Dr. Alaa Sleem, Tanta (2025)

24/07/2023

نصائح من ذهب وكلام لازم الناس تفهمه جدا ❌❌

الهدوم وسعت عليا بس وزني ثابت علي الميزان 🤔🤔

حجم كيلو الدهون اضعاف حجم كيلو العضلات علي رغم انهم نفس الوزن علي الميزان.. 🤨

وهو ده تفسير انك لما بتمشي بنظام صحي متوازن مع رياضة مقاساتك بتتغير بسرعة والميزان بينزل ببطئ.. ✋

معناه انك بتخس دهون وبتزيد عضلات وده يفرحك مش يضايقك لانه بيرسم شكل جسمك.. 🚶

علشان انزل كيلو دهون من جسمي محتاج احرق 7500 سعر وده رقم كبير ومحتاج نظام متوازن ورياضة ووقت.. 🏋️

وزي م الدهون بتنزل بصعوبة ، بردو بتتكون بصعوبة..
علشان كده اللي بيخس صح صعب يزيد تاني.. 👌💪

نخرج بالكلام ده بشوية حاجات..

1- اللي هتخسه بسرعة اكتر من كيلو في الاسبوع بنظام دايت قاسي مش دهون دي عضلات ومية..
علشان كده بترجع تزيد بسرعة وده اللي بتعمله حوارق الدهون👎🏻..

2-الاستعجال بيخليك تخس وزن لكن شكلك ومقاساتك مش كتير بتنزل ده غير الترهلات لان ده معناه العضلات ضعفت والدهون قاعدة.. ❗

30/06/2023

⬅️⬅️ ايه هي التغذيه السليمه لتقويه و اداء العضلات ؟ الجزء التاني :

زي ما وعدتكم اخر مره هنتكلم عن المواد الغذائيه الكبيره الي البطل بيحتاجها و بيحتاجها اد ايه و امتي و هي الكربوهيدرات و البروتين و الدهون ::

1️⃣اولا الكربوهيدرات

و د بتلاقيها ف النشويات و الالبان و الخضروات و الفاكهه و البقوليات ::
و تعتبر هي المصدر الاساسي للطاقه و عاده اللاعب بيحتاج كارب سريع الامتصاص قبل التمرين زي الفاكهه و كارب معقد بعد التمربن زي البقوليات و الحبوب ..

بس بيتراوح كميه النشويات علي مدار اليوم حسب احتياج اللاعب يعني لو عايز يفقد وزن مش بندي كاربوهيدرات كتير لو عايز يزيد يبقي ياكل كاربوهيدرات كل ساعتين لو عايز يثبت ياخد احتياجه بس ...

و بيتراوح برضه حسب نوع التمربن يعني الكارديو مش بيحتاج كاربوهيدرات بنسبه عاليه بعد التمرين لكن الفيتنس بيحتاج كارب كويس عشان شفاء العضلات.

و د نقطه مهمه لان وقت التمارين الي بتعد فترات طويله و فبها فيتنس عالي العضله بتخسر كل مخزون الجليكوجين بتاعها فلازم نرجع المخزون د بسرعه لان د خط الدفاع الاول للعضلات لإنتاج الطاقه فبالتالي لو المخزون د قليل.. العضله بتبقي اكتر عرضه انها تتحرق و يحصل فبها إصابات غير انها بتبقي سهل يتحوش مكانه دهون و د بيخلي اداء اللاعب وحش جدا مع الوقت ...

2️⃣ثانيا البروتين

و د موجود ف اللحوم و الدواجن و الأسماك و الالبان و البقوليات

البروتين مهم اوي اوي لشفاء و بناء العضلات و بيبقي مهم جدا بعد التمرين و علي مدار اليوم ف خلال ٤ وجبات متقسمه عشان يروح كله للعضلات و مايتخزنش دهون نهاءي لأنك لما بتاخد كميه كبيره من البروتين مره واحده جزء منه بيروح للعضلات و الجزء التاني بيتخزن ...

عشان كده ممكن تقسم البروتين علي وجبتين او ٣ صغيرين بعد التمرين د بيخلي العضلات تبقي قويه اكتر

و لما تاخد بيض او فراخ او سالمون بعد التمرين بيبقي احسن امتصاص عشان الليوسين الي موجود بكميه مناسبه ف الأكلات د و العضلات بتبقي محتاجه للبناء.

3️⃣ثالثا الدهون :
الدهون الصحيه مهمه جدا جدا للاعب عشان تمنع التهاب الخليه و تقلل من الآلم بعد التمرين فاللاعب لازم يركز علي المكسرات النيه الحبوب زي بذور الشيا و الكتان الافوكادو و زيت الزيتون و الأحسن ان هو ياخد الدهون المشبعه بكميه قليله من المصادر الطبيعيه زي الالبان و اللحوم و الزبده . .
و يمنع خالص الزيوت النباتية و الدهون المهدرجه لانها بتقلل من طاقه اللاعب و بتقلل من اداؤه د غير انها بتعلي الألم ف التمربن و بتقلل شفاء العضلات ..

بوست تقيل شويه انا عارفه بس قلت معلومات مهمه لازم كلنا نبقي عارفينها

30/06/2023

⬅️⬅️ ايه هي التغذيه المناسبه لشفاء و زياده قوة العضلات ؟ 💪🏻💪🏻

عشان يحصل شفاء تام للعضلات بعد التمربن لازم نركز علي عوامل مهمه:
١ توزيع الطاقه علي مدار اليوم
٢ توزيع السليم للبروتين و النشويات و الدهون
٣ لازم نركز علي المعادن و الفيتمنات
٤المايه
٥ وقت الوجبات السليم
٦المكملات الغذاءبه لو محتاجها

هشرحلكوا كل نقطه ف بوست منفصل 🙏🙏

فركزوا معايا علي اول نقطه و هي توزيع الطاقه :

هسهلكم الموضوع و هنركز علي ٣ نقط لو عملناهم هيبقي توزيع الطاقه ممتاز علي مدار اليوم:

اولا 1️⃣
اعرف طبيعيه تمرينتك و احتياجاتك من الطاقه حسب التمربن يعني لو تمرينه كارديو ممكن متحتجش نفس كميه النشويات زي تمرينه الفيتنس .... فحدد هدفك الاول و اعرف نوع تمرينتك و علي أساسها نحدد كميه السعرات علي مدار اليوم ...

ثانيا 2️⃣

النوع ...نركز امتي علي النشويات؟؟؟
لما تبقي محتاج طاقه و شفاء سريع للعضلات فممكن ناخدها قبل التمرين بساعه او نص ساعه حسب نوع الكارب ...
و ناخدها بعد تمرين فيتنس او تمرين كارديو طويل مدته اكتر من ساعه عشان مخزون الجليكوجين ف العضلات يرجع بسرعه ...

نركز امتي علي البروتين ؟؟
البروتين بنحتاجه علي مدار اليوم لشفاء العضلات و قوتها و الأحسن تبقي مع حد متخصص يحسب كميه البروتين المناسبه ليك لانها بتختلف من لاعب للتاني ...

نركز امتي علي الدهون ؟؟
عكس ما معظم الناس متخيله ان الدهون مينفعش للاعب الجمباز لكنها مهمه جدا عشان امتصاص بعض الفيتمنات و مهمه كمان لصحه الأعصاب و القلب عشان كده مهم نركز علي الدهون الصحيه عشان نقلل من التهاب الخلايا و العضلات ..

ثالثا 3️⃣

التوقيت :

رتب وجباتك حسب مواعيد التمربن بحيث تستفيد لاقصي درجه و ف نفس الوقت تقدر تاخد الطاقه المناسبه جوة التمرين و د بيفرق جدا ف الأداء و تكسير العضلات و شفائها أثناء و بعد التمربن..

⬅️⬅️طيب ايه الي بيحصل لما تبقي نسبه السعرات و الطاقه مش مظبوطه علي مدار اليوم ؟

د بيخلي ف حاجه اسمها نقص طاقه محتمل
و ممكن يكون نقص الطاقه د متعمد بسبب جزء نفسي (بتحصل كتير لما اللاعب او اللاعبه يبقي خايف يزيد عشان تعليقات ف التمربن او خايف ميجبش مادليه او بحقق هدفه ) و ساعات بتبقي بسبب قله تنظيم او متابع مع حد مش متخصص فبيقلل جامد ف السعرات ف النظام بتاع اللاعب ...😏😏

و د بيسبب اضربات ف المناعه ضعف ف العضلات اضربات ف الجهاز الهضمي تأكل ف العظام د غير الجزء النفسي الي ممكن يدخل اللاعب او اللاعبه ف جوع عاطفي و تقليل للذات اعتقاد منه أن هو مش قادر يقاوم ف حين ان جسمه هو الي ليه احتياجات مش عارف ياخدها.🙄🙄

غشان كده توزيع الطاقه و السعرات مهم اوي علي مدار اليوم من غير اي حرمان ...

و ف البوست الجاي هشرح لكم توزيع السليم للنشويات و البروتين و الدهون بشكل مفصل اكتر . 🥰

29/05/2023

انا بس عاوزك تبقي فاهم الدنيا
قد تعتقد انك شخص حرقك ضعيف و زعلان انك مش بتاكل،ولكن ف الحقيقه انت بتاكل وتشرب اكتر واحد
بس بتاكل غلط😉

الصور دي بتوضحلك كميه السكر اللي بيدخل جسمك لما تشرب او تاكل حاجه من دول ،
و طبعا عارفين السكر بيدخل الجسم يتحول ل ايه 🤔🥹
ف متجيش تقول انا بشرب كل مشروباتي السخنه من غير سكر و انت ف الحقيقه خاربها سكر🥹

افهم الدايت صح 😉😉

27/05/2023

حكاية المياة

1️⃣- هل ينفع اشرب ميه وسط الاكل ولا هتعملى كرش
= اه عادي ينفع مفيش مشكله عشان الهضم مش بيحصل الا فى وجود مية

2️⃣- هل ينفع اشرب ميه وسط التمرين
= اه عادي ينفع وكل لعيبه الكورة وجميع انواع الرياضه بيشربوا عادي
وعشان نحافظ على لزوجة الدم

3️⃣ هل ينفع اشرب ميه وانا بلعب تمرين البطن
= اه عادي برضو

4️⃣ هل لازم اشرب ميه سخنه اول ما اصحي
= لا مش لازم تشرب مية سخنه اصلا هي عموما مش هتنزل معدتك سخنه اصلا لان هيتم تعديل درجه حرارتها فى الفم قبل ما تنزل و الي هيتلسع لسانك بس ..وطبعا فى النقطة دى بنتكلم عن الايام العادية مش فى رمضان

يا سيدى مش المية اللى هطلعلك كرش سيبك انت بس من رغفين الفينو على السحور و و2لتر العصير اللى بتفطر عليهم فى رمضان ومعاهم 12 معلقة سكرا وازازتين البيبسي اللى بتهضم بيهم .. مش المية هى اللى هتخنك يا ابو جسم سامبتيك 😂

سجل معانا عشان تخس وتغير شكل جسمك
اشترك فى تحدى 90 يوم
ابعتلنا رقمك DM او كلمنا او واتساب على
01113343473

24/05/2023

شوية نقط فيهم الخلاصة عشان تخس

نام بدري واصحوا بدري تخس ٧٠٪ اسرع

متشربش كافيين كتير تخس اكتر
ومقولتش امنع القهوة قولت بلاش كتير

اشرب ٣ لتر مياه يوميا تخس ٥٠٪ اسرع
انك تتنفس انفاس عميقه أو تعمل تمارين التنفس بانتظام يوميا مهم جدا لان الدهون بتتحرق عن طريق النفس والأكسجين
اعمل دايت low Carb هتخس اسرع من اي نظام تاني وبشكل صحى ..وسيبك من الكيتو واللذى منة 😉😉
قلل العيش وامنع السكر من حياتك نهائي مش هتتخن تاني
ابعد عن الضغط العصبي والاسترس هتخس بسهوله

20/05/2023

افضل الأكلات والأطعمة الغنية بالحديد لمرضى الأنيميا

لازم تعرف بعض المعلومات المهمة في الاول وهو ان احنا عندنا نوعين من انواع #الحديد في الاكل :-

النوع الأول يسمى الحديد الهيمي ( Heme Iron )
وهو موجود في المنتجات والاكلات الحيوانية

النوع الثاني يسمى الحديد غير الهيمي ( Nonheme Iron )
وهو موجود في الاكلات النباتية

النوع الأول هو النوع الأفضل كقيمة والأسهل و الاكثر امتصاصا والاكثر فائدة للجسم

وهذا النوع ايضا لا يتأثر ولا يتفاعل مع الاكلات الأخرى مثل شرب الشاي والأوكسالات وحمض الفيتك الموجود في بعض الاطعمة

ولكن النوع الثاني بيكون اقل في الامتصاص وأقل قيمة وأقل فائدة للجسم

وأيضا عيبه أنه بيتفاعل وبيتأثر بمكونات الطعام الاخرى :-

مثلا الأوكسالات الموجودة في السبانخ بتأثر على امتصاص الحديد الموجود في السبانخ

وحمض الفيتك الموجود في البقوليات والارز البني والمكسرات بيؤثر ايضا على كميه وامتصاص الحديد الموجود في هذه الاطعمه

و حتى شرب الشاي بيتفاعل و يؤثر بشكل اكبر علي امتصاص الحديد الغير الهيمي الموجود في المصادر النباتية

كميه الحديد بتكون اكبر في المصادر الحيوانية عند مقارنه نفس الوزن من المصادر النباتية

يعني مثلا لو عندك 100 جرام كبده و100 جرام سبانخ فكميه الحديد الموجوده في الكبده اضعاف اضعاف كثيرة كمية الحديد الموجوده في السبانخ بخلاف طبعا أن نوع الحديد في الكبدة أفضل لانه من النوع الأول

هيكون صعب جدا الاعتماد على المصادر النباتية فقط في علاج الانيميا ورفع مخزون الحديد

ولكن نقدر نعتمد على الدمج والجمع بين النوع الأول والنوع الثاني ، لان من فوائد الدمج او الجمع بين النوعين ان الحديد الهيمي الموجود في المصادر الحيوانيه بيساعد الجسم انه يستفيد بشكل أكبر من الحديد غير الهيمي الموجود في المصادر النباتيه لانه بيزيد من امتصاصه

يعني مثلا لو اكلت لحمه وباذنجان في نفس الوقت فانا هستفيد بالحديد الموجود في قطعه اللحمه وايضا الحديد الموجود في قطعه اللحمه هيخلي الجسم يستفيد اكثر ويمتص اكثر الحديد الموجود في الباذنجان

وطبعا اكيد من فوائد الدمج أني هقلل التكلفة الاقتصادية

19/05/2023

✨

18/05/2023

🔰 كلنا بنسمع كثير جدا كلمه او مصطلح مقاومة الانسولين ولكن يا ترى كم واحد فينا عارف معنى هذه الكلمه ؟

👌 بكل بساطة نعرفها مع بعض :-

الانسولين بُيفرز من خلايا اسمها خلايا بيتا في البنكرياس وده دوره الاساسي انه بيشتغل زي المفتاح ، بيفتح الخلايا للعناصر الغذائية وعلى راسهم السكر علشان ينتقل من مجرى الدم الى داخل الخلايا

مقاومه الانسولين بقى ان الانسولين موجود عندي ومش ناقص ، يعني البنكرياس ليس به مشكلة و بيفرز انسولين كويس جدا ولكن هناك مقاومة وعدم استجابة من الجسم ، بنقول عليها أن حساسية الخلايا قلت ناحيه الانسولين ، بمعنى لا تستجيب بشكل جيد للانسولين .

بمعنى ان قفل الخلايا خرب والمفتاح اللي هو الانسولين لايستطيع أن يفتح القفل ولا يستطيع نقل السكر من الدم الى داخل الخلايا

وبذلك يكون الانسولين عالي في الدم لان البنكرياس قاعد يفرز ولكن في نفس الوقت هذا الانسولين الجسم لم يستخدمه وعلشان كده بنلاقي كمان السكر عالي في الدم لان الانسولين لا يستطيع نقله الى داخل الخلايا

14/05/2023

عشر اشياء ممنوعة تماما عن مريض ارتجاع المريء وحموضةالمعدة

❌ البعد عن الاكل الدسم والاكل المسبك ذو الدهون الكثيره والأكل المقلي

❌ البعد عن التوابل الحارة والفلفل الحراق والشطة و النعناع

❌ كل الحمضيات مثل الطماطم والليمون والبرتقال

❌ المشروبات الغازية والقهوة والشوكولاته واي مصدر من مصادر الكافيين

❌ التوقف عن التدخين والكحول

❌ التوقف عن منتجات الجلوتين وهي كل منتجات القمح والدقيق مثل الخبز بكل مشتقاته و المعجنات والمخبوزات والكرواسون

❌ اللبن أو الحليب (بيعطي تأثير ملطف ووقتي فقط وبيخفف الأعراض في وقت الاستخدام فقط ولكنه بيفاقم الحالة وبيزيدها )

❌ البصل ، المواد الحافظة مثل الموجودة في اكياس الشيبسي وعلب الصلصة المحفوظة والكاتشاب

❌ جميع انواع الحلويات خاصة الحلويات الشرقية لأنها ثقيلة وفيها سمن كتييير

❌ اللحوم المصنعه مثل اللانشون والمرتديلا

⚠️ فيه طبعا بعض النصائح الأخري المهمة مثل نزول الوزن وان تلبس لبس واسع لا يضغط علي المعدة وان تأكل كميات اكل صغيرة ولا تملأ معدتك بالأكل

🤷‍♂️ فيه ناس ممكن تكتبلي الان كل هذه ممنوعات يا دكتور 😭😭 .. لازم تعرف فعلا أن المرض ده صعب وعواقبه خطيرة جدا لو أهملت فيه وأن هذه النصائح اهم بكثير جدا من استخدام العلاج الدوائي

13/05/2023

3 مشاكل ممكن تحصل مع الناس اللي هتمشي على الكيتو دايت وازاي نقدر نتغلب عليها !؟

🔰 اول حاجه ممكن يحصل تشنجات عضليه ، تعب ، دوخة ، فقدان للطاقة ، عدم القدرة علي بذل أي مجهود ، النوم مش مضبوط ، ضربات القلب مش مضبوطه 👈 كل ده بيكون راجع لنقص الاملاح المعدنية وخصوصا بأول الايام في النظام .

عندنا بيحصل نقص الصوديوم والبوتاسيوم فلازم تهتم بيهم وتعوضهم كويس جدا في أكلك ، وكمان نقص المغنيسيوم ،

ازاي اقدر اتغلب على الكلام ده ؟ انك مع بدايه نظام الكيتو لازم تزود استهلاكك من الحاجات دي ,

✅ عندك الصوديوم لازم تهتم جدا انك تزود الملح في أكلك

✅ و البوتاسيوم طبعا لازم تدور عليه في المصادر الطبيعية وخاصه هتلاقيه موجود بوفره في الورقيات الخضراء اللي هي شيء اساسي في الكيتو

✅ المغنيسيوم لسه منزلين عليه بوست امس وعن اهم المصادر ليه او انك تقدر تاخذه على شكل مكمل غذائي

🔰 ثاني نقطه ممكن يحصل لك اسهال شديد ومتكرر وده بيكون بسبب زياده استهلاك الدهون وجسمك في العادي مش متعود على هضم تلك الكميه من الدهون من اجل ذلك لابد ان تدخل نظام الكيتو بالتدريج وتزود نسبه الدهون بالتدريج

أو ممكن كمان تكون المراره عندك تعبانه ومش شغاله كويس من الاساس من قبل ما تبدا على الكيتو دايت ولكن لما مشيت على الكيتو دايت وزودت الدهون فبالتالي انت زودت الحمل والشغل عليها بقى اكثر بسبب زياده استهلاك الدهون في اكلك والمراره هي المسؤوله عن تخزين العصاره الصفراويه اللي بتهضم وتكسر الدهون

او ممكن عندك كمان يكون الكبد تعبان شوية من الاساس والكبد هو المسئول عن انتاج العصاره الصفراوية

فبالتالي لو عندك مشكلة في الكبد أو المرارة فلن تستطيع هضم الدهون بشكل جيد

🔰 ممكن يحصل تعب وارهاق و شعرك بيحصل فيه تساقط و الاظافر بتتكسر وده بيكون بسبب نقص استهلاك البروتين في النظام الغذائي

Dr. Alaa Sleem

24/07/2023

30/06/2023

30/06/2023

29/05/2023

27/05/2023

24/05/2023

20/05/2023

19/05/2023

18/05/2023

14/05/2023

13/05/2023

Address

Telephone

Website

Alerts

Shortcuts

Share

Category