02/08/2024
💜تغذيه الحامل💜
الاهتمام بالتغذيه في الحمل مهم جدااا لصحه الام والجنين والام الحامل بيكون في زياده في احتياجتها من بعض العناصر الغذائيه زي الحديد وحمض الفوليك واهتمام الام بالاكل الصحي بينعكس ايجابيا علي صحتها وصحه جنينها.
ومهم جدا ان الام تبدا الحمل وهي في وزن مناسب لان زياده الوزن عن الطبيعي او نقصانه بيكون ليه اثر سلبي علي صحه الام والجنين وبتزود فرصه حدوث مشاكل صحيه .
في الاول هنقسم الحمل 3 اقسام :
اول 3 شهور
تاني 3 شهور
اخر 3 شهور
🌿اول 3 شهور 🌿
اول 3 شهور من الحمل الام مش بتحتاج اي زياده في سعرتها الحراريه وانها تاخد سعراتها الحراريه المناسبه لوزنها قبل الحمل كافي لاول 3 شهور وكذلك مش بيحصل زياده في الوزن في اول 3 شهور ومسموح بزياده بسيطه ماتزدش عن كيلو لو الام وزنها مناسب قبل الحمل.
الام بتحتاج حمض الفوليك حوالي 600 ميكروجرام يوميا في اول 3 شهور لانه مهم جدا لتكوين الجهاز العصبي للجنين وخصوصا اول 6 اسابيع من الحمل وعشان كده اي سيده بتفكر في الحمل لازم تاخد حمض الفوليك يوميا وتكثر من الاكلات الغنيه بحمض الفوليك زي الخضروات الورقيه الداكنه والبرتقال والبقوليات والبروكلي
🍓تاني 3 شهور🍓
في الجزء التاني من الحمل الحامل بتحتاج لزياده سعراتها الحراريه حوالي 340 سعر حراري ولازم تاخد سعراتها من اغذيه عاليه القيمه الغذائيه زي منتجات الالبان الخضار والفاكهه والحبوب الكامله وتبعد عن الاغذيه قليله القيمه الغذائيه زي السكريات والمشروبات الغازيه والاطعمه المحفوظه والوجبات السريعه
ومثال للحامل عشان تزود سعراتها 340 سعر في اليوم (كوب لبن كامل الدسم+ثمره فاكهه+طبقين سلطه صغيرين+بيضه)
اما مضاعفه الام الحامل لكميات اكلها بينتج عنه زياده سريعه في الوزن ومشاكل صحيه.
وكمان الحامل بتحتاج لزياده حصتها اليوميه من الحديد حوالي 50% ومن الاغذيه الغنيه بالحديد الكبده واللحوم والخضروات الورقيه الداكنه والعسل الاسود
