اكاديميه اشراقة امل

03/10/2022

https://www.facebook.com/profile.php?id=100086189543475
سيتم اغلاق هذه الصفحة وسيتم العمل بالصفحة الجديدة اكاديمية الحلم

الخدمات المقدمه :
رعايه نهاريه
تخاطب
تعديل سلوك
صعوبات تعلم
تنميه مهارات
تكامل حسى

23/09/2022

#فرصة

للمرة الأولى و تلبية لطلباتكم تعلن الاكاديمية، عن فتح باب التقديم لأقوى ورشة عن التأهيل لضعاف السمع والأولى فى سلسلة ورش إعداد اخصائى لو حضرتك أم أو أب أو أخصائي أو مهتم بمجال التربية الخاصة فاشترك معنا لأننا نوفر لك المعلومات لتساعدك تساعدهم.


🔸️محاور الورشة:

• نبذة سريعة عن اللغة و أمراضها.
• الكشف المبكر عن الضعف السمعى.
• الضعف السمعى و تأهيله.
• رحلة داخل الأذن.
• أنواع الضعف السمعى و مشاكل كل نوع.
• علاج حالات الضعف السمعى.
• رحلة من الضعف السمعى إلى زراعة القوقعة.
• التأهيل التخاطبى لعلاج حالات الضعف السمعى.
• أثر الضعف السمعى على اللغة.
• إرشادات عامة عن الضعف السمعى.

🔸️الفئة المستهدفة:

• أولياء الأمور
•الطلبة الخريجين
•الأخصائيين

🔸️سعر الورشة:

100 جنية شاملة شهادة معتمدة من الأكاديمية للحجز يتم دفع 50 جنية من المبلغ الإجمالى بمقر الأكاديمية او عن طريق فودافون كاش للرقم التالى 01099660292 ويتم إرسال صورة من التحويل مرفقة بالإسم عبر واتساب.

🔸️ يبدأ الكورس بإكتمال العدد.

تهدف هذه الورشة إلى تحفيزك وبناء قدراتك للعمل كأخصائى مستقبلي ناجح، وتبني المعايير الدولية في التدريب وتعليم الكبار، عبر برنامجٍ دقيق ومميّز!

لمزيد من التفاصيل لا تترددوا بالتواصل معنا خلال رسائل الصفحة أو عبر الرقم التالي:

● 01099660292

🔸️ العنوان: ١٧ شارع يوسف الصديق - طنطا

#فرصة

03/01/2022

مطلوب اخصائي تعديل سلوك بشرط يكون خريج علم نفس

13/05/2021

تهنئ أكاديمية اشراقه أمل الأمه الاسلاميه وأمهات ذوى الهمم خاصةً بعيد الفطر المبارك أعاده الله عليكم بالخير واليمن والبركات ..
وكل عام وانتم بخير ❤️❤️

21/03/2021

كل ام رزقت بتحدى رضيت بيه صبرت عليه واجتهدت انها تكون افضل واحسن من خلاله
هى ام مثاليه
كل ام واجهت كلام سلبى كان ممكن يحبطها او يقلل عزيمتها
ام مثاليه
كل ام مسكت فايد ابنها/ بنتها ايا كان احتياجه او تحدياته وقدرت تتجاوزها
ام مثاليه

امثلة الامهات المثاليات كتير فكل عيله وبيت

كل عام وكل ام انجح واصفى
كل عام وكل امهاتنا والامهات جميعا بالف خير

24/01/2021

تعديل السلوك
يُعرف باللغة الإنجليزية بمصطلح Behavior Modification، هو عبارةٌ عن إعادة تأهيلِ وتوجيهِ سلوك الأفراد عن طريق مساعدتهِم على التخلي عن سلوكٍ مُعين، والعمل على تطبيقٍ سلوكٍ جديد. يعرف أيضاً بأنّه العملية أو الوسيلة التي تُساعد على تقويم السّلوك الفردي، بالاعتمادِ على مجموعةٍ مِن القواعد التي تُنظّم سُلوك الفَردْ مِن خلالِ تطبيق العديد مِن التغييرات الفكرية والاجتماعية التي تُساهم في تعزيزِ السُّلوك الجديد والتَخلّص مِن السُلوك القديم، ويطلق على الشخص الذي يقوم بتطبيق تعديل السلوك مُسمّى مُعدّل السلوك، وعادةً يكون معالجاً أو طبيباً نفسياً.
أنواع تعديل السلوك
يعتمد تطبيق تعديلِ السلوك على معرفةِ وتحديدِ نوع السّلوك المؤثر على شخصيةِ الفرد، والذي يُقسم إلى النوعين التاليين: السلوك الاستجابي: هو السلوك الذي يرتبط بوجودِ مجموعةٍ من المحفزات، أو العوامل التي تؤدي إلى حدوثهِ عن طريق تأثر الأشخاص به، فمثلاً: عند تقطيع البصل تستجيب العين للمؤثرات المنبعثة منه، مما يؤدي إلى التأثير على القناة الدمعية، وينتج عن ذلك خروج الدّموع من العيون.
السلوك الإجرائي: هو السّلوك المرتبط بتأثيرٍ مُحيطٍ بالفرد، ويدفعه لتغيير سلوكه المُعتاد خلال استمرار تأثير السلوك عليه، كالتأثيرات الاقتصادية، والسياسية، والبيئيه وغيرها.

27/12/2020

س: ليه بعض حالات صعوبات التعلم والتوحد والإعاقة السمعية والإعاقة العقلية والاضطراب النمائي بيطلب أنهم يأخدوا جلسات تكامل حسي ؟؟👍👍
👈👈اه ياماما أصل العمليات العقلية لها صلة قوية بالتكامل الحسي والمعالج
👈👈 عشان المخ بيستقبل المثيرات الخارجية عبر الحواس الثمانية وتتم العمليات العقلية من هنا🤗🤗
👈👈يعني العمليات العقلية مرتبطة وذات صلة وثيقة بالمعالجة الحسية وبتمر مراحل هامة جدا وكل مرحلة تترتب عليها المرحلة الأخري 😇😇
👈التسكين الحسي
👈العقد المعرفية
👈 المطابقة
👈التخزين والذاكرة
👈التسكين الحسي:🤗
هو أول العمليات التي تتم داخل الدماغ (لو الطفل مسك برتقاله فيحدث تسكين في حجرات المخ من حيث لونها وشكلها في الجزء الخاص بالحاسة البصرية والطعم في الجزء الخاص بحاسة التذوق والرائحة من حيث الجزء الخاص بحاسة الشم وهكذا لحد ماتكتمل ال٨حواس اللي اتكلمنا عليهم من قبل 😇😇

👈العقد المعرفية :🤗
بعد مايتم التسكين الحسي للمعلومات تبدأ ترتبط هذه المعلومات وتتجمع لتكون مايسمي بالعقد المعرفية .
فعندما اطلب منه برتقاله يتذكر كل خصائصها فورا.

👈 المطابقة والتعميم: 🤗
بعد التسكين الحسي والعقد المعرفية يستطيع الطفل أن يعمم ويطابق بسهولة جدا لأنه حفر خصائص الشئ وتم تسكينه بشكل صحيح

👈التخزين والذاكرة والاستدعاء:🤗
المرحلة الرابعة تتكون الذاكرة نتيجة تخزين المعلومات داخل المخ بشكل سليم وليس عشوائي.

👈الاستبعاد:🤗
وهنا تأتي مرحلة التصنيف طبقا لإدراك الخصائص الفيزيقية لكل شيء وذلك يحدث بكل سهولة وأقل من ثواني في المخ

👈👈 وعشان أوصل للمرحلة دي لازم أمر بكل المراحل السابقة وبشكل منظم
🤔🤔اه عشان كده بيستخدم التكامل الحسي في كل الاعاقات والتوحد وصعوبات التعلم لأنه بكده أصبح يصب في الذاكرة والإدراك والتفكير واللغة والانتباه وكل العمليات العقلية 👍👍

بشكر د /دعاء عبد اللطيف شكر خاص على كل ماتعلمته منها وفريق ابسال اللي مبخلشي علينا بمعلومة واحده 🤗🤗

27/11/2020

النظرة الجانبية
ترجع الي سببين
الاول انخفاض نسبة الحديد في الجسم لدي بعض الاطفال
ثانيا الجزء الاوسط في العين يري الاجسام الكبري اما الخلايا الجانبية تري الاجسام الدقيقة لذلك يبحث الطفل عن التفاصيل لادخال مثيرات بكم اكبر لتنشيط الحس البصري ويقوم بعمل النظرة الجانبية
العلاج
اولا عمل تحليل للطفل تحليل معادن لمعرفة نسبة الحديد في الجسم
ثانيا جلسات تكامل حسي لزيادة المثيرات البصرية له

15/11/2020

تعاليلى ياللى ابنك ماسك التليفون ليل ونهار😑
إنت عارفه إيه مخاطر التليفون 🤔
عدى معايا كده
إرتخاء عضلات العين وضعف البصر
ضعف السمع وطنين الأذن
إنطواء الطفل وعدم تفاعله مع الآخرين
الطاقة السلبية والكسل
العصبية والعنف
ضعف التركيز
البلادة وعدم الفهم
حالات نفسية مختلفة
زيادة الكهرباء
كثرة الصداع
تأخر الكلام أو تحدث الطفل بنفس اللغة التى يتحدث بها الكارتون
طيب إيه الحل ❓
المفروض الأطفال من سن 2: 3 سنين يمسكوا التليفون مش أكتر من نصف ساعة والأطفال الأكبر شوية 4 و 5 سنين أقصى حاجة ساعة ومش متواصلة
طيب إبنك بيمسك التليفون ومش عايز يسيبه فإنتى بتشحنى بطارية التليفون حوالى 15 أو 25 % وتدهوله يلعب وبعد شويه التليفون بيفصل شحن لوحده وبتاخديه منه وبتتفقى معاه إنك كل يوم هاتدهوله نصف ساعة أو ساعة
اللى بيحصل حاجتين إما إن الطفل يسمع كلامك وإما إنه يعترض ويصرخ
فإنتى بتعملي جدول بأيام الأسبوع وتعلقيه عالحيطة اليوم اللى يسمع كلامك فيه إرسميله نجمة فى الجدول وشجعيه وإديله شيكولاته وإمدحيه قدام الناس واليوم اللى يصرخ فيه تجاهليه تماماً وفهميه إنه لو إستمر على كده هيتحرم من التليفون تانى يوم ونفذ كلامك
وخلى بالك إنك لو مشيتى على كده يوم ويوم أو جيتى فى يوم وإستجبتى لعياط الطفل يبقى ولا كأنك عملتى حاجة
بعد ماتاخدى منه التليفون وتدخلى مطبخك أو تعملى أى حاجة هو هيعمل إيه ❓
فى ألعاب كتير جداً تشغل الطفل وتزود تركيزه زى إنك تجبيله مثلاً مكرونه ورباط جزمة وتخليه يلضمها أو تجبيله طبق فيه مكرونة وذرة وطبقين فاضيين وتخليه يفصلهم عن بعض أو إنك تخليه يساعدك فى شغل البيت أو تجبيله كراسة رسم وألوان ويرسم أو صور ويلونها وهكذا تنوعيله فى الأنشطة علشان مايزهقش وعايزه أقولك إن الموضوع هيبقى صعب فالأول لكن بعد كده هياخد عالوضع الجديد

05/11/2020

🌹🍃 نصائح تربوية 🍃🌹

ابني مش بيركز ⁉️ 😮

أسباب عدم التركيز والنسيان :-

1) عصبيتنا علي أولادنا من صغرهم ... 👈 بترفع هرمونات الغضب عندهم التي من ضمنها الكورتيزول و الادرينالين وكلاهما من دوره..أن يقوم بإغلاق الذاكرة..لأنه هرمون نجدة..وانقاذ..مش هرمون تذكر.....

👌يبقي خلوا بالكم أول سبب عصبيتنا علي ولادنا...هتقولولي..ما هما مستفزين...

✋ ياحبيبات التربية مش لعبة....التربية إني أطول بالي واصبر....وإن معرفتش اتعلم....مش إني أدفع ابنائي لفقدان تركيزهم بالغضب والاهانات..

👌يبقي لازم نهدا احنا وناخد الأمور ببساطة شوية ولو احتجنا مساعدة عشان نهدأ نزور متخصص ..

2) الإلكترونيات...

👈 من أهم أسباب تحويل التركيز عن الأهداف الحياتية للخيال ...
يعني الإلكترونيات بتزود تركيز الطفل اوي ...
👌 لكن للخيال مش الواقع...بمعني إن السبب(1) اللي هو العصبية علي الطفل بيقلل التركيز والتذكر...فعلاً..
لكن السبب (2)الإلكترونيات بيعمل إعادة توجيه للتركيز إلى الخيال...يبقي أنا مركز اوي بس مش مع الواقع ....مع اي خيال....مع احلامي ...مع مخاوفي ...مع ..ابطال الكارتون...
✋👌 لازم ومليون لازم تفرملوا وتسيطروا علي الإلكترونيات وبقوة..

👌أما المراهقين لازم تودوهم يتعالجوا من ادمان الالكترونيات ...

3) البرمجة الخاطئة :-

👈 دايماً ترددي للطفل انت نسّاي
انت مش بتركز...
✋ بطلوا الكلام ده.. خالص
وابدئوا برمجوا ...
👍👈 انت اتغيرت انت اتحسنت ..لأن ده هيساعد العقل علي التركيز...

4) التغذية السيئة ....

👈 وطبعاً فيه حجات بتزود التركيز زي ...المكسرات غير المحمصة.....وبعض الفيتامينات...وده ممكن تقرأوا عنه كويس علي النت بس خلوا بالكم ...إن تضبيط التغذية من غير تضبيط الأسباب اللي فوق 👆مش هيكفي ...

5) عدم الاهتمام بالمواهب.....

👈 طفل بيرسم أو بيكتب أو رياضي نهزأه ونهمل موهبته فتكون النتيجة انطفائه ... لأن الحاجات التي نحبها هي من أهم أسباب تركيزنا ...ازاي ⁉️

👌👈 تعالي نتخيل انك قاعدة وسط ناس مش بتحبيهم وفجاة جت صديقة عمرك...هتنتبهي جداً...وتفرحي.....
👍👈أهي المواهب بالنسبة للابن زي اهتمام بصديق عمر...
👌ولما هيركز فيها هيحب الحياة
المواهب مش بسبب ادمان زي الإلكترونيات ...

6) البيئة المشحونة...

👈 خناقات وتهزئ
لأن الطفل منتهي أمله في البيئات المشحونة النجاة بنفسه ...فهو ليس في مجال تذكر وإنما في مجال الأمان النفسي يعني شاغله دايماً ازاي يحس بالأمان مش ازاي يركز....

✋👈 لازم تشوفي حل للصراعات الأسرية ولو بتجنبها ...

7) موضة تشتت الانتباه...

👈 التي أصبحنا دوماً نرددها وهي لا تنطبق علي الأطفال كلهم...بس اهي موضة وخلاص ...

✋حددي الأسباب وخدي خطوة لله✋