Dr. rehab mostafa / Nutritionist Health coach

Dr. rehab mostafa / Nutritionist Health coach مركزطبى متخصص سمنة ونحافة - تغذية علاجية- لايف كوتش للتاهيل النفسي و تعديل السلوك و المشاكل النفسية

17/08/2025

لا حول ولا قوه الا بالله

12/07/2024

حدد هدفك و اعرف انت واقف فين هتوصل

09/02/2024

يلا نبدا مع بعض من بكرة نظام صحي و لذيذ
بسم الله
الفطار
هنقلع شرائح طماطم طاسة بملعقة زبدة و نقلبهم ع الناحية التانية و بعدين٢ بيضة هنضربهم بالشوكة معاهم ٢ ملعقة كبيرة شوفان مش مطحون و معلقة جبنة شيدر او مودزاريلاو ملح و فلفل و بابريكا نقلبهم و نضيفهم علي الطماطم نغطيهم ع نار هادية و بعدين نقلبه ع الناحية التانية و بالهنا و الشفا مع كوب شاي بلبن و ممكن شريحة توست حبة كاملةمعاهم
سناك
ثمرة فاكهة
الغداء
صدر فرخة متقطع شرائح زي الشاورما و نشوحه و عليه فلفل الوان و بصل و نشوحهم مع بعض و نحط توابلنا بقي ملح و فلفل و بابريكا و معلقة صويا صوص و نقدمهم مع ٨ ملاعق ارز بسمتي بملعقة زيت و طبق سلطة صغير
سناك
١٠ لوزات او ١٠ سوداني + ثمرة فاكهة
العشاء
زبادي + خيار + ٢ توست حبة كاملة و ملعقة جبنة فيتا
و شوية تعليمات بقي
هنزلها لوحدها عشان هتبقي معانا علاطول
و لو عجبكواالنظام دة هنزل كل يوم اكل لذيذ بطرق مختلفة و نشجع بعض
بس بعد ما تقولولي رايكم
دمتم سالمين صحيين ❤️

28/09/2023

كلوا حلاوة و اتبسطوا دي مرة كل سنة
بس عشان نطلع باقل الاضرار علي جسمنا
هناكل قطعة واحدة بعد الوجبة تكون الوجبة فيها بروتين و خضار عشان السكر يدخل معانا في عملية الهضم و الحلاوة ما ترفعش سكر الدم
ونشرب ماء كتير بقي طبعا
اه و اهم حاجة بقي ما تخليش علبة الحلاوة في طريقك كل شوية تشوفها😃🤔
و كل سنة انتوا طيبين ❤️


د.رحاب مصطفي أبو اليزيد
لايف كوتش للتاهيل النفسي
وتعديل السلوك والمشاكل النفسية
ومشاكل السمنة والنحافة والتغذية العلاجية
📞 للحجز و الاستفسار :
wa.me/+0201142222109
الكشف بحجز مسبق _ فون أو واتساب
⚡يوجد

📌العنوان : طنطا
طريق المحلة مع كورنيش المرشحة
أمام مطعم الجميل برج رقم 8
الدور الارضي بكومبوند داون تاون

15/08/2023

يلا اليوم الرابع
الفطار
٢ بيضة عيون+ شريحة جبنة + ٣ زيتون+نص رغيف بلدي+خس و خيار
سناك
كوب نسكافيه + ٢ بسكويت ديجيستيف
الغداء
هنقطع باذنحان مكعبات و نرشه رشة زيت و نشوحه في طاسة تيفال و بعدين نرفعه و نحط في نفس الطاسة معلقة زيت و نشوح فيها بصلاية مقطعة و نضيف فصين توم و فلفل مقطع و ١ شطةو طماطم مقطعةو ملح و فلفل و كمون و شوية كزبرة و ربع كوب ماية لخد ما الطماطم تستوي و تجهز التسبيكة و بعدين نضيف الباذنجان و نسيبهم مع بعض ٥ دقايق ع النار و نطفي بقي و بالهنا طعمه لذيذ جدا و اقتصادي
مع نص رغيف بلدي و سلطة
سناك
مكعب شيكولاتة دارك مع مشروبك المفضل بدون سكر
العشاء
زبادي و ثمرة فاكهة
❤️

14/08/2023

يلا بينا اليوم الثالث
الفطار
٣ ملاعق شوفان + كوب لبن محلي بسكر ستيفيا + نص ملعقة قرفة + تفاحة
سناك
١ ذرة مشوي
الغداء
٢ سمك مشوي + ٥ ملاعق ارز صيادية+ سلطة
سناك
ثمرة فاكهة + ٦ لوز
العشاء
زبادي + خيار

13/08/2023

اليوم الثاني من الاسبوع الثاني
الفطار
٤ ملاعق فول + بيضة مسلوقة + نص رغيف بلدي+ خيار و جرجير
سناك
بطاطا مشوية
الغداء
شريحة لحم ستيك + خضار سوتيه+ ٦ ملاعق ارز بسمتي ب ١٠ حبات مكسرات
سناك
كوب فشار
العشاء
زبادي + ثمرة فاكهة
و بالهنا❤️ يوم كدة من غير حركات

12/08/2023

يلا خلصنا اسبوع نبتدي اسبوع جديد
الفطار
نغير و نفطر حاجة منعشة و لذيذة جدا كيكة المج الصحية بالنسكافيه(بيضة فانيليا معلقة نسكافيه ندوبها في ٤ ملاعق لبن ٢ ظرف سكر ستيفيا ملعقة زيت ربع ملعقة بيكنج بودر ربع معلقة خل و نخلطهم كويس و نقطع عليهم مكعب شيكولاتة قطع صغير و ع الميكرويف دقيقة ونص) و بالهنا
سناك
خيار و جزر
الغداء
صدر فرخة و هنقطعه قطع صغيرة و نشوحه و نضيف عليه بصل جوانح و فاصولياخضراء و بسلة و جزر و نشوحهم مع بعض ع النار و نضيف عليهم معلقة صلصة و ملح و فلفل و رشة زعتر و بعدين تسلق مكرونة و نضيفها عليهم و نقلبهم مع بعض و بالهنا مع طبق سلاطة و كدة فل اوي
سناك
١٠ حبات مكسرات +مشروبك المفضل بدون سكر
العشاء
زبادي + ملعقة جبنة + ربع رغيف بلدي
دمتم بصحة و عافية❤️

11/08/2023

يلا بينا اليوم السابع
الفطار
٢بيض اومليت بالخضار+ ١٠ زيتون+ نص رغيف بلدي+ ثمرة فاكهة
سناك
بطاطا مشوية
الغداء
وجبة مفتوحة حسب الرغبة وراها كوب ماء عليه ليمونة
سناك
قطعة حلويات صغيرة اد تصف الكف
العشاء
زبادي + خيار
و هنلف و نرجع تاني من اول الاسبوع بانظمة جديدة و لذيذة
دمتم بصحة وسلامة❤️

10/08/2023

يلا بينا اليوم السادس
الفطار
٣ ملاعق فول + بيضة +٨ زيتون+ نص رغيف بلدي+ خضار
سناك
٢مكعب شيكولاتة دارك+ مشروبك المفضل
الغداء
ربع فرخة مشوية + شوربة خضار او خضار سوتيه+ ٨ ملاعق مكرونة+ سلطة اونكتفي بالخضار حسب الرغبة
سناك
ذرة مشوي
العشاء
زبادي+ ٣ ملاعق شوفان + ثمرة فاكهة + كيس سكر ستيفيا
و نص معلقة قرفة حسب الرغبة بس نعمله من وقت الغدا و نحطه في التلاجة عشان الشوفان يكون امتزج بالزبادي
و طعمه لذيذ و مشبع جدا
و بالهنا

09/08/2023

يلا بينا اليوم الخامس
الفطار
سلاطة جبنة +نص رغيف بلدي + ثمرة فاكهة
سناك
بطاطا مشوية
الغداء
نشوح بصلاية صغيرة في قطعة زبدة و نقطع عليها بطاطساية مكعبات و نديها تشويحة صغيرة و بعدين نحط عبها ملح و فلفل اسودو شوية ماية و نعطيها لحد ما تبقي ٤/٣ سوي و بعدين نضرب ٢ بيضة و نحطها عليها بعد ما تكون تشربت المايةو رشة جبنة موزاريلا علي الوش و نغطيها لحد ما الجبنة تسيح طعمها لذيذ جدا + سلطة
سناك
شريحة كيك + مشروبك المفضل بدون سكر
العشاء
١ زبادي و خيار و ربع رغيف و اي نوع جبنة مفضل شريحة صغيرة
و بالهنا

08/08/2023

يلا بينا اليوم الرابع
الفطار
قطعة جبنة قريش نضربها بشوية لبن و نحط رشة ملح هتبقي عاملة زي الكريمة و نرش عليها بقي شوية زعتر بتبقي تحفة + خضار + نص رغيف بلدي
سناك
ثمرة فاكهة
الغداء
ننقع شوية عدس ابو جبة ساعة كدة و بعدين هنشوح بصلاية و ننزل بفصين توم و نقلب و بعدين ننزل بالعدس و نحط رشة ملح و فلفل و كمون و نحط عليه ماية و نسويه فيها و هنجهز بقي طماطم مقطعة مكعبات و بصلة صغيرة اوي مقطعة جوانح رفيعة و خيار و بعدين نضيف عليها العدس بعد ما يبرد و نعصر عصرة ليمون و رشة كسبرة خضرة طعمها لذيذ جدا و فيها بروتين و مشبعة + ٢ بيضة مسلوقة
سناك
٢ مكعب شيكولاتة دارك + مشروبك المفضل من غير سكر
العشاء
علبة تونة مصفاة من الزيت و عليها عصرة ليمون + خيار+ ربع رغيف بلدي
و بالهنا

Address

لعنوان طنطا/الغربيه : طريق المحله مع كورنيش المرشحه برج رقم 8 الدور الارضي بكومبوند داون تاون
Tanta

Opening Hours

Monday 1am - 10am
Tuesday 1am - 10am
Wednesday 1am - 10am
Thursday 1am - 10am
Saturday 1am - 10am
Sunday 1am - 10am

Website

Alerts

Be the first to know and let us send you an email when Dr. rehab mostafa / Nutritionist Health coach posts news and promotions. Your email address will not be used for any other purpose, and you can unsubscribe at any time.

Shortcuts

Share

Category