مركز د/ محمود عبدالغني القلع لأمراض الباطنه والقلب ومناظير الجهاز الهضمى

01/09/2025

‏🚨 أمل جديد لمرضى السكري: خلايا بيتا تعمل بلا رفض مناعي , خطوة ثورية نحو علاج جذري للسكري النوع الأول :

‏✨ ملخص الدراسة :
‏👤 مريض عمره 42 سنة مصاب بالسكري منذ 37 سنة خضع لزراعة خلايا بيتا معدلة بالـ CRISPR في عضلة الساعد، 🚫 من دون أي أدوية مثبطة للمناعة!

‏🔬 كيف تم تعديل الخلايا؟
‏•حذف بروتينات HLA 🛡️ (تمنع هجوم المناعة التكيفية).
‏•رفع بروتين CD47 🔒 (يحميها من الخلايا المناعية الفطرية).
‏➡️ النتيجة: خلايا Hypoimmune تهرب من جهاز المناعة.

‏💉 الزرع:
‏•80 مليون خلية تقريبًا عبر 17 حقنة صغيرة في عضلة الساعد.
‏•بدون كورتيزون أو أدوية مناعية.

‏📊 النتائج بعد 12 أسبوع:
‏✅ الخلايا فضلت حيّة و محصلش رفض مناعي
‏✅ ما تكوّنتش أجسام مضادة ضدها 💉
‏✅ بدأت تفرز أنسولين (C-peptide إيجابي بعد الأكل 🍽️)
‏✅ HbA1c انخفض بنسبة 42% 📉

‏⚠️ الأمان:
‏•4 أعراض جانبية بسيطة (تنميل، خثرة سطحية).
‏•ولا أي مضاعفات خطيرة.

‏📌 المعلومة المهمة: الكمية المزروعة كانت فقط 7% من المطلوب للاستغناء عن الإنسولين… والباحثون يتوقعون أن جرعات أكبر قد تعني مستقبلًا حياة بلا إنسولين خارجي! ✨

‏💡 الأمل: هذه أول مرة نثبت أن خلايا بيتا معدلة تستطيع العيش والعمل طبيعيًا داخل جسم مريض سكري بدون مثبطات مناعة… خطوة حقيقية نحو علاج جذري للسكري النوع الأول ❤️

29/06/2025

السلام عليكم
عزرا لعدم قيامى بنشر اى محتوى على الصفحة نظراً لانشغالي فى العمل الجديد فى بريطانيا ،،،،،،،،،،،،
لكن النهارده هاقدم نصيحه صغيره لكن مهمه جدا و يمكن تنقذ حياة إنسان.
٤ حبات أسبرين ٧٥ مج ؛؛؛؛؛؛؛،،،،،
لو اى حد فوق سن ال ٤٥ و حس بألم مفاجئ فى الصدر او ثقل شديد على الصدر لازم ياخد الأربع حبات دول و يتوجه فورا لأقرب ( مستشفى )
ايوه بقول تانى مستشفى مش عياده لان المستشفى مجهزه للتعامل السريع مع اى حالات طارئه و أهمها جلطات القلب لان الدقيقه بتفرق فى الحالات دى ،،،،،،،،،.
للاسف ناس كتير لما بتحس بحاجه زى كده بتتجه للعيادات الخاصه و ده طبعا بيؤدي للتأخير فى تشخيص الحاله و التعامل معاها.
و دمتم بخير و صحه

18/10/2022

البوست ده الهدف الاساسى منه هو التوعيه للاباء و الامهات

بالامس فى العياده جاتلي ام مزعوره على ابنها اللى بيتألم من بطنه ده نتيجة انه بلع مسمار😳😳 ايوه مسمار و مسمار كبير ٥ سم
و للأسف المسمار ده فى بطن الولد ليه ١٢ يوم
تخيل ١٢ يوم و فى حاجه مصديه و حاده جوه بطن الطفل😳😳😳
اتعمل اشعه من اسبوع و اتقال لها انه هاينزل فى البراز
و الام تركت الموضوع لكن الالم استمر مع الطفل
🥹🥹🥹😰😰
اتعادت الاشعه و اكتشفنا ان المسمار لسه موجود بعد ١٢ يوم من بلعه

على الفور قررنا ندخل بالمنظار و لحسن حظ الطفل كان لسه المسمار واقف فى الاثنى عشر اللى هى اول جزء فى الأمعاء الدقيقه
و بحمد الله تم استخراجه من الاثنى عشر و الطفل صحته كويسه😀😀
المقصود من البوست اننا لازم يا جماعة نخلى بالنا كويس جدا من اى حاجه بيمسكها الطفل لأن فى لحظه واحده ممكن تبقى حياته فى خطر
دى صورة المسمار

03/09/2021

السلام عليكم
النهارده هانتكلم عن موضوع شاغل ناس كتير اللى هو

جرثومة 🦠 المعده
و للأسف بعض من الزملاء الاطباءبيكونو هم السبب فى الخوف الزائد من الجرثومة او عدم فهم الموضوع بشكل كويس من خلال انهم بيطلبوا تحليل الجرثومه بشكل روتينى و مبالغ فيه،
و للاسف اى عرض بيشكك منه المريض بيربطه بالجرثومه و ده طبعا مش مظبوط.

علشان نفهم موضوع جرثومة 🦠 المعده او ( H. Pylori )
هى جرثومه بتبقى عايشه فى جدار المعده عند معظم الناس فى مصر و لكن بتبقى بشكل كبير كامنه (يعنى مش بتسبب مشاكل)
و دى الحاله اللى بتكون فى معظم الناس
و لكن احيانا بتنشط الجرثومة و دى اللي بتسبب التهابات فى جدار المعده او تقرحات و دى هى الحاله اللى محتاجه للعلاج.
الرساله اللي عاوز أوصلها
- مش معنى ان عندك جرثومة يبقى هى السبب فى مشاكل المعده عندك.
- بلاش تطلب تحليل الجرثومة من نفسك لأن التحليل بنطلبه فقط لما بنلاقي الأعراض تتماشى مع الجرثومة.
-كورس العلاج لازم يتاخد كامل مش عايفنه نبدأ فيه و نوقفه شويه أو نوقفه من نفسنا.
-مش معنى ان واحد فى الاسره يطلع عنده جرثومة يقوم باقى أفراد الاسره يجرو يعملو التحليل.

دا فيديو لمنظار شخص عنده جرثومة معدة ودا طبعا بيتحسن بشكل كامل لما بياخد العلاج المظبوط

07/06/2020

# كورونا .......من الآخر وباختصار شديد :

👈 لو حضرتك بتشتكي من :
_سخونية .
_كحة ناشفة .
_تكسير بالجسم.
_اسهال.
_فقدان حاسة الشم أو التذوق أو الاثنين معاً.
_اعياء شديد.
_فقدان الشهية.
_ عطس.
سواء كل الأعراض دي مجتمعة أو بعض منها .
في الأغلب ممكن تكون أعراض كورونا !!

🤚فلا تنزعج ، وتعامل مع الموضوع كأنه نزلة برد عادية .
وابدأ فوراً (عزل منزلي ) .
😷يعني حاول قدر الإمكان تكون لوحدك علشان متعديش الآخرين ، ولو باقي أفراد الأسرة عندهم نفس الأعراض
يبقى تقعدوا كلكم مع بعض !

👈ونبدأ فوراً :
_سوائل دافئة كتير.
_تاكل كويس جدا.
_ راحة.
_ مفيش مروحة.
_ مفيش تكييف.

👈(ثم تستشير طبيب فوراً بالتليفون )
وفي الأغلب هنعالج الأعراض الموجودة وهناخد :
_مضاد حيوي من عائلة ال
Azithromycin 500 mg .
كبسولة قبل الفطار بساعة لمدة خمسة أيام.
_بارسيتامول : قرص ثلاث مرات يوميا.
_فيتامين سي .( أي اسم ) : مرتين يوميا.
_ زنك ( أي اسم ) .مرتين يوميا.
_فيتامين د ( أقراص ) مرة واحدة يوم بعد يوم.
_ أي شراب للكحة.
_ حاجة للاسهال لو موجود.

👈وهتعمل التحاليل دي فقط لتقييم الحالة وليست للتشخيص :
CBC
CRP
D dimer
Ferritin
LDH
وبناءا على نتائج هذه التحاليل هيقرر الطبيب إضافة
دوا آخر مثل كليكسان تحت الجلد لمنع حدوث تجلطات .

👈بعد خمسة أيام على الأقل نقيم الوضع :

👈لو مفيش تحسن :
_لازم تعمل أشعة مقطعية على الصدر
_أو أشعة عادية على الصدر
_وتعيد التحاليل السابقة تاني.
_وبعدين نقرر تروح مستشفى تعمل (مسحة)
وتتحجز ولا ترجع بيتك تاني.

👈أما الحالات المصحوبة من الأول ب :
_ نهجان شديد.
_ كرشة نفس.
_ اعياء شديد.
_ عدم نزول درجة الحرارة.
بالإضافة للأدوية السابقة هنبدأ مضادات التجلط
مثل كليكسان وتقرر الجرعة حسب وزن وسن المريض مع أحد الأطباء المختصين.
_ولازم يعمل أشعة مقطعية على الصدر.
_وباقي التحاليل , والمسحة.
_ويفضل يكون في ( مستشفى من مستشفيات العزل) علشان هيحتاح أكسجين ،
وممكن تنفس صناعي أو رعاية مركزة لو الموضوع تطور
لا قدر الله.

👈٨٥٪ من الحالات لا تحتاج إلى مستشفى.
👈١٠٪ تحتاج إلى مستشفى. ( نصهم ممكن يخف ويروح
ونصهم فقط ممكن حالته تتطور ، وفي الأغلب كبار السن
وذوي الأمراض المزمنة وأمراض المناعة.....إلخ ).
👈 ٥ ٪ فقط ممكن حالتهم تتدهور .

👈 ‏تشخيص كورونا المؤكد عن طريق الأعراض , مع مسحة ال PCR , مع الأشعة المقطعية على الصدر ، وممكن الحاجات دي كلها تبقى سلبية والحالة تكون كورونا برضو !!! 😢

👈علشان كده أهم حاجة الأعراض ومتابعة تطور الحالة.

👈 ‏حالات كتير العزل في البيت أفضل ليها من العزل في المستشفى.
👈 أهم حاجة مناعة كويسة عن طريق :
_ ‏أكل كويس
_ ‏نوم كويس .
_ مفيش قلق
_ ‏مفيش توتر .

👈وإللي أهم من ده كله : 🌷الوقاية 🌷
_ كمامة. طول ما انت خارج المنزل.
_ تباعد اجتماعي.
_ مفيش زيارات.
_ مفيش أحضان أو سلام باليد .
_ غسيل أيدي بالماء والصابون.
_ ممنوع ملامسة الأنف والفم والعين .

#كورونا إلى زوال بإذن الملك المتعال.
# حفظ الله مصر.

ودمتم سالمين وفي صحة وعافية
🌹د.السيد إمام _ المعهد القومي للكبد بالقاهرة 🌹
‏
‏
‏منقول

15/05/2020

د. فهيم يونس هو رئيس قسم الأمراض المعدية بجامعة ميريلاند بالولايات المتحدة .. وهو كاتب هذه التويتات علي الملخص المفيد للفترة القادمة عن كيفية التعايش مع الكورونا:

١. سوف نعيش مع Covid19 لعدة أشهر. دعنا لا ننكر ذلك أو نفزع بل دعنا لا نجعل الحياة صعبة بلا داع فلنتعلم أن نكون سعداء وأن نتعايش مع هذه الحقيقة.

٢. لن يقلل الفيروس من تأثيره في الصيف .. إنه الصيف الآن في البرازيل والأرجنتين، لكن الفيروس ينتشر هناك بسرعة.

٣. لا يمكنك تدمير الفيروسات التي اخترقت الخلايا عن طريق شرب الكثير من الماء، وسوف تذهب فقط إلى المرحاض في كثير من الأحيان.

٤. غسل اليدين والحفاظ على مسافة ١.٨ متر هو أفضل طريقة للحماية من الفيروس. إذا لم يكن لديك مريض Covid19 في المنزل ، فلا حاجة لتطهير الأسطح والأثاث في المنزل.

٥. اكياس البضائع، ومضخات البنزين، وعربات التسوق و أجهزة الصراف الآلي لا تسبب العدوى. اغسل يديك، عش حياتك كالمعتاد.

٦. فيروس Covid19 لا ينتقل عن طريق الغذاء. بل عن طريق القطرات و الرذاذ مثل الانفلونزا.

٧. دخول الساونا لا يقتل الفيروسات التي اخترقت الخلية.

٨. يمكنك أن تفقد خاصية الشم مع العديد من أمراض الحساسية والالتهابات الفيروسية. هذا عرض غير محدد لـ Covid19.

٩. بمجرد أن نصل إلى المنزل،نحن لسنا بحاجة إلى تغيير الملابس والاستحمام على وجه السرعة. الطهارة فضيلة، وليست وسواس قهري.

١٠. فيروس Covid19 لا يعلق في الهواء. هو عدوى بالتنقيط التي تتطلب الاتصال الوثيق. الهواء نظيف، يمكنك المشي حول الحدائق و الأماكن المفتوحة (مع الحفاظ على التباعد).

١١. لا يميز الفيروس بين العرق أو الجنس أو الدين، بل ينتقل إلى جميع الناس.

١٢. يكفي استخدام الصابون العادي و لا ينصح باستخدام الصابون المضاد للبكتيريا بالضرورة. الفيروس ليس بكتيريا على أي حال.

١٣. لا داعي للقلق بشأن طلبات الطعام الخاصة بك. ولكن إذا كنت تريد يمكنك تسخينه قليلا في الميكروويف.

١٤. فرصة جلب الفيروس الي المنزل مع حذائك والحصول على المرض هي نفس فرصة التعرض للاصابة بالبرق مرتين في يوم واحد.

١٥. لا يمكن أن تكون محمي من الفيروس عن طريق شرب / أكل الخل والسماق والصودا والزنجبيل.

١٦. ارتداء القفازات هو فكرة سيئة، يمكن أن تتراكم الفيروس على القفاز، ويمكن بسهولة أن تنتقل إذا كنت على اتصال وجهك. من الأفضل أن تغسل يديك.

أرجو ان النصايح دي تكون مفيدة .. و ربنا يحفظنا و يحمينا جميعا ..

19/04/2020

19/04/2020

كيف يقتل كوفيد-19 المرضى؟

تنويه: هذا التقرير العلمي يحتوي على بعض المعلومات التي قد يجدها البعض قاسية أو قد تتسبب في تعرضهم لضغط نفسي.

يكافح الأطباء وعلماء الفيروسات للتوصل إلى تفسير صحيح للأسباب الحقيقية التي تقف وراء وفاة المصابين بكوفيد-19. لكن بعد كتابة قرابة 1000 دراسة علمية إلى الآن (بعضها وجد طريقه للنشر والآخر مازال في مرحلة المراجعة) استنتج علماء أمراض تنفسية وباحثون آخرون انه رغم أن الرئتين هما أرض المعركة الأولى للفيروس، لكن باستطاعته أن يصل إلى أعضاء أخرى كالقلب والأوعية الدموية والكلتين والمخ.

الأسباب غير معروفة بدقة حتى الآن: هل يؤدي ميل مستحدث لتجلط في الدم إلى تحول أعراض فيروس كوفيد-19 الخفيفة إلى حالة طوارئ تهدد حياة المريض؟ هل يمكن اعطاء المريض عقاقير لكبح رد الفعل الزائد من قبل جهاز المناعة لانقاذ حياته؟ ما تفسير الانخفاض المحير لنسبة الاكسجين في الدم في أجسام المرضى الذي يواجهون صعوبة في التنفس؟

بداية العدوى

1.عندما يخرج مريض رذاذا مشبعا بفيروس كورونا (SARS-CoV-2) ويستنشقه شخص آخر، يدخل الفيروس إلى الأنف والحلق. وفقة لدراسة مجهزة للنشر في معهد Wellcome Sanger ودراسات نشرت في أماكن أخرى، يجد الفيروس في غشاء الأنف مكانا ملائما، إذ يبدأ التكيف مع مستقبلات مناسبة على سطح الخلايا تعرف بـangiotensi-converting enzyme 2 (ACE2). وجود هذا الانزيم، الذي عادة ما يعمل على ضبط ضغط الدم في كامل أنحاء الجسم، يساعد الفيروس في تحديد الأنسجة سهلة الاستهداف، لان الفيروس يحتاج إلى هذا الانزيم (المستقبل) كي يتمكن من دخول الخلية. بمجرد دخوله إلى الجسم، يقوم الفيروس بمهاجمة آليات الخلية، ويتكاثر بأعداد ضخمة داخلها وينتقل إلى خلايا مجاورة.

2.خلال تكاثر الفيروس ينشر المريض كميات كبيرة منه خصوصا خلال الاسبوع الأول من العدوى. قد لا تبدو عليه أي أعراض خلال هذه الفترة، أو ربما يعاني من ارتفاع في درجة الحرارة، سعال جاف، احتقان الحلق، فقد مؤقت في حاستي الشم والتذوق، وآلام في الرأس والجسم.

3.إذا لم تتمكن مناعة الجسم من القضاء على SARS-CoV-2 خلال هذه المرحلة، يتقدم الفيروس تجاه أسفل القصبة الهوائية لمهاجمة الرئتين، وهنا تزداد الخطورة. تنتهي الفروع الأدق والأبعد في الشجرة التنفسية للرئتين داخل حويصلات هوائية دقيقة تعرف باسم alveoli كل واحدة منها محاطة بطبقة واحدة من الخلايا التي تحتوي على الانزيم (المستقبل) ACE2.

4.عادة ما يعبر الاكسجين هذه الحويصلات الصغيرة إلى الأوعية الدموية المجاورة وبعدها إلى كامل الجسم. لكن، بينما المعركة دائرة بين الجهاز المناعي والفيروس، تتعطل عملية نقل الاكسجين. تقوم خلايا الدم البيضاء على خط الدفاع الأمامي بانتاج جزيئات حارقة تسمى chemokines التي بدورها تستدعي المزيد من خلايا مناعية تطلع بوظيفة مهاجمة وقتل الخلايا المصابة بالفيروس. هذه العملية تتسبب في خلق تجمع لمزيج من الخلايا السائلة والميتة. هذا هو السبب الأساسي للالتهاب الرئوي المصحوب عادة بأعراض السعال الجاف وارتفاع الحرارة وتسارع وصعوبة التنفس.

5.بعض المرضى يتمكنون من الشفاء بسرعة، لكن البعض الآخر تتدهور حالتهم الصحية ويدخلون في حالة تنفسية مرضية تعرف بـ acute respiratory distress syndrome (ARDS). تتراجع بسرعة نسب الاكسجين في الدم ويجد المريض صعوبة في التنفس. تظهر الأشعة السينية والأشعة المقطعية أن الرئتين مغطتان ببقع بيضاء في نفس المساحات المخصصة للهواء. عادة ما ينتهي الطريق بهؤلاء المرضى إلى أجهزة التنفس الصناعي، وكثيرون منهم يتعرضون للوفاة. تظهر عملية التشريح بعد الوفاة أن الحويصلات الهوائية الدقيقة (alveoli) مليئة ببقايا خلايا دم بيضاء، ومخاط ومخلفات أخرى لخلايا رئوية مدمرة (أنظر الصورة المرفقة).

6.بعض الأطباء يعتقدون أن تدهور حالة الكثير من المرضى يعود إلى رد الفعل المدمر من قبل جهاز المناعة، وهي عملية معروفة باسم "عاصفة سايتوكين" cytokine storm التي تتسبب في إطلاقها أيضا أمراض أخرى. والستوكاين هي جزيئات كيميائية تقود جهود الجهاز المناعي في مواجهة أي مرض. لكن خلال "عاصفة السايتوكين"، تكون أعداد هذه الجزيئات أكثر كثيرا من المطلوب، ومعها تبدأ الخلايا المناعية في مهاجمة أنسجة غير مصابة بالفيروس. هناك أعراض أخرى لهذه العاصفة، الأوردة تبدأ في تسريب الدم، انهيار في ضغط الدم، تكون جلطات، وقد يحدث فشل كارثي في وظائف بعض الأعضاء.

مهاجمة القلب

7.لم يعرف إلى الآن كيف يهاجم هذا الفيروس القلب والأوعية الدموية، لكن يبدو أن الأمر شائع. دراسة نشرت في مجلة "جاما" لابحاث القلب في 25 مارس الماضي كشفت أن مشاكل في القلب حدثت لقرابة 20% من بين 416 مصابا بفيروس كورونا في ووهان، الصين. في دراسة أخرى على المرضى في ووهان، كان هناك 44% من بين 138 مصابا بالفيروس يعانون من عدم انتظام ضربات القلب.

8.المشكلة قد تمتد للدم نفسه أيضا. وفقا لدراسة أخرى، نشرت يوم 10 ابريل الماضي، فإن من بين 184 مريضا بفيروس كورونا في غرف العناية المركزة في هولندا، 38% أصيبوا بتجلطات دموية غير اعتيادية، وثلث هؤلاء المرضى كان لديهم جلطات سابقة. أحيانا ما تتفكك هذه الجلطات وتستقر بقاياها في الرئتين متسببة في "انسداد رئوي" وهو انسداد في أوعية وشرايين مهمة. هذه الحالة أدت إلى وفاة كثير من المرضى بكوفيد-19. تجمع الجلطات في شرايين حيوية قد يؤدي أيضا إلى اصابة بعض المرضى بجلطات دماغية.

9.بعض العلماء لهم رأي آخر، ويرجعون هذه الحالة إلى نظرية تؤكد تسبب الفيروس، في مرحلة ما من الإصابة، في الاخلال بتوازن دقيق في الهرمونات المسؤولة عن ضغط الدم، وهو ما يؤدي إلى تقلص الشرايين. الشرايين المتقلصة (أو الضيقة) تتسبب في النهاية في تراجع نسب الاكسجين في الدم. هذا هو سبب نقص الأكسجين، وفقا لهؤلاء الباحثين، وليس بقايا الجلطات وتجمعها في الحويصلات الهوائية.

10.إذا هاجم كوفيد-19 الأوعية الدموية فهذا من الممكن أن يفسر تأثير الفيروس على مرضى يعانون من مشاكل مزمنة في الأوعية، على سبيل المثال مرضى السكري وضغط الدم، وإمكانية تدهور حالتهم الصحية. بيانات مركز الوقاية والسيطرة على الأمراض (CDC) في 14 ولاية أمريكية تظهر أن ثلث الذين تدهورت حالتهم كانوا يعانون من أمراض صدرية مزمنة، لكن أيضا الثلث مصابون بالسكري، بينما يعاني نصفهم من مرض ضغط الدم.

11.ليس باستطاعة الباحثين بعد فهم السبب الدقيق وراء التأثر الكبير في القلب والأوعية الدموية جراء الإصابة بفيروس كورونا. قد يهاجم الفيروس غشاء القلب والأوعية التي (كما الأنف والحويصلات الهوائية) تحتوي على انزيم ACE2 (للعودة إلى وظيفة هذا الانزيم انظر الفقرة 1). أو ربما نقص الاكسجين، بسبب الفوضى في الرئة نتيجة حرب المناعة مع الفيروس، يؤثر على الأوعية الدموية. أو "عاصفة سايتوكين" التي قد تهاجم القلب وأعضاء أخرى قد تكون هي السبب.

معارك على أكثر من جبهة

12.صب العالم تركيزه منذ ظهور الفيروس على أجهزة التنفس الصناعي، لكن هناك جهاز مهم للغاية أيضا في محاربة الفيروس، وهو جهاز غسيل الكلى. باحثون كشفوا مؤخرا أن مرضى توفوا بسبب وصول الفيروس إلى الكليتين لأنهما تحتويان على انزيم ACE2. وفقا لدراسة أخرى، لم تنشر بعد، 27% من بين 85 مصابا بالفيروس في ووهان عانوا من فشل كلوي. وقالت دراسة أخرى أن بول 59% من بين 200 مصابا في ووهان وحولها احتوى على بقايا بروتين ودم، وهو ما يعني وجود مشكلة في الكليتين. هؤلاء الذين يعانون من فشل بالغ في الكلى معرضون للوفاة بمقدار 5 أضعاف أكثر من أقرانهم من المرضى الآخرين بكوفيد-19.

13.قد تكون إصابة الكليتين أعراض جانبية لاستخدام جهاز التنفس الصناعي (الذي تزيد من مخاطر تضرر الكلى) أو استخدام مضادات الفيروسات. "عاصفة سايتوكين" قد تتسبب في تراجع حاد في كمية الدم الواصلة إلى الكليتين، وهو ما قد يؤدي إلى فشل مميت. بالإضافة إلى إمكانية زيادة احتمال الإصابة بالفشل الكلوي أكثر في حالة الأمراض المزمنة، كالسكري.

ضرب المخ

14.بعض الاطباء استقبلوا مرضى بكوفيد-19 يعانون من التهابات دماغية حارقة أو نوبات دماغية، وبعضهم يعاني من “sympathetic storm” وهي عاصفة مناعية دماغية مشابهة لـ"عاصفة سايتوكين". بعض مرضى فيروس كورونا يفقدون الوعي لفترة وجيزة، وبعضهم يصاب بجلطات دماغية. كثير منهم يشتكون من فقدان حاستي الشم والتذوق. يقول باحثون عملوا مع مرضى بالفيروس أن ذلك قد يكون سببه مهاجمة منطقة في جذع الدماغ مسؤولة عن مراقبة نقص الأكسجين في الجسم. قد يكون هذا تفسير لمفارقة أن بعض المرضى لا يلهثون أو يتنفسون بسرعة (لاستنشاق أكبر قدر من الأكسجين) رغم تراجع الأكسجين في أجسامهم لمعدلات خطيرة.

15.يعود السبب في هذه الحالة إلى أن جذع الدماع يحتوي أيضا على انزيم ACE2. لكن ليس من الواضح ما هي ظروف وصول كوفيد-19 إلى المخ. خلال انتشار وباء SARS (أحد فيروسات عائلة كوفيد) عام 2003، اكتشف الباحثون أن بإمكانه التسلل إلى الخلايا العصبية، والتسبب أحيانا في التهابات دماغية. لكن قد يكون هناك مسببات أخرى. فمثلا "عاصفة سايتوكين" قد تؤدي إلى حدوث تورم في المخ، وتسببها في خلق نزعة زائدة لتجلط الدم قد تخلق جلطات دماغية.

في النهاية يجب أن أؤكد أن جميع المتخصصين مجمعون على أن نسب الوفيات بهذا الفيروس تنحصر في أقلية صغيرة من المرضى، وأن كثير من الدول بدأت بالفعل في التغلب عليه تدريجيا. لكن وجدت من المفيد أن أنقل لكم هذه المعلومات كمقدمة قصيرة لمعركة البشرية المستمرة مع كوفيد-19 لحين اختراع لقاح لايقافه في مرحلة ما بعد انحساره قريبا.

هذا التقرير قمت بتلخيصه وترجمته من المصدر (مجلة Sciencemag) وتحريره لغرض التبسيط. يمكن العثور على لينك التقرير كاملا في أول تعليق. مصدر الصورة هو موقع مجلة Sciencemag.org.
منقول

How does coronavirus kill? Clinicians trace a ferocious rampage through the body, from brain to toes ScienceInsider | Apr. 17, 2020 George Washington Hospital and Surgical Theater

22/03/2020

يعلن مركز د. محمود عبد الغني القلع لأمراض الباطنه و القلب و الجهاز الهضمي عن بدأ العوده لمزاولة النشاط بالمركز و ذلك ابتداء من يوم الاثنين الموافق ٢٣ مارس.
و الله الموفق و المستعان.
للتواصل على رقم تليفون المركز 01019248646

11/10/2018

. من الألف للياء ..

(للكبار والصغار )

هو مرض چيني وراثي AR ،، منتشر بين شعوب منطقة البحر الأبيض المتوسط ومنهم العرب والأتراك والأرمن واليهود،،
بيحصل فيه #نوبات من الألم في
البطن والصدر والمفاصل..
"وغالباً "بيكون مصحوب بإرتفاع في الحرارة
"وأحياناً "طفح جلدي

علشان نفهم بيعمل ايه في الجسم لازم نفهم طبيعة حدوثه.. واللي بيحصل نتيجة خلل او طفرة في جين معين اسمه MEFV ،، الجين دا موجود علي الكروموسوم رقم ١٦ واللي مسئول عن بروتين اسمه "بيرين"..
البروتين دا بينظم حدوث الالتهابات في الجسم بمكانيزم معين مش هشغلكم بيه ✋

#المهم ،، لما بيحصل طفرة في الجين دا فدور بروتين البيرين بيتأثر فبتحصل الإلتهابات في الجسم، واللي بدورها بتسبب ألم في مناطق من الجسم وارتفاع في درجة الحرارة ،، والإلتهابات بتزود في الجسم بروتين اسمه "أميلويد A” واللي بيترسب في الكُلي مع زيادته بصفة مستمرة ومتكررة ويؤدي لفشل كلوي لا قدر الله 😔

قبل ما نتكلم في التفاصيل ☝
لازم نعرف ان معظم أعراض حمي البحر المتوسط بتكون متكرره علي شكل نوبات وبتاخد وقت من ١-٤ أيام ،، وممكن تاخد وقت أكبر علي حسب شدة النوبة ونوع الطفرة اللي موجودة عند المريض،، والوقت اللي بين النوبات بيكون الشخص فيها طبيعي جداً بدون اي أعراض ((تبدأ تلقائياً وتنتهي تلقائياً)) وكمان الفترة بين النوبات بتعتمد علي نوع الطفرة ومدي الإلتزام بالعلاج ،،

وفيه تقارير اتكلمت عن ان الحالة النفسية السيئه والاجهاد البدني والاصابات الجسدية تُزيد من معدل حدوث النوبات،، واكتر وقت لتشخيصها بيكون قبل سن العشرين واحيانا بنشخصه والطفل رضيع ودا بيكون توفيق من ربنا 🙏🏻

☘تعالوا بقا نتكلم في أعراضها !!

١- ارتفاع درجة الحرارة 🤒
بيكون بشكل متكرر ولفترة معينة ودا من اهم أسباب periodic fever syndrome
وخلافاً لقاعدة اسم المرض (حُمي) فيه ناس بيحصل معاهم النوبات بدون حرارة 🙃

٢- ألم البطن
٩٥٪؜ من المرضي بيحصل معاهم وبيختلف في مكانه وشدته لدرجة ان فيه ناس تم استئصال الزائدة الدودية او المرارة كنوع من التشخيص الخاطيء من شدة الألم قبل ما يكتشفوا طبيعة المرض 😡

٣- ألم بالصدر
٢٥٪؜ من المرضي بيحصل معاهم ودا بيكون سببه بنسبة كبيرة التهاب في الغشاء البلوري للرئة ،، وديماً بيكون في ناحية واحدة من الجسم 👌

٤- ألم في المفاصل
٧٠ ٪؜ بيحصل معاهم وبيكون غالباً في مفصل الورك أو الركبة أو الكعب أو اليد أوالكتف وممكن الفكين ،، بيجي علي شكل ألم أو إلتهاب وبعد النوبة بيختفي تماماً وكأن شيئاً لم يكن

٥- ألم في العضلات
بتحصل في ٢٥٪؜ علي شكل ألم في العضلات بدون مقدمات أو بسبب اجهاد عضلي

٦-طفح جلدي
بيجي بشكل مميز أحمر اللون من ١٠-١٥ سم علي الأطراف السفلية وخصوصاً تحت الركبة والكعبين و علي ظاهر القدمين

☝فيه أعراض أقل حدوثا هنقولها سريعاً:
***********************************
📍التهاب في الأوعية الدموية
واللي ممكن يسبب نقص الصفايح الدموية "فرفرية".. او متلازمة بهجت في الاطفال.
📍ألم في الخصية للأطفال وغالباً بتكون في جانب واحد
📍ألم في منطقة الحوض للبنات
📍صداع متكرر
📍التهاب في العصب البصري
📍التهاب في الكبد وتضخم بالطحال

🚫أهم الأعراض وأخطرها ومالانتمناه:
Amyloidosis
ودا بيحصل إذا لم يتم التشخيص غير متأخر او عدم الالتزام بالعلاج،، واللي بيحصل ان البروتين "أميلويد A” بيعلي وبيترسب في الكليتين ويسبب الفشل الكلوي

☘نروح للتشخيص :
*******************
كل ما يخص الالتهاب بيكون عالي زي
CRP-ESR-amyloid A protein-fibrinogen-C3 C4
وكرات الدم البيضا
كلللل دا بيكون عالي ،، ولكن !!؟
ليس دليل علي وجود حمي البحر المتوسط
ولكن دليل علي وجود التهاب شديد بالجسم أياً كان سببه..

بس فيه نقطتين مهمين:

☝من اقوي اسباب ارتفاع الاميلويد A بيكون حمي البحر الابيض المتوسط

✌لو حصل وانتظرنا علي ارتفاع كل دلالات الالتهاب بعد فترة زمنية بسيطة وبدون علاج هنلاحظ انها بتقل ،، ودا مش بيحصل غير في حمي البحر المتوسط

طب والتحليل الچيني molecular test !؟
يأكد الإصابة ولا ينفيها..
ودا لانه بيغطي ١٢ طفرة فقط وعدد الطفرات المسئولة عن المرض حوالي ٣٠٠ طفرة 😱

وأكثر الطفرات تواجداً هم:
M794V ودي أشدهم في الأعراض
M680I
M694I
V726A
E148Q ودي أخفهم في الأعراض

نتيجة التحليل الچيني بتكون بنوع الطفرة وهل هو
#حامل للمرض heterozygous
أم #مصاب homozygous ،،

حامل المرض بيكون معاه طفرة موروثة من أحد الأبوين ،، والمصاب بيكون معاه طفرتان موروثتان من الأبوين معاً ،، ‎وعلى حسب تعريف المرض لابد من وجود طفرتين لظهور الاعراض ، و في الحالة دي بيكون مصاب ، في بعض الحالات يوجد فيها طفرة واحدة فقط و بالرغم من كدا تظهر اعراض و بظهور الاعراض يكون مصاب ، في حالات تانية لا يظهر فيها طفرات معروفة على الإطلاق و بتظهر الاعراض و يحدث استجابة على الكولشسين و أيضا دا مصاب

بمعني اصح وبدون لخبطه .. طالما فيه أعراض اذن فالشخص مصاب ويبدأ في العلاج ،، ولو مفيش أعراض فهو حامل للمرض او ناقل 👍

يعني لا دلالات التهاب نافعه ولا تحليل چيني ممكن نعتمد عليه .. طب التشخيص يكون إزاي !؟

⬅ بالفحص الإكلينيكي والأعراض المتكررة والهيستوري العائلية مع الاستجابة لعلاج #كولشيسين.
وعلشان يقننوا موضوع التشخيص عملوا زي جايد لاين وسموه..
Tel-Hashomer Diagnostic criteria

وهو عبارة عن أعراض كبيرة وصغيرة وقاعدة للتشخيص 👍

الاعراض الكبيرة:
***************
١- نوبات التهاب متكررة في البطن او الصدر او المفاصل او الجلد مع وجود ارتفاع في الحرارة.
٢- ارتفاع نسبة بروتين الاميلويد بدون سبب معين.
٣- الاستجابة للعلاج بالإستمرار علي الكولشيسن.

الأعراض الصغيرة:
******************
١- ارتفاع حرارة متكرر.
٢- طفح جلدي واحمرار.
٣- وجود قصة عائلية للاصابة بحمي البحر المتوسط من الاقارب للدرجة الأولي.

قاعدة التشخيص من خلال الاعراض الكبيرة والصغيرة وهي :

يستلزم وجود:
١من الاعراض الكبيرة + ١ من الاعراض الصغيرة

يستلزم وجود:
٢ من الأعراض الكبيرة
أو
١ من الأعراض الكبيرة + ٢ من الأعراض الصغيرة

☘نيجي بقا للعلاج :
#الكولشيسين
وهو عباره عن مركب دوائي مستخلص من زهور نبات اللحلاح ... نبات أهوه يعني لا نخاف منه ولا نوقفه في حمل ولا رضاعه واعراضه الجانبية بسيطه من غثيان ومغص واسهال ودا مش بيحصل غير مع الجرعات العاليه وبمجرد ما نقللها الاعراض بتختفي 👌


0.02-0.03 mg/kg/day
maximum :2mg/day

المفروض نبدأ من ٠.٥ ل ١ مجم وبعد كدا نظبط الجرعه علي حسب الاستجابة (( نوبات أقل ومتباعدة في الفترة الزمنية))


من ٢-٣ مجم يومياً علي حسب الاستجابة (( نوبات أقل ومتباعدة في الفترة الزمنية))

وبنقسم الجرعة لو اعلي من ١مجم في اليوم علي مرتين علشان ميحصلش اسهال

وبنضاعف الجرعه وقت حدوث النوبة او لو استشعرنا بدايتها ودا بيكون بالمتابعة مع الطبيب.

☝ملحوظة صغيرة :أعراض المرض ومدي الإستجابة للكولشيسين بيحدده عوامل كتير غير نوع الطفرة زي طبيعة الجسم والسلوك وطبيعة حياة الشخص نفسه ،، فممكن نلاقي اتنين اخوات بيحملوا نفس نوع الطفرة ولكن أعراضهم مختلفة وإستجابتهم للعلاج مختلفه

الكولشيسين بيحمي الكليتين من الداء النشواني وعلشان كدا بيستمر عليه المريض مدي الحياة ودا بيكون في مصلحته أكيد.. وبعدين دا مستحضر نباتي ياجماعه نعتبره ڤيتامين بيقوينا ويحمينا .. بلاش نوقفه لأي سبباً كان .. ُلي 💪

بنلجيء أثناء النوبة لمسكنات غير استروديه زي بروفين او ديكلوفيناك ،، واحياناً بنلجيء للبريدنيزولون في بعض الحالات .

الكولشيسين فيه منه انواع تجارية كتير ،، مصري - فرنسي- تركي- كندي - سوري
خد اللي يريحك بس خد بالك من تركيزه كام لانه بيختلف من نوع للتاني .. فيه 0.5 وفيه 0.6 وفيه 1mg

المتابعة بتكون مع طبيبك من خلال تحاليل دورية زي تحليل البول ونسبة الأميلويد A ووظائف الكلي

اذا لم يتم الاستجابه للكولشيسين بجرعاته القصوي ،، يتم تحويل المريض علي علاجات اخري بمعرفة الطبيب مثل:
1-interferon-alpha
2-etanercept
3-infliximab
4-thalidomide

المرض محتاج توعية للجميع (أطباء ومرضي )لان معدله في ازدياد، وللاسف الحالات لو اتأخر تشخيصها بيكون الوضع سيء

ربنا ينفع بينا ويشفي الجميع ❤

#المصادر :
https://emedicine.medscape.com/article/330284-overview

https://www.omicsonline.org/open-access/familial-mediterranean-fever-from-pathogenesis-to-treatment-2157-7412-5-248.php?aid=31385

https://www.medicinenet.com/script/main/art.asp?articlekey=3491

Familial Mediterranean fever (FMF) is also called recurrent polyserositis. The salient features of FMF include brief recurrent episodes of peritonitis, pleuritis, and arthritis, usually with accompanying fever.

05/03/2018

فى خبر لقيته عن نزول علاج جديد للسكر حقنة سحرية اسبوعية بتعالج السكر ...حبيت بس اوضع شوية معلومات الحقيقة ان الدوا مش جديد ولا حاجة دا واخد FDA approval من 4سنوات فى سبتمبر 2014 ومش لوحده فى المجموعة دى دا واحد من اربع ادوية واحد فيهم غالبا هيتسحب قريب...الدوا اللى بنتكلم عنه اسمه dulaglutide واسمه التجارى trulicity وهو دوا بيتاخد حقن تحت الجلد مرة اسبوعيا وتكلفته الشهرية 2000 جنيه بواقع 500جنيه اسبوعيا...طيب نوضح الدوا وكل حاجة عنه...الدوا دى ينتمى لمجموعة تسمى GLP1 receptor agonist وكلمة GLP1 اختصار لglucagon like peptide 1 ودا واحد من هرمونين ينتموا لفئة تسمى ال incretin ودى كلمة اختصار لما يسمى ب intestinal secretion of insulin وببساطة GLP1 and GIP دول هرمونين بيتفرزوا من الامعاء لما السكر بيعلى الاول والاهم هو ال GLP1 ودا بيتفرز من L-cells of ileum و GIP من ال K cells of duodenum بس واقعيا الاول وهو GLP1 هو الاهم والاكثر تاثيرا ...فى الطبيعى لما بناكل اكل يرفع السكر بيتفرزوا وخصوصا الاول وبيشتغلوا على B cells of pancreas فبيفرزوا انسولين بس خد بالك من الكلمة اللى جاية دى in glucose dependant manner يعنى بيجنبوك الدخول فى هبوط ..بس كدا ..لا دول كمان بيعملوا suppression of glucagon release from alpha cells ...وكمان بيقللوا ال gastric emptying ...يعنى بيساهموا فى تقليل السكر بعدة طرق ومابيخلوش السكريهبط عن الحد المعقول....بعد 10 دقايق يبدا يشتغل انزيم رزل اسمه DDP4 ويكسرهم...طيب فى الناس المصابة بالسكر ايه القصة ...بيقولك 80فى المية من الهرمونات دى بتفقد اصلا والعشرين فى المية الباقيين بيتكسروا فى خلال دقيقتين فالمريض مايستفدش منهم خالص وسكره يعلى...ففكروا الاول يتخلصوا من الانزيم الرزل فعملوا DDP4 inhibitors وكانت مجموعة قوية وحتى الان مستخدمة بقوة وبتتاخد بالفم وهم 5 ادوية متاح عندنا اربعه منهم فى مصر sitagliptin اللى هو januvia...و vildagliptin وهو galvus و saxa gliptin اللى هو ongolyza واخيرا linagliptin اللى هو tradjenta....ام رقم 5 لسه مش متاح عندنا هو allogliptin...والحقيقة مجموعة رائعة جدا بتقلل السكر التراكمى من 0.5 الى 1 بالمئة وبيحافظ على الوزن ومابيدخلش هبوط والعيب انه غالى السعر فى حدود 300 جنيه وفيه بدائل مصر اقل كفاءة فى حدود 200جنيه زى ال vildagluose and gliptus and ikandra...فكروا بقى ليه ما نركزش فى اننا نعلى ال GLP1 فقط وناخد كل الفوايد ومش بس نوصل لل physiological level بس ولكن نوصل لل pharmacological level اللى هو تقريبا اربع اضعاف ...فى الاول اشتغلوا على مايسمى ب exandin based therapy مستخرج من لعاب حيوان مشهور اسمه gila monster وطلع 57 فى المية شبه الهرمون الطبيعى وسموه exantide اللى هو byetta بيتاخد مرتين يوميا تحت الجلد بينهم على الاقل 6ساعات وطلع بيعمل غممان نفس وترجيع وشوية حساسية ...بعدين طلعوا lixiantide تحت اسم luxamia بيتاخد مرة يوميا...وبعد كدا بدا التفكير ليه مانعملش DNA recombinant form افضل وعملوا وطلع 97 فى المية شبه الطبيعى وكان اولهم ال liraglutide اللى هو ال victoza ودا نزل مصر بضجة وثمنه تقريبا 1100 جنيه وبيتاخد بالقلم تحت الجلد مرة يوميا...بعد كدا فكروا يعملوا منه حاجة تتاخد مرة اسبوعيا ...وكان من اولهم ال dulaglutide اللى هو trulicity اللى نزلنا وخد FDA approval فى سبتمبر 2014 وكمان فيه long acting exantide اللى اسمه byduroen وبعده albuglutide تحت اسم tanzeum ودا فى كلام عن سحبه ...واخيرا فى 2017 نزل semaglutide تحت اسم ozempic....ايه مزايا وعيويه بشفافية...

مزايا:
1.دوا قوى بينزل السكر التراكمى لحد 1.5 فى المية.
2.بيقلل معدل الهبوط.
3.بينقص الوزن من 5 الى 6 كيلو ودا بيقلل ارتفاع دهون الدم.
4.بيقلل الشهية.
5.بيقلل ضغط الدم من 5 الى6 mmhg بدون سبب معروف حتى الان.
6.بيقلل جرعات الانسولين والادوية الاخرى زى الsulphonyl urea.
عيوب:
1.انه غالى طحن 2000 جنيه شهريا.
2.مش بديل للانسولين وهيفضل الانسولين اقوى ادوية السكر على الاطلاق.
3.شوية غممان نفس وترجيع فى اول شهر ونص من الاستخدام.
4.يوقف تماما فى حالة وجود اعراض التهاب بالبنكرياس او تاريخ مرضى لكدا.
5.اوعى تفكر تديه مع ال DDP4 inhibitors لانهم نفس الشغل.
الدوا متوفر فى اقلام شيك والاقلام disposable يعنى بتترمى بعد الاستخدام كل قلم فيه جرعة واحدة وهم 0.75 مجم فى نص سم ولو لما يستجيب المريض يمكن رفع الجرعة ل 1.5مجم فى نص سم مرة اسبوعيا...الحقن تحت الجلد مرة اسبوعيا فى اماكن حقن الانسولين مع تغيير اماكن الحقن بااستمرار تجنبا ل lipodystrophy.طيب لو نسيت الجرعة تعمل ايه ...لو عد اقل من 3 على الموعد المحدد ناخد الجرعة المنسية وبعدها ندى بعد اسبوع من دا ونكمل كدا...ولو اكتر من 3 ايام يبقى هنستنىى الجرعة التالية ...الدوا دا ممكن يطول الفترة قبل مايحتاج انسولين ..او مريض ماشى على جرعات مهولة من الانسولين مزودة وزنه وبتهبطه ساعتها لو استخدمناه هيقلل الوزن ويقلل جرعات الانسولين.
Copy