What are the opening hours?

Monday 8pm - 11pm Tuesday 8pm - 11pm Thursday 8pm - 11pm Friday 8pm - 11pm Saturday 8pm - 11pm Sunday 5pm - 8pm

https://www.facebook.com/302557256268962/

Dr.Mohamed AbdElfatta د.محمد عبدالفتاح -طبيب الأطفال وحديثي الولادة, الرجدية-مركز طنطا, Tanta (2026)

Q: What is the address?

الرجدية-مركز طنطا

27/11/2025

اللهم استعملنا ولا تستبدلنا، انفعنا وانفع بنا، سُدّ بنا ثغور أمتك، واكفنا شرّ الرياء وابعد عنا التخاذل🙏
الحمد لله هذا من فضل الله..

19/11/2025

١- الكحه لو متقطعه كل ٤ ساعات او اكتر وما زادتش عن ٥ ايام ما تخوّفش

٢- أشهر سبب للكحه في الاطفال هو الرشح بسبب دور برد ودي غالبا بتقعد ٥ ايام الي اسبوع وتخف وعلاجها تنضيف الأنف بالنقط أو البخاخه أو محلول ملح واستخدام الشفاط اذا لزم الأمر

٣- الطفل ما بيتعودش علي الجلسات 🙂

٤- الكحه لو مستمره ومتكرره كل ساعه أو أقل او الطفل مش عارف ينام منها والرضاعه مش تمام أو لو عدي ٥ ايام وما خفتش كده لازم كشف وفحص فورا دي يا اما نزله شعبيه يا اما التهاب رئوي

٥ - الكلام ده عن الاطفال اكبر من ٦ شهور انما اي طفل اقل من ٦ شهور ده حماده تاني خالص لو بيكح لازم كشف فورا ما تستنيش

٦- علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه ) وادويه الكحه ذي برونكيال و بلسم وبنتامكس أو اللبوس ذي كف سيد باراستامول أو سلجون

٧ - علاج الكحه الجامده مش دواء كحه وشكرا لازم علاج اقوي ذي جلسات البخار والمضاد الحيوي وممكن حجز في المستشفي

٨- لو الكحه متكرره كل شهر أو أقل ومعاها رشح أو انسداد وشخير في الانف احتمال حساسيه انف أو لحميه علاج اللحميه عمليه بعد ٣ سنين و علاج حساسيه الأنف بخاخات (فلكس،،،،،)

٩ - اما لو متكرره ومعاها تزييق في الصدر والطفل غالبا بيحتاج جلسات بخار عشان يرتاح كده الطفل ده عنده حساسيه صدر علاج حساسيه الصدر الوقائي اكياس سنجيولار أو ستاتيوكاست مع بخاخات فلكسوتايد أو سيروتيد عشان تمنع تكرار الكحه
والله يباركلكم بلاش موضوع الطفل هيتعود علي البخاخات

١٠- الكحه لو استمرت اكتر من اسبوعين لازم نعمل اشعه علي الصدر لان كده احتمال التهاب رئوي
او شرقه بجسم غريب ذي قشرة لب او قشرة سوداني من ضمن اسباب الكحه المستمره علي فكره

١١- الاطفال اقل من ٦ شهور هتلاقي علي طول الأنف مسدوده لازم تسليك الأنف باستمرار ذي ما قلت

١٢ - علي فكره الطفل ما بيتعودش علي الجلسات🙂

١٣- لو طفل بيكح والدكتور اداله دواء ترجيع ما تستغربيش لان من ضمن اسباب الكحه عند الاطفال ارتجاع المرئ

١٤ - ممنوع التدخين جنب الاطفال واي حد عنده برد ما يقربش جنب الاطفال خصوصا اللي اقل من ٦ شهور لان دور برد عند الكبار يقلب بالتهاب رئوي في الاطفال دي

١٥- احسن مذيب للبلغم عسل النحل مع الليمون علي كوبايه ينسون

١٦- الطفل ما بيتعودش علي الجلسات 🙂

١٧ - لتقوية مناعة طفلك اهم حاجه النوم كويس والرضاعه الطبيعيه والتغذيه الصحيه
ومعاكي
في دروب ٤ نقط يوميا
سي فيت ١٠ نقط يوميا
برنكوفكسيوم كيس علي ١٠ سم يوميا لمدة ١٠ ايام لمدة ٣ شهور متتاليه
ا فيتون ٤ كبسولات تفرغ علي عصير مره كل ٦ شهور

١٨- تطعيم الانفلونزا قبل كل شتا للأطفال أكبر من ٦ شهور
تطعيم المكور الرئوي عند ٢ و٤ و ٦ و ١٥ شهر من العمر

١٩- الكورونا بتيجي في الاطفال بس مش كل طفل بيكح يبقي عنده كورونا

٢٠- اخيرا الطفل ما بيتعودش علي الجلسات 🙂

د.محمد عبدالفتاح

31/10/2025

مواعيدنا الشتوية 🕡🌧️

27/10/2025

( )
-------------------------
ماتولديش من غير دكتور اطفال
ماتديش أعشاب قبل ٤ شهور
ما تاكليش شطه وتوابل وإنتي بترضعي
ما تخافيش من الحمام اللي بعد كل رضعه
ما تخافيش من الترجيع اللي الوزن بيزيد معاه
ما تمنعيش الرضاعه وانت عيانه
ماتخافيش من العلاج وإنتي بترضعي ( خدي أدوية البرد والمضاد الحيوي ... العلاج مابينشفش اللبن)
ماتبوسيش الاطفال من الفم
ما تهشكيش البيبيهات
ماتشيلهومش لاطفال
ماتلفيهوش ٦٠ لفه في الحر
ما تنيمهوش علي مخده
ما تشيلهوش في حامل الاطفال قبل ٤ شهور
ما تقعديش الطفل قبل ٦ شهور
ماتروحيش الشغل اول ٤ شهور
ما تخرجيش في الحر والبرد
ما تحميش الطفل في البرد
ما تشربوش سجاير جنبه
ما ترشيش برفان للطفل
ماتعصريش صدر الطفل لو كبر شويه هايروح لوحده
ما تقوليش بيسنن ويكون الطفل سخن وبيسهل كده نزله معويه
مافيش بروفين قبل ٣ شهور
ما تديش دولفين قبل سنه
مافيش لبن بقري ولا جهينه قبل سنه
مافيش 123 قبل ٦سنين
مافيش اندومي خالص
مافيش حاجه اسمها شفط البلغم
مافيش فاتح شهيه احسن من الأكل الصحي ومواعيد اكل منتظمه والبعد عن الشيبسي والكارتيه والبنبوني والشكولاته والآيس كريم والاندومي واللبان

طبيب الأطفال وحديثي الولاده
الهيئة العامة لأمانة المراكز الطبيه المتخصصه
مستشفي محلة مرحوم التخصصي
مستشفي طيبه التخصصي

08/10/2025

المغص عند الرضع.. 🚨🚨🚨

واحدة من أشهر المشاكل اللي بتقابل الاب والام مع طفلهم خصوصا اول ٣ أو ٤ شهور .. بيبي بطنه منفخه رافض رضاعة بيعيط بدون سبب ومتشنج ومزرزر وبيخبط برجله ... وبيرجع كمان احيانا بعد الرضاعه مباشرة... 😱

قبل اي حاجه عايزين نتفق إن الغازات جزء طبيعي من عملية الجهاز الهضمي عند الطفل خصوصا قبل ٦ شهور .. اللبن بينزل يتحلل ويتفكك لدهون وبروتينات وسكر الحليب أو اللاكتوز .
الرُضع بقى اللي سنهم اقل من ٦ شهور تحملهم لسكر اللاكتوز أقل . وهو ده اللي يسبب لهم الغازات و المغص و الإنتفاخات ....
فمن الطبيعي جدا أن يبكي الطفل يوميا لهذا السبب على فترات متباعدة لأوقات بسيطة . لكن هناك أطفال حديثي الولادة تكون الأمور معهم أصعب أو غير طبيعية

ومهمتنا أننا نقلل من نوبات المغص والإنتفاخ لأقل قدر ممكن . ونعرف الأسباب ونحاول نعالجها :-

🤱 الطفل مش بيخلص الناحية للاخر . وزي ما هو معروف اللبن ف الاول خفيف وبعد كده بيتقل وف الاخر خالص تقيل .. فلازم الطفل يخلص الناحيه للاخر قبل ما تروح للناحيه التانيه .. لان لو اخد الخفيف بس من هنا وهناك هيعمل غازات وانتفاخات..

🤱 عدم تكريع الطفل
لازم تكريع الطفل في وسط الرضاعة وفي آخرها ، لإخراج الهواء أولا بأول . الموضوع ده بياخد وقت ومحتاج صبر...

🤱ماما اللي مقضياها كرنب قرنبيط بروكلي وبهارات و الشطة والرنجة و السوشي وبيبس وشيبس وشاي وقهوة. واللستة تطووول... كل ده بينزل للبيبي في اللبن ..

🤱 وضع الرضاعة غلط .. زي مثلا الطفل بيرضع وهو
نايم على ظهره أو بزاوية أقل من 45 درجة ...

🤱 الطفل مش قافل بقه كويس على ح**ة الثدي
لان لو في فراغ بين فم الطفل والح**ة الهوا هيدخل مع الرضاعة ...

🤱الإمساك ( خصوصا لو إستمر أكثر من ثلاثة أيام ) يؤدي لتجمع الغازات ، ويسبب مغصا شديدا للرضيع . لذا من المهم معرفة سبب الإمساك ، وعلاجه بشكل سريع ، وتفادي أسبابه .

🤱 اللبن الصناعي لأن فيه سكريات أعلى بكتير من اللبن الطبيعي ..

طب والحل 🤔🤔

🎈 بعد ما تظبط كل الكلام اللي قولناه فوق ده ...
🎈مساج للبطن وتمارين قبل الرضاعة ...
🎈 واخيرا الأدوية ودي ليستتها تطووووول.. وأفضلها بالنسبة لي
✅ Dentinox دينتينوكس
✅ Simethicone سايميسكون
✅aqua plus اكوا بلس

✖️ بلاش ماء غريب ... 🤔
✖️ الاعشاب مش بتتاخد الا بعد الشهر الرابع

قولو لنا في الكومنتات بتدو ايه للمغص وبتتعاملو معاه ازاااي ؟🤔

د. محمد عبدالفتاح

طبيب الأطفال وحديثي الولاده
الهيئة العامة لأمانة المراكز الطبيه المتخصصه
مستشفي محلة مرحوم التخصصي
مستشفي طيبه التخصصي

27/09/2025

♥️♥️التطعيمات الاضافيه للأطفال♥️♥️
_______________________

1️⃣⁦⬅️⁩ تطعيم الروتا مهم جدا عشان النزلات المعويه

( بالفم Rotarix)
🔵مش بيتاخد قبل شهر ونص ومش بعد ٨ شهور
🔵الجرعه الاولى اخر ميعاد ليها ٤ شهور لو عدوا خلاص
🔵بين الجرعتين ميقلش عن شهر

2️⃣⁦⬅️⁩ المكورات الرئويه 👌

♦️شهرين واربعه وسته شهور
♦️او اربعه وسته وتمانيه شهور
♦️او سته تمانيه وعشره شهور
🧡وجرعه تنشيطيه عند ١٥ الى ١٨ شهر

👈لو عمره م ١ سنه ل سنتين ياخد جرعتين بينهم شهرين
👈ولو عمره من ٢ ل ٥ سنوات ياخد جرعه واحده فقط

3️⃣⁦⬅️⁩ تطعيم الجديري👌

🚫ممنوع قبل سنه
🟢حقنه عضل
🟢تحت ١٣ سنه جرعتين بينهم 3 شهور
🟢اكتر م كدا جرعتين بينهم شهر
📣📣واللي جاله جديري مياخدش خلاص❗

4️⃣⁦⬅️⁩ تطعيم الالتهاب الكبدي A
مبيتاخدش تحت سنه..بيتاخد علي جرعتين نص مللي حقنه عضل
🔹الجرعة الأولي عند 12شهر
🔹الجرعة التانية 24 شهر

5️⃣⬅️الالتهاب السحائي

🔹جرعة واحدة عند 24شهر
🔹 وجرعة تنشيطية عند 4_6سنوات

د. محمد عبدالفتاح

طبيب الأطفال وحديثي الولاده
الهيئة العامة لأمانة المراكز الطبيه المتخصصه
مستشفي محلة مرحوم التخصصي
مستشفي طيبه التخصصي

عنوان العياده📣

♦️الرجدية-حي المسلمية-اعلي معمل الاهرام
♦️حصة شبشير - عيادات التقوي التخصصيه

📞٠١٠٩٤٠٦٤٠٦٧
⁦

12/09/2025

جمعة مباركة عليكم جميعا🙏🌸

يسعدنا استقبال اطفالكم الجمعه من كل أسبوع سعر الكشف ( ٥٠ ج ) من الساعه ٨:٣٠ م الي ١٠:٣٠ م

23/08/2025

♦️ طفله عمرها ٣ سنين ،ابتدت شكوتها من ٦ شهور تقريبا بارتفاع بدرجه الحراره متكرر تقريبا🥹 كل شهر بنفس الشكل ،اخدت كميات مضادات حيويه ومحاليل ومسكنات مش طبيعيه🙃😊
وبدأ يأثر علي وزن الطفله وحالتها الصحيه

جاتلنا بنفس الشكوى ارتفاع بدرجه الحراره وبسؤال الأم عن تفاصيل التعب؟! كل مره اللي بيجي بسخونه ووجع بالبطن مصاحب بوجع بالعضم ..شكينا عالطول إن الموضوع مش نزله معويه او التهاب في الحلق زى ماكانت معتقده في كل مره☺️ طلبنا فحوصاتنا واللي بينت ارتفاع بنسبه amyloid a وده بروتين بيعلي في حالات التهاب الشديده واشهرها علي الاطلاق (حمي البحر المتوسط) واللى من مضاعفاتها انها ممكن تأثر علي الكلى ،وتم وصف علاج كولشيسين للسيطره علي نشاط المرض وتم تحسن الحاله الصحيه للطفله بفضل الله🙏

د. محمد عبدالفتاح

طبيب الأطفال وحديثي الولاده
الهيئة العامة لأمانة المراكز الطبيه المتخصصه
مستشفي محلة مرحوم التخصصي
مستشفي طيبه التخصصي

عنوان العياده📣

♦️الرجدية-حي المسلمية-اعلي معمل الاهرام
♦️حصة شبشير - عيادات التقوي التخصصيه

📞٠١٠٩٤٠٦٤٠٦٧

09/08/2025

متنسوش فيتامين د 🙏
متخافوش من الترجيع لو الطفل وزنه بيزيد..
مفيش طفل مش بيحزق..
مفيش طفل مش بيرجع..
مفيش طفل مش بيعيط..
مفيش طفل مش بيزن..
مفيش طفل بيفتح عينه ويبصلك من أول يوم☺️
مفيش طفل زي التاني..

بيضة واحدة يومياً كنز كبير صفار وبياض
هتحسن نمو طفلك وطوله وتقوى مناعته وهتحسن الهضم
مسلوق أو مقلى فى زيت الزيتون
من الشهر السادس

بس 🤚

د. محمد عبدالفتاح

طبيب الأطفال وحديثي الولاده
الهيئة العامة لأمانة المراكز الطبيه المتخصصه
مستشفي محلة مرحوم التخصصي
مستشفي طيبه التخصصي

عنوان العياده📣

♦️الرجدية-حي المسلمية-اعلي معمل الاهرام
♦️حصة شبشير - عيادات التقوي التخصصيه

📞٠١٠٩٤٠٦٤٠٦٧

28/07/2025

♦️ابنك سِخن ؟؟؟

خففتى الهدوم ، وقلعتيه ؟ حمّيتيه ؟ فتحتى الشبابيك وهويتي البيت ؟ لسه سخن ؟ اديتي سيتال من عمر يوم ، و بروفين من السادس ، ودولفين من ٥ سنين ؟؟ لسه سخن ؟؟ صبرتى يومين ؟ مش قادره عشان الحرارة بتعلى كل ٤ ساعات ؟ انزلى اكشفى فوراٌ !

🤔 أبنك لسه سخن ؟؟

٩٠٪ أسباب ڤيروسية مش محتاجه مضاد حيوى ،، مننساش التهاب الحلق المشهور(هربس) وعلاجه مضاد ڤيروسي(زوڤيراكس) وتشخيصه صعب جداً

مننساش المفاتيح دي:

حرارة +

*حيل(غدد) ورفض أكل وصديد >> التهاب حلق
*ألم جانب البطن ووجع اثناء التبول> التهاب بول
*ألم في الأذن وزنّ ووجع مع الضغط> التهاب اذن
*برد ورشح أصفر وحرارة> ٣٩ >> جيوب انفيه
*ترجيع وألم بطن دورى متكرر> حمى بحر ابيض
*إسهال ورائحة سيئة >> نزلة معوية
*كحة ونهجان صدر >> التهاب رئوى.!

📢يسعدنا استقبال اطفالكم سعر الكشف "٥٠جنيه" حتي نهاية شهر يوليو 😍

24/07/2025

"أنا واخد عهد على نفسي
إني ما امشيش ورا السوق
ولا أقلد حد ولا أكتب علاج لمريض مش محتاج علاج☺️
أنا بشتغل بضمير
وبشوف كل مريض كأنه حد من أهلي♥️
اللي يمشي ورا السوق ممكن يبيع ضميره
واللي يمشي ورا كلام المريض على طول ممكن يأذيه🤷
واللي مش عارفه هقول ببساطه مش عارفة وهوجه ل الصح☺️
أنا باخد وقتي
وبشتغل بعلمي وقلبي
علشان المريض يطلع فاهم ومطمن.
وعلشان ربنا يحميلي عيالي ويباركلي فيهم

"الطب ليس مهنة نكتسب منها، بل رسالة نؤديها بكل أمانة وإخلاص."

📢يسعدنا استقبال اطفالكم سعر الكشف "٥٠جنيه" حتي نهاية شهر يوليو😍

12/07/2025

🎉 عامٌ مضى... والبداية أجمل مما توقّعت! 🎉
منذ اللحظة الأولى لافتتاح العيادة، كان الهدف واضحًا:
(راحة الطفل وطمأنينة أهله)

خلال عامٍ كامل، شرفت بثقتكم الغالية،
وكنتم سببًا في أن يتحوّل الحلم إلى واقع… والعيادة إلى بيت صغير مليء بالمحبة 👶❤️

📢وبمناسبة مرور عام على هذه الرحلة الجميلة،
يسعدني أن أستقبل أطفالكم بقيمة كشف ٥٠ جنيه فقط
وذلك لمدة أسبوع ابتداءا من اليوم

🎈تقدير بسيط لثقة كبيرة… من قلوب غالية على قلبي.

📍 العنوان: الرجدية - حي المسلمية - أعلى معمل الأهرام
📞 للحجز والاستفسار: 01279521752
📲 واتساب: 01094064067

🩺 د. محمد عبدالفتاح
– طبيب الأطفال وحديثي الولادة –
مستشفي محلة مرحوم التخصصي
مستشفي طيبه التخصصي

♦️الطب ليس مهنة فقط، بل رسالة فيها قلب وعقل، وأمانة نحملها كل يوم♥️

Dr.Mohamed AbdElfatta د.محمد عبدالفتاح -طبيب الأطفال وحديثي الولادة

27/11/2025

19/11/2025

31/10/2025

27/10/2025

08/10/2025

27/09/2025

12/09/2025

23/08/2025

09/08/2025

28/07/2025

24/07/2025

12/07/2025

Address

Opening Hours

Website

Alerts

Shortcuts

Share

Category

Monday	8pm - 11pm
Tuesday	8pm - 11pm
Thursday	8pm - 11pm
Friday	8pm - 11pm
Saturday	8pm - 11pm
Sunday	5pm - 8pm