نقاء للصحة النفسية وعلاج الادمان

22/09/2023

الفرخة ولا البيضة ؟ مين اللى جه الأول
عارفين الحيرة الشهيرة دى 👆🏻😃
تقريبًا نفس الفكرة ... الإكتئاب بييجى من الإدما ن ولا الإدما ن بيجيب إكتئاب ؟
الحقيقة الحالتين صح 👌🏻 لأن من أهم الأسباب اللى بتؤدى للإكتئاب هى تعا طى المخد رات أو الخمو ر ، يعنى الإدما ن بصفة عامة .
ومفيش نتايج علمية واضحة بس المنتشر إن الإكتئاب بيسبب الإدما ن عند كتير من الأشخاص اللى بيدورو على السعادة المؤقتة واللى كلنا عارفين إنها بتخلص بمجرد تأثير الجر عة المخد رة دى مايروح🙃

للأسف مش بس المد من هو اللى بيجيلو إكتئاب سواء من المخد رات أو الإنتكاس لااااااا الأهل كمان 💔
الأسرة والدايرة القريبة من المد من بيصيبهم الإحباط والإكتئاب من ابنهم لما بيعرفو حالته ... وكمان لو حصل لاقدر الله إنتكاس

ربنا يحفظكم جميعًا 🌺

مؤسسة نقاء للصحة النفسية وعلاج الإدمان بالدلتا

29/08/2023

خبر سعيد😃
ماينفعش نختم موضوع الإكتئاب من غير مانقولكم إن فى 4 طرق للوقاية من المرض اللئيم ده🤓
1️⃣ تواصل مع العيلة والأصدقاء خصوصًا وقت الأزمات
2️⃣ لما تفكر تتعالج لازم تفكر فى علاج طويل المدى مش علاج مؤقت عشان يساعدك على عدم الإنتكاس
3️⃣ اتخذ الخطوات اللازمة للتحكم فى الضغط النفسى لزيادة المرونة ورفع تقديرك لنفسك
4️⃣ أول ماتحس بأى عرض من الأعراض دور على العلاج فورًا لمنع المضاعفات والتدهور

ابعتولنا لو محتاجين أى مساعدة حفظكم الله 🌺

26/08/2023

لو علطول تعبان وبتحس بوجع فى جسمك يبقى الكلام ده ليك 👇🏻
الوجع من مضاعفات مرض الإكتئاب وفى كمان مضاعفات تانية خطيرة لازم تاخد بالك منها زى :
⚠️السمنة واللى بتسببه من أمراض القلب وإرتفاع ضغط الدم
⚠️ الإدمان سواء الكحو ل او المخد رات
⚠️ القلق والخوف من المجتمع والعلاقات
⚠️مشاكل كتير فى الأسرة...الشغل.... المدرسة
⚠️الإنعزال
⚠️الرغبة فى الإنتحار
⚠️الوفاة المبكرة نتيجة الحالة الطبية

اتواصل معانا فورًا عشان نساعدك 🌺
وإلحق نفسك لو حسيت بداية اى أعراض من اللى قولناها فى البوست اللى فات عشان مانوصلش للمراحل المتقدمة والمضاعفات دى لاقدر الله

22/08/2023

8 عوامل خطر للإكتئاب
⛔الإكتئاب ملوش سِن
هو غالبًا بيبدأ فى فترة المراهقة بس ممكن يظهر فى أى فترة تانية عادى ، و الستات معرضين للإصابة بالإكتئاب أكتر من الرجالة ولكن غالبًا السبب ان الستات بتدور على التعافى والعلاج اكتر من الرجالة😌
طيب إيه هى عوامل الخطر❗
1️⃣ بعض السمات الشخصية : النقد/ التشاؤم/الإعتمادية ....
2️⃣الأحداث الصادمة أو المسببة للإجهاد النفسى : إنتهاك جنسى/ موت/ فقد/ مشاكل مالية..
3️⃣وجود أقارب عندهم تاريخ إصابة بالإكتئاب أو إضطراب ثنائى القطب/ إدمان الكحول/ محاولة إنتحار...
4️⃣لو عندك ميول جنسية مضطربة وسط مجتمع غير داعم : مثلاً إختلاف فى نمو الأعضاء التناسلية بيخليك غير واضح الجنس( ثنائية الجنس)
5️⃣لو عندك تاريخ مرتبط بإضطرابات عقلية تانية ( إضطراب القلق/ اضطراب الشهية ....)
6️⃣ الكحول والمخدرات
7️⃣الإصابة بمرض مزمن أو ألم مزمن
8️⃣ بعض الأدوية : (أدوية إرتفاع ضغط الدم / المنوم ....)

19/08/2023

لحد دلوقتى أسباب الإكتئاب لسه مش متحددة بدقة بس هو زيه زى معظم الإضطرابات النفسية التانية فى 4 أسباب هما 👇🏻
1️⃣الإختلافات البيلوجية : وهى إختلافات فيزيائية فى الدماغ ومازال قدر تأثيرها غير مؤكد ولكنها بتساعدك فى النهاية فى معرفة السبب
2️⃣ كيمياء الدماغ : الأبحاث الحديثة بتقول إن التغيرات فى وظيفة الناقلات العصبية وتأثيرها وكيفية تفاعلها على الدوائر العصبية اللى بتشارك فى الحفاظ على إستقرار الحالة المزاجية ليها دور مهم فى الإكتئاب وعلاجه
3️⃣ الهرمونات : التغيرات فى توازن الهرمونات فى الجسم له علاقة بالتسبب فى الإصابة بالإكتئاب أو على الأقل تحفيزه😕
وممكن تحصل نتيجة الحمل / بعد الولادة/ مشاكل فى الغدة الدرقية/ إنقطاع الطمث...
4️⃣ الصفات الموروثة : جينات الاقارب

16/08/2023

لو حسيت بأى عرض من الأعراض اللى قولناها فى البوستات اللى قبل كده لازم تحدد معاد مع دكتور أو أخصائى صحة نفسية فورًا
⛔مفيهاش هزار دى⛔
ولو مفيش إمكانية دلوقتى لزيارة الطبيب يبقى على الأقل تفضفض لحد قريب منك ويكون اكيد مصدر ثقة( صديق / قريب/ رجل دين......)

ولو تعرف حد مُقرب ليك عُرضة لخطر الإنتحار أو حاول ينتحر قبل كده لااااااازم تتأكد من وجود شخص معاه طول الوقت
حفظكم الله🌺

13/08/2023

إزاى يعنى يبقى الشخص كبير فى السِن وعنده إكتئاب ❗
وهو مين اللى قال ان الإكتئاب مقتصر على سِن معين 🤷🏻‍♀️
الفرق الوحيد إن الأعراض بتختلف شوية زى مثلاً 👇🏻
▪️مشكلات فى الذاكرة أو تغيرات الشخصية
▪️الألم والوجع البدنى
▪️التعب / فقدان الشهية/ مشكلات فى النوم/ فقدان الرغبة الجنسية.....
▪️الرغبة فى البقاء فى المنزل أوقات كتير بدل الخروج والإندماج مع الآخرين
▪️المشاعر والتفكير الإنتحارى
تعرفو حد كبير فى السِن وعنده الأعراض دى ؟ شاركونا🌺

مؤسسة نقاء للصحة النفسية وعلاج الإدمان بالدلتا

11/08/2023

للأسف الإكتئاب بيصيب الأطفال والمراهقين مع إختلاف شوية أعراض بينهم عن الأعراض العامة اللى قولناها فى البوست اللى فات ☺️
https://m.facebook.com/story.php?story_fbid=686627633499901&id=100064580116685&mibextid=Nif5oz

أعراض الإكتئاب عند الأطفال👇🏻
▪️الحزن / التهيج / التعلق العاطفى المفرط/ القلق/ الاوجاع والآلام/ رفض الذهاب للمدرسة/ النحافة
بالنسبة للمراهقين 👇🏻
▪️الحزن/ التهيج/ الشعور بالسلبية وإنعدام القيمة/ الغضب / ضعف الأداء المدرسى/ الشعور بإساءة الفهم والحساسية المفرطة / تعاطى المخدرات/ الإفراط فى الأكل والنوم/ إيذاء الذات/ فقدان الإهتمام بالأنشطة الطبيعية وأخيرًا تجنب التفاعل الإجتماعى ....

شاركونا لو حد من اولادكم لاقدر الله ليمر بأى من الأعراض دى عشان نساعدكم 🌺

وتابعونا.. البوست الجاى هنقولكم أعراض الإكتئاب عند كبار السن ☺️

09/08/2023

أعرف إزاى لو بعانى من الإكتئاب ❗
دول 10 علامات/أعراض👇🏻
1️⃣ فقدان الشهية / الوزن أو العكس ...يعنى زيادة الشهية والرغبة فى الأكل
2️⃣ نوبات غضب /تهيج/ إحباط حتى من أبسط الأمور
3️⃣ القلق الدائم / الإثارة
4️⃣ مشاعر حزن/ بكاء/ يأس
5️⃣ إضطراب النوم سواء الأرق أو النوم الزيادة
6️⃣ فقدان الإهتمام أو المتعة فى معظم الأمور( هوايات/ رياضة/الجماع)
7️⃣ مشاكل فى الصحة غير مبررة زى ( ألم الظهر/ الصداع المزمن)
8️⃣ مشكلة التركيز ، التفكير ،إتخاذ القرارات وتذكر الأشياء
9️⃣ الشعور بالذنب وإنعدام القيمة وتذكر أحداث الماضى الأليمة
🔟 أفكار متكررة عن الموت والإنتحار

قولنا لو لاقدر الله بتعانى من أى عرض فيهم أو أكتر عشان نساعدك🌺

07/08/2023

على فكرة الإكتئاب أكتر من مجرد نوبة قلة مزاج أو تعكير مزاج ...
كمان هو مش نقطة ضعف ، وللأسف مش هتقدر تخرج منه بسهولة 😥
علاجه ممكن ياخد وقت طويل بس الأهم إنك لا تستسلم ولا عزيمتك تقل لااااازم تكمل 💪🏻
تعالى بقا نطمنك ونقولك على الخبر الحلو 😍
معظم الأشخاص المصابين بالإكتئاب بيتحسنو بالأدوية أو بالعلاج النفسى أو الإثنين مع بعض ، يعنى الفرصة اودامك شد حيلك يابطل وإبدأ العلاج💪🏻
لو محتاج مساعدة ماتتأخرش تطلبها واتواصل معانا فورًا🌷

03/08/2023

فاكرين زمان وإحنا صغيرين لما كانو بيخوفونا بالبُعبع !! 😠
ولما كبرنا إكتشفنا إن البُعبع ده كان مجرد فكرة فى دماغنا ومش كائن حقيقى🤷🏻‍♂️
أهو أكبر بُعبع للإنسان طلع ( الإكتئاب) عارفين ليه❗
لأن الإكتئاب هو إضطراب مزاجى بيسبب شعور دائم بالحزن وفقدان الإهتمام 😓
إسمه كمان إضطراب إكتئابى رئيسى أو إكتئاب سريرى .
فى الواقع هو بيأثر على شعورك وتفكيرك وسلوكك وبيسبب مشاكل كتير سواء عاطفية أو جسدية ، وأوقات بتلاقى صعوبة تعمل أنشطتك اليومية اللى إنت متعود عليها وساعات كتير أوى بتحس إن الحياة دى ملهاش لزمة وعايز تنهيها ⛔
تابعونا عشان تعرفو تفاصيل أكتر

26/07/2023

البقاء والدوام لله
توفيت اليوم والدة زميلنا العزيز الاستاذ هاني مشهور نسألكم الدعاء