Jhgjghjh

21/06/2023

16/06/2023

ان شاء الله
هنبدا نستقبل حالات اونلاين
خصم 50% علي اول 10 مشتركين معانا
للتواصل واتس 01003521191

14/06/2023

هل فقدان الوزن بسرعة صح ولا غلط ؟
فقدان الوزن بشكل سريع ممكن يسبب مشاكل صحية كتير وفي نفس الوقت في بعض الحالات الصحية الي بيكون ضروري ليها أنها تفقد وزنها الزائد وبسرعة.
أولا المخاطر الصحية الي ممكن تحصل نتيجة فقدان الوزن بشكل سريع
اتباع نظام صحي للتخسيس بشكل مكثف من أجل إنقاص الوزن بشكل سريع ممكن يسبب صداع وشعور بالدوار و مشاكل في الجهاز الهضمي واضطراب في الهرمونات و اضطرابات في الدورة الشهرية.
وله كمان مخاطر على صحة البشرة لانه هيسبب تكون علامات في الأماكن الي فقدت وزن كبير بشكل مفاجئ وهيأثر على صحة ونضارة البشرة في الوجه
و دا إلى جانب أنه فقدان الوزن السريع ممكن يسبب فقدان جزء من الكتلة العضلية بالجسم ودا هيؤدي إلى الشعور بالإجهاد من أقل مجهود
ولذلك لازم الفترة الي هيتم فيها فقدان الوزن الزائد تكون متناسبة مع كمية الوزن الي هنفقده
وكمان نوعية الوزن المطلوب أننا نفقده ودا بيحدد بأجهزة تحليل مكونات الجسم الي بتظهر كمية الدهون وكمية المية وكمية العضلات
ممكن يكون الوزن الزائد دهون وممكن يكون مياة مختزنة في الجسم ولكل حالة منهم طريقة للتعامل معاها
ولازم تتحدد بالكشف والتحاليل والمتابعة مع طبيب متخصص للحصول على أفضل النتائج وبدون أي خسائر
ثانيا في حالات بينصح بعض الأطباء أنها تفقد الوزن الزائد الي عندها وبسرعة وممكن يلجأوا للعمليات كمان وهم الناس الي بيعانو من سمنة مفرطة و عملت لهم مشاكل في المفاصل والعظم وممكن لو استمروا على وزنهم دا يحصلهم مشكلة كبيرة في صحة العظام عندهم ويحد من حركتهم
دا غير الناس الي عندها وزن زائد بسبب مية مختزنة نتيجة حالة صحية معينة ممكن تكون مشكلة في القلب أو في ضغط الدم وفي الحالة ديه لازم المية الزايدة تنزل قبل ما تعمل مشاكل زيادة للناس ديه.

18/07/2022

اكتشف الباحثون ان التين في مقدوره ان يوقف الخلايا السرطانية كذلك يعالج الأورام.
وهو ماقد وصفته هيئة كاليفورنياالاستشارية بأنه واحد من اكثر الفواكه اكتمالا حيث فيه العديد من القيم الغذائية وايضا غني بالألياف
والمواد التي تقاوم التأكسد وذلك يحمي الجسم من العديد من الأمراض تبطل المواد الضارة تمنع دخولهاالي الجسم تحافظ علي الخلايا تساعد علي تقليل نسبة الكولسترول
والتين سهل الهضم ويمنع الانتفاخ وينظم حركة الامعاء مانع للامساك ومدر للبول نافع للكبد والطحال وطارد للرمل من الكلي و المثانة ويسكن السعال ومفيد في حالات التسمم والقروح ويعالج الجروح ويخفف اضطرابات التنفس
وتهيجات الغاشية المخاطيةفي الجهاز التنفسي
ومضاد للالتهابات يفيد في علاج التهابات الحلق
وثبت ان للتين فوائد في علاج البواسير اضطرابات الحيض و تقرحات الفم والتهابات اللثة و يعالج الانيميا. والروماتيزم والتهاب المفاصل يحتوي علي مادة تدخل في عملية تجلط الدم وتوقف النزيف تمنع تجمع الماء في القلب والرئتين والجسم.
سبحان الله
اقسم الله بالتين في القرآن

20/06/2022

20/06/2022

خضروات لازم ناكلها في الصيف"
الجو حر ، وعلى قد ما كلنا ما بنبقى مهتمين بشكل كبير إننا نشرب مية وعصاير كتير عشان نحافظ على ترطيب جسمنا بننسى إن الأكل كمان لو ظبطنا فهيساعد جدا في الحرارة العالية دي، عشان كده في دايما شوية خضروات لازم نحصر إننا ناكلهم عشان جسمنا يفضل بارد ومترطب من جوه
- الخيار: كمية المية اللي فيه بتساوي حوالي 96.73% ده غير إنه غني جدا بالفوسفور والمجنزيوم وكمية بسيطة من الكالسيوم، وناس كتيرة بتشرب عصير او مية الخيار خصوصا لو مش بيحبوا طعم المية العادية
- خس الأيسبرج: اللي شبه الكابوتشي شوية ده، محتواه من المية حوالي 95.64%، ورغم إنه يبان أخضر باهت ومش بيعتبر من أكتر الاوراق الخضرا المغذية، إلا إنه برضه له فوايد صحية كتير زي إنه نسبته قليلة من السكر والكربوهيدرات، وغني بالزنك والبوتاسيوم وفيتامينات أ و ك
- الطماطم: نسبة المية فيها 94.52%، وغنية جدا بالألياف وفيتامين ج و ك و الفولات والبوتاسيوم، ده غير إنها بتعتبر من أهم مضادات الأكسدة لانها غنية جدا بالليكوبين
- الكرات: نسبة المية فيه 95.43%، ورغم إنه قليل في السعرات والبروتين والكربوهيدرات، ولكنه غني جدا بالألياف وفيتامينات أ و ك وفولات البوتاسيوم، وينفع سناك حلوة جدا في اليوم مع أي نوع زبدة مكسرات
- الكوسة: بيسموها خضار الصيف، ونسبة المية فيها 92.73%، غنية بالألياف والمنجنيز والبوتاسيوم والمجنزيوم، وفيتامينات أ و ج و ك، ده غير إنها بتحتوي على مضادات للأكسدة مهمة جدا زي الليوتين والزيسانثين
- البروكلي: أيوة رغم إن ناس كتيرة مش هتفكر فيه كأكلة مرطبة لكن البروكلي عبارة عن 90% مية، وغني جدا بالألياف ومضادات الأكسدة، ومصدر مهم للحديد والبوتاسيوم وفيتامينات ج و ك
- الجزر: نسبة المية فيه حوالي 88.29%، وغني جدا بالبيتا كاروتين وفيتامين أ، ده غير إنه مصدر مهم جدا للبوتاسيوم والفولات وفيتامين ك والألياف

S.M

22/04/2022

النهاردة تعالوا مع بعض نتعرف علي ضيف عزيزعلينا وبنموت فيه🤔🤔🤔🤔............. لانه حبيبنا كلنا.🥰🥰🥰....هو الكحك😋😋😋وطبعا اللي اشتري او عمل الكحك لسه شوية في رمضان نهدي شوية علي العلبة

#فوائد الكعك:
👈 الكحك بنعتبره طعاماً مغذّياً لأن فيه كتير من القيم الغذائيّة المتنوّعة من السعرات الحراريّة، والدهون المشبعة، والكولسترول، والكربوهيدرات، والبروتينات، وهي عناصر ضروريّة وهامّة للجسم😀😀😀 .

👈وكمان المكسرات الموجودة في الكعك تمدّ الجسم بفيتامين "هـ"، المعروف بأنه مضادّ للأكسدة يعنى بيساعد في تقليل الإصابة بأمراض القلب وتصلّب الشرايين وده طبعا في حالة⁦ عدم الإسراف 🧐🧐

👈بالإضافة إلى فيتامين "ب" الموجود في الخميرة والمعروف بدوره الهام في تحسين وظائف الأعصاب.

👈 لكن فائدة الكعك مش بس في الكعك نفسه، لكن رائحته أيضاً لها فائدة للجهاز الهضمي، وخاصةً المعدة👏👏👏، فهي تعمل على زيادة إفرازات العصارات الهاضمة التي بتخلي المعدة والإثني عشر يزداد نشاطهما، فبالتالي يساعد في هضم النشويات والدهون الموجودة في الكعك بشكل أفضل.

👈 الكعك كمان فيه بعض الأعشاب التي تقلّل من الشعور بالانتفاخ والتخمة بعد تناول الكعك كالقرفة، والقرنفل.

دلوقتي هوضح لكم السعرات الموجودة في الكحك علشان تاخد بالنا واحنا بنفترس الكحك في العيد 🙈🙈🙈

⁦✍️⁩ واحدة كحك سادة = 170 سعر حراري بما يعادل تقريبا 1/2 رغيف بلدى.
⁦✍️⁩ واحدة كحك بالعجمية/عجوة = 200 سعر حراري بما يعادل تقريبا 3/4 رغيف بلدى .
⁦✍️⁩ واحدة كحك بالمكسرات = 220 سعر حراري بما يعادل تقريبا 3/4 رغيف بلدى.
⁦✍️⁩ واحدة: بسكويت/ قراقيش سادة / بيتيفور = 90 سعر حراري بما يعادل تقريبا 1/4 رغيف بلدى.
⁦✍️⁩ واحدة غريبة =160 سعر حراري بما يعادل تقريبا 1/2 رغيف.

#أضرار الإسراف في أكل الكحك :😭😭😭*
جميع اختصاصيي التغذية ينصحون بعدم الإسراف في تناول الكعك ليه بقي؟؟؟؟؟؟
لأنّه يسبّب للجسم العديد من الأضرار ........ليه برضه؟؟
لاحتوائه على نسبة كبيرة جدّاً من النشويات والدهون، بحيث يكمن الضرر في ذلك بأنّ :

👈السكّريّات التي تزيد عن حاجة الجسم يتم تخزينها فيه على هيئة دهون، والتي تتراكم فيه مع مرور الوقت، وخاصّةً مع قلة الحركة والكسل والخمول، وقلّة ممارسة الرياضة، وبالتالي الإصابة بالسمنة، اللي طبعا هتزود الحمل على المفاصل والأطراف السفليّة.

👈ويؤدي الإسراف في تناول الكعك إلى زيادة نسبة الكولسترول في الدم بشكل كبيرجدّاً، وده بيخلي الجسم أكثر عرضة للإصابة بأمراض القلب والشرايين، وكمان ممكن يضر الرئتين والكليتين.

يبقي احنا هناكل كحك بس بالمعقول مش عايزين إسراف علشان نستفيد من فوايده و نبعد عن أضراره .
🌹كل سنة وأنتم طيبين و عيد سعيد عليكم جميعا🌹

20/04/2022

"مش كله بلح"
السفرة في رمضان فيها حاجات كتيرة موروثة، بنعملها كده واحنا مش عارفين بالظبط بنعملها ليه، والتمر على الإفطار معظمنا بياكله سنة، أو بس عشان حاجة مسكرة نكسر بيها صيامنا، بس لو عرفنا فوايده مش هنفوت حبة التمر دي خالص وده ليه؟
1- لأنه بيمد الجسم بالطاقة لغناه بالألياف والفيتامينات والمعادن فحبة التمر الواحدة بتحتوي على 66 سعرة حرارية، 16 جرام من السكريات الطبيعية: ومنها الجلوكوز والفركتوز والس فيتامينات ب اللي بتساعد في عملية الأيض وتحويل الطعام إلى طاقة.
2- بيساعد في حل بعض المشاكل الهضمية بسبب الأحماض الأمينية والألياف الغذائية اللي فيه اللي بتساعد على تحفيز عملية الهضم وبالتالي التخلص من الإمساك، والتخفيف من الاضطرابات المعوية: ومنها مرض الارتجاع المريئي والانتفاخ.
3- ب يساعد في تحسين فقر الدم لأنه مصدر جيد للحديد وغني بالنحاس اللي بيساعد في عملية امتصاص الحديد وإمداد الجسم بالطاقة.
4- بيساعد في زيادة الوزن بشكل صحي لأنه غني بالسكريات الطبيعية والكربوهيدرات، بس برضه لازم ناخد بالنا مانزودش منه كتير عشان مانزيدش في الوزن زيادة عن اللزوم
5- بيحسن وظائف المخ لان تناول التمر على الريق أو على معدة فاضية عند الإفطار في رمضان بيقلل من أعراض القلق والأرق، والتمتع بذاكرة جيدة وقدرة أفضل على التركيز والتعلم، وده بسبب السكريات والمعادن والفيتامينات المتنوعة اللي فيه
6- غير كده فالتمر مفيد في التقليل من خطر الإصابة بأمراض القلب بسبب مضادات الأكسدة اللي فيه، وبيساعد على تقوية العظام وحمايتها من الهشاشة بسبب احتوائه على عدد من الفيتامينات والمعادن المهمة لصحة العظام

19/07/2021

كل سنة و انتوا طيبين يا احلى ناس
حبيت اقول كده قبل اي نصايح
دلوقتي هقولكم شوية نصايح تساعدكم في العيد
احنا اتفقنا اننا هناكل و هنتبسط بي في نفس الوقت هناخد بالنا من شوية حاجات مهمة
١- حاولوا متكلوش من اللحمة اللي ملايانة دهون
زي الموزة و خليكم في الفخدة و الرقبة عشان دهونها اقل

لو في بتلو و ضاني اختاروا البتلو عشان دهونه اقل
لاكن لو نفسكم في ضاني فا اسلقوا الاول عشان يروح منه شوية دهون و اشوه

-نيجي للفتة ، حاولوا تقللوا دهونها بانكم بدل ما تحمروا العيش في الزيت حمروا في الفرن بجد نفس الطعم بس سعرات اقل
اسلقوا الرز بالمياه هي هتاخد دهون اللحمة اللي فوقيها

-لازم يكون جنب طبق اللحمة و الفتة خضار عشان منعتمدش كلياً على البروتين و النشويات
الخضار هيساعد في الهضم و هيخلينا نشبع اسرع و هو ده المطلوب

-شرب المياه الكتير ،مش هوصيكوا بجد مهم جداً جداً بذات مع الكمية الكبيرة من البروتينات اللي داخلة جسمنا

-ياريت نخلي فطارنا خفيف
بلاش لحمة على الصبح معدتنا مش حمل ده

اما تاكلوا استنوا ٣-٤ ساعات قبل ما تناموا

-اما تاكلوا حتة صغيرة من الحلويات
خدتوا بالكم من كلمة صغيرة؟
اليوم اللي بعدوا تخففوا و تكون الحاجة الحلوى
فاكهه بقى

وبالهنا والشفا

18/07/2021

البرغل
فوايده
بيحافظ علي صحة القلب

بيحافظ على معدل السكر بذات لو عندك مرض السكر

بيساعد على الهضم و صحة الامعاء بذات في وقت الامساك لانه في الياف كتيرة

بيساعد في تنزيل الوزن بسبب الالياف الكتير الليي بتشبعنا بسرعة و لانه قليل في السعرات

بيزود المناعة عشان جواه زينك
جواه ٢٠٪؜ من احتياج اليوم للزينك

بيعزز الدورة الدموية عشان بيحتوي على حديد ، البرغل جواه ١٥٪؜ من نسبة الحديد اللي المفروض تاخدها في اليوم ، مفيد للناس اللي عندها انيميا

بينظم النوم عشان المغنزيوم اللي فيه مفيد للناس اللي عندها ارق و اي اضطراب في النوم

طعمه زي كينوا او الكسكسي و هو مطبوخ
سهل انه يطبخ

جواه عناصر غذائية كتير زي المغنزيوم ، الحديد ، زينك ، بوتاسيوم و الالياف

ملاحظة:
البرغل ممكن يتعب الناس اللي عندها مشكلة مع الغلوتين فا راجعوا الدكتور قبل ما تدخلوا نظامكم

17/07/2021

Chia seeds...
فوائد بذور الشيا( موجوده الآن فى مصر )
بذور الشيا هي بذور إسبانية تنمو في المكسيك، اعتادوا تقديمها فى طبق تقليدي، يحتوي البذور المطحونة مع الماء والليمون والسكر، ويسمى "تشيا فريسكا".

تعتبر بذور الشيا غنية بالعديد من العناصر الغذائية المفيدة، مثل: احماض أوميغا (3)، والكربوهيدرات، والبروتينات، والألياف الغذائية، وكذلك الكالسيوم ومضادات الأكسدة.
وملعقتين من بذور الشيا، تعادل 139 سعرة حرارية، بجانب 4 غرام من البروتين، و9 غرامات من الدهون، و12 غراماً من الكربوهيدرات، و11 غراماً من الألياف الغذائية، بالإضافة الى الفيتامينات والمعادن.

بذرة الشيا ليست بذرة سحرية لتخفيض الوزن، فلا تتوقع منها أن تخفف وزنك بدون اتباع نظام صحى متوازن ، ولكنك قد تستفيد من فوائدها الصحية وقيمتها الغذائية.

أثبتت دراسات حديثه على مجموعه أشخاص يتناولونها يوميا انها قامت بتحسين وظائف القلب و الأوعية الدموية. كما انها تقلل مستويات الكولسترول السيّئ، ممّا يساعد على الحدّ من تصلّب الشّرايين، وتحسين وظيفة بطانة الأوعية الدّمويّة، وخفض ضغط الدم بنسبة قليلة.

للأشخاص الذين يتناولون ادويه للضغط و السكر يجب استشاره الطبيب اولا نتيجه لتفاعلها مع هذه الأدوية.