10/08/2025
مهم جدا لكل الناس اللي بتتعامل مع الكلاب
تم تغيير بروتوكول التطعيم ضد السعار 🤲🏻🙏🏻👌 فى حاله عضه أو خربشه القطه بقه فيه بروتوكول جديد غير إلى كان بيتم
البروتوكول اللي كنا شغالين بيه كان خمس جرعات سواء حيوان بيت او ضال ( شارع)
لكن التعديل الجديد بيقول ان لو حيوان بيت هناخد ٣ جرعات ودول خلال ٧ ايام ونتابع الحيوان لو حصله حاجه هنروح نكمل الجرعه الرابعه
الحيوان تمام هنكتفي بالتلاته دول
اما بقي لو الحيوان ضال ( يعني شارع) حتي لو علي السلم ده اسمه ضال بناخد ٤ جرعات
في حاله ان حيوان بيت او ضال وعقر او خدش في الوش او الرقبه او مناطق حساسه او جروح عميقه او متهتكه المستشفى بتحولنا لاماكن فيها مصل
وخدوا بالكم ان دلوقتي التسجيل بيتم علي كمبيوتر بتاخدوا كود
معلش اللي بيسجل علي الكمبيوتر بيسالكم شويه اسئلة
لازم يملا كل البيانات ولازم قبل ماتتحول لمستشفيات المصل يكون معاك الكود ده
ولما بتروح المستشفي بيتعاد تقيمك محتاج مصل ولا لا
وديه حاجه تاني.. لان مش كل الحالات بتاخد مصل لكن حسب التقييم
بناخد اللقاح في حاله خربوش او عقر ( جرح) من اي حيوان ث*ي ( بيولد)..
