20/12/2025
مشهد واحد… بس حكاية عمر .
راجل واقف في النص.
مش واقف لوحده… واقف شايل تعب سنين.
وزنه مش رقم… ده تاريخ من المحاولات الفاشلة
أنظمة غذائية بدأت وماكملتش
رياضة اتحمّس لها أسبوع وبعدين اختفت
ونصايح اتقالت كتير… بس من غير خطة ولا فريق.
حواليه دايرة كاملة:
👨⚕️ طبيب شايف المرض مش بس في الميزان،
🥗 أخصائي تغذية فاهم إن الأكل علاج مش حرمان،
🩺 ممرض قريب من المريض في أصعب لحظاته،
🧠 أخصائي نفسي سامع وجعه قبل ما يسمع وزنه،
🧠 طبيب نفسي بيعالج الجرح اللي محدش شايفه،
🔪 جراح سمنة داخل المعركة وقت اللزوم… مش بديل عن الباقي،
🦵 أخصائي علاج طبيعي بيرجع للجسم ثقته في الحركة،
💉 أخصائي تخدير ضامن الأمان في أخطر لحظة.
الصورة دي بتقول حاجة مهمة جدًا:
مفيش بطل واحد في حرب السمنة.
👌البطل الحقيقي هو الفريق.
السمنة مش ساحة صراع بين تخصص وتخصص
ولا مجال لمين أشطر ومين أحق.
السمنة حالة معقدة…
ولو دخلناها بعقلية “أنا بس”
المريض هو اللي بيدفع التمن.
إنما لما نشتغل إيد في إيد
من غير تناحر… من غير ego… من غير تصفية حسابات
ساعتها بس نقدر نقول للمريض:
“إنت مش لوحدك… وإحنا معاك لحد آخر الطريق”.
إنقاذ مريض السمنة مش شطارة فرد…
إنقاذه وعي فريق.
واللي مش مؤمن بكده…
لسه ما شافش الصورة كاملة.
