عيادة الكبد والجهاز الهضمي والحميات د/أحمد عبده

30/01/2025

لا تخلط سيفترياكسون امبول مع محلول رينجر لانه يحتوي علي كالسيوم فيحدث تكوين راسب.
ممكن تضيفه علي محلول الملح او جلوكوز ٥% مالم يكن هناك مانع

09/11/2024

22/03/2023

لا يجب علي مرضي تليف الكبدي الغير متوافق صيام رمضان.
تذكر دائما إن الله يحب أن تؤتي رخصه

12/03/2023

بالنسبه لمرضي كسل الغده الدرقية اللي بتاخد التروكسين او ايوثيروكس علي الريق قبل الفطار بساعتين.
هتعمل ايه في رمضان؟
خد علاجك بعد الفطار ب ٣ ساعات ومفيش اكل بعدها بساعه.

11/03/2023

مريض السكر في رمضان متنساش تقيس سكرك مرتين بالنهار .
مره الظهر ومره قبل المغرب بساعه .
لو سكرك أقل من ٧٠ أو أكتر من ٣٠٠
لازم تفطر تجنبا لمضاعافات السكر.
متنساش كمان تقلل جرعة أقراص المسائيه(السحور) للنص
وجرعة الإنسولين المسائيه(السحور) للنص اذا كنت بتاخد انسولين مخلوط .

07/09/2022

يعد تبديل الدواء أو إضافة دواء أو تناول الأنسولين جزءًا طبيعيًا من
الإصابة بمرض السكري. سيتغير مرض السكري لديك بمرور الوقت ، واحتياجاتك من الأدوية ربما يتغير. وهذا مايجب أن يتقبله مريض السكر .

30/10/2021

🪶تعالو نحكي قصة غريبة طبيعية بتحصل لناس كتير .

◾كان فيه فلان الفلاني كل ما يأكل بعد الأكل مباشرة يدخل الحمام 🤯يفضي القولون وكأن الأكل بيدخل ويخرج في لحظتها.
قعد يقول ويفكر ❗
ياتري الأكل دا فيه إيه ‼️
◾الحقيقه إن الأكل مفيهوش مشكلة وكمان عمنا فلان الفلاني مفيهوش مشكلة.
🎦 كل الحكاية هي فسيولوجية جسم طبيعية اسمها
(Gastro Colic reflex).
⬅️بيحصل لما المعده تتملي بالأكل ⬅️ تبعت إشارات للقولون⬅️ علشان يزود الحركة الدودية بتاعته ⬅️ففضلات الطعام المتراكمه في القولون تخرج⬅️ علشان يفضي مكان للأكل الجديد.
🔺️كل دا طبيعي لكن ممكن يزيد حبتين في الناس اللي عندها القولون العصبي ويحصل معاه انتفاخات ومغص😏 .
🔹️كمان هذا المنعكس طبيعي في الأطفال في الأسابيع الأولي من العمر وبيبدأ يقل مع تقدم السن.

🩺 يحدث الانعكاس بفعل تناول الطعام ، ولكن هناك عوامل أخرى تؤثر على مدى قوة الانقباضات المعوية. يمكن أن تتسبب الأشياء التالية في زيادة شدة هذه الانقباضات:

⛔ تناول وجبة كبيرة.
⛔ تناول وجبة تحتوي على أشكال غير صحية من الدهون ، مثل الأطعمة المقلية واللحوم الدهنية والمرق الغني.
⛔ شرب كميات كبيرة من السائل البارد دفعة واحدة

⛔بالإضافة إلى ذلك ، قد يعاني الأشخاص الذين لديهم حساسية تجاه الأطعمة التي تحتوي على اللاكتوز ، أو الأطعمة الأخرى التي تحتوي على نسبة عالية من الفودماب وهي السكريات المتعدده
(FODMAP)Fermentable Oligo-, Di-, Mono-saccharides and Polyols.

من تفاقم الأعراض بعد تناول هذه الأطعمة.

👈👈 في نقطه مهمه بعد معرفتك بهذا المنعكس إزاي تتجنب زيادة هذا المنعكس إذا كنت تعاني من القولون العصبي من النوع اللي بيحصل معاه إسهال أو تستغل هذا المنعكس لصالحكإذا كنت تعاني من القولون العصبي من النوع اللي بيحصل معاه إمساك‼️.

🔖 في حالات القولون المسهل.
◾حاول أن تأكل وجبات أصغر ،
◾تجنب الأطعمة التي تحتوي على أنواع غير صحية من الدهون ،
◾أو أي أطعمة تسبب زيادة الغازات ، أو الانتفاخ ، أو الإسهال.
◾قبل الأكل ، اشرب بعض شاي النعناع أو تناول مكمل زيت النعناع ، وكلاهما له تأثيرات مضادة للمغص.
◾إذا وصف لك الطبيب دواء مضادًا للتقلصات ، فقد تجد أن تناول الدواء قبل 20 دقيقة تقريبًا من تناول الطعام يمكن أن يساعد في تقليل أي تقلصات وألم بعد الأكل.

🔖 في حالات القولون الممسك.
◾الحرص على تناول وجبة فطور كبيرة مع بعض الأطعمة التي تحتوي على دهون صحية قد يقوي رد الفعل المعدي القولوني ويساعد على بدء حركة الأمعاء في الصباح.

27/10/2021

أخدت قبل كده علاج معين وحسيت بعدها إن القرص أو الكبسوله وقفت في المرئ ومش راضيه تنزل🤯 وعامله ألم في صدرك.؟
هل تعرضت قبل كده ل Pill esophagitis؟
في أدويه معينة ممكن تعمل القصة دي وتعمل التهابات في المرئ علشان كده هقولك علي بعض منها والمفروض تاخدها ازاي لو تم وصفها ليك من قبل الطبيب.

🔖زي إيه الأدويه دي ؟
◾ كلينداميسين وإسمه التجاري دالاسين سي.
◾ دوكسيسيكلين وإسمه التجاري فيبراميسين.
◾ بريدنيزيلون وإسمه التجاري سوليوبريد.
◾الأسبرين.
◾ المسكنات.
◾الأدوية التي تحتوي علي بوتاسيوم.
وفيه أدويه تانيه ممكن تعمل pill esophagitis

💥علشان تتجنب المشكلة دي 👇
🩺 ناخد القرص أو الكبسوله وانت واقف ومش نايم وتشرب معاها مايه كتير.
🩺 لو حصلت المشكله ممكن ناخد كونترولوك أقراص لتهدئة الالتهابات.

22/10/2021

🩺 الأسبرين واستخدامه بجرعات قليله كوقاية من أمراض القلب ◾

💥بحسب منظمة القلب الامريكية ( ACC) فإن هناك بعض المفاهيم الخاطئة فيما يخص استخدام بعض الأدوية التي يطلق عليها الواقيات من أمراض القلب مثل الأسبرين واستخدام هذه الادوية بدون وجود داعي لاستخدامها يعد سوء استخدام و قد يؤدي إلى مشاكل صحية لأن الضرر الناتج من استخدامها كحدوث نزيف في الجهاز الهضمي نتيجة تسبب الإسبرين في قرحة بالمعدة والإثني عشر يكون اكبر من الفائدة المرجوة.

❓متى يستخدم الإسبرين في الوقاية من أمراض القلب (ASCVD)؟

يستخدم الأسبرين
◽كوقاية أوليه ومعناها الوقاية من حدوث المرض في شخص لم يصاب بهذا المرض
◽ أوكوقاية ثانويه ومعناها الوقايه من تكرار حدوث المرض في مريض أصيب بهذا المرض .

🔖 الاسبرين بجرعات قليلة يستخدم في الوقاية من أمراض القلب في الحالات التالية:
⛔ في الوقاية الثانوية للمرضى الذين يعانون من أمراض في القلب نتيجة قصور في الشرايين التاجية و نقص تدفق الدم المغذي لعضلة القلب ( ischemic heart disease ) حيث يلزم في هؤلاء المرضى تناول الأسبرين للوقاية من حدوث أي أزمات قلبية لاحقة.
⛔ في الوقاية الأولية للمرضى الذين لا يعانون من أمراض في القلب و لكن لديهم عوامل تجعلهم أكثر عرضة لحدوث أمراض القلب.
والناس دي لازم تتوفر فيهم شروط علشان تاخد الأسبرين .
👈 العمر يتراوح مابين ٤٠ إلي ٦٩ عاما وعنده خطر حدوث أمراض قلبية أعلي من ١٠% بحسب ASCVD وهؤلاء يشملون المرضى الذين يعانون من اثنين من التالي (مرض السكري ، تاريخ مرضى لامراض قلب في العائلة ، التدخين، إرتفاع ضغط الدم ، إرتفاع دهون الدم، أمراض مزمنة في الكلى) .
👈 العمر ٧٠ سنة فأكثر لا ينصح بتناول الأسبرين في الوقاية الاولية من امراض القلب لأن في هذا العمر احتمال حدوث نزيف كعرض جانبي من الأسبرين أعلى من الفائدة المرجوة من الاسبرين.
👈 العمر ٤٠ سنه فأقل لا ينصح بتناول الأسبرين كوقاية من أمراض القلب.
👈 أي فئة عمرية وهناك خطر من حدوث نزيف من الأسبرين زي الناس اللي عندها تاريخ مرضي لقرحة المعدة أو الناس اللي بتستخدم مسكنات بكثره أو بتتعالج بالكورتيزون لا ينصح باستخدامه.

🌿 علشان تحمي نفسك من أمراض القلب يبقي
👍 أكل صحي سليم.
👍 رياضه.
👍 عدم التدخين.
👍ظبط السكر والضغط والدهون.