Dr.Hend Kids Clinic

Dr.Hend Kids Clinic عيادة دكتورة هند الريس لطب الأطفال وحديثي الولادة.

رمضان كريم ،اعاده الله علينا وعليكم بالخير واليمن والبركات
28/02/2025

رمضان كريم ،اعاده الله علينا وعليكم بالخير واليمن والبركات

27/02/2025

نصبر على الحرارةمن يومين ل ٣ايام باستخدام الخوافض فقط مع الكمادات بالطريقة الصحيحة
وكل دور يخلص من غير مضاد حيوي بيكون له تأثير ايجابى على مناعة الطفل ونجاح كبير جدا للام
والام والدكتور بيكونوا مبسوطين جدا أن الدور خلص والطفل خف بدون مضاد حيوي 😎
متتسرعيش فى إعطاء المضاد الحيوي بدون اللجوء للطبيب🧐

23/02/2025

اكتر سبب للتشحيره اللي علي صدر الطفل الرضيع
هو خنفره الانف وانسدادها ، يعني لو نظفنا الانف
التشحيره دي بتختفي، يعني صدره سليم
طالما مفيش كحة أو نهجان

22/02/2025

الفطام !
موضوع بتسال عليه كتير 😑
بعبع للامهات😎

الفطام فعلا من أصعب المراحل اللي بتمر علي الأم والطفل 😢

نبدا ونقول ايه انواع الفطام ❓

١-فطام مفاجئ
٢-فطام تدريجي (نبداه من بعد عمر السنة) عشان كمان الطفل ياكل كويس وميعتمدش عالرضاعة فقط .

الأفضل للأم وللطفل هو الفطام التدريجى وده بيحمى الطفل من احتمال الصدمة النفسية وكمان الام عشان انقطاع هرمونات الرضاعة .

🔳 طيب هنفطم ازاى ❓

👌أولا قللي عدد الرضعات قدر الإمكان.
(ممكن تبدأي تمنعي أول أسبوع الرضاعة النهارية وتاني أسبوع الرضاعة الليلة ).

👌كوباية فيها لبن أو عصير أو حتى زبادى كل ما يصحي يعيط نديله منها .

👌ياكل وجبة مشبعة قبل النوم

👌 نصبر على الطفل كتير لانه هيدخل فى نوبات بكاء هستيرية ..نستحمله.

👌 لازم نكون عارفين أن الطفل مش محتاج للرضاعة عشان جعان لكن هو فقد الاتصال النفسى اللى بيربطه بالام العلاقة اللى بتربطه بيها يعنى محتاج يحس بالحب ويشعر بالأمان

طب ايه وقت الفطام ❓
اول مرحلة لما بنبدا ندخل للطفل الاكل عند ٤او ٦شهور
تانى مرحلة الفطام النهائى وغالبا عند عمر السنتين طالما الام معندهاش مشاكل صحية يبءا متفطميش بدرى .

د/هند الريس
اخصائي طب الاطفال وحديثى الولادة

للحجز والاتصال
01128151166

للطوارئ الاتصال على
01128282113

22/02/2025

دور البرد العادي بيعمل سخونيه ورشح وعطس وكحه والطفل مقريف ممكن يستمر لاسبوع ،
واحنا في مصر عايزين الطفل يخف منه في ٢٤ ساعه او اقل كمان ، دي مناعه ولازم الفيروس ياخد دورته فى الجسم

16/02/2025

العودة للعمل بالعيادة غدا الاثنين 17/2ان شاء الله
وكل عام وانتم بخير 🎉🎉

07/02/2025

بالنسبة لغسيل الأنف
لازم محلول الملح يكون جديد مش مركون بءاله فترة وتكون السرنجات جديدة عشان ميعملش عدوى والتهابات فى الأذن الوسطى
طب لو مش هنقدر نحافظ عالحاجتين دول يبءا الافضل نستخدم بخاخات ماء البحر فى الغسيل

15/12/2024

أعراض متحور كورونا الجديد "XEC"غالبا ما تصيب الجهاز التنفسي او الهضمي وهي تشابه اعراض نزلات البرد والانفلونزا و سلالات كوفيد السابقة مثل :

-الحمى أو رعشة الجسم.
-السعال.
- ضيق أو صعوبة التنفس.
- التهاب الحلق.
- سيلان الأنف.
- فقدان حاسة التذوق أو الشم.
- التعب.
- آلام العضلات.
- الصداع.
- الغثيان أو القيء.
- الإسهال
-طفح جلدي
ربنا يحفظ اطفالنا جميعا

👈👈الفتق السري عند الأطفال حديثي الولاده👉👉✔✔الفتق السري عند الرضع يحدث نتيجة ضعف في عضلات جدار البطن حول السره وعدم اكتما...
13/11/2024

👈👈الفتق السري عند الأطفال حديثي الولاده👉👉

✔✔الفتق السري عند الرضع يحدث نتيجة ضعف في عضلات جدار البطن حول السره وعدم اكتمالها بعد وقوع الحبل السري، ويظهر بوضوح أثناء البكاء أو أثناء الحزق

👈طب العلاج ايه ؛وهل بيحتاج لجراحة عاجلة ؟

معظم حالات الفتق بيتصلح لوحده قبل السنه الأولى من عمر الرضيع،
نادراً ما يستمر الفتق بعد السنه الثالثه من العمر

🤕لا يحتاج الفتق لرباط خارجي أو حزام السره أو عمله معدنيه توضع عليه

لو استمر الفتق بعد السنه الثالثه من عمر الطفل غالبا سيحتاج جراحه و ده نادرا ما يحدث

👈طب امتي نقلق؟

١.لو لاحظنا أن الفتق متحجر ومبيرجعش زى الاول لما ندخله باصبعنا
٢.لو كل مانلمسه البيبى يصرخ بشدة من الالم
٣.لو لون الجلد فوقه وحوله اتغير
لان ده ممكن يشير إلى إختناق الفتق وهي حاله يلزمها تدخل جراحي عاجل
د/هند الريس
اخصائي طب الاطفال وحديثى الولادة

13/11/2024

فيتامين د مهم جدا لتحسين مناعه الطفل... و يساعد على تطور وظائف الجسم العصبية والعضلية .. ويقلل نوبات الحساسية... يساعد على تقويةالعظام والاسنان عن طريق تنظيم مستوى الكالسيوم فى الدم

02/11/2024

مواعيد العيادة يوميا ان شاء الله من ٦ـ٩ مساءا
ماعدا الجمعة والسبت

من ضمن الحالات اللى شفناها الفترة دى ف العيادة،،متلازمة اليد والقدم والفم ( Hand ...foot .. mouth disease )بدأت الأعرا...
28/10/2024

من ضمن الحالات اللى شفناها الفترة دى ف العيادة،،
متلازمة اليد والقدم والفم ( Hand ...foot .. mouth disease )
بدأت الأعراض بيومين حرارة عالية وبعدين بدأت تظهر البقع الحمراء دى فى باطن اليد وباطن القدم وبعضها قلب بفسفوسة صغيرة كدا وممكن تلاقيها مليانة سايل بداخلها
اثناء فحص الفم وجدنا نفس شكل الحبوب الصغيرة
عدوى فيروسية بتاخد من ٥ -٧ ايام والطفل يتحسن
وعلاجها بسيط جدا بدون مضاد حيوي ولامضاد فيروسات بفضل الله
لمعرفة العلاج المناسب تابع الكومنتات
ودى صور لبعض الحالات من العيادة

د.هند الريس
اخصائي طب الاطفال وحديثى الولادة

طنطا،،،اخناواى،،،بجوار عيادة د.عبده زيادة
اعلى صيدلية د.محمد محسن

للحجز الاتصال على 01128151166
للاستشارات إرسال رسالة واتساب او الاتصال على الرقم 01128282113

Address

شارع داير الناحية
Tanta

Telephone

+201128151166

Website

Alerts

Be the first to know and let us send you an email when Dr.Hend Kids Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category