اسك د/ آيات Ask Dr/Ayat

14/10/2024

لقطات صغيره في الحياة كفيله تغير مزاجك😍🥰😇😊😁😄😃
ذي ابتسامه طفل صغير ليك في الشارع.🧑‍🦰🙍
ساندوتش فول سخن بالزيت الحار.
مساعده من حد متعرفوش.
كلمه شكر من حد ساعدته.
Love letter or morning text من حد بتحبه
تنزل في معادك وتوصل الشغل في معادك.
البصمه تعطل مكان ما بتشتغل 🤣🤣
دعوه حلوه من القلب من حد بسيط.
العشرين جنيه المستخبيه في جيب البنطلون المغسول.
تقف ع الميزان تلاقي نفسك خسيت.
توصل عند البيت تلاقي راكنه علطول والاشاره تتفتح اول ما توصل عندها.
حاجات كتير اوي عباره عن رسايل رضا بتطبطب علي قلبك وتقولك خليك مبسوط.
يا تري انتوا بقي رسايل الرضا بتاعتكم ايه.🤍❤❤🤍🤍

24/08/2024

قس نجاحاتك بذاتك ..ماضيك ..حاضرك ومستقبلك...وتوقف عن النظر علي المحيطين.

07/08/2024

قليلا من الالم يطهرك
كثيرا من الالم يقتلك

03/08/2024

إننا لانمر بالتجارب ذاتها ولسنا بمقدار الصلابه ذاتها ولا نملك كلنا الحكمه الذاتيه لتحجيم المشكلات فقد ينهار احدنا امام المواجهه الاولي في حين تزداد صلابه اخر بعد كل نزال سواء خرج منه رابحا او مهزوما.

12/06/2024

مساء الخير
ايام بتفصلنا عن بدايه امتحانات الثانويه العامه...المعركه اللي بنقفلها علي رجل واحده في كل بيت مصري.
ليفل الوحش في الرعب فيما يخص التعليم في مصر
مطلوب من سيادتك ك ولي امر تعمل كالاتي
الفتره دي مش فتره زنقه وتهزيق ومعايره بالوقت اللي عدي
اللي اتذاكر اتذاكر ...الوقت دلوقتي للمراجعه واللي اهم من المراجعه هيه الاهتمام باعصابهم ونفسيتهم
الفتره دي من فضلك احضن ابنك او بنتك كتير اوي...طمنهم واديهم امل وادعيلهم بصوت عالي قدامهم
الاهم بكتير اوي من المذاكره اللي اتذكرت هيه حالتهم النفسيه وهدوء اعصابهم لان ولد مذاكر متوتر اسوء الف مره من ولد مش مذاكر بس هادي الاعصاب
فالشد والتوتر واللوم والعتاب ملوش مكان
اللي نقدر نذاكره نذاكره.والمهم اعصابهم تبقي هاديه.

12/05/2024

كنت انظر إلي ابني اليوم وهوه يصفف شعره ..كان قد رفعه الي اعلي في تصفيفه مضحكه ..نظرت اليه وضحكت
انت اليوم تشبه تان تان 😅
سرحت قليلا وتذكرت قصه كان قد اهداها الي ابي في صغري عن بطل يدعي تان تان كان مصفوف الشعر لاعلي وشاب يافع ولكنه بطل خارق.
كم كان جميلا هذا الرجل (أبي)لطالما دأب علي شراء اجمل القصص واهدائها الي.حتي كنت املك واحده من اجمل مكتبات الاطفال وانا صغيره ويافعه ..ادين بالفضل اليه عما اعرف من معلومات عامه عن القمر والنجوم والحيوانات
وغيرها فقد كان رحمه الله عليه يحب كل ما يخص الثقافه العامه ..كم كنت ابنه محظوظه بمثل هذا الاب
رحمه الله علي ابي وعلي كل من فقد أبا.
والحمد لله الذي من علي وعليكم ب اباء عظام كهولاء.

29/03/2024

علي عكس اللي بنسمعه كتير🦻🦻
مفيش قرار صح وقرار غلط✔️❌️❌️✔️ فيه قرار مناسب ليا ولظروفي وانا مرتضي بنتايجه وقرار لأ
قماشتك انت ادري واحد بيها وعاوز تفصلها ازاي

لحجز جلسات الاونلاين برجاء التواصل علي واتس #01099808679 #
لحجز جلسات العياده برجاء التواصل علي #0128845093 #

18/12/2023

وليه اروح لدكتور نفساني ما سماح جارتي بتسمعني وبحكي معاها؟
صح عندك حق سماح جارتك بتسمعك 🤔
بس 😶😶
١.سماح ممكن تسمعك وتسمع بيكي كل الناس😛😛.
٢.سماح ممكن تسمعك وتنتقدك في سرها😬😬.
٣.سماح ممكن تسمعك وتنتقدك علنا وده يزهقك😮‍💨😮‍💨.
٤.سماح ممكن تسمعك وتنصحك نصيحه معينه وتوجهك للاتجاه اللي هيه شيفاه صح من وجهه نظرها🤥🤥.
٥.سماح ممكن تسمعك وتزهق من كتر كلامك😵‍💫😵‍💫.
٦.سماح ممكن تسمعك وتغضب عليكي لو مسمعتيش النصيحه ومنفذتهاش😡😡.
٧ واخيرا وسماح بتسمعك عمرها ما هتعملك emotional validation ولا تحط نفسها مكانك🧏‍♀️🧏‍♂️.
عشان كده بنحكي للدكتور مبنحكيش لسماح.

لحجز جلسات الاونلاين برجاء التواصل علي واتس اب #01099808679 #
لحجز جلسات العياده برجاء التواصل علي #01208845093 #

06/12/2023

Once attacked always defence
بسمع ابهات وامهات كتير اوي شكوتهم الاساسيه ابني مجرد ما اكلمه مبيديش فرصه يسمعني
بيتفه من رأيي
بيقولي انت دقه قديمه
بيعلي صوته عليا
وغيره من شكاوي اولياء امور المراهقين
اكيد انا كأم بحس بصعوبه تقبل الموقف ده وخصوصا لما يجي من ابني او بنتي الصغيرين اللي كنت من سنين عدوا بأكلهم وبشربهم وبغيرلهم البامبرز.
عندكم حق طبعا تحسوا برفض السلوك ده
بس مجاش علي بالنا ناخد بالنا من تعليقاتنا وردود افعالنا🤐
بنسبه كبيره اوي هتلاقي نفسك شخص هجومي علي ابنك او بنتك.بتزنقهم في حته كده ..اه بيبقي عندك حق فيها بس مش في مكانها وموضعها.
اي حد هيتهاجم لازم كرد فعل طبيعي هيدافع وهينشغل بالدفاع عن تركيزه في المشكله واكيد طبعا عن رغبته في حلها.
لما تيجي تنصح مراهق حط نفسك مكانه
افتكر نفسك من سنين عدت ايام ما كنت ليك وجهه نظر تخالف اهلك وكنت حاسس بالاحباط انهم رفضنها.
لو بدلنا الكراسي اكيد زويه رؤيتك هتتغير.

18/09/2023

09/09/2023

انها الحقيقه يا ساده

09/09/2023