عيادة الدكتور السيد رجب للأطفال وحديثى الولاده

03/02/2023

شكوي غريبه من معظم حالات الأطفال فوق سن ٦ سنوات سخونيه ورشح وكحه وصداااااااااااااع.

07/12/2022

الاعلان عن الحملة القومية للتطعيم ضد مرض شلل الأطفال ديسمبر 2022 لجميع الأطفال من عمر يوم وحتى عمر 5 سنوات

بإذن آلله يتم تنفيذ أعمال الحملة لمدة 4 ايام....
👈 هتبدأ يوم الأحد 11 / 12 /2022
👈 وتنتهى يوم الاربعاء 14 / 12 /2022

♕ هدف الحملة من التطعيم...
يتم تنفيذها سنويا لزيادة المناعة المعوية للأطفال
للحفاظ على مصر خالية من شلل الأطفال

♕ نوع الطعم....
شلل الأطفال أحادي التكافؤ نمط 2
مختلف ومش موجود في التطعيم الروتيني الشهري
مش موجود في عيادات او مستشفى خاصة

♕ لية الطعم مختلف...
لوجود الفيروس المشتق من فيروس الطعم لنمط 2 في البيئة بتنفذ حملات تطعيم بية ودا طعم موجود ومعتمد من منظمة الصحة العالمية ودا يخليك تعرف قد اية مصر تعبت علشان تجيب الطعم دا علشان نمنع ونحمي بية اطفالنا وكل طفل موجود على ارض مصر

♕.. أهمية التطعيم
الحفاظ على أطفالنا من المرض خصوصا ان مصر بيجيلها وافدين من بلاد متوطن بها المرض واى طفل غير متلقي التطعيم ومش ممنع ضد الفيروس هيكون معرض للإصابة بالمرض

♕ إيه المطلوب..
إن المعلومة تكون عند الجميع بأهمية تطعيم الأطفال كلها فى الحملة وان مفيش طفل واحد ميطعمش

♕ ما هي موانع للتطعيم....
دا يحددها الطبيب المعالج للطفل ويمنع فيها تطعيم الطفل
فيه موانع للتطعيم منها موانع دائمة و موانع مؤقتة
موانع دائمة 👇🏻
نقص المناعة لأي سبب كنقص المناعة الأولية والأورام السرطانية
الطفل اللي بياخد علاج كيماوي واشعاعي
الأطفال الذين يعالجون بادوية تثبيط المناعة ( أدوية السرطان، و الكورتيزون لمدة طويلة أكثر من أسبوعين 1-2 مج لكل كجم في اليوم )
موانع مؤقتة 👇🏻
يعني اي مرض حاد يؤجل التطعيم لحين التعافي
ارتفاع درجة حرارة الطفل أو تعرضه لنزلة معوية شديدة

♕ التطعيم هيكون فين...
في المنازل والحضانات الخاصة والكنائس والمدارس
والتطعيم هيكون فرق مدربة متحركة من منزل لمنزل وشقة لشقة وموجود فرق ثابتة في الوحدات الصحية ومكاتب الصحة والأماكن العامة والميادين

☑️ لازم يكون هدفنا كلنا الحفاظ على مصر خالية من مرض شلل الأطفال
- شعارنا بالحملة نقطة وراء نقطة نطعمهم طول العمر نحميهم

29/08/2022

معظم العدوي اللي منتشره حالياً بين الأطفال أسبابها الحاجات الملوثه المتداوله بين ايدينا مفاتيح الشقه ريموت التليفزيون شبشب الحمام أو العادات السيئه البوس من الفم .
نحرص بقي شوتين الأيام الجايه .

29/08/2022

ليه توسيع حلمه الببرونه زياده عن المعتاد غلط؟

1️⃣ بيخلى الطفل يمص هوا اكتر، و المغص يزيد
2️⃣ زيادة تدفق اللبن بتزود الارتجاع
3️⃣ الطفل ممكن يشرق مع تكرار الشرقة حتلاقيه بيرفض الببرونه وبيحصله إلتهاب في الأذن الوسطي.
4️⃣ لو بترضعى طبيعى مع صناعى....حلمة الببرونه الواسعه بتبقى اسهل كتييير ع الطفل فبيكسل يعمل مجهود فى الطبيعى و الفك بيكسل و بيرفض يرضع منك مع الوقت
5️⃣ السيريلاك اوا لاكل فى الببرونه، ممكن يعدى قطع صغيرة الطفل يشرق منها و هو مش مستعد....و بيحصل حالات اختناق بعد الشر عنكم .
6️⃣ لو حطيتى اكل طعمه مش عاجب الطفل ساعات نفسيا بيرفض الببرونه خالص حتى لو فيها لبن .
7️⃣ الفك لازم يتعود على المضغ...الاكل بيتهرس ناعم للطفل و الفاكهه بتتبشر بمبشرة الجنزبيل الرفيعه

18/02/2021

الخنفزه والتحزيق من الحاجات اللى موجوده بعد الولاده وبتقل بالتدريج عند 6شهور .
شفاط الأنف الحل الأفضل والأسرع

27/04/2017

مرض الجديري المائي

اعراض الجديري

ان اول علامات الجديري هي البثور او الطفح المميز الوردي اللون والذي يكون مصحوباً بأعراض مشابهة لاعراض الانفلونزا والتي تشمل الحمى والقشعريرة والصداع والقيء ويبدأ الطفح عادة على الجزء العلوي من الجسم وينتشر بسرعة على بقية الجسم بما في ذلك الوجه وجلد الرأس وفي الاذنين والفم وبعد اربعة او خمسة ايام من ظهور البقع التي قد تمتلئ بالصديد تتكون القشرة وتستمر من اسبوع الى اسبوعين ، إن الطفح يسبب الحكة الشديدة لذلك من المهم جداً عدم خدش الجلد لان الخدش قد يؤدي الى تلوث جرثومي للجلد وتكوين ندب بشعة

من يمكن ان يصاب بالجديري

اولئك الذين لم يتم تطعيمهم او الذين لم يصابوا ابداً بالجديري يكونوا عرضه للاصابة به

كيف ينتقل

الجديري مرض شديد العدوى وينتقل الفيروس بكثرة خلال اليومين السابقين لظهور الطفح ويبقى الجديري معديا حتى خمسة ايام بعد ذلك وهو ينتشر اما بواسطة قطرات الرذاذ المحمولة في الهواء والتي تتكون اثناء السعال او العطس او من خلال التلامس المباشر مع البقع ذاتها

05/04/2017

• أفضل علاج للسخونيه الكمدات ممنوع الثلج بيعمل احتباس للحراره وبيعمل اختفاء للحراره ظاهريا .

05/04/2017

• دموع العين وافرازاتها ممكن يبقى ضيق فى القناة الدمعيه او لاقدر الله انسداد فيها استشيرى الطبيب افضل .

31/03/2017

• السره عاليه وطالعه لفوق شويه مفيش اى قلق هتختفى بالتدريج عند 6شهور وممنوع حزام السره نهائى بينزل فتق اربى

30/03/2017

• متعرضيش ابنك وهو عرقان لتيار هواء مباشر ممكن يحصل التهاب فى العصب السابع وبوقه يتعوج .

30/03/2017

• الالتهاب الحنجرى من الحاجات الخطيره ولازم تأخدى بالك علاجها جلسات وادويه استنشاق واعراضها كحه رنانه لاتنسى لازم جلسات ابنك من غيرها بيموت اسمه (الخناق).

The Cough of Croup

24/03/2017

• تمارين البطن(البدال) مهمه جدآ وبتطلع 90% من الغازات فى بطن البيبي .