Amal Rashad-أمل رشاد

16/01/2025

ما تحطش الناس في مكانها الغلط وتزعل لما يوجعوك…..
لان الضربه كل ما كانت من قريب بتوجع اكتر

27/12/2024

عارفين إيه أكتر فتنة موجودة في الحياة دلوقت للستات والرجالة؟

مش الست اللي بتدحلب عشان تخطف راجل.. لان ولامؤاخذة مفيش راجل عيل بيتخطف .. هو بيروح بمزاجه

ولا الراجل اللي بيفضل ورا ست متجوزة عشان يستميلها.. مفيش ست بتفتح الباب ده الا وهى بتفتحه وهى شايفة الاستمالة بوضوح

اه جايز بيضعفوا.. لكن دي فتنة داخلة كده بوضوح على ضعف عندهم.. عشان تقولهم انتبهوا ابوابكم مفتحة.. وانتوا ضعفاء اوي.. واللي في قلبه خير ربنا بيحفظه أو بيربيه وبيطلع من التجربة لو عايز يحسن من نفسه متعلم الدرس كويس

لكن الفتنة الحقيقية الراجل المحترم اللي مش بيحاول أصلا مع الستات في دايرة شغله وتعاملاته الحياتية

والست المحترمة المهذبة اللي بتتعامل مع زمايلها بأدب واحترام ومن غير تعدي حدود

لكن مش بينتبهوا لنقطة مهمة.. ان كل حركة مهذبة لمساعدة طرف من الجنس الآخر ممكن تسبب "ميل قلبي"!

دي فتنة ظاهرها حلال.. وجواها كل خطوات الحرام بداية من الخطرة!

كل كلمة طيبة بتتقال ممكن تخلي القلب يزوغ..

"مضايق من ايه"
"انت كويس"
"عندك مشكلة، اقدر اساعدك"

تقديم الخدمات.. وتقديم الدعم للجنس الآخر
ده باب فتنة بيقيد نار في قلب المتلقي!

البيوت ماليانة هم ووجع.. ستات زعلانة عندهم احتياج هاطفي والزوج مشغول مسكين في لقمة العيش أو زوج مش منتبه لمشاعرها.. أو حتى زوج مقصر

والرجالة مسحولة وبتحب تنوع اوي بالذات لما تضغط ويلاقي مراته مضغوطة.. بيقع من غير ما يحس في الحنية اللي بيلاقيها مغلفة بأدب شديد

بتحب تشرب حاجة
طب انت شكلك مضغوط مش هخلي حد من الشركة يكلمك لغاية ما تفوق

من فضلكم.... بلاش في بيئة الشغل "نحسس الآخر باننا حاسين بيهم"

بلاش الدخول في زون المشاعر ابدا

بلاش نحل مشكلة ليهم ونعدي خطوة لقلوبهم

اه.. في الاختلاط مش المهم ابدا عطاء سعااتك ولطف سياااتك.. خليهم لاهل بيتك هتبقى خير الناس "خيركم، خيركم لأهله"

في الاختلاط تؤجر اكتر في الحدود!!

متنزلش الكلفة..

متحسسش اللي قصادك بألفة
متتبسطش في المعاملة فياخدوا عليك

خلي معاملاتك في الشغل والكلام في الشغل
ملكوش دعوة بمشاكلهم واحتياجتهم

ليهم دوايرهم يغطوها

ما دام راجل وست

وبالذات المتجوزين اصلا.. لما تروحوا الشغل خلوا تعاملكم انساني عام

بلاش تكونوا فتنة لغيركم..

خليك واضح
وفي حالك
وانسان للكل بشكل عام
متدخلش في خصوصيات
وبلاش تمضية الوقت مع جنس اخر بلا هدف
وخد نية الحفاظ على القلوب

الميل القلبي ده ممكن يهد بيوت..
ويدخل زعزعة نفسية للشخص ويلغبط قيمه

وتبقى سبب في آذاه..

غلطك انك لم تتق الله في الاختلاط.. واللي بيتقي الشبهات فقد استبرأ لدينه وعرضه
منقول من دكتوره روفانا حكيم

24/12/2024

فيلم مؤثر جدا اسمه كليك " click "
قصته بتدور حوالين أب "مهندس" مشغووووول دايما بيحب زوجته و أولاده الاتنين جدا ولد وبنت ٧ و٦ سنوات .. لكنه دايما ماعندوش وقت للخروج معاهم ، ولا للتجمعات العائليه لما زوجته تعزم والده و والدته بيبقي متكدر عشان وراه شغل كتييير يخلصه ومش فاضي للتجمعات دي ..!

راح يشتري "ريموت كنترول" للتليفزيون قابل شخص غريب إداله الريموت هديه بس حذره إنه ريموت عجيب جدا وخطير و لازم يفكر كويس قبل مايستحدمه وممنوع يرجعه ..!

الأب دة محبوب أوي من زوجته وأولاده بس هو مش حاسس بنعمة العائلة ..
عاوز يعدي كل أوقات التجمعات و المهاترات والجدال و "وجع الدماغ" وحتي أوقات المرض ..!
عاوز يهرب من دوشة العيال عاوز يبطل يسمع شكاوي مراته من أعباء البيت وتحمل مسؤولية الولاد و...و...إلخ و نفسه يترقي في الشغل ..

أخد الريموت وبقى بيعرف يتحكم في الزمان والمكان والأشخاص ويعمل skip و يعدي أي فقرات فيها مجهود أو "وجع دماغ"

في الأول الموضوع عجبه وراح يشكر اللي أخد منه الريموت

بس رد عليه لما سأله إزاي دة بيحصل وقاله : إنت بتبقي موجود معاهم بجسمك بس ، عقلك هو اللي في حته تانيه ونصحه:
" الأفضل لك أن تحتفظ في عقلك ببعض الذكريات العائلية"

بس المهندس المشغول رفض وقاله :"هيفوتني ايه يعني .. ؟؟شويه مشاكل علي المشاوير ولا تمارين الولاد لا بناقص ..!

المهم إن الريموت اتبرمج علي نمط حياة المهندس دة ، و بقي بيعدي كل حاجه بالسنين ..
و في النهاية وصل فعلا إنه بقي مالك أكبر شركه معمار في العالم .. بس فاته معايشة أحداث كتيير أوي مع عيلته ..

لما كان بيفوق لوعيه كل فترات كبيييرة يلاقي أحداث كتيير فاتته تخرج ولاده ، و وفاة والده ، وان زوجته هجرته وإتجوزت واحد تاني ، وفاق لوعيه في مرة لقي نفسه في فرح ابنه
وبنته كبرت بقت آنسه زي القمر ، وبتقول لواحد غيره يا بابا ..!

إتصدم وساعتها جاتله أزمة قلبيه و راح المستشفي
لحظه وفاته جمع أولاده و ابنه كان لغي شهر العسل عشان لازم يحضر صفقة مع شركة معينه
قالهم جمله واحدة وفضل يرددها :

"Family, Family, family comes First"
" العائلة تأتي أولا "

ليه قرب فوات العمر يفتكر الواحد إنه محتاج يعيش حياته صح ..؟!!
ليه لما يكبروا الاولاد نحن لأيام لما كانوا أطفال ..؟!!
ياريتنا ندرك قيمة الأشخاص قبل أن نفقدهم ..
ياريتنا ندرك أن " السر في الرحلة " مش في الوصول ..!

استمتعوا بالعادي والموجود استمتعوا هنا ودلوقتي استمتعوا بكل وقت في طفولة ولادكم ، دة مافيش أسرع من الأيام ..!!
#منقول

17/12/2024

في مشهد محبب ل قلبي جداً من مسلسل حديث الصباح و المساء عمرو بيقول ل راضية تسلم إيدك الكشك يجنن ، هى بكل عفوية قالتله ألف هنا بس ده مرات اخوك الي عملته و بعتالنا طبق ..
كان ممكن المشهد يخلص و ينتهى لكن عمرو بسرعة قال إيه ل راضيه ؟!
قالها:
( و أنا برضه عمال أقول فيه حاجة ناقصة و حاجة متغيرة أصل الكشك بتاعك يا راضية لا يعلي عليه )
هى ضحكت و طبطبت ع كتفه و قالتله:
تسلم ياخويا ♥️♥️♥️
حوار بسيط و عفوى ، هى فاهمة إنه حب ( يجبر خاطرها ) و قدرت ده ، و هو كان ذكى كفاية إنه يفهم ياعنى ايه ( يقدر زوجته )
و ما بين الذكاء
التقدير
جبر الخاطر
بتكمل الحياه الزوجية 😍😍😍
كنت زمان لما بشوف اثنين بيحبوا بعض جداً و تنتهى قصتهم بالإنفصال كنت اسأل نفسي ليه؟!
ليه الحب ينتهى النهاية ديه و يبعدوا؟!
و اكتشفت إن ممكن جداً اثنين يبعدوا و هما لسه بيحبوا بعض عادى جداً لكن مقدروش يكملوا مع بعض علشان مكانش فيه في حياتهم ( ذكاء ، تقدير ، جبرخاطر )
الي هو ببساطة بيتلخص الأمر في جملة ( مافيش بينا تفاهم )
و ديه جملة رغم بساطتها إلا إنها مش بسيطة ، فكرة التفاهم في الحياة الزوجية مش إنى بحبك و بنتكلم و الله ياسلام لأ ، التفاهم إننا نفهم دماغ بعض و نعرف نتكلم مع بعض إزاى ، و نقول ايه إمتى و نقوله ب أنهى طريقة ..
فشل العلاقة الزوجية لما طرف يتخيل إن ده نوع من أنواع التكلف ، و كان يجيلي زوج يقولي هو أنا هفكر كمان قبل ما أتكلم مع مراتى!!
أيوة يافندم تفكر قبل ما تتكلم مع مراتك ، و تفكرى قبل ما تتكلمى مع زوجك مافيش حاجة اسمها الي يجى ع بالي أقوله بأي طريقة و في أي وقت و هنا دور ( الذكاء )
الذكاء إنى افهم ( اللغة ) الي اتكلم بيها مع شريك حياتى ..
و بعد ما فهمنا اللغة يجى دور ( التقدير )
لما شريك حياتك يطلب منك طريقة معينة في التعامل و تعملها ده دليل ع ( تقديرك ليه ) و إنك تطنش أو تفضل تعمل الحاجات الي بتضايقه بيوصله إنك مش مقدره و يبدأ يحس إنه مش فارق عندك و هنا بيبدأ الشرخ الأعظم في الحياة الزوجية ، طب مدام أنا مش فارق معاك يبقي أبعد أفضل معاك ليه؟!
و أخيراً الضلع الثالث في حياة زوجية هادئة ألا و هو جبر الخاطر ♥️
إنك تقول كلام حلو يطبطب ع القلب و يراضي الروح ، إنك ما تتكبرش تقول اسف أو اسفه ، و ساعة الغضب بلاش يطلع كلام قاسي يجرح لأن الكلمة زى السهم لا راد لها ..
و مع ( الذكاء ، التقدير ، جبر الخاطر ) تقدر العلاقات تعدى و تكمل و مع وجود الحب بتنور و بتكون أكثر إزدهاراً و نجاح

منقول
من تحليل نهال محسن
لكن الحقيقه راق لي جدا

03/12/2024

رساله الي كل المؤذيين..
''إمساك بمعروف أو تسريح بإحسان ''
أيها الزوج مش عجبك اي حاجه في مراتك سيبها وروح اتجوز اللي تعجبك بلاش خيانه وكسره وقهره ليها روح اتجوز وخيرها تكمل ولا لا….
أيها الزوجه نفس الكلام ليكي بدل ما تخوني وتشيلي وزر حرمانيه انتي مش قدها اطلبي الطلاق .. وبلاش خراب البيوت اللي بتسببيه في بيت ست غيرك لابيها ولا عليها غير انها متجوزه شخص مش امين عليها😏😏😏😏

لما بتعتادوا الحرام بيحرم عليكم حلالكم🔥🔥🔥🔥
بتفرحوا باللي في الخفاء وتلاقوا نفسكم بتفتعلوا المشاكل لاتفه الأسباب جوه بيوتكم..
💔💔💔💔وللأسف اللي بيدفع تمن افعالكم الطرف الاخر اللي مالوش اي ذنب غير انه متخيل انه في مأمن .. ومعاهم اولادكم اللي انتوا مافكرتوش فيهم لثانيه واحده😏😏😏
لكن لما ستر ربنا بيخلص من عليكم
وتنكشف اعمالكم( مع العلم انكم بتبقوا مفضوحين جدا واعلب اللي حواليكم عارفين .. ما عدا ازواجكم للاسف)
ساعتها تلوموا علي الطرف الاخر انه ازاي يضعف ويتكسر ويهد بيته لازم يستحمل علشان ولاده ( الستات بس طبعا.. )
ومش مهم احساسها ولا مشاعرها ولا كسرتها ..
اتقوا الله في بعض وكفايه خراب بيوت بسبب الحرام

07/11/2024

ايها الزوج..
لما بتدخل حياتك ست مش تمام( بحاول انتقي الالفاظ😜 ) بيكون هدفها الاساسي السيطره عليك وواحده واحده تخليك تطلع كل حاجه وحشه في مراتك وماتبقاش عامل
اي حساب للعشره ولزوجتك ولاولادك ..

اقف كده واسال نفسك هي فعلا مراتي كده ولا انا اللي مسحوب ومتسيطر عليا من (….)
يا ابو الرجولة

17/10/2024

الست ماتتسبش تهدي لوحدها❌❌❌

الست ماتتسبش تهدي لوحدها❌❌❌

الست ماتتسبش تهدي لوحدها❌❌❌

لو بعيد الشر عندك نار مسكت في أي حاجه بتجري بأسرع مافيك علشان تطفيها لأنك لوسيبتها تنطفي لوحدها مش هتنطفي غير وهي محوله كل حاجه لرماد😔😔😔😔

وللأسف هو ده اللي بيحصل مع زوجتك بالظبط بس بالتدريج 😳😳😳

أمال انت فاكر إيه 🤔🤔🤔

كل مره بتحصل مشكله ولو بسيطه وتبعد وتقول في مخيلتك خليها تهدي لوحدها ..كل وقت بيعدي بياخد منها جزء ويحوله لرماد مره بعد مره..
لحد ما رصيدك بيخلص وساعتها انت بتستغرب هيا ليه ماهديتش المره دي 🤫🤫🤫أو ليه بقت بتتنرفز علي اقل حاجه؟؟

ساعتها بس افتكر أن هذا ما صنعت يداك🤫🤫🤫🤫🤫

الست ماتتسبش تهدي لوحدها❌❌❌

12/10/2024

طول ما احنا عايشين
لازم ندور علي شغفنا👌👌
وندور علي كل حاجه تشبه روحنا😍😍
من فتره حضرت جلسات عن ( الولا حاجه)👍👍👍
ايوه انتم قريتم صح..الولا حاجه بقت بتتدرس🤣🤣
علشان للاسف في ناس كتير بتاخدهم ضغوط الحياه ومش بيعرفوا يفصلوا مشاعرهم السلبيه
وبيفضلوا محشورين فيها 😜(معبر جدا مصطلح محشورين ده)
فبقينا لازم ندور علي الولا حاجه بقينا نتعلم ازاي نعيشها..
وطول ما احنا عايشين بنتعلم
👈👈بنركز في شغلنا وننجح فيه ونتعلم دايما …
👈👈وبيتنا واهلنا واولادنا وحبايبنا بنهتم بادق تفاصيلهم اه..
بس الاهم احنا🥰🥰🥰🥰
علشان نقدر نعمل كل ده بحب وراحه ومن غير ضغوط
اتعلمنا ان ❤️❤️❤️❤️❤️❤️❤️
الولا حاجه احلي حاجه

23/09/2024

شوية حاجات مهمه اتعلمناها ولسه بنتعلم:👌
احنا مش ملائكه ..احنا بشر بنصيب ونخطئ😂😂
علشان كده..
لازم نسيب مسافه بيننا و بين الناس مهما كانوا قريبين…🥹🥹

وما ننساش احنا جايين الدنيا نعيش حياتنا احنا و قصتنا احنا مش قصة غيرنا😜😜

وده خلانا نعيش حياتنا و نتجنب حوارات و مشاكل البشر،،لانها حرفياً بتهلكنا وبتستنذف طاقتنا🤪🤪

*كله الا نفسك .. نفسك غاليه اوعي ترخصها تحت اي قناعه..

▪️اللي فِهم الناس و الدنيا صح هو اللي :
مافيش حد او حاجه ف حياته بتاخد حجم اكبر من حجمها و مش بيفرق معاه غير انه يبقي شخص مُسالِم مش مؤذي و عايش ف هدوء و شاري دماغه.. و قافل حياته ع كام شخص محترم و اصيل شاريه و شكرا ع كده..
الدنيا علي قد صعوبتها و حـمولها التقيله
علي قد تفاهتها.. فـخلينا مانوجعش قلوبنا و ناخد من اللي فات عِبره للي جاي..
😍😍😍😍

وده مش معناه الاستسلام ولا معناه انك مش هتتئذي..🙈🙈🙈
لكن يقينك ان اللي مكتوب لك هيجيلك مهما حصل هيطمنك كتييييير قوي🙏🙏🙏
كل اللي علينا. السعي🫶🫶🫶🫶
دمتم مطمئنين 🤲🤲🤲

23/09/2024

للحجز والاستفسار :-

0 120 065 5550
YouTurn Clinics

0100 1474231
PIPO Lounge

22/09/2024

❤️❤️خدوا من يومكم ١٥ دقيقه للضحك والفكاهه..
😂😂😂😂
وشوفوا اد ايه هتفرق معاكم …هتغير مودكم وطاقتكم لطاقه فيها ايجابيه اكتر لان الضحك منشط طبيعي للطاقه بيخلي جسمنا يفرز الاندروفين زي التمارين بالظبط ..
ما تبخلوش علي نفسكم بشويه مرح .🙈🙈🙈🙈🙈

عارفه كل اللي بيقرا هيقول نفسنا بس ازاي ومنين وضغوط الحياه وضغوط الشغل!!!

كتير علينا ربع ساعه من يومنا نفصل عن كل ده شويه؟؟؟🤔🤔🤔🤔

دوروا ع الفرح بمنكاش😍😍😍😍😍

😍😍اتكلموا مع ناس بتحبوهم
🤣🤣اتفرجوا علي فيديوهات كوميديه
😂😂ادخلوا علي صفحات نكت مضحكه

مش كتير علينا ربع ساعه مرح وسط ضغوط الحياه
🥰🥰🥰💖💖💖
افرحوا وفرحوا اللي حواليكم حتي لو بس ربع ساعه

صباحكم بيضحك🤲🤲

12/09/2024

في حوار مع شاب عمره ١٦ سنه سألته هو ايه الهدف من التربيه؟؟ يعني الاهالي بتربيكم ليه؟ او الاصح المفروض تربيكم علي ايه؟
والحقيقه رده ابهرني👏🏻👏🏻👏🏻👏🏻👏🏻👏🏻
قالي عاوزينهم يربونا علشان نطلع أسوياء نفسياً… وبس '''مش مطلوب منهم اكتر من كده ساعتها لما نكون أسوياء نفسيا هنعرف نكون اد المسؤليه وهنعرف نتعامل مع المجتمع واختلافاته وضغوطاته….
حاولوا تخلونا أسوياء نفسياًًً…..

08/09/2024

سؤال مهم جداً وياريت كلنا نجاوب؟؟؟

👈👈👈👈👈👈👈بتربوا اولادكم ليه؟؟؟

كل اب وكل ام ياريت تشاركونا بأهدافكم في تربيه اولادكم
علشان نستفيد من بعض لاني بجد بقيت اسمع من بعض الحالات اللي بتجيلي ردود غريبه بشكل مفذع

27/07/2024

الاولاد طول الوقت قاعدين ع الموبايل مش بيعملوا اي نشاط..بنتي ماعندهاش اصحاب- ابني شخص مش اجتماعي—الولد حركته كتير نوظفها ازاي—-بنتي شخصيه قياديه ماشاء الله وعاوزه انمي ده عندها —ابني عنده مهارات كتير مش بنعرف نستغلها— الولاد مش معتمدين علي نفسهم ومش بيساعدوني علشان كده وعلشان نساعد ونحل كل المشاكل دي مره واحده عملنا لهم معسكر تدريبي ترفيهي في مرسي مطروح لمده ٤ ايام للاولاد و٤ ايام للبنات هيتدربوا فيهم علي الاعتماد ع النفس .هيعملوا اصحاب.. هيخرجوا طاقاتهم في انشطه كتيييير جداً مفيده وممتعه تحت اشراف نخبه من قاده الكشافه المؤهله المرحله السنيه من ٨ سنوات حتي ١٨ سنه …. الاعداد الباقيه محدوده جدا .. ميعاد الاولاد من ٥/ ٨ والبنات من ٨/ ٨

26/07/2024