https://www.facebook.com/1129749010373231/

Tanta Foodies, Tanta (2025)

26/08/2021

فاكريين 😍😋👇🏻👇🏻

11/08/2019

☕
كل سنه وأنتم طيبين وعيد سعيد 🐏علي الأمه الأسلاميه كلها🙌
لو أنت من محبي الهدوء وصدعت من زحمه العيد والشوارع🤕المكان دا هتلافي فيه راحه نفسيه عجيبه 💆‍♀💆‍♂والأسعار مناسبه جداااً😍
لو انت من طنطا خصوصا شباب وبنات مقيمي ش حسان بن ثابت 😉😉ومقعدتش فالكافيه يبقي فاتك قعده عمرك ما حلمت بيها👌
المكان دا بأختصار مصدر للراحه والبهجه والهدوء🤩🥰 اللي كلنا بندور عليه كلنا🏃‍♂
ولو انت بتنزل شغلك بدري أو دراستك الصبح🌞 يبقي عايز حاجه تديك باور💪طول اليوم وتظبط مزاجك😎 ودا بيتلخص فـــ السينابون الطازه🍩أو الميني تارت🥮أو النوتيلا وافل اللي الشيكولاته🍫 سايحه عليه وطبعا دا مع فنجان قهوتك التركي - الفرنساوي - قهوه نوتيلا☕ ودي لازم تجربها بنفسك مش قادر أوصفلك جمالها😍
لو الجو حر🥵وعايز ترطب يبقي الاسموزي (ميكس بيري -وبلو بيري -مانجا -كيوي)🍹 يا أما الكوكتيل الهافانا ودا عباره عن مانجو و كيوي و موز و ايس كريم🍨 هيفرفشك وينعنشك😍
ولو خروجاتك باليل🌚 يبقي أنت تجرب سبريسو درينكس (كونبانا -أفوجادو -فلات وايت)☕ ولو الجو لسا قافش شويه ممكن تغير وتضرب كاندلز ميلك تشيك أو ميلك تشيك بلو بيري أو صودا أن فاير🍸والصودا مع الليمون والثلج هتنعشك لوحدها🤤
أو ممكن تاخد مولتن كيك🍰والصوص هيبهدل هدومك أساسي مع موكا نوتيلا أو فرابتشينو بندق أوكراميل هوت شوكلت🥤
الأضافات كلها موجوده مكسرات- شوكلت - صوص - أيس كريم👏🥰
طبعا باقات بين أسبورت والواي فاي طلقه🚀
الأسعار💰
القهوه ب 10😄
الميني تارت نوتيلا أو مالتيزرز 26🙃
المولتن كيك 26 🙃
بصراحه أغلي حاجه عنده ب29ج رخيص جدااا ً🤑
المنيو موجود علي البيدج👈 https://www.facebook.com/CandlesCoffe/
🏪العنوان ٢٩ ش حسان بن ثابت مع الشعراوي (هاله توفيق).
☕

26/05/2019

😋😍

#فعلاً_رقم1
من اول ما وصلنا و شوفنا المنظر بعد ما سمعنا عنها كتير فعلا هتحس بالأجواء #الرمضانية و ليها روح كده مش هتحسا غير اول ما توصل 😍♥️
نيجي بقي للأكل طلبنا ع السحور
فول سجق
فول زيت حار
بيض بودي مكس "اخترااااااع" 😍
ميكس جبن طبق مشكل هيعجكوا
بيض بسطرمه
رومي مقلي و ٢ فارم 😋😋
مربي بالقشطه
الفاتوره مكملتش ١٤٠ جنيه كنا ٣ اشخاص كلنا لما شبعنا 😍😋😋😋
- الخيم موجوده جمب كل فرع من فروع ابودشيش
- بجوار فرع النادي
- بجوار فرع الحلو "كبيره جدا"
- بجوار فرع علي مبارك "ع الطبليه"
👈🏻👈🏻 مفيش حجز هتروح بدري تلحق مكانك 🤣💪

صفحتهم 👈🏻 Boudy Bakery & Restaurant - ابو دشيش

10/05/2018

عارف انت الناس اللي بتحب تاكل لحمه بس اهو البوست ده لمحبي اللحمه فقط 😂
اجدد منطقة في طنطا حاليا يحتلها اجدد مطعم بافضل ديكور و اجود المنتجات
مطعم Meat Point لحمة بلدي 100% و بتختار اللحمه و هي حمرا لسه و الميزه كمان اللي تأكدلك مصدقايتهم ان المطبخ مفتوح ممكن تتفرج علي اكلك و هو بيتعمل 👌

طلبنا استيك فيليه مع بطاطس مهروسه و ارز بسمتي و دي كانت نسبة الدهون فيها تكاد تكون منعدمه و ده بيخليها مش اي شيف يعرف يظبطها و كانت زي ما الكتاب بيقول بس الملح زيادة شويه
الطبق التاني كان استيك انتركوت و دي فيها نسبة دهون زياده شويه عن الفيليه بتخلي طعمها بعد ما تستوي بتبقى جوسي كده و ملبن في نفسها 😍 مع سوتيه و ارز بسمتي

حلينا ب تشيز كيك و بتختار اي صوص انت عايزه احنا اختارنا فراوله ، و احنا عشان بنقدر الحلويات و نعرف نميز الحلو من العادي من الوحش فا نحب نقولكوا ان دي كانت مختلفه عن اي تشيز كيك ممكن تاكلها في اي مكان و تستحق التجربه فعلا ✌😍

المكان : شارع الاشرف منطقة الابراج
الاسعار: المنيو في الصور

جربوا المكان و اتصوروا فيه و هنختار صوره عشوائيه ننزلها عالبيدج 😍❤

17/04/2018

من زمان كنا محتاجين مكان زي ده يكون متخصص في البرجر و بس بكل اشكاله و اطعامه المختلفه 😍
لما زورنا Boom Burger اتبسطنا جدا من ديكور المكان و الاستايل القائم بيه المطعم ده من اضاءه لكراسي لترابيزت لرسومات عالحيطه حتي طعم الاكل نفسه افضل من مطاعم كبيره و عالميه 😋

المقبلات في بداية الاكل بالنسبه لمعظم الاكيله هي اهم من الاكل نفسه 😅 فا بدأنا بال onion rings نزلت سخنه طبعا و هشه جدا و ده كان اجمل ما فيه و معاها صوص حلو جدا بس معرفناش هو ايه😅
لسه بنخلص اخر قطعه في طبق المقبلات الاول نزل تاني طبق chicken wings و ده يا تطلبه بصوص تشيلي حار او صوص باربيكيو و معاها صوص بلو تشيز حاجه كده تحسها وجبه اساسيه مش مقبلات خالص حجمها حلو مش زي باقي المطاعم خالص و دي لازم تجربوها
يطاطس ودجز او wedges fries احلى بطاطس ممكن تاكلها في طنطا عشان مبتلاقيش قشر البطاطس وانت بتاكل و هي سخنه و هشه و مقرمشه و بتدوب في البق 😋😋
معاها تشيلي صوص مخليها في قمة الجمال بجد 😍
ال main dish بقا ده كان سندويتش cowboy beef burger اولا بالنسبه للحجم ده كان ٢٠٠ جرام حجم البرجر غير الحشو اللي في الساندويتش 😍😅
جبنة شيدر ، بصل ، خيار مخلل ، مايونيز ، كابوتشا ، بيف بيكون ده كله جوه الساندويتش مع البرجر اللي هو هتشبع يعني هتشبع 😅

03/04/2018

المشويات مش اي حد يعرف يقدمهالك زي ما الكتاب بيقول و الطواجن مش اي حد يعرف يعملها نفس ست الكل في البيت
طواجن ابو عمر جمع بين الديكور العربي الاصيل و الاكل البيتي بنفس ست الحبايب 😍✌

طلبت نص كيلو كباب و كفته و ده محتاج شيف شاطر يطلعلك الكباب نضيف مش بيشد و مستوي ده غير الطعم الكفته المختلف عن اي مطعم مشويات في طنطا
ورقة اللحمه كانت محتاجه تتصور افضل من كده بس من ريحتها و شكلها ملحقتش اصورها غير الصورة دي فيها بصل و بطاطس و فلفل و قطع لحمه غرقانه في كل ده بصوص مبهر جدا

الملوخيه دي محتاجه شعر عشان محدش بيعجبه الملوخيه برا بيته بس دي مش فاهم فيها اي بيخلي اي حد يجربها لازم يرجع ياكل منها تاني مش هقدر اشرح طعمها لازم تجربوها

الممبار بقا ملحقتش اصوره عشان نزل اول حاجه و انا جعان جدا ميزته انه مستوي و سهل تقطعه بالسكينه في بس حاجه ان الطبق صغير شويه لو بقي اكبر هيبقي تحفه

ارز معمر تحس فيه بطعم اللبن و بوش القشطه اللي عليه بيتعمل فريش مش جاهز و بيتسخن و مع الملوخيه بقى مش هقدر اوصفلك

بعد كل ده و الكرش بقى 9 متر قدامك و في فترة اللامبالاه تقرر تغسل ايدك و ترجع تلاقي براد الشاي المحترم ده هديه من المطعم عشان تهدي المعده ؛ ادارة المطعم عارفه الجريمه اللي حصلت دي

العنوان
شارع النادي مع علي مبارك امام البرماوي

الاسعار
ورقة لحمة : 75
نص كيلو كباب و كفتة : 110
ارز معمر : 15
ملوخية : 20
ممبار : 25

27/03/2018

الصيف داخل علينا و عايزين نروق على حالنا و ندلع نفسنا و منحرمهاش من حاجه 😂
احنا بنيجي على نفسنا و على الدايت بتاعنا عشان نوصلكوا الابداع و الجمال ده✌ 😍
وافل ارت مكان اقل ما يقال عليه انه مصنع السعاده و الانبساط ؛ مصدر البهجه اللي كل واحد فينا محتاجها في حياته 😅😍❤

-اولا كده الفروتي وافل ده عليه صوص شيكولاته دارك و وايت و فيه فواكه كتير و مناسب جدا للعامل دايت على فكره 😂😍

-التشيز كيك فريك شيك و ده تحاول تفتكر اسمه كويس 😂 ؛ ده تشيز كيك فراوله بتاكلها الاول عليها صوص فراولة و قطع فراوله و بعدين ميلك شيك فراوله يعني باختصار كده فراوله في فراوله 😍😍
-السينابون رول ده غير اي سينابون عشان دايما طازه و فريش عليه صوص توت بيخلي في طعم مزازه كده بييظبط الاداء😢😍
-اللي فاكر ان دي زلابيه هنزعل منه اوي 😂😂 دي فرايد شوكولت عليها وايت صوص و قطع شيكولاته صغيرة اللي مش بيحب اللغوصه دي مناسبه عشانه 😅😍

-نيجي بقى للمشروب الرائع ده اللي كان مساعد اساسي في عملية الهضم و الزحلقه للمعده 😂 ؛ ده اسمه بلو بوينت حاجه ريفريشمنت كده جوه الجار ده شرائح الليمون الطازجه مع بعض من البلو بيري و الصودا و الثلج المنعش 😋😍 ده هنقول عليه الراعي الرسمي للصيف السنه دي 🌞

المكان
شارع النادي بجوار مديرية الامن امام بوابة 2 نادي طنطا الرياضي

الاسعار
-فروتي وافل : 35
-تشيز كيك فريك شيك : 35
-شيكولاته مقليه : 25
-بلو بوينت : 25
-سينابون رول : 35

15/03/2018

لو انت من طنطا او طالب في جامعة طنطا بتيجي دراستك كل يوم و متعرفش مين هو الشيخ ابراهيم يبقى انت مجتش طنطا

الشيخ ابراهيم عربية فول كتير مننا اتربينا عليها و كبرنا من خيرها 😍😋
احلى طبق فول هتاكله في حياتك كلها و هو تقريبا بيبقى ادمان لكل اللي بيجربه 😅😅
الشيخ بيعمل طبق الفول مظبوط مفيهوش غلطة ولا شطه زياده ولا ملح زياده عشان تحس بطعامة الفول و تستطعم كل تفاصيله 😇
طبق الجبنة ده حير كتير من الاكيله 😂 جبنة بالطماطم عادية جدا بس طعمها اشبه بالزبده اللي بتدوب في بوقك كده 😍
طبق الطماطم بالكمون و الملح لكل اللي بيحب يرطب على حاله و يدلع نفسه و هو بياكل 😄
المثل اللي بيقول ((تظبيط الشغل اهم من الشغل نفسه)) ده ينطبق على الاكل في طبق البصل بالخل و الكمون 😍😋
العيش طبعا بلدي و صابح
الطلب مكون من (( طبق فول - جبنة - بيض - طماطم - خيار - بصل - مخلل ))

عنوانه : شارع عمر بن عبد العزيز امام شوكولا
اسعاره : الطلب ب 12.5 جنية
مواعيده : من 11 بليل للصبح معادا الخميس

14/03/2018

فى الدنيا حاجات كتير اهم من الحب والارتباط 😍😍😂😂

منشن 😋

13/03/2018

اكيله الاندومي |حقيقه ما وراء علاقه الاندومي بالسرطان😱

إشاعه أن الأندومي" بيجيب سرطان للمخ ، وبيرفع ضغط الدم وبيسبب تلف للأعصاب والشعور بكثره النوم والنسيان مما يؤدي إلي الفشل والزهايمر والشلل الرعاش والسمنة والصداع المزمن وسرطان الثدي
والغريبة أن البوست ده اتشير 95 ألف مرة

المشكلة الحقيقة أن مفيش علاقة بين اي مرض من دووول وبين التاني ، والناس داخلة تتحسبن علي اي حاجة وخلاص

دي مجرد مكرونه عاديه جداً زيها زي أي مكرونه تانيه ؛ من إنتاج شركه "اندوفود سوكسيس ماكمور" الاندونيسيه العالميه بتصدر المنتج بتاعها لأغلب دول العالم من ضمنها دول شرق آسيا وامريكا وأوروبا ودول البحر المتوسط ، وهي تحتوي علي مادة "غلوتامات أحاديه الصوديوم Es21 MSG" ، ودي بتعتبر من أكتر الأحماض الأمينيه في الطبيعه ، وهي آمنه تماماً وفقاً لمنظمه الصحه العالمية ..

لكنها في نفس الوقت مجرد وجبه عاديه من الكربوهيدرات تفتقر من الألياف والفيتامينات والمعادن ، وبالتالي ليس لها قيمة غذائيه كبيره والاعتماد عليها وحده كوجبه كل يوم ليس مفيد للجسم وليس مُضر أيضاً .

إلي الآن ؛ لم تًُسجل حاله سرطان واحده في العالم كان سببها "الأندومي" او حتي عامل محفز ليها علي الأقل !

اكل بيتخن وسعراته عاليه حاجه ومش مفيد حاجه
و بيجيب السرطان حاجه تانيه😉

21/02/2018

قولولهم اننا جايين 😎

*منشن*

10/01/2018

#العنتبلي

العنتبلى

العنتبلي مش ملك اللحمه 😷 هو طبق المكرونه بالسجق الاسكندراني ملوش حل 😍 طلبت معاه واحد كبده اسكندراني بردو كان حلو بس الكفته بالليه مش حلو خالص 😔 كانت مش مستويه كويس + علي كده اني بحب الليه متشوحه الاسعار مناسبه يعني ولا غاليه ولا رخيصه
المكان عالمي بجد ديكور و راحه نفسيه ده غير النضافه🤩 بس ليه مخلين المخلل و سلطه الطحينه لوحدهم 😭

رساله للمعلم 😂 اظبط ساندوتش الكفته و سمعنا ان سندوتش اللحمه حلو هنجربه تاني مع الكفته و ياريت تكون ظبطها عشان تستحق ساعتها اللقب ✌🏻

العنتبلي : شارع الحلو مع حسن رضوان
‭01212000915‬

كل تجاربنا الشهر ده برعايه ملك الكريب |Krebawy Eldelta

04/01/2018

😍

بما ان انهارده الخميس قررت اداعب كرشي الصغير 😂 بشويه سكريات كتير من الاصدقاء رشحولي Sugary sweets نزلت انا و صديق و جربنا تشيز كيك كوكيز و ريد فلفيت و رز باللبن بالشكولاته 😍😋

👈🏻 بعيدا عن جوده و الطعم اللذيذ و شياكه البرطمان 😍
ديكور المكان وهمي 🤩الصور في الالبوم ده👇🏻

ننصح البنات بالزياره 😂 منشن لصحبتك الي بتصور بمعدل 100صوره/ثانيه 😂

المكان : حسان بن ثابت مع حسن حسيب

كل تجاربنا الشهر ده برعايه ملك الكريب | Krebawy Eldelta

01/01/2018

للمجانين فقط 🤪✋🏻

ناس قليله الي عارفه معني و طعم انك تاكل ايس كريم في الجو ده الناس دي لازم تجرب الايس كريم غير تقليدي 😍🤩 في ليله رأس السنه روحنا ع Frozzy Twist 😋
و جربنا الاتي 👈🏻ايس كريم غزل بنات و لوتس موز و مولتين كيك اما ساندووتش البراوني ده حاجه تانيه خالص 😍 لازم تجرب بنفسك تجربه مختلفه دي

منشن لصاحبك/صاحبتك الي هتروح معاهم في اول السنه الجديده و عيش تجربه ايس كريم مختلفه 😋🎉

Frozzy twist شارع الامين بعد حسان بن ثابت

23/12/2017

😅

النهاردة كان اختبار اكثر من رائع ❤ و نجح فيه شباب زي الورد من طنطا ، رجاله بجد و بدأوا يشتغلوا و يفكروا بدل قاعدة القهوه ☕ و اعمارهم بين 21 و 22 سنة لسه طلبه في الكليه و بداية حياتهم سألنا على اسمائهم و عرفنا انهم :
👦محمود هشام
👦محمد عاطف
👦يوسف خالد

حبينا نشجعهم و نجرب الزلابيه من عندهم و طلعت من احلى الزلابيه اللي موجوده على مستوى طنطا فعلا بدون مبالغة 😍❤ و احلى من محلات كتير و اراهن عليهم بدخولهم في منافسة سوق الزلابية في طنطا و نجاحهم فيه

الزلابيه (( او الجريك دونتس 😅 )) كانت مكونتها مظبوطه بالظبط و مقرمشه مش محروقه ولا طريه ، واكتر حاجه عجبتنا انها مش شاربه زيت 👏 زي محلات كتير فيها رجاله بشنبات و بيطلعوها مليانه زيت فا دي نقطه مهمه تميزهم عن غيرهم و خفيفة و هشه ولا اجدع شيف💂

الصوصات اللي موجوده 😍❤ (( شيكولاته , شيكولاته بيضاء , توت , مانجو , كراميل و سكر و عسل طبعا )) و ممكن تعمل ميكس اي 2 صوص مع بعض✌

مستوي النظافة كويس جدا 😃 و مهتمين بيه اوي و كفايه انهم بينضفوا مكانهم قبل ما يشتغلوا و بعد ما يخلصوا شغل👍

اي حد اكيل نفسه في حاجه حلوه و بعد ما ياكلها يتبسط انا ارشحله جدا الزلابيه العالميه دي 😍😍

الاسعار 💰 : تبدأ من 7 , 10 , 15 , 20 جنية

المكان 🏠 : شارع سعيد بعد فريسكي مباشرة

Tanta Foodies

26/08/2021

11/08/2019

26/05/2019

10/05/2018

17/04/2018

03/04/2018

27/03/2018

15/03/2018

14/03/2018

13/03/2018

21/02/2018

10/01/2018

04/01/2018

01/01/2018

23/12/2017

Address

Website

Alerts

Contact The Practice

Shortcuts

Share

Category