رضاعة طبيعية من الألف للميم مع د. رنا حسن

27/10/2025

بحس أن أصعب حاجة في الفطام.. هوالضغط المجتمعي.. 😅
الصغنن بيتفطم اهو.. بس عايز يرضع دلوقتي..
طب لو رضعتيه... : "ياااه هو مش كبر على الرضاعة بقى!؟"
لو ما رضعتيش.. " "حرام عليكي.. طب معلش رضعيه المرة دي"

05/10/2025

بمناسبة ذكرى ألم الفطريات.. البوست ده كان عن أهم أسباب الفطريات..
اللي مع آدم بقى.. تجنبت العوامل دي على قد ما أقدر.. و عدت بسيطة الحمدلله..

- واد يا نخنوخ.. شفتلنا هنصيف فين السنة دي.. 🥱
= ايوه يا معلم برعي.. لقيتلك حتة منتجع.. مفيش بحلاوته.. حضرتك هتقعد و مش هتعوز تمشي ابدا.. 🤩
- اشجيني.. 😏
= أولا.. مناخ "دافىء" جدا..
- عظيم..
= ثانيا.. "رطوبة" يا معلم.. رطوبة من اللي بتحبها..
- الله.. "عرق".. ❤❤.. ايه تاني..
= وسادات قطنية "مبلولة" باستمرار..
- أووووبا.. 🥳
= خد ده يا معلّمي..أكل "مسكر" 24 ساعة و مجاني..
- ده جنة الله على الارض يا واد يا نخنوخ.. 💃🏻💃🏻
= لسه يا معلم.. جايلك في الكلام.. حماية من أي متغييرات.. "بكيس نايلون" فوق المنتجع.. ما بيتشلش… يعني "كتمة" من اللي على مزاجك يا معلم..
- يا حلاوته!!..
= و "مراهم" يا معلم بترخ عليك أشكال و ألوان..
- يا جماله.. كلّم العيال يلا وله يا نخنوخ.. قلهم عندنا طلعة ما تتفوتش.. طب و الأمن و احنا داخلين..؟؟ عملت حسابك؟ 🙄
= عيب عليك.. يا معلم برعي إدارة المنتجع كانوا مشغولين بمؤتمر "مضاد حيوي".. عايز أقولك أن الامن يعتبر نايم في العسل.. محدش واقف على البوابات.. 😎😎
- قوم يا واد يا نخنوخي حضر الشنط.. و اقطع تذكرة ذهاب.. ذهاب بس..مفيش عودة
= مش قلتلك..أوامرك يا معلمي.. Consider it done 🤿🎽🛶🏖🏖

***********************
عرفتي بقى الفطريات بتصيف عندك ليه يا منتجع الجمال؟
هنعمل ايه بقى؟

#فطريات

#حفلاااااه

05/10/2025

بابا بعتلي الصورة دي انهاردة.. الصورة دي من حوالي ٦ سنين 😍
كانت آرام لسه راجعة من المدرسة.. و ريانا يدوب كم أسبوع..

اول ما شفت الصورة.. افتكرتها بألمها و احساسي ساعتها كأنها لسه حالا..😔😔

فاكرة أول ما خلصت رضاعة.. كل اللي كنت بفكر فيه اني مش عايزة أرضع تاني!!!!!
مكنتش فاهمة فيه ايه.. الالتقام سليم..

بعديييين بقى فهمت..
بعدها بكم شهر..
لما اخدت دبلومة الرضاعة الطبيعية..
درست و فهمت ان لما الوجع يوصل الأم انها تقول.. "أنا خايفة أرضع.. مش عايزة أرضع.. عايزة أفطم".. رغم أن الالتقام سليم.. فده احتمال كبير يكون التهاب فطري..

الحلو في الموضوع ده بقى.. ان لما أشوف ذكرى زي دي.. بحس بالفخر..
كلنا عندنا ذكريات زي دي..
و فيه مننا بيعيش حالا لحظات زي دي..
كله بيعدي.. و مهما كان فينا.. بتفضل الأم هي مصدر الحب و الحنية في كل بيت ❤️❤️

في مشوار الرضاعة.. كل مشكلة و لها حل..
ما تسكتيش و ما تتردديش تطلبي المساعدة..

09/09/2025

حدث بالفعل:
بقالي ساعة حاطة التلفون يشحن..
جيت أبص عليه لقيته ما شحنش خالص..
تفتكروا مفيش كهرباء في الفيشة..؟

و يا ترى اعمل ايه عشان اشحن تلفوني؟ اجيبله باور بانك؟

04/09/2025

Dr. Asmar Qutb - Lactation Consultant Dr Rahma Ramadan د/ رحمه رمضان @د. الهام زهران lactcare clinic

15/08/2025

متأكدة انك بعد ما تعرفي من د أسماء صادق أهمية "الساعة الذهبية" بعد الولادة.. مش هتفرطي في حقك وحق رضيعك في الحصول عليها

البداية الصح بتفرق كتير ❤️❤️

30/07/2025

الاكتئاب بعد الولادة مش دلع

مرحباً سيدتي🌻
إن فترة ما بعد الولادة هي رحلة فريدة لكل أم، وقد تكون مليئة بالمشاعر المتضاربة. بينما تفيض هذه الفترة بالفرحة بقدوم المولود 😍، قد تحمل معها أيضاً تحديات غير متوقعة😞

إذا كنتِ تلاحظين تغيراً في حالتكِ النفسية، فقد تكونين تعانين من اكتئاب ما بعد الولادة (Postpartum Depression).

إذا ​ما هي الأعراض التي يجب الانتباه لها؟
​اكتئاب ما بعد الولادة لا يقتصر فقط على الشعور بالحزن.

إليكِ بعض الأعراض الشائعة التي قد تدل على أنكِ بحاجة للدعم:
​الحزن الشديد والمستمر: شعور لا ينتهي باليأس أو الفراغ، حتى عندما تكونين مع طفلك 😭

​القلق والتوتر المفرط: قلق دائم بشأن قدرتكِ على رعاية طفلكِ، أو خوف غير مبرر😟

​تقلبات مزاجية حادة: الانتقال السريع من الفرح الشديد إلى البكاء المفاجئ دون سبب واضح🌪️

​صعوبة في الترابط مع الطفل: الشعور بالانفصال أو عدم القدرة على تكوين رابط عاطفي مع المولود💔

​فقدان الاهتمام والمتعة: عدم الاستمتاع بالأنشطة التي كنتِ تحبينها سابقاً، بما في ذلك الرعاية اليومية للطفل🤚🏼

​تغيرات في النوم والشهية: الأرق حتى عند الشعور بالتعب الشديد، أو النوم لساعات طويلة جداً، وكذلك فقدان الشهية أو الأكل المفرط🤢

​الإرهاق الشديد ونقص الطاقة: الشعور بالتعب المستمر، حتى بعد الحصول على قسط كافٍ من النوم🤕

​الشعور بالذنب أو انعدام القيمة: انتقاد الذات باستمرار، والشعور بأنكِ أم غير كافية😫

​أفكار متكررة عن إيذاء النفس أو الطفل (نادرة ولكنها خطيرة): إذا راودتكِ هذه الأفكار، يجب طلب المساعدة الطارئة فوراً⛔

​أنتِ لستِ وحدكِ، والمساعدة متاحة!
​تذكري أن هذه الأعراض لا تعني أنكِ أم سيئة، اكتئاب ما بعد الولادة هو حالة طبية شائعة وقابلة للعلاج.
الملايين من الأمهات حول العالم يمررن بتجارب مماثلة، وطلب المساعدة هو أقوى خطوة يمكنكِ اتخاذها نحو التعافي والعودة إلى الاستمتاع بهذه المرحلة الجميلة💪🏻🤍🌻

بادري بحجز استشارتك

📍عنوان العيادة: ش حسان ابن ثابت مع شارع المعتصم فوق محل ديجافو

تليفون واتس آب 📞
010 91392551

​ #وعي

06/07/2025

فخورة بانضمام د فاطمة لفريق ميديكيت 💝
و فخورة اصلا بوجود جرّاحة Female ..
عارفين ده معناه ايه؟
يعني اي حاجة ممكن تحتاجيها كأم بطلة مرضعة.. هتلاقينا في ضهرك في كل التخصصات.. بنتكاتف لدعمك في مشوارك..
رضاعة طبيعية
أطفال
تقييم سلوك رضع
غدد صماء
غدد صماء اطفال
جراحة ث*ي و ش*ج
نفسية
تغذية
جلدية و ليزر و تجميل

امشي مشوراك بثقة.. احنا وراكي 🩷🩷

Welcome Dr. Fatma Farahat Hagag 👩🏻‍⚕️

بنرحب بانضمام د. فاطمة فرحات حجاج لأسرة أطباء Medic8

أخصائي الجراحة العامة وجراحات الث*ي والش*ج، والمُتخصصة في تقديم الرعاية الجراحية للسيدات والأطفال فقط 🩺
وده دور نادر ومهم جدًا بيفرق مع ستات كتير كانوا مستنيينه 🤍

لو بتدوري على راحة، خصوصية، واهتمام حقيقي بتفاصيلك الصحية...
د. فاطمة موجودة دلوقتي معانا علشان تطمني في كل خطوة 🙏🏻

📞 للحجز أو الاستفسار: 01226777710
📍 العنوان: طنطا - حسان بن ثابت مع المعتصم
💌 أو ابعتيلنا استشارتك في رسالة دلوقتي

02/07/2025

ساعة .. في ٤٥ ثانية

29/06/2025

ما دام فيه التهاب أو خراج.. يبقى لازم نوقف رضاعة
خطأ ❌.. خطأ ❌ .. خطأ ❌

26/06/2025

لما مامي تبعتلي مسدج على واتس اب..
ردي بيكون: "أقدر أساعدك ازاي؟ 🤗"
بس في مرة.. مامي اللي بعتتلي.. "مساء الخير.. تقدري تساعديني ازاي؟ 😢"