28/04/2025
🔴🔴🔴🔴🔴🔴
ايوه ف ناس بتخاف ع منصبها لو عرفت أن المؤسسه المسؤوله منها فيها خطأ وبتكتم ع الموضوع .
ايوه ف ناس بتسكت ع بتتهدد لو الموضوع اتعرف.
ف ناس كتير كده
بس ده كله يجي ايه ف اللي ربنا هيحاسبك عليه .
ربنا اللي بيرزق وربنا اللي بيعلي مكانه ومناصب الإنسان ،يبقي ليه اشوف الغلط واسكت خصوصا لو حاجه خاصه بحياه الإنسان .
🔴 موضوع #التحرش و زاد اوي بشكل بشع ف المجتمع 🔴 إذا كان ف الشوارع ولا المدارس ولا البيوت ولا اي مكان . توعيه اطفالنا بشكل صحي ونعلمهم يتصرفوا ازاي لما يقابلهم الاشكال دي .وان شاء الله يكون ف قرار حاسم ب المحاسبه القانونيه.
من ناحيه تانيه #الزواج يعني اسره وأطفال ك عنايه م دام قررت يكون عندي اطفال عيني تبقي ف كل حاجه ف حياته م مدرسه ل دروس ل مين أصحابه وعلاقته ب أفراد العيله والاسره مش بطريقه تخنق الطفل ولاكن نعودهم نحكي و نصاحب اطفالنا ونعودهم ميخافوش مننا .
أفهمه حدوده وحدود جسمه ومن وقت للتاني تشوفي جسم ابنك او بنتك بطريقه غير مباشره ع ميحسش ب اهانه أو ف حاجه غلط ، الاحظ اي تغير ف سلوكيات الطفل .
التربيه الجنسيه للأطفال مهمه جدا مفيش اي شئ م الكسوف كل سن وليه توعيه معينه تناسب سنه .
ف لازم قبل م اتجوز ع المجتمع واخلف ع المجتمع اعرف ان دي حياه ومسؤولية واكون قدير بيها ف هل ك أب وأم حياتنا النفسيه قديره بوجود طفل محتاج صبر واهتمام وحب لكل تفاصيل حياته بطريقه #سويه ؟
