02/06/2025
🎯 لكل أم عاملة صيدلية كاملة جوه تلاجتها… شكراً، بس كفاية كده 😅
ياريت ترمي "الكنز" اللي في التلاجة ده وتشتري جديد 🙏
ليه كده يا دكتور؟ مكتوب إن الصلاحية ٥ سنين! 😳
✅ معلومة مهمة:
الصلاحية المكتوبة على العبوة بتكون للمنتج قبل الفتح.
أول ما العبوة بتتفتح، الصلاحية بتتغير وبنبدأ نعدّ من يوم الاستخدام الأول، لأن تعرض الدواء للهواء بيؤدي لتفاعلات كيميائية ممكن تفسد المادة الفعالة.
📌 أهم التواريخ بعد الفتح:
🔸 المضادات الحيوية الشراب (زي الأوجمنتين وكورام وغيره)
– أسبوع خارج التلاجة
– أسبوعين داخل التلاجة
❗ولازم يفضل في التلاجة طول فترة الاستخدام.
🔸 الأقراص والكبسولات في علب
– صالحة لمدة ٦ شهور بعد الفتح
(ما عدا الأقراص المغلفة بشكل فردي، دي مش بتتأثر)
🔸 الحبوب الفوارة
– شهر واحد فقط بعد فتح العلبة
🔸 أدوية الكحة وشراب الأطفال
– ٦ شهور بعد الفتح
– ❗لو فيه تغير في اللون، ريحة غريبة أو تعكر (turbidity)، نوقفه فوراً.
🔸 القطرات
– معظمها يفسد خلال شهر
– وقطرات العيون: من أسبوعين لـ3 أسابيع
🔸 الأدوية المعلقة
– من 3 إلى 4 أسابيع بعد الفتح
🔸 محاليل العدسات
– 3 شهور بعد الفتح
🔸 المراهم الجلدية
– من شهر إلى شهرين
– ومراهم العين: شهر واحد فقط
🔸 الحقن
– بنسلين وأموكسيسلين: تُستخدم فور التحضير
– باقي الأنواع: تُخزّن في التلاجة وتستخدم خلال يومين
🔸 فيال الأنسولين
– صالحة من شهر لشهر ونصف أو عند ملاحظة تغير في اللون
🔸 الحديد وفيتامينات الحديد
– لونها بيغمق خلال أول أسبوع
– تظل صالحة 3 إلى 4 أسابيع
– فيدروب: صلاحيته شهر واحد بعد الفتح
--
💡خلي بالك، صحة ولادك وأهلك أغلى من أي دواء مخزن!
