https://www.facebook.com/110695662107830/

Clinical psychologist Esraa Mohammed, طنطا, Tanta (2025)

18/06/2025

اوعى تتهز لو حد عايرك بماضيك الاسود

وقالك كلام من نوعية شوف مين اللي بيتكلم او ايه ده انت بالذات اللي بتقول كده الله يرحم

رد قول جملة واحدة وبكل ثقة
على الاقل انا بتحسن وبتطور وبصلح من عيوبي، لكن في ناس واقفة في مكانها ولا بتتحسن ولا فرحانة لغيرها

متتهزوش الله يخليكوا

احنا بنحسن من نفسنا وبنصلح فيها احنا المفروض يتسقفلنا مش العكس

اثبت 💪
للتواصل/01145891953
01029342495
صفحتنا على الفيس بوك
https://www.facebook.com/profile.php?id=100095253127927&mibextid=ZbWKwL

#اثبت
#التغيير
#المعايرة

25/02/2025

أصعب مافي عملية العلاج النفسي هي اللحظات اللي بنوري فيها المريض ان اللي عاش عمره كله فاكره حقايق مطلقة ماهو إلا رؤيته هو الشخصية للأمور .

وان الملصقات اللي لزقوها على جبينه وهو صغير هي رأي الآخرين فيه لكن مش حقيقة شخصيته.

مثال: إنتي مش صبورة عشان بتعملي الحاجة ومش قادرة تستني حد يعملهالك لما يفضى.

مع ان ده معناه انك شخصية مستقلة.

أو إنت طفل كئيب عشان بتسمح لنفسك تعبر عن مشاعر الحزن كل ماتحس بيها..
مع ان ده معناه انك شخص بيحترم مشاعره وبيعرف يعبر عنها.

أوقات كمان تبقى القيم اللي المريض فاكرها قيمه هو ماهي إلا توقعاتهم هما منه لكنها مش بتاعته خالص.

مثال: أنا طول عمري نفسي أبقى أستاذة في الجامعة عشان أكسب احترام الاخرين عشان التبجيل عندي قيمة محورية..

وتطلع الانسانة دي introvert اصلا وبيوترها جدا الكلام قدام جمهور، ولا بتحب التدريس ولا بتجيده، لكن بتحب جدا الوظايف اللي مردودها حب وحميمية مش تبجيل وتفخيم.

بس بابا هيحزن لو اشتغلت في حضانة متحاوطة بالأطفال وأحضانهم وكفوفهم الصغيرة، لكن معيدة في الجامعة حاجة تخليه يفخر بيا.
فالتبجيل طلع من قيم بابا مش قيمي..

أوقات كمان يبقى اللي المريض فاكره مفروض ولازم ويجب ولابد ويصح ومايصحش ماهو إلا الطريقة اللي المريض اتربى بيها وكبر عليها.

مثال: ميصحش طبعا اقول لخالتي ان زيارتها ليا بكرة مش هتبقى مناسبة ليا عشان هي أصلا ما اخدتش رأيي هي قالت انا جايالك بكرة..

ويطلع السبب اننا اتربينا في بيت مفيهوش حد بيستأذن قبل مايدخل أوضة حد ومحدش اصلا يقفل الباب عليه حتى لو جوا أوضته والخصوصية عندنا منتهكة ومضروبة بالنار.
مع انه الطبيعي إن شرط من شروط الزيارة الاستئذان.

أوقات كمان تبقى القوالب اللي المريض طول عمره عايش جواها وهو فاكرها الصح والغلط ماهي إلا طريق غير صحية للتكيف على وضع مؤلم.

مثال: أبويا عايزني أدخل هندسة أو أمي عايزاني اتجوز ست لون بشرتها أبيض…
فأنا هروح مع اختياراتهم ليا وهسمي ده طاعة وبر وأدرك جوا اوضة العلاج النفسي ان ده اسمه استسلام .

أو واللي المريض كان فاكره رضا يطلع ماهو إلا خنوع….
أو إن اللي بيعمله وبيسميه قوة هو ف الحقيقة بلطجة….
أو إن ادمانه للشغل اسمه هروب، هروب من اني اقعد مع نفسي أو مع اللي عايشين معايا…
وان اللي كان طول عمره مسميه مابتكلمش مع مراتي عشان متسلطة ومؤذية ومسمي ده اعتزال مايؤذيني يطلع علاقة تجنبية.

أصعب مافي ده كله ان المريض بيبقى عاش سنين طويلة من عمره قبل مايبدأ رحلته العلاجية وهو فاكر ان المرجعية بتاعته هي أصل الأشياء وان اللي اتربى عليه هو الطبيعي والمنطقي والصحي .

فلما تيجي اللحظة اللي يكتشف فيها انه هنا جوا غرفة العلاج النفسي عشان تعبان وعشان كل اللي عاشه ده سبب له ضغط وحزن وخلاه عايش وضع مؤذي مش عارف لايخرج منه ولا يغيره أومنعه يحط نفسه واحتياجاته أولوية…

ساعتها بس بتبدأ رحلة الادراك..
الابصار..
والوعي.

اللي بعدها بيجي الانفتاح على نفسي الحقيقية….
واحترام احتياجاتي والتفكير فيها كأولوية.
ثم قبول الماضي بكل ما حدث فيه…
ثم معركة التغيير وحقي في حرية الاختيار…
ثم تحمل تبعات قراراتي ومسؤولياتي تجاه الأخرين.

وقتها يكون التعافي.

10/04/2024

بقى أسوأ بالعلاج النفسي

مفهوم منتشر جدا ومحتاج اننا نراجعه ونفكر فيه
خلينا نقسم الموضوع ونبسطه
دلوقتي العيان بيجيلنا بأعراض مرض نفسي معين وطبعا الامراض مختلفة وصورها بتختلف من مريض لاخر

علشان نبدأ دوا لازم شرط مهم ان المرض ده يكون بيأثر على وظايف المريض اللي هي شغله وعلاقاته ودوره في المجتمع عموما .

الاعراض نفسها بتختلف باختلاف التشخيص وفي اتنين مهمين في التشخيص والعلاج هم الاهل والمريض فاحنا في تخصص بناخد معلومات من الاتنين .

مريض الفصام مثلا بيسمع اصوات وبيشك في الناس ده هيتعب أهله مش هيتعبه هو دايما بل بالعكس ممكن احيانا يزعل لو الاصوات راحت ويشوف ده انه حالته ساءت ويبتدي مزاجه يبقى وحش وده ليه تفسير علمي طبعا .

طيب نيجي لتقييم العلاج والحالة احنا بنقيس العيان ساء او اتحسن باللي الكتب بتقوله مش بنقارنه بوضعه قبل المرض .
يعني كل مريض فصام قبل المرض حاجة وبعده حاجة تانية خالص حتى بالعلاج ، كل نوبة فصام العيان بيدخلها وبيخرج منها حتى لو بعلاج هو بيخرج وظايف المخ اتأثرت بشكل أو باخر وللاسف تأثر دائم ودرجة التدهور بتختلف باختلاف وضع العيان قبل المرض يعني استاذ الجامعه تأثر وظايف مخه هيختلف عن مريض يكون مش مكمل تعليمه مثلا .
غير ان اكيد الادوية ليها اعراض جانبية وغير المتخصصين صعب يفرقوا هل دي اثار الدوا ولا اعراض المرض.

توقيف العلاج فجأة وعدم الالتزام بيه او عدم الانتظام بيخلي الاعراض تسوء والنوبات تبقى أسوأ وده تفسيره أن المرض مزمن مش ان الدوا تعبه أو انه مدمن للدوا زي مريض السكر لو مااخدش الانسولين .

هدف الطب النفسي من العلاج مختلف تمام عن هدف العامة احنا هدفنا نحسن جودة الحياة للمريض والاهل وده مفهوم مختلف تمام عن الرغبة الشديدة في رجعوه زي الاول ، الاهداف الغير واقعية بتعمل احباط للجميع
واللي مسؤول عن تقييم تقدم وتدهور الحالة هو الطبيب النفسي فقط .

مع الاخذ في الاعتبار ان الناس بتقول عن الفصام انفصام وانه كذا شخصية ولان مريض الفصام احيانا بتظهر عليه اعراض مشابهة للاكتئاب بيفضل اللي حواليه متمسكين انه اكتئاب وحالته ساءت بدوا الفصام واتعالج غلط في حين أنه بس دخل في مرحلة جديدة من المرض شكل الاعراض فيها اتطور واختلف مش أكتر .

الطب النفسي لايخضع للاراء الشخصية والتفضيلات الشخصية ده تخصص طبي ليه أساس علمي ..

01/04/2024

" انت مش طبيعي اكيد انت مريض نفسي "

جملة سخيفة بتتكرر في الاعتراض علي موقف أو فعل أو تصرف في اي موقف أو مكان واحيانا وصف وبسببها بتساهم في وصمة المرض النفسي...

في مفاهيم مرتبطة بمصطلح (مرض نفسي) محتاجين نتعرف عليها عشان نفهم ونتعلم الصح...
وهي (المرض ، الاضطراب , الانحراف)

🔴اولا المرض:
المرض هو حالة استثنائية تصيب الجسم والاعضاء تسبب عجز وحلل وازعاج لصاحبها بجانب أن الإصابة بالمرض بتكون محددة المصدر والسبب وبناء عليه العلاج يكون محدد ومعروف ونسبة الشفاء توصل الي ١٠٠٪

🔴الإضطراب:
بجانب أنه بيكون نمط شبه ثابت من السلوك بيسبب شعور بالضيق والعجز بسبب خلل بيحصل في الوظائف العقلية أو الجسدية سبب الخلل بيكون غير محدد بشكل أكيد ولكن بيكون سهل فيها معرفة العوامل المسببة للإضطراب...

🔴الإنحراف:
هو الأفعال والسلوكيات بيكون فيها خروج عن القواعد الإجتماعية والأخلاقية المتعارف عليها بشكل يسبب ضرر لصاحب السلوك أو ضيق المحيطين مع علم صاحبها وإدراكه أن السلوك خاطئ وغير أخلاقي...

🔴نقط إضافية مهمة :

1- الخلل النفسي سواء كان مرض أو اضطراب معناه تعطل أو شلل في حياة الفرد بيسبب ألم وضيق نفسي

2- المرض أو الإضطراب النفسي لا يبرر الاذي أو الضرر أو الخيانة

3-جزء كبير جدا من الاختلالات النفسية أصحابها بيكونوا واعيين ومدركين بالمشكلة وعندهم القدرة علي طلب العلاج إذا المرض لا يستخدم كتبرير

4-صاحب الخلل النفسي مسئول وواعي عن تصرفاته وأفعالة ما عدا المريض الذهاني( مرض عقلي)

5- الإختلالات النفسية بتتكون خلال مدة طويلة توصل الي سنين كذلك العلاج ممكن ياخد وقت

6-مصطلحات الطب النفسي وعلم النفس تستخدم من المتخصصين فقط لا يتم استخدامها لوصف شخصيات او علاقات لأي غرض فقط المتخصصين

7- 80% وأكثر من المعلومات عن الصحة النفسية والأمراض النفسية وغيره مصدرها من الدراما والافلام و مفاهيم شعبية قد تكون مغلوطة بدرجة كبيرة أو غير صحيحة...

8-رحلة العلاج النفسي تجربة فردية بالتالي احسن شئ هو استخدام خبرات الغير في تفادي اخطائهم مش تكرار اخطائهم

9-المرض أو الإضطراب النفسي لا يبرر الاذي أو الضرر أو الخيانة

10-المرض أو الاضطراب النفسي لا يبرر الاذي أو الضرر أو الخيانة

11-المرض أو الإضطراب النفسي لا يبرر الاذي أو الضرر أو الخيانة

19/03/2024

إزاي تعمل علاقة ناجحة مع شخص عنده Anxiety و Over thinking؟
هتمتع بقدر من الشجاعة وأكتب البوست ده لسببين: _
_أولا لإني تعبت وزهقت شخصيًا من إني أشرح الحوار ده لكل واحد لوحده.. الموضوع بقى حقيقي مرهق
_ ثانيًا عشان يمكن تكونوا تعرفوا حد كدة أو انتوا شخصيًا كدة فأفهمكم شوية تفاصيل جايز آخد ثواب.
فيه حاجة اسمها Anxiety و Anxiety disorder و دول ترجمتهم الحرفية القلق واضطراب القلق..عادة القلق ده بيكون مرتبط بمشكلة تانية هي الـ Overthinking أو الإفراط في التفكير..دول عرضين نفسيين بيجي معاهم أعراض تانية زي الأرق والصداع أحيانًا ومشاكل الجهاز الهضمي واضطرابات التغذية زي النهم الشديد أو إنعدام الشهية والبكاء بلا سبب وحاجات تانية من غيردخول في تفاصيل مملة.. حاجة شبه فكرة المتلازمة في الأمراض العضوية.

نرجع للقلق والإفراط في التفكير.. عايزة أتكلم أكتر عن تكوين العلاقت مع الشخص إللي عنده المشكلة دي، أيًا كان نوع العلاقة صداقة أو زواج أو حتى علاقة عاطفية هحاول أقرب ليكم الشخص ده بيحس بإيه عن طريق بعض الأمثلة..
مبدئيًا الشخص إللي عنده Overthinking دماغه مش بتقف عن التفكير حتى وهو نايم وبيتعذب جدًا بسبب ده طول اليوم..بيفكر في أمور جادة جدًا وعادةً سلبية في كل وقت حتى وهو بيتفرج على فيلم في السينما، حتى وهو بيستحمى وبياكل، حتى وهو بيصلي..لو ربنا إدالك نعمة إنك تدخل الـNothing box شوية وتسرح في اللاشيء، فهو فعلا ما يعرفش يعني إيه نوثينج بوكس..عمره ما جرب إنه مخه ما يبقاش بيلف زي الخلاط..ومن كتر تسارع الأفكار في مخه بيحس كأنه فيه حد ماسك شاكوش وبيدق مسامير في دماغه..بيدخل بعدها في حالة تشبه حالات الهوس، بيبقى عنده رغبة شديدة في الكلام وغنه يطلع كل مشاعره وأفكاره دي فورًا بعد Over dose التفكير إللي هيجيب أجله، علشان كدة هتلاقيه ساعات بيرغي بلا توقف وبيتكلم بسرعة جدًا وممكن يعيد نفس المواضيع إللي اتكلم فيها 100 مرة.. إنت فاكره ممل وما بيزهقش بس الحقيقة إنه مخه بيفضل يعيد ويزيد في نفس الفكرة بمحاور مختلفة كل يوم..
دايمًا مضطرب وقلقان في علاقاته وإفراط التفكير بيخليه يسأل نفسه طول الوقت.. هو أنا غلطان؟ هو أصحابي بيحبوني؟ هو حبيبي بيحبني؟ هو أنا المفروض أقول كدة؟ هو كان متعود يتصل بيا ليه بطل يتصل..أكيد أنا عملت حاجة غلط؟ لو شفت رسالته وما ردتش عليه بيصبر شوية وبيستحمل، بس بعد شوية الأفكار بتتمكن منه: أكيد هو عيان..أكيد فيه مشكلة..ممكن يوصل بيه التفكير لو اتأخرت عليه كام يوم أو اتغيرت معاه في المعاملة كام يوم إنه يفكر إنك خلاص مش عايز تعرفه تاني! تخيل مدى ألمه وهو بيترجم تصرفاتك إنك مش بتحبه ومش عايز تعرفه تاني؟! إنت بتبقى فاكره بيزن أو بيتدلع أو مقموص لما بيقعد يقولك مالك رد عليا، أو يتصل بيك كتير، لكن هو الحقيقي بيبقى محتاج جملة واحدة بس تريحه علشان يعرف ينام..لإنك بتبقى قاعد في بيتك بتتفرج على فيلم أو نايم (وده طبعًا مش ذنبك ومحدش يلومك وإنت مش مقصر في أي حاجة) بس هو بيبقى حرفيًا عايش ساعات سودة مستنيك تظهر وتطمنه إنه كل أفكاره المجنونة دي مالهاش أساس من الصحة فبيبقى لا على حامي ولا على بارد علشان نفسه يستريح علشان يعرف يعيش يومه عادي زي الناس الطبيعية.
اوعى في لحظة تكون فاكر إنه يقدر يتحكم في ده بسهولة..الموضوع صعب جدًا.. هو مش بيقدر يمنع نفسه إنه يفكر أو يتصرف كدة وبيلوم نفسه طول الليل والنهار وعلطول حاسس بالذنب وحاسس إنه عبأ على أصحابه وحبايبه.
مفيش غير سيناريوهين مع الشخص ده: يا مش هتعرف تتعامل معاه ومش هتفهمه وهيفضل يحس طول الوقت إنه تقيل وزنان ورخم ومع الوقت الإحساس ده هيوجعه فهيبعد عنك وعلى قدر ألمه وتحمله وحبه ليك على قد ما هيصمد معاك، يا إما هتعرف مفتاحه وهتكسبه خصوصًا وإن الشخص ده بيقدر جدًا الناس إللي بيفهموه وبيتعاملوا مع مشكلته لإنهم فعلا قليلين..
مفتاح الشخص ده هو كلمة واحدة "الأمان"..كل إللي الشخص ده محتاجه لو إنه يحس بالأمان كل ما تجيله فكره سلبية كبيرة وإنت مع الوقت خلاص بتعرف السيناريوهات إللي بتدخله في مود التفكير ده.
لما بيقولك هو أنا وحشتك؟، لما بيزن كتير، لما بيقولك هو إنت زعلان، لما بيقولك فينك مختفي، لما بيقولك إنت متغير معايا، لما بيقولك فاكر زمان لما كنت بتعمل كذا..دي جمل معناها إنه متهدد وقلقان ومضطرب ومش محتاج أي حاجة أكتر من جملتين تلاتة بس حلوين و إيجابيين وهو هيبقى تمام..مش محتاج أكتر من مكالمة دقيقة..رسالة..أغنية لطيفة..ساعات بيبقى كل إللي محتاجه إنك حتى تعمله لايك..اللايك الهبلة دي ممكن تشيل من دماغه فكرة سلبيه مجنناه ويقول لنفسه: " لا لا هو مش زعلان مني ولا حاجة ده حتى لسة عاملي لايك من شوية..أنا على باله أهو".

09/03/2024

✨إزاي أعرف وأكتشف بدري إن عندي مراهق معرض يدخل في مشكله الادمان اي كان نوع الادمان ؟

عاوز أقول من واقع الخبره في مجال علاج الادمان وطوال ٢٥ سنه في الحياه العمليه

العاب الموبايل إدمان
البلايستيشن إدمان
الافراط في الاكل إدمان
الافراط في شراء الملابس إدمان صرف

يعني عاوز أقول بطريقة مبسطة إن الادمان له أشكال كتير ممكن تبدا بصوره مختلفه عن فكره المخدرات وممكن تتحول بعد كده لادمان (مخدرات )
طيب المشكله بتبدأ إن ابني بدا يكبر أو بنتي بدا يحصل التغير الهرموني المعروف (الصوت،الشنب بدا يظهر، وملامح الانوثه للبنت)بدا يبقى في اهتمامات مختلفه وطلبات مختلفه
بدا يكون في (عند )(وصوت عالي )وهنا الاسره بتبدا تحس انها فقدت سيطرتها على الابن
أولا:فيه علامات خطر ⛔️ لازم ناخد بالنا منها جدا
ومش دايما علامات الخطر كذب وعصبيه وهروب من المدرسه ومن ضمن العلامات على سبيل الذكر وليس الكل
🔹١/الانطوائية(ابني بيقعد لوحده كتير ومنعزل ومش بيشارك في اي حاجه معانا في البيت).

🔹٢/الخجل(ابني بيتكسف ومش بيعرف يتكلم مع الجنس الاخر ودايما بيشتكي انه مش بيعرف يتعامل مع صحابه).

🔹٣/المراوغه(ودي تحمل اكتر من صفه بيكدب ويحور ومش بيلتزم بكلمه او وعد بيوعده ابدا).

🔹٤/الانانيه(ابني اناني جدا ومش بيحب غير نفسه ومش بيفكر غير في نفسه فقط).

🔹٥/بداياته و علامات الاضطرابات النفسيه والشخصيه:(بانوعها كالشخصيه
الحديه أو الوسواسيه احيانا أو القلوقه أو النرجسية).

🔹٦/ضعف التحصيل الدراسي(فرط الحركه وقله الانتباه والتركيز)

طبعا كل دي ممكن تكون علامات واضحه وصريحه بس مش دايما اللي بيمر بيها أو اللي بيعاني من جزء منها ضروري إنه يقع في الادمان ولكن:
محتاج شويه خطوات :

اولا: اول ما تلاحظ أي تغيير غريب في سلوك المراهق أو في شخصيته لازم تتكلم معاه وتحط حدود وإنه لا يتخطاها وتتابع إنه هيرجع معتدل تاني في أسلوب حياته وإن الكنترول يكون في أيد والديه واذا ما عرفتش لازم تفكر إنك تعرضه على طبيب نفسي فورا ولا تتردد في الخطوه دي كل ما نبدا بدري كل ما يكون افضل واحسن

ثانيا: الحوار لازم يكون لغه حوار بينك وبين الابن ومشاركه في الاهتمامات
وحاجات مشتركه نعملها مع بعض وتدخل معاه دائرته (العالم بتاعه)لأن الاب بيستكبر ده وبيعتبره تنازل منه ودي خطوه مهمه في التقارب ليه وعلشان يبقي الحوار بينكم ناجح وفعال.

ثالثا:الإنصات لازم تسمع إبنك أو بنتك ويكون عندك وقت وبال تسمع وهو بيتكلم وازاي بيفكر مش دائما تزعق والجمله المعروفه (إنت ما عندكش خبره)
لأن دي هتنتهي أي حوار وهتمنعه إنه يتكلم معاك أو ينصت ليك تآني.

واخيرا لازم نتقبل ان إحنا بنحاول نحمي أبنائنا ولكن بحدود
بدون خوف زائد أو قلق زائد ممكن يجيب نتيجه عكسيه.

08/03/2024

أشد الناس صراخاََ يوم القيامة رجل رزقه الله بمنصب واستعان به على ظلم الناس

08/03/2024

لا تخشى خسارة الأشخاص، ولكن عليك أن تخشى خسارة نفسك وأنت تحاول إسعاد الجميع.

07/03/2024

٦ امراض نفسيه ممكن يكونوا عندك وانت متعرفش:

‏1- كلينومينيا (Clinomania)
الرغبة القوية للبقاء في سريرك طوال الوقت

‏2- متلازمة جوسكا (Jouska)
و هي محادثة وهمية يصنعها العقل تجعلك تخترع
سيناريوهات و اشخاص و مواقف وهمية
داخل عقلك بشكل يومي

‏3- الفيلوفوبيا (Philophobia)
الإحساس بالخوف المبالغ فيه من الحب
أو الارتباط أو الزواج

‏4- النيكتوفيليا (Nyctophilia)
الحب الغير مبرر للظلام أو الليل

‏5- إكزولانسيس (Exulansis)
الشعور بفقدان الرغبة النهائية في الكلام عن أي شيء
يخصك او أي تجربة مررت بها اعتقادا بأن لا يوجد
احد يفهمك إذا تكلمت

‏6- موناشوبسيس (Monachopsis)
الشعور الدائم بأن لا احد يلاحظ وجودك
بسبب وجودك في المكان الخاطئ
حسيت بحاجه فيهم قبل كده ؟

17/01/2024

اوعى تتهز لو حد عايرك بماضيك الاسود

وقالك كلام من نوعية شوف مين اللي بيتكلم او ايه ده انت بالذات اللي بتقول كده الله يرحم

رد قول جملة واحدة وبكل ثقة
على الاقل انا بتحسن وبتطور وبصلح من عيوبي، لكن في ناس واقفة في مكانها ولا بتتحسن ولا فرحانة لغيرها

متتهزوش الله يخليكوا

احنا بنحسن من نفسنا وبنصلح فيها احنا المفروض يتسقفلنا مش العكس

اثبت 💪
للتواصل/01145891953
01029342495
صفحتنا على الفيس بوك
https://www.facebook.com/profile.php?id=100095253127927&mibextid=ZbWKwL

#اثبت
#التغيير
#المعايرة

10/01/2024

ما هو اضطراب وجدانى ثنائى القطب

بشكل مبسط من اسمه كده هو قطبين عكس بعض ..
يعنى إيه ؟
يعنى شخص بيعانى أيام من نوبة اكتئاب قد تصل لأكتئاب جسيم شخص مكتئب وحزين سئ المزاج للغايه و .. مش قادر يقوم من سريرة عنده لغبطه في الشهيه .. متعطل .. وقد يصل للإنتحار ...فجأه كمان كام يوم يجيله نوبة هوس ...
يعنى إيه هوس ؟ يعنى الشخص اللى كان مكتئب .. بقه مزقطط وفرحان ومهيص على الأخر وممكن يرقص بلا سبب وعنده أستعداد يقعد ٣ او ٤ أيام بلا نوم بينجز أشغاله وبيقرا كتب ...
وأحيانا نوبه الهوس بيشوبها ضلالات ذهانية وسلوكيات غير عاقله .. زى إنه يدخل صفقات خاسرة ويصرف فلوسه كلها فبها .. يمشى في الشوارع بلا هدف ... او نوبات غضب شديد يكسر فيها البيت ...

علاجة دوائي مع الطبيب ...
مع جلسات علاجية مع معالج ....

Clinical psychologist Esraa Mohammed

18/06/2025

25/02/2025

10/04/2024

01/04/2024

19/03/2024

09/03/2024

08/03/2024

08/03/2024

07/03/2024

17/01/2024

10/01/2024

Address

Telephone

Website

Alerts

Shortcuts

Share

Category