07/09/2025
تعرف ان فيه مكمل إسمه Beta-Alanine بيعلى من آدائك الرياضي و هيطور من مستوى تمرينك!! 🚀💪
لما تتمرن بقوة، جسمك بينتج حامض اللاكتيك (Lactic Acid) اللي بيخلي العضلة pH تتهدد وتوصل لمرحلة "الحرقة" والإجهاد بسرعة. الـ Carnosine هو اللي بيقف أمام الحامض ده ويدافع عن عضلاتك، وكل ما كان عندك كمية أكبر منه، كل ما قدرت تتحمل التدريب أكتر ولفترة أطول.
وهنا بتيجي أهمية الـ Beta-Alanine: لأنه هوالبلوك البنائي الأساسي للـ Carnosine في جسمك. لما بتاخد المكمل ده، بتكون بتبني خط دفاع قوي داخل عضلاتك.
إزاي هيستفيد جسمك؟ 🏆
1. زيادة قدرة التحمل بشكل ملحوظ: الدراسات العلمية بتقول إنه بيحسن الأداء في التمارين العالية الكثافة اللي بتستمر من ١ إلى ٤ دقائق (زي الجري، كارديو، كروس فت، كرة القدم، والليفتنغ الثقيل). يعني هتقدر تعمل ريب (تكرار) زيادة من غير ما العضلة "تتقل" بسرعة.
· الدليل العلمي: دراسة منشورة في مجلة International Journal of Sport Nutrition and Exercise Metabolism أظهرت أن الرياضيين اللي بيتناولوا ٤-٦ جرام بيتا ألانين يومياً لمدة ٤ أسابيع، زادت عندهم قدرة التحمل بنسبة كبيرة.
2. تأخير الشعور بالإجهاد والتركيز: لما العضلة متوجعهش بسرعة، تقدر تركز في أداء التمرين بشكل صحيح وتستفيد أكتر من كل ريب.
3. زيادة الكتلة العضلية على المدى الطويل: لأنك هتقدر تزود شدة وحجم التدريب (Training Volume)، ده هيخلي العضلة تنمو أكتر.
ملاحظة مهمة جداً : المكمل ده النتائج بتاعته بتكون تراكمية، يعني محتاج تستخدمه لمدة ٤-٦ أسابيع عشان تبدأ تحس بالفرق الحقيقي. وجزء من الناس بيحسوا بـ "وخز خفيف" أو "تنميل" في الأطراف والوش بعد ما ياخدوه بساعة. ده عرض طبيعي جداً ومش خطر، وبيختفي مع الوقت.
الجرعة؟ 🥄 غالباًبتكون من ٣ إلى ٦ جرام موزعة على اليوم.
خلاصة: لو بتبحث عن مكمل فعّال يزيد من قدرة تحملك ويديك دفعة قوية في الجيم من غير منشطات، فـ البيتا ألانين هو اختيارك الأمثل.
#الجيم #صحة #رياضة
