27/04/2024
لو أبوك كان بعيد عنك وانت صغير هتفضل تدور عليه طول حياتك في اللي حواليك لحد ما تتصالح معاه جواك .
هتفضل تدور على حد قوى وبعيد وحنين عشان تعوض فيه الأب اللي اتحرمت منه ، وهتفضل ضعيف ومهزوم نفسيا قدام نفسك وقدام البعد المفاجىء والغير مُبرر . لحد ما تتعافي وتتصالح مع صورة أبوك جواك .
🟤 الدراسات النفسية أكدت إن غياب الأب بسبب السفر الدائم وعدم تعويض دا أو بسبب الانفصال أو الوفاة لا قدر الله فيه ارتباط كبير بينه وبين الشخصية الاعتمادية ، ودا اضطراب نفسي يعرف ب
Dependent personality disorder
ومدرج فى DSM
وعشان تتصالح مع تقصير الأب جواك ضرورى تكون مدرك إن أبوك انسان عادى مش ملاك ممكن يغلط عادى جدا أيا كانت الأسباب ، لأ وتعذره كمان ، لأن أكيد مر بحياة خلته يتصرف بالطريقة دى .
وخلى بالك إن أبوك ممكن يغلط ويصلح غلطه وممكن يكمل فيه عادى جدا ، بس دا مش معناه إن ربنا مش هيحاسبه ، لو قدرت تعمل دا هتتعافى وتتصالح من جواك .
الأب هو القدوة والسند ومصدر الأمان لأولاده .
فضلاً أيها الآباء استقيموا يرحمكم الله
/د حنان سُليمان
للحجز والتواصل 01274677805
Call now to connect with business.
