Train Your Brain

Train Your Brain Contact information, map and directions, contact form, opening hours, services, ratings, photos, videos and announcements from Train Your Brain, Qesm 1st Tanta, Tanta.
(1)

دورات وورش في تطوير الذات، العلاقات الزوجية، وتربية الأطفال والمراهقين. بنخاطب الأمهات العربيات في مصر والخليج وأوروبا، المهتمات بتنمية المهارات الشخصية والحياتية للأسرة مع أفضل المدربين.

05/03/2026

في Train Your Brain
بنختار بعناية جدًا.

بندور على مدرب:
✔ محتواه مبني على علم حقيقي مش كلام تحفيزي وخلاص
✔ عنده خبرة وتجربة واضحة
✔ بيحترم قيمنا وهويتنا
✔ هدفه يسيب أثر… مش يجمع مشاهدات

لأننا مسؤولين قدام كل أم بتثق فينا
وكل بيت بيدخل عليه المحتوى ده.

لو شايف إنك بتقدّم القيمة دي…
أهلًا بيك معانا 🤍

وانا واقفة مسحولة في المطبخ وفاضل عالفطار أقل من نص ساعة ومحتاسة كالعادة😭ابني دخل عليا وهو راجع من التمرين ..بيقول مام...
02/03/2026



وانا واقفة مسحولة في المطبخ وفاضل عالفطار أقل من نص ساعة
ومحتاسة كالعادة😭

ابني دخل عليا وهو راجع من التمرين ..بيقول ماما ريحة الاكل حلوة اوي ..انا جعان جدا ومش قادر استنى المغرب 😣

بص لي وقال
“هو إحنا ليه لازم نستنى؟ ما ناكل حتة صغيرة وخلاص؟”🫰

ورغم اني بجد متدهولة ومش فاضية للاسئلة الوجودية دي 😤 بس قلت يلا فرصة ولازم استفيد منها

قلت له انا عارفة انك تعبان وجعان وعطشان وبجد صعبان عليا

بس لازم أقولك ان فريضة الصيام ربنا بيختبر فينا التسليم وبيعلمنا
#الانضباط
#تأجيل _المتعة

قال لي يعني ايه 😮

قلت له مادام ربنا قال من الفجر للمغرب.” ..يبقى لازم نلتزم

مش حسب مزاجنا.
مش لما نجوع قوي.
مش لما نحس إن خلاص مش قادرين.

في وقت محدد… بنلتزم بيه.

رمضان مش بس صيام عن الأكل…
رمضان تدريب على الانضباط.

إنك تلتزم بوقت
حتى لو مفيش حد شايفك.
إنك تمسك نفسك
رغم إن الحاجة قدامك وحلال.

ده اسمه تأجيل المتعة
إنك تقول لنفسك:
مش دلوقتي… رغم إني أقدر.

والولد اللي يتربى إنه يحترم “الوقت اللي ربنا حدده”
هيتعلم يحترم حدود تانية في حياته:

وقت مذاكرة
وقت نوم
وقت شاشة
وحتى حدود الحلال والحرام.

رمضان بيعلم أولادنا إن الانضباط مش عقاب…
الانضباط قوة.

وساعتها حسيت
إن درس المطبخ قبل المغرب
أعمق بكتير من أي كلام نظري عن قوة الإرادة.

ايه أكتر حاجة حسيتي ان رمضان غرسها جواكي من زمان ونفسك تتغرس في نفوس ولادك

أقفل الأخبار عن ولادي؟ ولا أخليهم يعرفوا؟الفترة دي الأحداث حوالينا تقيلة…حروب… ألم… صور صعبة.وأنا كأم محتارة:أحميهم وأقف...
01/03/2026

أقفل الأخبار عن ولادي؟ ولا أخليهم يعرفوا؟

الفترة دي الأحداث حوالينا تقيلة…
حروب… ألم… صور صعبة.

وأنا كأم محتارة:
أحميهم وأقفل كل حاجة؟
ولا أسيبهم يعرفوا عشان يبقوا واعيين؟

الحقيقة إن لا المنع الكامل صح…
ولا الانغماس الكامل صح.

ربنا خلقنا بفطرة الرحمة،
ونبينا ﷺ قال:
"مثل المؤمنين في توادهم وتراحمهم وتعاطفهم مثل الجسد الواحد"

يعني طبيعي يعرفوا إن في ألم…
لكن مش طبيعي نسيبهم لوحدهم مع خوفهم.

الطفل لو شاف من غير فلترة
ممكن الخيال يكبّر المشهد جواه
ويزرع قلق.

وفي نفس الوقت
الطفل اللي معزول تمامًا
ممكن يكبر سطحي
مش حاسس بغيره
ولا بوجع أمته.

إحنا عايزين نربي طفل
واعي… رحيم… ثابت…
مش مرعوب

طيب نعمل ايه ؟😱

✔ نسمع الأول هو فاهم إيه وحاسس بإيه
✔ نشرح على قد سنه ومن غير صور صادمة
✔ نأكد له دايمًا إننا في أمان
✔ نحول إحساسه لدعاء أو صدقة أو فعل بسيط
✔ ما نخليش الأخبار مفتوحة طول اليوم

التوازن هنا هو التربية الحقيقية #
وعي من غير خوف…
وأمان من غير سطحية 🤍

الورشة دي للناس اللي قيمة التواصل والعطاء عندهم من القيم العليا للي بيحب العلاقات والناس لكن بيتأذي من التدخلات في امو...
28/02/2026

الورشة دي للناس اللي قيمة التواصل والعطاء عندهم من القيم العليا
للي بيحب العلاقات والناس لكن بيتأذي من التدخلات في اموره الشخصية والاستغلال وعدم تقدير لظروفه

احدث الدراسات أثبتت إن التعامل مع أطفال ما بيعتمدش على الأدوية بس…ولا على نظام غذائي معين وخلاص.الأكيد ان الأدوية ممكن ...
27/02/2026

احدث الدراسات أثبتت إن التعامل مع أطفال
ما بيعتمدش على الأدوية بس…
ولا على نظام غذائي معين وخلاص.

الأكيد ان
الأدوية ممكن تساعد بعض الحالات.
والتغذية كمان عامل مهم جدا👌

لكن التأثير الحقيقي – وده اللي أكدته مراجع علمية كبيرة
بييجي من حاجة أعمق:

📈استراتيجيات عملية يومية.
تدريب متكرر.
تنمية مهارات.
ودعم نفسي واجتماعي حقيقي.🫂

طيب ليه بقولك الكلام ده؟

عشان عارفة قد إيه بتتألمي😞
لما بتحسي إنك بتجري لوحدك.

عارفين يعني إيه تروحي لدكتور
وترجعي ومعاكِ روشتة…📋
بس لسه البيت هو هو.
الصريخ هو هو.
الضغط هو هو.

فاهمين يعني إيه تحسي إنك عملتي كل حاجة
ومفيش فرق واضح.

الموضوع مش تقصير منك.
ولا فشل.
ولا إنك مش عارفة تربي.

الموضوع إن الطفل ده محتاج يتعلم إزاي:

ينظم نفسه
يسيطر على اندفاعه
يركز خطوة خطوة
يفهم مشاعره
ويتدرب على تخليه ينجح وسط الناس

وفي نفس المرجع العلمي ده
فيه تركيز جميل جدًا على نقطة بنغفل عنها أحيانًا…

إننا مش بنعدل سلوك وبس.
إحنا بنبني شخصية.

بنعلمه اللطف.
بنعلمه التعاطف.
بنعلمه يتحمل المسؤولية على قد سنه.

مفيش حل سحري.
لكن فيه طريق واضح.

طريق أهدى ليكي…
وأعدل ليه.

وعشان كده قررنا نعمل تحدي بسيط لمدة كام يوم
نقرب فيه من واقعك الحقيقي…
نسأل أسئلة شبه اللي بتحصل في بيتك
ونفهم سوا قبل ما نحكم.

اللي هيشارك معانا في التحدي
ويتفاعل على البوستات
هيحصل على خصم خاص على
فيها حلول تطبيقية للمواقف اليومية اللي بتتكرري معاها كل يوم.

لو حاسة إن الكلام ده بيوصف بيتك…
اكتبي تعليق بكلمة #معاكم🤍

ونبدأ سوا خطوة أهدى… وأوعى.

فاكرة مرة مدرب كان بيتابع صفحتنا وعجبته جدا كل الفعاليات اللي بنقدمهاتواصل معانا وكان بيتكلم بحماس شديد جدًا…محتواه قوي...
21/02/2026

فاكرة مرة مدرب كان بيتابع صفحتنا وعجبته جدا كل الفعاليات اللي بنقدمها

تواصل معانا وكان بيتكلم بحماس شديد جدًا…
محتواه قوي، شهاداته تقيلة، وسنين خبرة تحترم.

قعدنا نتكلم عن الكورس… كله كان ماشي تمام

وكعادتنا مع جمهورنا طلبنا منه نبدأ بمحاضرة تعريفية عن الكورس ..
لكن أثناء المحاضرة حصلت حاجة بسيطة لكن معناها كبير …

ضيفة من الحاضرات طلبت انها تشارك بتجربة مؤلمة عاشتها …واثناء ما هي بتحكي قاطعها المدرب وضح لها انه فاهم اللي تقصده ! وبدأ يقدم حلول عملية وقال لها ان الطريقة اللي هي اتصرفت بيها كانت غبية جدا وطبيعي انها كانت تفشل في حل المشكلة

الحقيقة وبرغم ان المحاضرة كان محتواها متميز جدا لكن أسلوب المحاضر كان كفيل ان الكورس كله يترفض ❌

مش كل مدرب عنده علم
يبقى جاهز يقود ناس في رحلة تغيير.

لأن اللي بيحضر الكورس
مش بيبقى جاي بعقله بس…
ده جاي بقلب موجوع، بخوف، بإحباط، ويمكن بإحساس ذنب.

خبرة المدرب الحقيقية مش إنه يقول الحقيقة وخلاص…
لكن يعرف يقولها إمتى، وإزاي، وبأي قدر.

يعرف يوازن بين الصدق والرحمة.
بين المواجهة والاحتواء.
وإنه يفتح عين الشخص على دوره…
من غير ما يكسره.

لأن الكلمة ممكن تعالج…
وممكن تجرح.

وإحنا في Train_Your_Brain # مسؤولين عن المساحة اللي الناس داخلاها بقلبها قبل عقلها 🤍

لو أنت مدرب وعندك رسالة حقيقية…
وعايز تقدمها في بيئة آمنة، مهنية، وتحترم الإنسان قبل أي شيء

راسلنا، ويمكن تكون خطوتك الجاية معانا هي بداية أثر أكبر 💛

من للبنات كورس التربية الجنسية والتأهيل لمرحلة البلوغ والمراهقة للبنات (١٠-١٦)سنة بنات بتتمتع بعقول ناضجة وقلوب نقية...
17/02/2026


من للبنات
كورس التربية الجنسية والتأهيل لمرحلة البلوغ والمراهقة
للبنات (١٠-١٦)سنة
بنات بتتمتع بعقول ناضجة
وقلوب نقية غضة
وشخصيات متميزة
استثمروا في بناتكم وافهموهم وقربوا منهم
هتلاقوا ان هو ده الاستثمار الحقيقي👏❤️

تابعونا وانتظروا آراء البنات المشتركات في

كتير من المدربين عندهم محتوى رائع… بس المشكلة إن الوصول للنتيجة الحقيقية مش بيجي بمجرد الفكرة.زي اللي حصل مع واحدة من أج...
14/02/2026

كتير من المدربين عندهم محتوى رائع…
بس المشكلة إن الوصول للنتيجة الحقيقية مش بيجي بمجرد الفكرة.

زي اللي حصل مع واحدة من أجمل المدربات اللي اشتغلنا معاهم

رغم ان عندها أفكار مميزة وأدوات تنفيذ عملية جدا ومختلفة…
لكن مش عارفة إزاي توصل للجمهور اللي محتاج محتواها فعلاً.

معندهاش وقت للتواصل والاقناع ومتابعة تفاصيل الاشتراك والحجز

لما قعدنا مع بعض وبدأنا نفند الأفكار: اكتشفنا إن المحتوى نفسه مش جديد… لكن طريقة الطرح والأدوات اللي استخدمتها حقيقي مبهرة ومتعوب عليها

بعد ما سمعنا منها واتناقشنا كتير وفهمنا رؤيتها ..بدأنا نقسم الشغل ونحدد الأهداف ونحط الخطة عشان

✅نوصل بالكورس للجمهور المناسب

✅نرتب الأفكار والمحتوى بتسلسل واضح يخلي التنفيذ أسهل وأكثر تأثير.

✅ننسق مواعيد الكورس ونتابع التواصل مع المشاركين لإنهاء إجراءات الحجز بسهولة.

النتيجة اللي وصلنا لها !!؟📈

💪💪الكورس بفضل الله مستمر
بل وبيحقق نجاحات لأكثر من 3 سنين، صيف وشتاء، بدون توقف.
👏👏👏

في احد الكورسات واحنا بنتمم الاتفاق على تفاصيل الكورسالمدرب قال:إني أشرح المعلومة…مش هو ده الصعبالصعب اني ألاقي ناس مست...
09/02/2026

في احد الكورسات واحنا بنتمم الاتفاق على تفاصيل الكورس
المدرب قال:
إني أشرح المعلومة…مش هو ده الصعب
الصعب اني ألاقي ناس مستعدة تسمع وتغير

وده اللي بيخلي نجاح أي كورس مش بس في قوة المحتوى،
لكن في نوعية الناس اللي داخلة تتعلم.

ناس جاية تسأل:
نحل المشكلة ازاي
مش مين السبب في المشكلة

وده يمكن أكتر حاجة خلت التجربة على منصة your Brain مختلفة
لأن اللي اتعودنا عليه مع متابعينا وجمهورنا انه مش بيدوّر على مسكن مؤقت،
لكن على فهم أعمق… وتغيير يعيش معاه بعد الكورس ما يخلص.

وعشان كده دايمًا بنقول:
المحتوى الجيد مهم…
بس الجمهور الواعي هو اللي بيخليه يثمر فعلًا.✅

#انتهينا بالأمس من محاضرة _مع_الأكل_العاطفيقدمتها د: عبير المنشاويأخصائي التغذية العلاجية جامعة طنطا وcertified healt...
09/02/2026

#انتهينا بالأمس
من محاضرة _مع_الأكل_العاطفي
قدمتها د: عبير المنشاوي
أخصائي التغذية العلاجية جامعة طنطا
وcertified health coach

استمتعنا جدا بالحضور والاسئلة
للحصول على تسجيل المحاضرة اكتبوا لنا فالتعليقات كلمة ( #تسجيل)

في ستات كتير فاكرة إن مشكلتها مع الأكل… هي ضعف إرادة.لكن الحقيقة مختلفة شوية.الأكل العاطفي غالبًا مش سببه الجوع،سببه إن ...
06/02/2026

في ستات كتير فاكرة إن مشكلتها مع الأكل… هي ضعف إرادة.
لكن الحقيقة مختلفة شوية.

الأكل العاطفي غالبًا مش سببه الجوع،
سببه إن الأكل بقى أسرع طريقة نهدّي بيها مشاعر مش عارفين نتعامل معاها.

يوم طويل وضغط… لقمة تريح.
زعل أو إحباط… حاجة مسكرة تعدّي الإحساس.
ومع الوقت المخ بيتعلم إن الأكل هو الحل الأسهل.

عشان كده أغلب أنظمة الدايت بتفشل.
لأنها بتغير الأكل… لكن مش بتغير العادة.

في المحاضرة الجاية مش هنتكلم عن “تاكلي إيه وماتاكليش إيه”.
هنتكلم عن حاجة أعمق:

إزاي تتبني عادة جديدة من غير ما تحسي إنك في حرب مع نفسك.
إزاي المخ يتعلم طريقة تهدئة مختلفة غير الأكل.
وإزاي التغيير يبقى هادي وثابت مش حماس يومين وخلاص.

اللي بتقدم المحاضرة مش بس أخصائية تغذية،
هي Health Coach… وده فرق كبير.

لأن شغلها مش مع الطبق بس،
لكن مع الفكرة اللي بتوصّلك للطبق أصلاً.

لو حاسة إن موضوع الأكل بقى مرتبط بمشاعرك أكتر من احتياج جسمك…
المحاضرة دي ممكن تكون بداية خروج هادية من الدايرة، مش محاولة جديدة تنتهي بإحباط.

🚨 المقاعد المتاحة قربت تكتمل بالفعل، والحجز بيقفل أول ما العدد يكتمل.
ميعادنا الأحد ٨ فبراير الساعة ٨ مساءً بتوقيت مصر.
تقدم المحاضرة د. عبير المنشاوي Abeer ElMenshawy — Health Coach معتمد
من ICF.

لو حابة تكوني موجودة، احجزي مكانك دلوقتي قبل اكتمال العدد.

Address

Qesm 1st Tanta
Tanta

Telephone

+201000230321

Website

Alerts

Be the first to know and let us send you an email when Train Your Brain posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Train Your Brain:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram