29/07/2023
بما ان درجة الحرارة مرتفعه و احتمال ان يكون فى موجات حر كتير الفتره الجايه يبقى لازم تاخد بالك من النقط دى خصوصاً لو بتخرج كتير🚶🏻♂️
▫فى مصطلح علمى يطلق على الارهاق او التعب اللى بنحس بيه بدون مبرر فى الصيف اسمه " Summer lethargy " او خمول الصيف ودا اللى بيسبب عدم القدره على عمل اى نشاط مهما كان بسيط او بيخلى اى نشاط مرهق خصوصا لو فى الخارج او فى الشمس ودا لسببين : ⬇️
1️⃣ الاول ان ممكن يكون بسبب قلة الاكل او سوء التغذيه ودا يؤدى الى ضعف طبيبعى سواء صيف او شتاء .
2️⃣ التانى وهو الاهم والاساسى ان جسمك بيدخل فى حاله من الجفاف او الاسم العلمى ليها " Dehydration fatigue " وفى الحاله دى بيكون الارهاق عمومى حتى لو بتاكل كويس جدا لان جسمك مش بيقدر يولد طاقه او مش بيقوم بالتمثيل الغذائى على اكمل وجه وبالتالى الاحساس بالتعب كأنى عملت مجهود كبير او " Feeling as running out of the energy " ودا علاجه كالتالى :
1 - النوم لو جسمك طلب 😴
2 - عوض السوائل لان الجفاف من اهم اسباب الارهاق بسبب فقد المعادن والاملاح اللى بتدخل كعوامل حفازه فى التمثيل الغذائى🥤
3 - اعراض الجفاف بتظهر بمجرد احساس الجسم بانخفاض فى تركيز الاملاح و أولها العطش بمعنى ان العطش فى الصيف مؤشر سلبى و لو الاحساس طول ممكن لقدر الله يؤدى لجفاف البشره وطبعا ارهاق🥵 لذلك اهتم بالسوائل .
4 - مش اقل من 3.5 لتر على مدار اليوم لان دى الكميه لاى شخص بالغ سواء صيف او شتاء مبالك فى فتره زى دى 🍶
5 - الخضار والسلطات🥒 لان دى المغذيات اللى ممكن تلاقى فيها بوتاسيوم وماغنسيوم بوفرة ودى من اهم المعادن اللى جسمك بيتخلص منها مع العرق وبالتالى بتأثر عليك بالسلب.
