عيادة د/ رامي عواره - للأمراض الباطنة و السكر

24/06/2025

عدم انضباط النوم من الأسباب التي تساهم في عدم انضباط السكر

05/06/2025

08/05/2025

👈أسباب شائعة لرعشة اليدين

29/03/2025

كل عام و انتم بخير 🙏

🔔 اجازة عيد الفطر المبارك من الأحد الي الخميس علي ان نعاود العمل يوم السبت الموافق ٥ ابريل ان شاء الله.

⏱من الساعة ٧ الي ٩ مساءً

05/03/2025

🔔🔔 نصائح لمريض القولون العصبي في رمضان

✍️ نحب نوضح أولًا إن الصيام فوائده كثيرة جدًا لصحة الجهاز الهضمي و القولون و منها تنظيم حركة الامعاء وإعادة هيكلة البكتيريا النافعة بالقولون

👈 و عشان كده مريض القولون العصبي قد يشعر بارتياح كبير علي مستوي الأعراض خلال فترة الصيام و لكن الأعراض بتبدأ تظهر بعد الإفطار في شكل انتفاخات وغازات و تقلصات واللي بتكون أحيانًا بدرجة أكبر كمان من الأيام العادية و ده بسبب بعض العادات الغذائية الخاطئة في رمضان بالإضافة لتغيير مواعيد تناول الطعام

👈 و في البوست ده حابب أوضح بعض النصائح اللي ممكن تساعد مرضي القولون العصبي و تقلل من حدوث أعراضه في رمضان :

✅ تجنب شرب الماء البارد خاصةً قبل وجبة الإفطار لأن الماء البارد من مهيجات القولون العصبي

✅ كسر الصيام علي حبة الي ٣ حبات من التمر ودي طبعًا من السنن المحببة و ناس كتير بتعمل كده بالفعل أو شرب كوب من العصير الطازج لتنبيه المعدة و تجهيزها لاستقبال وجبة الإفطار

✅ تناول الأطعمة الغنية بما يعرف ب (البروبيوتيك) (و دي عبارة عن البكتيريا النافعة المفيدة لصحة القولون) و اللي اشهرها الزبادي فتناول كوب من الزبادي يوميًا من شأنه انه يحسن وظائف القولون و يقلل الأعراض في مريض القولون العصبي و اللي مش بيحب الزبادي ممكن يتناول البروبيوتيك في شكل دوائي في كبسولات مع الفطار و السحور

✅ تجنب المأكولات المهيجة للقولون⬅️ و زي ما ذكرنا في بوستات سابقة إن المأكولات مهيجة القولون بتختلف من مريض لأخر و لكن بشكل عام مرضي القولون العصبي بننصحهم بتجنب بعض المأكولات زي ⛔️الافراط في تناول اللحوم الحمراء ⛔️و بعض الخضروات زي القرنبيط و الكرنب و الثوم و البصل و الكرات و الفجل و ⛔️منتجات الألبان الدسمة و ⛔️الإفراط في تناول الكافيين اللي موجود في الشاي و القهوة و ⛔️تجنب المشروبات الغازية ⛔️و تجنب الفلفل و الشطة والتوابل و البهارات الحريفة و ⛔️الأطعمة المقلية و ⛔️الأطعمة الغنية بالدهون و ⛔️تجنب الإفراط في تناول الحلويات الرمضانية

✅ عدم الإفراط في تناول الطعام في وجبة الإفطار لان ببساطة المعدة بتكون في فترة راحة لمدة كبيرة أثناء الصيام و بتكون غير مؤهلة للتعامل مع كميات كبيرة من الطعام و عشان كده بنفضل إن تكون وجبة الإفطار خفيفة و يمكن تناول وجبة خفيفة اخري بين الإفطار و السحور

✅ تناول الطعام بهدوء و الحرص علي مضغه جيدًا في وجبتي الافطار و السحور

✅ يجب الجلوس في وضعية مريحة أثناء تناول الطعام وعدم تناول الطعام أثناء الوقوف أو في وضعية استعجال.

✅ تناول بعض المشروبات الطبيعية الملطفة لأعراض القولون زي النعناع و الزنجبيل و الينسون بعد وجبة الإفطار بنصف ساعة و تناول كميات كافية من الماء (من ٨ الي ١٠ أكواب)

✅ المشي أو ممارسة بعض التمارين الرياضية مهم جدًا و بيحسن من عملية الهضم و بيساعد في تنظيم حركة الأمعاء ده بالإضافة ان بيقلل من التوتر و القلق و الضغط النفسي اللي بيزودوا من أعراض القولون العصبي و عشان كده بننصح مريض القولون العصبي بالمشي لمدة نصف ساعة بعد الإفطار

✅ تجنب النوم بعد السحور مباشرةً و محاولة الاستيقاظ لمدة ساعة او ساعتين بعد السحور إذا أمكن و تجنب الوجبات الثقيلة علي وجبة السحور

✅ تجنب الفول و البقوليات بشكل عام علي وجبة السحور لأنها بتزيد من أعراض القولون العصبي في كثير من المرضي و استبداله بالجبن قليلة الملح او البيض او المربي

✅ تنظيم مواعيد النوم و المحافظة علي النوم وقت كافي من ٧ الي ٩ ساعات يوميًا و ده لأن عدم تنظيم أوقات النوم بيزيد من أعراض القولون العصبي
—————————————————————
◀️ عيادة دكتور / رامي عواره

استشاري الباطنة و السكر
عضو الجمعية المصرية لأمراض الجهاز الهضمي و الكبد

⬅️ طنطا-٦ اخر شارع سعيد تقاطع عمر بن عبد العزيز برج المقاولون العرب

📞 تليفون: ٠١٢٧٧٦١٤٣٢٢/ ٠١٢٠٥٤٩٩٧١٢/ ٠٤٠٣٣٢٣٢٦٥

⏱المواعيد خلال شهر رمضان⬅️ يوميًا من ٨:٣٠ الي ١٠:٣٠ مساءًا عدا الجمعة

28/02/2025

✅ كل عام و أنتم بخير

👈 مواعيد العمل في رمضان من ٨:٣٠ إلي ١٠:٣٠ مساءً يوميًا عدا الجمعة

20/02/2025

✍️ مريض السكر و رمضان ...مين يصوم و مين مايصومش ؟؟!!

🙏 كل عام و حضراتكم طيبين فاضل أيام قليلة علي شهر رمضان المبارك و حبيت في البوست ده أرد علي السؤال الأشهر لمرضي السكر قبل رمضان هقدر أصوم ولا لا؟؟!!

👈 مرضي السكر في رمضان بنقسهم الي أربع مجموعات وفقًا لخطورة الصيام عليهم

🔔 المجموعة الاولي➖⛔️(ذات خطورة عالية جدًا) ⛔️

❌❌ و المجموعة دي قولًا واحدًا ممنوع الصيام تمامًا ودي بتشمل:

🔹 المريض اللي تعرض لغيبوبة او نوبة هبوط بالسكر شديدة خلال أخر ٣ شهور قبل رمضان

🔹المريض اللي بيتعرض لنوبات متكررة من هبوط السكر

🔹المريض الذي لايشعر بأعراض هبوط السكر (فقدان الإحساس بعلامات هبوط السكر)

🔹مريض السكر من النوع الأول

🔹مريضة السكر مع الحمل (سواء سكر الحمل او الحمل في وجود السكر من النوع الأول او الثاني)

🔹مريض الفشل الكلوي اللي بيعمل جلسات غسيل كلوي

🔹المريض اللي تعرض لحدوث غيبوبة كيتونية أخر ٣ شهور قبل رمضان

🔹مريض السكر اللي يتعرض لأي عدوي شديدة او مرض حاد خلال شهر رمضان ( يفطر أيام المرض و بعدها اذا تطلب الأمر و حسب رؤية الطبيب)

🔹مريض السكر اللي تعرض لغيبوبة إرتفاع شديد بسكر الدم مع زيادة المعدل الاسموزي و اللي فيه أحيانًا معدل السكر بيتجاوز ال ٥٠٠ ملجم /ديسيلتر خلال أخر ٣ شهور قبل رمضان

🔹الارتفاع الشديد في نسبة السكر و عدم انضباطه أخر ٣ شهور قبل رمضان ( متوسط قراءات السكر الصائم او قبل الأكل أكثر من ٣٠٠ملجم/ ديسيلتر أو السكر التراكمي أكثر من ١٠)

🔹المرضي كبار السن اللي بيعانوا من أمراض مزمنة أخري مصاحبة للسكر أو اللي حالتهم الصحية غير جيدة

🔔المجموعة الثانية➖⛔️(ذات خطورة عالية) ⛔️

👈 و دول برده بننصحهم بعدم الصيام و لكن في حالة إصرار المريض علي الصيام بيحتاج لمتابعة لصيقة و تعديل جرعات العلاج او تغييره و دي بتشمل :

🔹المريض اللي سكره غير منضبط أخر ٣ شهور قبل رمضان ( متوسط قياس السكر الصائم او قبل الأكل من ١٥٠ الي ٣٠٠ ملجم / ديسيلتر او السكر التراكمي من ٨ إلي ١٠)

🔹مريض السكر من النوع الثاني اللي بياخد انسولين مرتين او أكثر يوميًا

🔹المريض اللي بيعاني من قصور بوظائف الكلي

🔹المريض اللي بيتناول أدوية من شأنها انها تؤثر علي درجة الوعي و الإدراك أو وجود اي حالة مرضية تؤثر علي درجة الوعي و الإدراك لدي المريض

🔹المريض اللي بيعاني من أمراض الشرايين زي مرضي قصور الشريان التاجي و السكتة الدماغية و انسداد شرايين الاطراف و المريض اللي بيعاني من مضاعفات السكر علي الشرايين الدقيقة زي مريض الكلي السكرية او التهاب الأعصاب السكري أو اعتلال الشبكية السكري

🔹المريض اللي عايش لوحده و بياخد انسولين او أدوية من شأنها إنها تسبب إنخفاض شديد في نسبة السكر زي مجموعة السلفونايل يوريا ( اماريل و داونيل)

🔹المرضي كبار السن (أكبر من ٧٥ سنة) خاصةً لو المريض عايش لوحده

🔹مريض السكر اللي طبيعة عمله تستدعي القيام بأعمال و مجهود شاق

🔹المريض اللي بيعاني من أمراض مزمنة في مراحل متقدمة مصاحبة لمرض السكر زي ضعف عضلة القلب و مرضي الأورام و إرتفاع ضغط الدم غير المنضبط

🔔المجموعة الثالثة ➖⛔️( ذات خطورة متوسطة)⛔️

👈و المجموعة دي ممكن يصوموا بس برده وفقًا لشروط و قواعد محددة مع متابعة السكر جيدًا و دي بتشمل :

🔹المريض اللي سكره مرتفع بدرجة بسيطة (السكر التراكمي اقل من ٨ و أكثر من ٧)

🔹المريض اللي سكره منضبط علي أدوية الجيل الثاني من مجموعة السلفونايل يوريا زي ( اماريل و دياميكرون و داونيل)

🔹المريض اللي سكره منضبط علي مجموعة المجليتنايد زي ( نوفونورم و ستارليكس)

🔹المريض اللي سكره منضبط و بياخد انسولين طويل المفعول ( زي لانتوس و ليفيمير و تريسيبا) مع أقراص السكر

🔹المريض اللي سكره منضبط علي الأدوية من عائلة مثبطات ناقل الجلوكوز المعتمد على الصوديوم النمط ٢ (SGLT2) زي ( فوركسيجا و جارديانس و انفوكانا)( رغم إنها لا تسبب نوبات هبوط السكر ولكن يمكن ان تتسبب في نقص كمية السوائل بالجسم و الإحساس بالعطش و قد نحتاج تغييرها أو متابعة المريض و إعطاءه بعض التحذيرات و الاحتياطات اذا أستمر عليها)

🔔 المجموعة الرابعة➖⛔️(ذات خطورة ضئيلة)⛔️

👈 و دول ممكن يصوموا بأمان ✅✅و دي تشمل:

🔹المريض اللي سكره التراكمي أقل من ٧ و بيتبع نظام غذائي لعلاج السكر بدون أدوية

🔹المريض اللي سكره التراكمي أقل من ٧ و بيتناول أدوية نسبة حدوث نوبات هبوط السكر معها قليلة او شبه نادرة زي المرضي اللي بيتناولوا 💊دواء الميتفورمين ( السيدوفاج و الجلوكوفاج) و الأدوية من مجموعة الثيازوليدين ديون زي 💊( انسوداين و ديابيتونورم و اكتوس) و مثبطات الببتيديز ثنائي الببتيد الرابع زي 💊( تراجينتا و جالفس و جانوفيا ) و محاكيات الإنكريتين زي 💊(بييتا و فيكتوزا و تروليسيتي) و مجموعة مثبطات ألفا جلوكوزيد زي (الاكاربوز و الاسم التجاري 💊جلوكوباي)

🙏و أخيرًا أحب أذكركم بالحديث الشريف (إن الله يحب أن تؤتى رخصه كما يحب أن تؤتى عزائمه)

👈 فلو الطبيب المعالج نصح حضرتك بعدم الصيام رجاءًا لا تكابر أو تصر علي الصيام لانك في الحالة دي ممكن تأذي نفسك و العواقب ممكن تكون غير جيدة علي الإطلاق

12/02/2025

السمنة و العادات الغذائية الخاطئة سبب رئيسي لزيادة معدلات و انتشار سكر النوع الثاني في الأطفال و الشباب خاصةً مع وجود إستعداد وراثي

19/01/2025

اسباب شائعة لحدوث الامساك

07/11/2024

اذا كنت تعاني من هذا العرض الجلدي المعروف باسم ( الشواك الاسود) يجب الاطمئنان بعمل تحاليل السكر خاصةً في وجود تاريخ عائلي لمرض السكر فهذا العرض الجلدي قد يكون دلالة علي وجود مقاومة الانسولين

18/10/2024

مش كل حالات الالتهاب الكبدي الفيروسي B بيتم علاجها فبعض الحالات يكون الفيروس غير نشط و دي بتحتاج فقط للمتابعة و بعضها يكون الفيروس نشط و تحتاج للعلاج فترات محددة و بعض الحالات قد تحتاج للعلاج فترات طويلة قد تصل للعلاج مدي الحياة في حالات التليف الكبدي و ده بيكون بعد تقييم الطبيب المعالج للحالة