عيادة د/ نهلة مصطفى أخصائى الأطفال وحديثى الولادة - Nahla Kids Clinic

  • Home
  • Egypt
  • Tanta
  • عيادة د/ نهلة مصطفى أخصائى الأطفال وحديثى الولادة - Nahla Kids Clinic

عيادة د/ نهلة مصطفى أخصائى الأطفال وحديثى الولادة - Nahla Kids Clinic إكبر بصحة

❤مواعيد العمل بالعيادة 🌹🌹 :السبت ⬅️⬅️ من ٦ مساءا ل ١٠ مساءاالاحد ⬅️⬅️ من ٦ مساءا ل ١٠ مساءاالاثنين ⬅️⬅️ من ٦...
30/07/2024

❤مواعيد العمل بالعيادة 🌹🌹 :

السبت ⬅️⬅️ من ٦ مساءا ل ١٠ مساءا
الاحد ⬅️⬅️ من ٦ مساءا ل ١٠ مساءا
الاثنين ⬅️⬅️ من ٦ مساءا ل ١٠ مساءا
الثلاثاء ⬅️⬅️ من ٦ مساءا ل ١٠ مساءا
الاربعاء ⬅️⬅️ من ٦ مساءا ل ١٠ مساءا

د/ نهلة مصطفى🩺
تليفون ☎️ : 1021036835
#إكبربصحة

28/07/2024

📢📢📢دكتورة الحقينى 🤯
الولد سخن 🌡والساعة ٢ بالليل 🕑🌚اتصرف ازاى 😭😭‼

دى شوية نصايح ممكن تساعدك فى موقف زى دا 🙂

1️⃣ لو طفلك عمره ثلاثة أشهر أو أقل، لااازم تتوجهى فورًا لأقرب مستشفى إذا زادت درجة الحرارة على 38، لان ساعتها الطفل هيبقى محتاج يفضل تحت الملاحظة والإشراف الطبي الكامل لحد ما درجة حرارته ترجع لطبيعتها.
2️⃣ لما تحسى ان ابنك سخن، مش كفاية انك تجسيه بكف ايدك، لاازم تستتخدمي الترمومتر في قياس حرارته اما عن طريق الفم أو تحت الابط عشان تعرفى درجة الحرارة بشكل محدد وعلى اساس كدة تبتدى تتصرفى 😌.
3️⃣الكمادات بميا فاترة يعنى مية الحنفية يا ست الكل مش ميا بتلج خدى بالك💧.
4️⃣إذا كانت درجة الحرارة أقل من 38 درجة مئوية، استخدمي خافض حرارة (شراب أو لبوس) يحتوي على الباراسيتامول المخصص للأطفال، وانظري للنشرة الداخلية لمعرفة الجرعة بالتحديد تبعًا لعمر طفلك ووزنه👶.
5️⃣ ماتستخدميش اللبوس الخافض للحرارة، إذا كان طفلك عنده الإسهال😑.
6️⃣إذا كانت درجة الحرارة أكتر من 38 درجة مئوية، أدى الطفل خافض للحرارة ومسكن زى البروفين المخصص للأطفال على حسب وزن الطفل وعمره.
وخلى بالك اوعى تدى البروفين والباراسيتامول مع بعض فى نفس الوقت، وإنما نوع واحد بس فى المرة و بالتبادل، مع الفصل بين كل جرعة والتانية بـ6 ساعات على الأقل.
7️⃣خافض الحرارة حل مؤقت ومش علاج للميكروب اللى سبب ارتفاع درجة الحرارة من الاصل، عشان كدة لما بينتهى مفعوله الحرارة بترجع ترد تانى وممكن تستمر لـ3-5 أيام. عشان كدة لازم نكشف بسرعة ونعرف سبب ارتفاع درجة الحرارة ونعالجه.
8️⃣ ممنووووع منعا باااتا تدى الطفل أسبرين حتى المخصص للأطفال إلا تحت إشراف الطبيب، وسؤاله عن كل الأعراض الجانبية له، لانه ممكن لا قدر الله يسبب مخاطر شديدة للأطفال وممنوع استخدامه.
9️⃣ احرصي على تهوية البيت و المكان الموجود فيه الطفل، ومتغطيهوش بخمسميت بطانية، حافظي على التغطية الطبيعية المناسبة للجو🌤.
🔟خلى الهدوم اللى على جلد الطفل تكون قطنية👕.
1️⃣1️⃣ الحمى من فيح جهنم فابردوها بالماء، حمام بميا فاترة (مش باردة عشان ما يتسببش في حدوث صدمة للجسم).
1️⃣2️⃣ عوضى سوايل كتير بدل اللى بتتبخر من جسم الطفل بسبب ارتفاع درجة حرارته🥂🥤.
وما تنسيش دى كلها حلول مؤقتة لحد ما يطلع الصبح🌞 وتقدرى تنزلى بالطفل لدكتور الاطفال المتخصص لان ارتفاع حرارة الجسم وراه سبب محتاج فحص وعلاج 😊.

د/ نهلة مصطفى
تليفون ☎️ : 1021036835
#إكبربصحة

08/07/2024

🤱لسة ماما جديدة😊 ومحتاسة 😁ومش عارفة تعملى ايه 😅.
البوست دا ليكى ركزى معايا بقى يا ست الكل 😉.

فيه شوية حاجات المفروض تعرفيها عن التعامل مع الطفل المولود حديثا عشان هتسمعي كلام كتير من الناس الي حواليكي ممكن يكون فيه مغالطات .

إقرأي الملحوظات دي وأي حاجة مخالفة تسمعيها اسألي الأول واتأكدي قبل ما تعمليها .

🎗🎗رضعي طبيعي
📌 بلاش أعشاب ولا بيبي درينك .
📌 بلاش جلوكوز .
📌 البديل للرضاعة الطبيعية هوا اللبن الصناعي بعد استشارة الطبيب.

🎗🎗بالنسبة للتطعيمات :
📌 تطعيم "فيروس بي" اول 24 ساعة حتي في أيام الجمعة والعطلات الرسمية بالوحدات الصحية وأقسام النساء في المستشفيات الحكومية .
📌 تحليل الغدة "كعب الرجل" من اليوم الثالث للسابع ..ايام السبت والثلاثاء في الوحدة الصحية .
📌 تطعيم الدرن "حقنة الكتف" في أول شهر .
📌 رسم السمع متوفر دلوقتي في الوحدات الصحية..اسألي عليه وقت التطعيم .

🎗🎗بالنسبة للسرة:
📌 بلاش ربط حاجة علي السرة .
📌 بلاش الحفاضة تغطي السرة .
📌 نضفي السرة بالكحول من 4 - 6 مرات يوميا .
📌 في أوروبا مش بيستخدمو الكحول خلاص علي السرة ... هتقرأي الكلام ده علي النت ونصايح انك مترشيش كحول ... رشي كحول احنا في مصرواحتماليه أكبر لحدوث عدوي من غير تطهير .

🎗🎗بالنسبة للصفرا
📌 اكتر من 60% من المواليد بيصفروا ... صفرا فيسيولوجية طبيعية بتظهر بعد اليوم التاني من العمر ... دي صفرا حميده متقلقيش .
📌 الصفرا عايزه رضاعة كويس ومتابعة .. ولو زادت عن نسب معينة بتحتاج حضانة وعلاج ضوئي ...مش عايزه لمبه نيون ولا فيتامينات.
📌 هام جدا جدا💣💣 لو فصيلة دم الأم "O"... لابد من متابعة الصفرا في اول 24 ساعة من العمر ... لأن في احتمالية حدوث صفرا تكسيرية ... ودي
بتظهر في اول 24 ساعة ... وبتحتاج متابعة خاصة .

🎗🎗فيتامين "د" من أول يوم "4 نقط في دروب " .
🎗🎗نقط مطهرة للعين في اول 5 أيام من العمر .

🎗🎗ممنوعات:
📌ممنوع بوس الطفل من الفم .
📌ممنوع في السبوع غربلة 💣💣 الغربلة = نزيف بالمخ .
📌ممنوع تكحيل الطفل .. عينيه ممكن تضيع .

🎗🎗 حديث الولادة إنسان :
📌 بيحتاج للنضافة .. وبيستحمي عادي .
📌 إحساسه بالجو زينا .. بلاش بطاطين في الحر .
📌 بينام كتير بس متقطع .. وظيفتك أول شهر ترضعي وتنيمي وتغيري .
📌 الخنفرة والزغطة والحزقة طبيعي عند حديث الولادة بتقل مع الوقت .
📌 حديث الولادة بيسمع وهو جنين في اخر شهور الحمل ..لو مفيش فزعه أو خضة من الصوت العالي تقلقي .

🎗🎗مهم جدا تعرفي وزن طفلك وطوله ومحيط رأسه في أول يوم من عمره .. عشان تقدري تتابعي نموه كويس .. المفروض وزنه يزيد اول 3 شهوربمعدل 750 جرام في الشهر .

🎗🎗اهتمي بصحتك عشان تقدري تهتمي بطفلك
📌 الأكل يكون صحي ومتوازن .
📌 بلاش أكل حراق أو بيعمل انتفاخات .
📌 اشربي مايه كتيير.
📌 بلاش أدوية من غير داعي .

🎗🎗لازم طفلك يعمل بول في أول 24 ساعة وبراز في أول 48 ساعة .. لومعملش استشيري الطبيب .
🎗🎗أنماط الإخراج مختلفة عند حديثي الولادة ... في طفل بيعمل براز بعد كل رضعة وفي طفل بيعمل مرة واحدة في اليوم .
🎗🎗بلاش النوم علي البطن إلا بعد الرضاعة للتجشؤ ... وتكوني صاحيه عنيكي عليه .
🎗🎗غيري الحفاض بعد كل مره يعمل حمام .. ونشفي كويس.. وممكن تدهني زيت زيتون .. هتحميه من التسلخات .

🎗🎗طفلك بيعيط كتير:
📌 خمني السبب ومع الوقت هتفهميه .
📌 جعان = رضعيه ... شبعان ومنفوخ = كرعيه ...عنده مغص = دلكيه ... عايز حد يشيله = شيليه .
📌 ماتسيبيش طفلك يعيط وتقولي عشان ميتعودش علي الشيل ... الطفل إنسان وعاوز اهتمام وحب وعناية .

🎗🎗ظواهر تقلقك💣💣 : رفض الرضاعة او مش قادر يرضع .. لونه بيزرق او في نهجان .. مدروخ ونايم علي طول .. كحه او سخونية.. أي حاجة من دي لازم كشف فورا .
🎗🎗لازم تتابعي الطبيب أسبوعيا أول شهر يطمنك عليه ويتابع زيادة الوزن ورضاعته .
🎗🎗الطفل حديث الولادة محتاج منك كل حب واهتمام ورعاية 💞💞💞💞

د/ نهلة مصطفى
#إكبربصحة

هو التسنين بيخسس 😯😯الطفل وزنه بيقل مع التسنين لسببين :👈السبب الاولانى ...أن الطفل مبيعرفش ياكل كويس بسبب ألام اللثة المص...
23/06/2024

هو التسنين بيخسس 😯😯

الطفل وزنه بيقل مع التسنين لسببين :
👈السبب الاولانى ...أن الطفل مبيعرفش ياكل كويس بسبب ألام اللثة المصاحب للتسنين ..بالتالى الوزن بيقل .

👈السبب التانى بقى هو أن سن التسنين هو نفسه بداية سن الحركة والفرك 😅 ومع المجهود الزيادة بااردو وزن الطفل بيقل .

بس منقلقش النقص دا بالكتير مش بيتعدى النص كيلو وبيرجع يتعوض تانى بعد ما تعدى فترة التسنين بأمان

د/ نهلة مصطفى🩺
تليفون ☎️ : 1021036835
#إكبربصحة

عرب المعادى - شارع نور الدين - أعلى محل البان الخولى - معمل مكة للتحاليل الطبية🔬

امتى اقلع ابنى الحفاضة 👶بصى هو الموضوع دا نسبى شوية ☺️البنات 🧑 فى الغالب بتبدى استعداد بدرى شوية لقلع الحفاضة اكتر من ال...
11/06/2024

امتى اقلع ابنى الحفاضة 👶
بصى هو الموضوع دا نسبى شوية ☺️
البنات 🧑 فى الغالب بتبدى استعداد بدرى شوية لقلع الحفاضة اكتر من الولاد 🧒
وعشان كدة فى البنات ممكن عند سن سنة ونص لسنتين نبدأ نتخلى عن الحفاضة👍
بينما فى الولاد ممكن من سن سنتين لسنتين ونص بيكون الوقت الأنسب 👍
طب فى علامات تنبهنى أن طفلى مستعد لقلع الحفاضة🤔 !!
ايوووووون يا ست الكل 😁
💠أولها انه يعبر عن نفسه أنه متضايق من الحفاض ويبتدى يحاول يخلعه ويتخلص منه🥴
💠ثانيا أنه يبقى عنده القدرة على قلع ولبس الهدوم ولو بشكل بدائى بعد ما يدخل التويلت🤩
💠ثالثا لما الطفل يبقى مش بيخاف من البوتى أو التويلت ومستعد يستخدمه ويروح للحمام زى الكبار 🥸

🌞الصيف مناسب جدا لأى ام مترددة تاخد الخطوة دى لأن كمية البول اللى بيخرجها الجسم بتكون اقل بكتير عن الكمية اللى بتخرج فى الشتا💦

👈ابدئى فى فترة النهار الاول ولما يظبط ابدئى قلعى فى فترة الليل

👈ابدئ عودى على التحكم فى البراز الاول ولما يظبط ابدئى عودى على التحكم فى البول

👣خطوة بخطوة شجعى وادعمى وخلى بالك رد فعلك هيأثر بشكل مباشر على سرعة التعلم والاستجابة من الطفل فخلى بالك طووووويل و هدى اعصابك🙃 ... كله بيطلع فى الغسيل 🙈🙈🙈

د/ نهلة مصطفى🩺
تليفون ☎️ : 01021036835
#إكبربصحة

❣️عرب المعادى - شارع نور الدين - أعلى محل البان الخولى - معمل مكة للتحاليل الطبية🔬

10/06/2024

أى حد يشرفنا بالحضور أول مرة ☺️
او يجى عن طريقه حد يشرفنا بالحضور أول مرة🙂
او يفكر يجيب عن طريقه حد يشرفنا بالحضور أول مرة 🙃
له خصم هو واللى هيشرفنا بالحضور أول مرة😁😂❤️

د/ نهلة مصطفى🩺
تليفون ☎️ : 1021036835
#إكبربصحة

أنا حامل وبرضع فى نفس الوقت 🙂هل كدة غلط على البيبى واللبن هيضره 🤔لا رضعى وانتى حامل 🤱ورضعى وانتى بترضعى كمان 🧑‍🍼يعنى ايه...
10/06/2024

أنا حامل وبرضع فى نفس الوقت 🙂
هل كدة غلط على البيبى واللبن هيضره 🤔

لا رضعى وانتى حامل 🤱
ورضعى وانتى بترضعى كمان 🧑‍🍼

يعنى ايه يا دكتورة😯

يعنى بعد الولادة ممكن ترضعى الطفلين مع بعض 🧑‍🤝‍🧑
اند جيس وااات🙃
كل طفل منهم هينزله لبن مناسب ليه 👶🥰

طب امتى اضطر افطم 🙄
فى حالة أن طبيب النسا قال افطمى ودا هيكون حرصا على صحتك انتى وقتها .. مش لأن اللبن مضر للبيبى ☺️

د/ نهلة مصطفى🩺
تليفون ☎️ : 1021036835
#إكبربصحة

💠عرب المعادى - شارع نور الدين - أعلى محل البان الخولى - معمل مكة للتحاليل الطبية🔬

د/ نهلة مصطفى🩺تليفون ☎️ : 01021036835 #إكبربصحة
04/06/2024

د/ نهلة مصطفى🩺
تليفون ☎️ : 01021036835
#إكبربصحة

الكحة .... بتصحيه من النوم 👀اه يبقى محتاج يروح للدكتور 🧑‍⚕️الكحة.... مستمرة مبتفصلش 👀اه يبقى محتاج يروح للدكتور 🧑‍⚕️الكح...
28/05/2024

الكحة .... بتصحيه من النوم 👀
اه
يبقى محتاج يروح للدكتور 🧑‍⚕️

الكحة.... مستمرة مبتفصلش 👀
اه
يبقى محتاج يروح للدكتور 🧑‍⚕️

الكحة .... معاها نهجان وصعوبة فى التنفس 👀
اه
يبقى محتاج يروح للدكتور 🧑‍⚕️

الكحة ..... معاها ارتفاع فى درجة الحرارة 👀
اه
يبقى محتاج يروح للدكتور 🧑‍⚕️
❤️❤️❤️❤️❤️❤️❤️❤️❤️❤️❤️❤️❤️❤️❤️

مواعيد العيادة يوميا من 6 م إلى 10 م ما عدا الخميس والجمعة 🌹

د/ نهلة مصطفى🩺
تليفون ☎️ : 1021036835
#إكبربصحة

ابنى بيبل نفسه وهو نايم 😔وانا تعبت عاوزة حل للمشكلة المحرجة دى😖 اللى معكرة حياتنا كلها ومش لاقيالها حل 😫التبول الليلى ال...
22/05/2024

ابنى بيبل نفسه وهو نايم 😔
وانا تعبت عاوزة حل للمشكلة المحرجة دى😖 اللى معكرة حياتنا كلها ومش لاقيالها حل 😫
التبول الليلى الا إرادى☔ كابوس مزعج فى بيوت كتير بيأثر عالطفل والام والاسرة كلها فى بعض الاحيان 😥
☔☔☔☔☔☔☔☔☔☔☔☔☔☔
خلينا كدة الاول نوضح الصورة ونفهم المشكلة لان فهم طبيعة المشكلة هو نص العلاج 😉
💡الاطفال بيتولدا👶 معندهمش القدرة على التحكم فى البول بمعنى المثانة تتملى المخ يبعت اشارته و يفضيها 🙈
💡عند سن 5 سنوات من 80-85% من الاطفال بيقدروا يتحكموا فالتبول اثناء الليل وباقى الاطفال بيتأخروا ودا اللى بيطلق عليه التبول الليلى اللا إرادى 🙇‍♀️.
💡النسبة فى الاطفال الذكور اعلى من الاناث - حوالى 60%👱‍♂️.
💡فالغالب بيبقى فى تاريخ مرضى فى العيلة لاشخاص كانوا مصابين بنفس المشكلة فالطفولة ولو كان احد الوالدين1️⃣ كدة وهو صغير فى احتمال بنسبة 44% ان الطفل يبقى كدة، اما بقى لو كان الاب والام 2️⃣ كدة الاحتمال بيزيد ⬆️يوصل 77% .
🤔ايه دا يعنى فى عامل وراثى فالموضوع‼
الاجابة اه فياريت نحاول نعذر الولد شوية 😁.
💡مع كل سنة الطفل بيكبرها بيتحسن بنسبة 15% حتى بدون اى تدخلات نهائى😯، واحتمال ان الطفل يكبر وتفضل المشكلة دى مكملة معاه اقل من 1%😊.
يعنى ايه الكلام دا بقاااا🤔🤔🤔
يعنى مفيش داعى ابدا للضرب🤨 والتعنيف 😣
والمعايرة 😔 واللسع بالشمعة 😨 والتشهير فدام الناس ☹.
واذا كان التبول اللا إرادى مشكلة فالطرق دى فالحل مصيبة ممكن تخرج انسان مشوه نفسيا😥 بسبب حاجة هو فعلا مش متحكم فيها وكدة او كدة هيجى يوم وتتصلح باذن الله .
💡فى نوعين من التبول اللا إرادى 💦فى طفل طول الوقت مش بيتحكم فالبول 💦وفى طفل تانى بيتحكم لمدة تزيد عن شهور وبعدها يرجع ينتكس تانى ولازم كطبيب افرق بين النوعين دول لان كل نوع منهم وله اسبابه.
⁉️طب اعمل ايه 😭😭😭😭‼
❤اول واهم حاجة انى اقبل ابنى على اى حال و-استغر الله العظيم يارب سامحنى- احبه 🙈 احب ابنى او بنتى حب غير مشروط🤗.
❤نقلل اوى من شرب السوائل بالليل.
❤نتجنب السكريات والكافايين (شاى -كولا - قهوة).
❤اوقات بيصاحب المشكلة دى تضخم فى اللحمية ولما بتتشال(بعد استشارة طبيب الانف والاذن طبعا 👨‍⚕️) المشكلة بتتصلح فى بعض الحالات فلو الطفل بيصدر صوت اثناء النوم لازم يتعرض على طبيب متخصص.
❤وجود عدوى فى الجهاز البولى ممكن تبقى سبب خصوصا فى البنات فلازم نعمل بعض الفحوصات زى تحليل بول مثلا عشان نعالج العدوى لو موجودة.
❤مش قبل عمر 6 سنين عشان ابتدى ادور على علاج للحالة🙄 مش قبل ايه يا ست الكل!!⬅️مش قبل 6 سنيييين 🤪.
🔻🔺️🔻🔺️🔻طب ايه العلاج 🤔‼
العلاج لازم يبقى متدرج
☔ من اول العلاج التشجيعى
واللى فالغالب ست الكل مبتعملوش حيث ان العلاج بالشبشب عابر القارات👡 اسهل 🙈.
☔العلاج بالتنبيه 🔔 عن طريق منبه يصدر صوت او اهتزاز اول ما الطفل يبتدى يبل نفسه😎.
☔وصولا للعلاج بالادوية ودا بيبقى اخر اختيار ولازم يبقى تحت اشراف طبيب الاطفال 👩‍⚕️.
واحيانا بنجمع بين اكتر من طريق للعلاج فى بعض الاطفال على حسب استجابة كل طفل.

د/ نهلة مصطفى
تليفون ☎️ : 1021036835
#إكبربصحة

🙈 التهابات الحفاض فى الرضع (التسلخات) 🙈🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥خصوصا فى فصل الصيف 🌞 بتزيد المعاناه😭👈من المشاكل المتكررة عند...
19/05/2024

🙈 التهابات الحفاض فى الرضع (التسلخات) 🙈
🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥🔥
خصوصا فى فصل الصيف 🌞 بتزيد المعاناه😭

👈من المشاكل المتكررة عند الأطفال حديثي الولادة .
📍فالاول لازم نفرق بين:

🌷 التسلخات بسبب حمام الطفل او نوع الحفاض وبين التسلخات بسبب عدوي فطرية🎭.

💠 التسلخات بسبب حمام الطفل👼او نوع الحفاض نفسه🤷‍♀️
👶ودي بتكون أكتر في منطقة الجلد الملامسة فترة طويلة لحمام الطفل سواء بول او براز

🌹 علاجها 🌹

💧تغيير الحفاض باستمرار
💧تنشيف جلد الطفل كويس جدا بعد التنظيف من الحمام
💧ترك جلد الطفل بدون الحفاض فترة للتهوية
💧 في الحالات الشديدة لازم استشارة طبيب الاطفال المتخصص لان ممكن يكون ورا التسلخات دى مشاكل تانية زى حساسية الالبان كمثال 👩‍⚕️👩‍⚕️.

💠 التسلخات بسبب عدوي فطرية 🙍‍♀️
👶ودي بتكون أكتر بين ثنايات الجلد

🌹علاجها 🌹

💧 نفس تعليمات الحالة الأولي بالظبط.
💧مهم جدا فالحالة دى الرجوع لطبيب الاطفال المتخصص لان العلاج هنا مش بس لتسلخات الجلد لا دا كمان هنحتاج نعالج الفطريات اللى اتسببت فى التسلخات 😓.

❤طيب يا دكتورة بما ان الوقاية خير من العلاج 😌
ازاى احمى جلد طفلى من الاساس عشان ميحصلش اصلا تسلخات !!!

😎 سهلة جدا 😎

💧اغير الحفاض على طول بعد ما الطفل يعمل حمام😷.
💧انشف جلد الطفل كويس جدا بعد التنظيف من الحمام.
💧اسيب جلد الطفل بدون الحفاض فترة للتهوية🌬
💧اول ما احس ان فى بوادر التهاب اطلب استشارة طبيب الاطفال بسرعة قبل ما الموضوع يزيد .
💧بلاش وصفات من حد مش متخصص لان اوقات كتير بيكون ضررها اكتر من نفعها لجلد الطفل 🙄.

د/ نهلة مصطفى
تليفون ☎️ : 1021036835
#إكبربصحة

👶 الارتجاع الصامت عند الرضع 👶امتى بينتهى أنا هدومى كلها اتبهدلت ولازم اخد الماركة المسجلة مع كل خروجة 🙈لو عرفنا ايه أسب...
18/05/2024

👶 الارتجاع الصامت عند الرضع 👶
امتى بينتهى أنا هدومى كلها اتبهدلت ولازم اخد الماركة المسجلة مع كل خروجة 🙈
لو عرفنا ايه أسبابه هنعرف ينتهى امتى 🙂
ايوة طب هى ايه أسبابه 🤔
بصى يا ست الكل 😎
بصيت 👀
اول حاجة أن الطفل على طوول نايم فلات و المعدة تقريبا فى نفس مستوى الفم 🛌
تانى حاجة أن طبيعة الاكل نفسها سايلة اللى هو لبن الرضاعة🌊
وتالت حاجة أن العضلة اللى قافلة على اللبن دا جوا المعدة لسة مش قوية كفاية أنها تخليه يفضل محبوس وراها 🚪

يبقى امتى ينتهى بقاااا ☺️
قولى انتى بقااا😁

اول حاجة لما الرضيع يكبر شوية ويقدر يقعد ويقف ويتحرك كمان .

تانى حاجة لما طبيعة الاكل اللى بياكله نفسها متبقاش سايلة لما نبتدى ندخله اكل مع الفطام .

تالت حاجة بقى لما العضلة اللى موجودة فى فم المعدة تبقى اقوى وتقدر تخلى الاكل محبوس وراها

طب ودا يحصل امتى بقاااا
لا مش هقولك قولى انتى بقاااا المرادى 😁😂😅
هقولك أنا 😊
دا غالبا بيحصل عند سن من 9 إلى 10 شهور

يبقى نستحمل شوية خلاص هانت 🙈
اهم حاجة ناخد بالنا منها أن وزن الطفل ميبقاش متأثر بسبب القشط دا وأنه بينمو بشكل طبيعى وصحى 🥰

د/ نهلة مصطفى🩺
تليفون ☎️ : 1021036835
#إكبربصحة

❤ الرضاعة الطبيعية ... الكنز المجانى ❤ 🌹🌹🌹🌹🤱🤱🤱🤱🤱🤱🤱🌹🌹🌹🌹🌹الرضاعه الطبيعيه بتعتبر حجر الأساس للطفل في الشهور الأولى م...
18/05/2024

❤ الرضاعة الطبيعية ... الكنز المجانى ❤

🌹🌹🌹🌹🤱🤱🤱🤱🤱🤱🤱🌹🌹🌹🌹

🌹الرضاعه الطبيعيه بتعتبر حجر الأساس للطفل في الشهور الأولى من عمره وتكفي لوحدها بدون إدخال اي إضافات حتى الماء لحد مرحله إدخال الأكل أو الفطام..

🌹 الرضاعة الطبيعية مصدر نضيف للحصول على التغذيه الكامله لطفلك وبتقوي الترابط النفسي بينكم وتقلل الاصابه بالأمراض المزمنه وأمراض الحساسيه وتحمي الطفل من العدوى والميكروبات والفيروسات المسببه لأمراض الجهاز التنفسي والنزلات المعويه وكمان بتحمي طفلك من زياده الوزن والسمنة..

🌹لبن الأم بيبدأ يتكون في أثناء الحمل ويدخل مرحله تانيه بعد الولاده بتعتمد على سحب اللبن عن طريق مص الطفل للثدي

🌹الساعه الأولى في حياه الطفل ساعه مهمه جدا بيسموها 🌷الساعه الذهبيه 🌷والمفروض يتم فيها خطوه مهمه اسمها 🌷skin to skin 🌷او 🌷الجلد للجلد🌷 اللي الطفل يتحط فيها على جسم مامته مباشره قبل قطع الحبل السري وده بيساعد على تقويه الارتباط النفسي بين الام والطفل وكمان بينظم درجه حراره الطفل وسرعه النفس وضربات قلبه ويسهل عمليه الرضاعه فيما بعد

🌹 في أول أيام من الولاده اللبن بيمر بمرحله انتقاليه اسمها 🌺لبن السرسوب 🌺 اللي بيكون فيه مناعه كبيره جدا وغذا كافي للطفل وتيجي الأمهات تشتكي معنديش لبن كفايه🙃🙃 الواد مش بيشبع 🙃🙃المضاد الحيوي نشف صدري🙃🙃 ويبدأ بقى الفتى من اللي حواليها 😂اديله صناعي اديله ينسون اديله اي حاجه 😀😀
مع ان كل اللي الطفل محتاجه في أول يوم هو حوالي ٣٠ مللي يعني ٥ سم كل رضعه يكفوه وهيبقي تمام والله 🙂🙂

🌹بعد كده لبن الأم بيدخل في مرحله اللبن الكامل أو اللبن الناضج وده بيكون اللبن فيه مكون من جزئين جزء في الأول فيه مايه اكتر وجزء في الأخر فيه دهون أكتر وده عشان يدي احساس الشبع للطفل عشان كده بننصح الأمهات انها ترضع من نفس الثدي لحد ما يتم تفريغه تماما في كل رضعه..

🌹الرضاعة الطبيعية هدية غالية من ربنا للمولود من اول يوم فى عمره حافظى عليها لو عايزة ابنك يكبر بصحة 😉.

د/نهلة مصطفى
تليفون ☎️ : 1021036835
#إكبربصحة

Address

Tanta

Opening Hours

Monday 7pm - 11pm
Tuesday 7pm - 11pm
Wednesday 7pm - 11pm
Saturday 7pm - 11pm
Sunday 7pm - 11pm

Telephone

+201021036835

Website

Alerts

Be the first to know and let us send you an email when عيادة د/ نهلة مصطفى أخصائى الأطفال وحديثى الولادة - Nahla Kids Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category