صيدلية الدكتور عبدالسلام مصطفى

  • Home
  • Egypt
  • Tanta
  • صيدلية الدكتور عبدالسلام مصطفى

صيدلية الدكتور عبدالسلام مصطفى صيدلية الدكتور عبدالسلام مصطفي

28/02/2026

كنوز في الصيدلية هتفيدك جدا 🤍

🌙 أول يوم #رمضان.. "البعبع" ولا "الدلع"؟ وازاي تعديه من غير ما "تفصل شحن"؟ 🔋كلنا عارفين هيبة أول يوم رمضان.. #الصداع ا...
18/02/2026

🌙 أول يوم #رمضان.. "البعبع" ولا "الدلع"؟ وازاي تعديه من غير ما "تفصل شحن"؟ 🔋

كلنا عارفين هيبة أول يوم رمضان.. #الصداع اللي بيخبط، والهبوط اللي بيخلينا مش طايقين كلمة من حد. 😵‍💫 بس الحقيقة، جسمك مش بيعذبك، هو بس بيعمل "Restart" لنظامه الداخلي!

🧠 إيه اللي بيحصل في "كواليس" جسمك وأنت صايم؟
لما بتبطل أكل، جسمك بيبدأ رحلة البحث عن طاقة:
1️⃣ أول 8 لـ 12 ساعة: بيخلص على ( #الجلوكوز) اللي في الكبد. 🏃‍♂️
2️⃣ بعد كده: بيبدأ "يدخل على التقيل" ويحرق في #الدهون عشان ياخد منها طاقة. 🔥
3️⃣ أزمة الكافيين: لو أنت "كييف" قهوة، جسمك بيبدأ يطالب بحقه، وده السر وراء صداع العصر المتين. ☕️❌

> 📚 الكلام ده مش من عندنا، دي أبحاث من PubMed و NIH بتأكد إن جسمك بيحصله "تكيّف أيضي" ذكي جداً.

😵‍ضريبة أول يوم.. (ماتقلقش دي مؤقتة!)
صداع، عصافير بتغني في دماغك، خلق ضيق، وعطش.. كل ده طبيعي جداً بسبب:
* نقص السكر + انسحاب الكافيين + لخبطة الساعة البيولوجية.
* البشرى: يومين تلاتة والجسم بيبقى "فُل" وبيتعود. 🛠️

🥗 سحور "الوحوش".. المعادلة اللي هتخليك مكمل ليوم تاني!
عشان ما تهبطش، #السحور مش "كمية" هو "ذكاء". طبق السحور لازم يكون فيه:
* بروتين: (فول بالزيت، بيض، أو زبادي) عشان تشبع بجد. 🍳
* كربوهيدرات "رايقة": (عيش بلدي أو شوفان) بتتهضم ببطء وتديك طاقة لنهاية اليوم. 🌾
* دهون صحية: (رشة زيت زيتون أو كام حبة مكسرات).
* خضار وفاكهة: عشان الألياف والمية. 🥒

ليه التوليفة دي؟ عشان بتبطأ امتصاص السكر، فما تحسش بـ "هبوط مفاجئ" بعد الفجر بساعتين. (بشهادة Mayo Clinic). ✅

💧 نشرب إيه ونبطل إيه؟
* اشرب: من 2 لـ 3 كوبايات مية بالراحة قبل الفجر. 💧
* ابعد عن: الشاي والقهوة الكتير في السحور (عشان بيخلوك تفقد مية بسرعة). ❌
* قلل الملح: عشان ما تخلصش مية جسمك وتصحى عطشان "ناشف". 🧂

🍲 ساعة الصفر.. الفطار الصح يبدأ بـ "تكتيك"!
أول ما المغرب يأذن، بلاش الهجوم المفاجئ على المحشي! 🥘
1️⃣ تمرة أو اتنين + مية: (سنة وطاقة سريعة).
2️⃣ قوم صلي: ادي لمعدتك "إنذار" إن في أكل جاي. 🕌
3️⃣ وجبة متوازنة: بلاش دسم تقيل مرة واحدة عشان ما تحسش بخمول وضربات قلب سريعة.

⚠️ تنبيه طبي (أمانك أولاً) 🩺
لو أنت مريض سكر نوع أول، حامل، أو عندك مشاكل في الضغط.. لازم تستشير دكتورك قبل ما تبدأ، صحتك أغلى من أي حاجة.

🧘‍♀️ نصايح "لايف ستايل" لأول يوم:
* نام بدري ليلة رمضان (بلاش سهر للصبح!). 😴
* بلاش مجهود جبار وأنت صايم في الشمس.
* تمشية خفيفة 20 دقيقة بعد الفطار هتحسن هضمك جداً. 🚶‍♂️

💛 كلمة أخيرة:
أول يوم مش "تحدي بقاء"، ده يوم تأقلم لجسمك الجميل. بلاش تجلد ذاتك لو تعبت، وبلاش "تنتقم" من الجوع في الفطار. 🌙✨
رمضان فرصة للجسم والروح عشان يرجعوا أحسن من الأول.

*️⃣ أوتال قطرة أذن (Otal Ear Drops)⬛ المكونات الفعالة:♦️ ال Cinchocaine: مخدر موضعي قوي يخفف وجع الأذن بسرعة♦️ال Dexamet...
16/02/2026

*️⃣ أوتال قطرة أذن (Otal Ear Drops)
⬛ المكونات الفعالة:

♦️ ال Cinchocaine: مخدر موضعي قوي يخفف وجع الأذن بسرعة

♦️ال Dexamethasone: كورتيزون يقلل الالتهاب والاحمرار

♦️ال Framycetin: مضاد حيوي يقتل البكتيريا

♦️الGramicidin: مضاد حيوي يكمل شغل الفراميسيتين

➡️ تركيبة قوية: مسكن + مضاد التهاب + مضاد حيوي مزدوج

⬛ استخدامات أوتال:

♦️ التهاب الأذن الخارجية
♦️ وجع الأذن المصحوب بالتهاب
♦️ التهابات الأذن البكتيرية
♦️ الحكة والاحمرار وتورم قناة الأذن
♦️ بعد دخول مياه للأذن وحدوث التهاب

⬛ لا يُستخدم في الحالات دي:

♦️ لو في ثقب في طبلة الأذن
♦️ لو الألم شديد جدًا ومصحوب بدوخة أو إفرازات كتير
♦️ لفترات طويلة بدون استشارة طبيب

⬛ الأعراض الجانبية المحتملة:

♦️حرقان بسيط أو لسعة أول الاستخدام
♦️حكة أو تهيج نادر

🔳 مع الاستخدام الطويل: ممكن يسبب ضعف مناعة موضعية بسبب الكورتيزون

⬅️ أغلب الناس بتستخدمه من غير مشاكل

*️⃣ نصايح مهمة جدًا :

⬅️ ندفّي القطرة في الإيد قبل الاستخدام

⬅️ نحط القطرة والراس مائلة 2–3 دقايق

⬅️ منقفلش الأذن بقطن ناشف

⬅️ ممنوع استخدامه أكتر من 5–7 أيام

⬅️ لو مفيش تحسن بعد 3 أيام → نرجع للدكتور

⬅️ ممنوع استخدامه لو في شك بثقب في الطبلة

*️⃣ فوار رينال اس ( Renal S)🔳من الفوارات المستخدمة في التهابات المسالك البولية:🛑 المواد الفعالة:⬛ كل كيس يحتوي 5g من الم...
16/02/2026

*️⃣ فوار رينال اس ( Renal S)
🔳من الفوارات المستخدمة في التهابات المسالك البولية:

🛑 المواد الفعالة:

⬛ كل كيس يحتوي 5g من المواد التالية:

♦️Hexamin......... 500mg

♦️Khillin..........1.83mg

⬛ الية عمل هذه المواد:

🛑 مادة Hixamine :

⬅️ هي مادة مضادة لبكتيريا المسالك البولية من خلال تحويل البول الحمضي إلي فورمالدهايد والتي تحد من نمو البكتريا gram negative & gram positive ويمنع الفطريات من التكون.

⬅️ وتتميز بأنها مؤمنة لفترة زمنية طويل ولا يكتسب البكتريا مناعة منها.

🛑مادة Khillin :

⬅️ تقلل من حركة العضلات أللإرادية الزائدة بالمسالك البولية مما يحد من التقلصات.

*️⃣ الاستخدامات :

♦️عدوى المسالك البولية المزمنة.
♦️التهاب الكلي وحوضها.
♦️التهابات المثانة.
♦️الوقاية من الإصابة بعدوي المسالك البولية.
♦️يساعد على إفراغ المثانة في بعض الحالات العصبية أو الخضوع للقسطرة بالمثانة.
♦️التخلص من تقلصات المسالك البولية نتيجة تكون الحصوات أو زيادة الأملاح بالبول.
♦️علاج اضطرابات والحركة الزائدة بالمسالك البولية نتيجة التهاب البروستاتا أو المجري البولي.
♦️يستخدم كجرعة وقاية لعدم تكون حصوات المسالك البولية.

🔳 وبسبب تركيبته المميزة والاستخدامات الكثيرة له بيستخدم بشكل كبير جدًا.

*️⃣ الفرق الجوهري بين أدوية القولون Librax coloverin-D وColona.🛑 كلهم للقولون فعلا، بس كل واحد فيهم ليه وقته وحالته الخا...
16/02/2026

*️⃣ الفرق الجوهري بين أدوية القولون Librax coloverin-D وColona.

🛑 كلهم للقولون فعلا، بس كل واحد فيهم ليه وقته وحالته الخاصة.
___________________

⬛ أولا ال Librax

🛑 بيحتوي على مادتين

♦️ال Chlordiazepoxide → دي مادة مهدّئة بتساعدك تهدى وتقلل التوتر اللي بيبوّظ القولون.

♦️ال Clidinium bromide → دي بتقلل التقلصات والمغص.

⬅️ فلو انت أعراضك بتزيد لما تتوتر أو تتعصب يعني أول ما تزعل تلاقي بطنك نفخت ومغص جامد يبقى هنا السبب الأساسي هو العصب والتوتر.

🛑 في الحالة دي بنختار Librax

⬅️ لإنه بيريّح البطن وبيهدّي الأعصاب مع بعض.
___________________

⬛ ثانيا ال Coloverin-D

🛑 بيحتوي على مادتين

♦️ال Mebeverine → يرخي عضلات القولون ويقلل التقلصات.

♦️ال Dimethicone → يطرد الغازات ويريّح الانتفاخ.

⬅️ فلو أنت مش متوتر ولا حاجة، بس عندك انتفاخ، غازات، مغص متكرر.

⬅️ يبقى المشكلة في القولون نفسه مش في العصب.

🛑 في الحالة دي بنختار Coloverin-D

⬅️ وده بيبقى ممتاز لما المشكلة جسدية مع انتفاخ، من غير توتر ولا قلق.

⬅️ وبيمتاز كمان إنه ما يسببش خمول ولا نعاس.
________________

⬛ ثالثا ال Colona

🛑 بيحتوي على

♦️الMebeverine → نفس المادة اللي بتقلل التقلصات.

♦️ال Sulpiride → مادة بتنظّم كيمياء المخ شوية وبتدي تهدئة خفيفة للمزاج.

⬅️ فلو انت عندك قولون ومغص وانتفاخ ومعاهم شوية توتر خفيف أو مزاج مش ثابت

🛑 في الحالة دي بنختار Colona

⬅️ وده لأنه بيظبط الحاله المزاجية ويهدي القولون برضو.

النزلات المعوية اغلب الشكاوي دلوقت اسهال وترجيع 🔶️الدور بيبدأ ترجيع مفاجىء و عنيف يستمر من ١٢ ساعه إلى يوم كامل ♻️معا...
16/02/2026

النزلات المعوية
اغلب الشكاوي دلوقت اسهال وترجيع

🔶️الدور بيبدأ ترجيع مفاجىء و عنيف يستمر من ١٢ ساعه إلى يوم كامل

♻️معاه إسهال لمدة ٣ إلى ٧ أيام وبعص الحالات معاها ارتفاع فى درجة الحرارة و مغص شديد

🥲اطفال بيجيها جفاف و بعضهم بيحتاجوا إلى المحاليل لعلاج الجفاف

🚨امتى أروح طوارئ فورًا؟

▪️ الطفل مش قادر يحتفظ بأي سوائل،
▪️ ترجيع مستمر أكتر من 24 ساعة
▪️ دم في البراز
▪️ حرارة عالية لا تستجيب
▪️ خمول شديد أو تشنجات
▪️ رضيع أقل من 6 شهور

⬅️نتابع مع الدكتور كويس
ونطمن الاسهال بيقعد من ٣ الي ١٠ ايام 🙏
المهم مندخلش في جفاف .. متقلقوش

📌 العلاج لو الحالة بسيطة لحد ما نطمن من الدكتور
⚡اولا: لإيقاف الترجيع حقن دانست او زوفران بجرعة ١ سم لكل ١٣كجم .

⚡ ثانيا : ودا الاهم محلول معالجة الجفاف ومنها بطعم البرتقال ذى الهيدروسيف كيس فى ٢٠٠ سم ماء سبق غليه
وبعد كل اسهال ٥٠ سم لو اقل من سنتين
فوق سنتين ١٠٠ سم بعد كل اسهال او ترجيع



أغذية مفيدة و سهلة الهضم
⁦⬅️⁩ زبادى 🍚
⁦⬅️⁩ عصير تفاح 🍎
⁦⬅️⁩ بطاطس مسلوقة
⁦⬅️⁩ ارز و ماء الارز و ارز بشوربة 🍜🍨
⁦⬅️⁩شوربة خضار بها بطاطس و جزر 🥕🍟
⁦⬅️⁩ موز مهروس 🍌
⁦

👈 اعراض الجفاف 😱😰 :
⚾️لهفه علي شرب الميه
🥎 العين بدأت تدخل لجوا..
🏀والطفل عصبي..والجلد بيرجع ببطيء لما نمسكه ..
🥏 البول والدموع بيقلوا .. واللسان بينشف جداً
⁦

📌 ️️الوقاية ازاي ؟؟
🍉نحاول نتجنب الفواكه المرشوشة🥝🍍🍑
⁦⁩ونغطي الاكل كويس 🍔
🚫 بلاش اكل مجهول المصدر 🥘🍱🥘🍨

⁦☢️⁩لو ابنك لسا قبل ٣ شهور و ٢١ يوم نلحق نطعمه تطعيم الروتا مهم جدا 🥊
( ضد النزلات المعوية )

👶 نعلم اطفالنا غسل الايد قبل الاكل 🚿🚰
🍼🍼غسل الببروناات جيدا
قص الاظافر كويس

🗻والتخلص من البامبرز لان مصدر العدوي في براز الاطفال المصابه وانتقال العدوي بتكون من خلاله 👆

📌 نخلى بالنا وربنا خير حافظ

*️⃣ كل لما تاكل تحس بطنك زي البالونة, مغص، تقلصات، وإحساس إن جواك حفلة غازات⬅️ تقول لنفسك: “خلاص مش هعرف آكل ولا أتنفس م...
15/02/2026

*️⃣ كل لما تاكل تحس بطنك زي البالونة, مغص، تقلصات، وإحساس إن جواك حفلة غازات
⬅️ تقول لنفسك: “خلاص مش هعرف آكل ولا أتنفس من الانتفاخ ده!”

🛑 هنا يجي دور كولوفيرين د(Coloverin D) اللي ممكن يكون ده وقت استعماله!

🔳 إيه سر تركيبة كولوفيرين د؟

⬛ ده مش دواء عادي، ده تركيبة مُزدوجة بتهاجم المشكلة من اتجاهين:

🛑 المادة الأولى: Mebeverine

⬅️ بترخي عضلات القولون وبتوقف التقلصات المؤلمة، من غير ما تعطل حركة الأمعاء العادية.
يعني المغص بيقل تدريجياً.

🛑 المادة الثانية: Dimethicone

⬅️ مادة بتشتغل زي “مضاد الغازات” داخل بطنك! بتفكك فقاعات الهواء والغازات في المعدة والأمعاء، وتخرجها براحتها.

⬅️ يعني الانتفاخ بيخف والضغط على البطن بيروح!

⬛ إمتى تحتاجه؟

🔳 لو عندك واحد من العلامات دي:

♦️ مغص وتقلصات في البطن بعد الأكل.

♦️انتفاخ شديد وغازات.

♦️إحساس بالامتلاء ولو أكلت كمية قليلة.

♦️آلام القولون العصبي المصحوبة بغازات.

⬛ طريقة الاستعمال والجرعة:

🔳الجرعة المعتادة:

⬅️ كبسولة واحدة 2–3 مرات يومياً

⬅️ يفضل قبل الأكل بنصف ساعة، أو حسب ما يحدد الدكتور.

⬛ هل له آثار جانبية؟

⬅️ معظم الناس بتتحمله كويس، لكن في حالات نادرة ممكن يحس المستخدم بـ:

♦️ غثيان بسيط
♦️إمساك أو إسهان خفيف
♦️ إحساس بثقل في المعدة (مؤقت)

⬛ ممنوع في حالات: الحساسية لأي من مكوناته، ولازم استشارة طبيب للحوامل والمرضعات.

🛑 نصايح مهمة مع كولوفيرين د:

♦️قلل المنبّهات زي القهوة والشاي الثقيل.

♦️ابعد عن المشروبات الغازية والأكل المقلي والدسم.
♦️ كل وجبات صغيرة ومتعددة بدل وجبة واحدة كبيرة.
♦️ امضغ الأكل كويس وبلاش شرب ماية أثناء الأكل.

⬛ الخلاصة:

🛑 كولوفيرين د هو الحل المُدمج:

⬅️ بيسكن ألم التقلصات

⬅️ ويطرد الغازات والانتفاخ مع تأثير سريع وآمن للاستخدام اليومي عند الحاجة.

📌 #الحرقان اللي بيجيلك بعد الفطار عشان كلت المحشي والذي منه 😁بنعالجة وقتها بالجافيسكون او الراني فوار ، عشان دول الطفاي...
15/02/2026

📌 #الحرقان اللي بيجيلك بعد الفطار عشان كلت المحشي والذي منه 😁
بنعالجة وقتها بالجافيسكون او الراني فوار ، عشان دول الطفاية اللي بيطفوا النار في وقتها .
لكن لو إنت بتتعالج من قرحة المعدة من زمان وماشي علي اوميز او كونترولوك او بانتولوك أو أي مادة زى اوميبرازول او البانتوبرازول .
دول عشان يشتغلوا لازم ناخدهم قبل الفطار بساعه على الاقل عشان يهيأوا المعده للاكل .
وطبعا صباح الفل احنا مش هنقدر نستنى ساعه عشان نفطر .

📌 فالحل الأمثل نغيرهم لحاجة زي #الفوناسبير مش بيتأثر بالأكل وبيتاخد بعد الفطار عادي وبيشتغل نفس شغلهم بالظبط .

راحة سريعه يبقى #جافيسكون او راني فوار 👌
علاج على مدار الايام يبقى فوناسباير 👌

"فوار أملاح" كتير بيدخل حد الصيدلية ويقول يا دكتور جنبي واجعني، هاتلي فوار للأملاح ( اللي هو أي فوار والسلام ) .والحقيق...
15/02/2026

"فوار أملاح"
كتير بيدخل حد الصيدلية ويقول يا دكتور جنبي واجعني، هاتلي فوار للأملاح ( اللي هو أي فوار والسلام ) .
والحقيقة إن دي جملة عايمة جداً ، لإن مش كل الأملاح زي بعضها وعلاجهم مش واحد .
📌 اليوروفين :
ده متخصص في أملاح اليورات واليوريك أسيد ( النقرس ) اللي بتزيد مع اللحوم الحمرا والكبدة والبقوليات .
جرعتة : كيس ٣ مرات بعد الأكل .
📌 الإبيماج :
ودا متخصص في أملاح الأوكسالات اللي بتيجي من المانجه والفراولة والطماطم والشاى التقيل .
جرعتة : كيس ٣ مرات بعد الأكل .
📌 فوار فيتاسيد :
ده فيتامين سي وإستخدامه المعروف لرفع المناعة وتقليل أدوار البرد ، لكنّه له دور كبير في علاج أملاح الفوسفات .
جرعتة : قرص واحد بعد الفطار .

عرف غيرك عشان الكل يستفيد .

📌 ناس كتير بتتعامل مع الفيوسيدين و الفيوسيكورت إنهم واحد.. ودي غلطة ممكن تأخر علاجك أسابيع .📌 الفيوسيدين أو الكريم اللي ...
15/02/2026

📌 ناس كتير بتتعامل مع الفيوسيدين و الفيوسيكورت إنهم واحد.. ودي غلطة ممكن تأخر علاجك أسابيع .
📌 الفيوسيدين أو الكريم اللي عليه أسد وشريطه حمرا .
ده مضاد حيوي صافي .
شغلته يقتل البكتريا وينشف الجرح ( أي حرج مفتوح )
(جرح عملية - خراج اتفتح - دمل - جرح بينزف).

📌 أما الفيوسيكورت أبو خط أحمر* أصفر .
ده مضاد حيوي + كورتيزون.
شغلته: يهدّي الحكة والالتهاب والاحمرار .
(إكزيما - قرصة حشرة - تسلخات شديدة - صدفية).

❌ ممنوع تماماً: يتحط على "جرح مفتوح" لأنه هيأخر التئامه جداً!
⚠️ ملحوظة مهمة: الاتنين مش علاج لحبوب الشباب في الوش.. بلاش تأذي بشرتك!

احفظ البوست عشان ماتتلخبطش في إستخدامهم تاني ، وعرَّف غيرك عشان الكل يستفيد .

Address

Tanta

Website

Alerts

Be the first to know and let us send you an email when صيدلية الدكتور عبدالسلام مصطفى posts news and promotions. Your email address will not be used for any other purpose, and you can unsubscribe at any time.

Shortcuts

Share

Category