعنى انتم استغربتوا شكل البنت بعد المكيب وبعد اللبس ومحدش شاف ابدا شكلها قبله.
هم الدنيا فى وشها والشقى منتشر على ملامحها، والشيب اللى مش لايق على عمرها سارح فى شعرها وكل ده ليه علشان العيشة والحياة والدنيا، كل ست جميلة الجميلات لكن مفيش فرصة بسيطة حتى أنها تعيش الحياة اللى هى بتتمناها، مفيش ست حابة الشقى والغلب وأنها تكبر عمر على عمرها، لكن الظروف بتحكم لان البيوت دى مفتوحة بالستات ومع احترامي لكل الرجالة بس اللى انت بتعمله مستحيل يجي ربع اللى هى بتعمله، الست تقدر تشتغل زيها زيك وتشيل مسؤوليات محدش يتخيلها لو الظروف أجبرتها لكن انت فى مواقف متقدرش تسد فيها لو انت مكان الست دى .
كل ست جميلة محتاجة بس لحظة هدوء وهى تكون ملكة ، محتاجة بس شوية راحة ، محتاجة تتقدر ويتقال لها شكرا ، كتر خيرك ، حقك علينا ، الست جواها صبية صغيرة عمرها ما تكبر غير بالضغط والهم، كل ست تعرف تلبس بس الظروف تسمح، كل ست تقدر تبهرك بس انت اديها فرصة ، كل ست تقدر تكون انثى بمعنى الكلمة بس تلاقى الوقت والنفس والاهتمام والفلوس وهتكون جميلة الجميلات من غير تعجب ولا استغراب ولا اندهاش .
الست ست ،لكن مش كل الظروف بتسمح ليها تكون انثى فى غاية الجمال !
منقووول💙
