16/09/2025
منع او الغاء الولاده القيصريه!!! ده بجد
طبعا ده كلام مش صحيح ولا عمر قرار زى ده
ممكن يطلع لاجراء طبي الا بتوصيات من الكليات العلميه
طيب هو ممكن جهة سياسيه تقدر تعمل ده
برضو للاسف طالما مش الدوله اللى بتتحمل تكلفة الخدمه الطبيه بل المواطن او متلقي الخدمه يبقي هيفضل يقدر يعمل اللى هو عاوزه 🤔🤔
زى بالظبط كل عمليات التجميل وتكميم المعده وتحويل المسار وخلافه
الفكره دلوقت هو التوعيه وده المطلوب
ثقافة الوعي 😄😄
لكن للاسف في اسباب كتير بتخلي القيصريه اختيار وليس اضطرار
وده على فكره مش تشجيع على القيصريه 😩😩و كل هوانم العياده عارفه ده كويس عندنا
👇👇بس خدو بعض الاسباب ..
١ـ مش استسهال من البنوته الصغيره بس هيا كبرت لقت الكل بيولد قيصري
٢ـ مامتها تعبت من الطبيعي زمان هيا اللى عاوزانا نولدها قيصري
٣ـ للاسف ماستجد من مشاكل الحمل الكتير واللى بتخلي الحامل واهلها والدكتور ياخد قرار الامن most safe for all
٤ـ دور القابلات المتعلمه اللى بتتابع السيده
ف القطاع العام ممكن
اما ف القطاع الخاص احنا عاوزين دكتور لكل سيده وده مش متوفر طبعا
فين اجهزة متابعة نبض الجنين لكل حامل في المستشفي لكل حاله مش جهاز ولا اتنين ف
المستشفى كلها ...طبعا مفيش
٥ـ اللى بتشتغل ومسافره ونازله تولد وجوزها يادوب واخد اجازه وعاوزه تولد ف الوقت ده عشان عقدها واجازتها وظروف العمل بتاعها وظروفها الاقتصادية
٦ـ رفض بنات وازواج كتير للولاده الطبيعي .. للاسف ... مع قمة تعليمهم ده مش جهل خالص
ده معظمهم دكاتره ومتعلمين
ده يتغير ازاى ؟؟؟
هو مش بقرار ولا باتهام الدكاتره انهم المقصرين ولا بيستسهلو ولا عاوزين فلوس اكتر ولا الكلام اللى اى حد مشتغلش مهنة دكتور نساء وتوليد مشفهاش او معداش بها بيقوله
الموضوع محتاج حاجات كتير جدا
وده اللى وزارة الصحة حابه تعمله وده حاجه حلوه
