محمد الويشي - Mohamad Elwishy

27/06/2025

كل عام وأنتم بخير ..

25/06/2025

Just Reminder:

In the pursuit of pleasing everyone, you may lose yourself, and nothing feels lonelier than that.

06/06/2025

كل سنة وانتم طيبين بقدر الإمكان …

02/05/2025

حابب اقول للي بيتكلموا ف الصحة النفسيه (خاصة غير المتخصصين) على السوشيال ميديا: كفايه عك.

- كل قاعده لها استتثناء، والإستثناء ليه أصول وقواعد.
- مفيش نصيحة ينفع تتطبق ع الجميع.
- مفيش استنتاج علمي بيحصل من غير شك.
- مفيش حكم بيوصف حاله بيكون مجرد من السياق.
- مفيش اختزال لشخص في حكم او سلوك.
- مفيش تعميم حتى في الكلام اللي قولته.
- الرأي الشخصي هو رأي شخصي مش بيمثل علم النفس ولا الطب النفسي.
- المعرفه مسئوليه والكلام في الوجع لا يصلح لركوب التريند !
- مش كل تجربة شخصيه ينفع تبقي قاعدة علميه.
- التشخيص مش وجهة نظر.
- التشخيص مش وجهة نظر.
- التشخيص مش وجهة نظر.

على سبيل المثال دا جزء من دراسه انعملت ٢٠٢٢، اكدت ان ٨٣.٧٪؜ من اللي منشور ع تيك توك بما يخص الصحة النفسيه ، معلوماتهم مضلله، و ١٤.٢ ٪؜ من المحتوى كان مليان رسايل أدت في النهايه لاذي وضرر كبير، كمان ١٠٠٪؜ من المعلومات عن الـ ADHD غلط .

ف ندّي العيش لخبازه ونراجع اخطائنا و نتقي ربنا شويه !

10/04/2025

I’m honored to be speaking at the WPA 2025 Regional Congress, organized by the World Psychiatric Association

Looking forward to connecting with professionals from around the world to discuss the evolving landscape of mental health and neuroscientific approaches.

30/03/2025

Wishing You a Peaceful Eid ✨🌙

Eid is not just a celebration; it’s a chance to slow down, reflect, and find peace within ourselves. A reminder to care for our mental well-being just as we manage life’s essential responsibilities.
Take a moment for yourself—pause, reset, appreciate those who stood by you, and share joy with the ones you love.

Wishing you an Eid filled with warmth and peace of mind. 🌿

01/03/2025

Ramadan is a chance to slow down, reflect on our relationships, and spend meaningful time with loved ones. Whatever your plans are, we hope this month brings you peace, lightness, and new beginnings. And always remember, every moment holds the potential for a fresh start—you just have to choose it.

رمضان فرصة إننا نهدى شوية، نراجع علاقاتنا، ونقضي وقت حلو مع الناس
اللي بنحبهم. أيًا كانت خططك، نتمنى يكون الشهر ده خفيف على قلبك، مليان بالسلام والبدايات الجديدة. وافتكر دايمًا إن كل لحظة ممكن تبقى بداية جديدة لما تختار تبدأ.

رمضان_كريم

28/02/2025

اذا لم تتعافى ستتزوج شخص، من الممكن ان يحقق احلامك، لكن من المؤكد انك ستجد به أسوأ كوابيسك !

22/01/2025

Sadness transforms the cheerful person into a figure of silence.

- Artwork By unknown.

28/12/2024

‏‎النرجسية الناعمة: لما السيطرة تلبس قناع اللطف..

‏‎الـ Soft Narcissism هو أسلوب مخفي شوية من النرجسية، بيبان كأنه لطيف ومهذب، لكنه في الحقيقة صاحبه بيهدف للسيطرة أو كسب الاهتمام بطريقة غير مباشرة. أسلوبهم مش بيبقي واضح ومباشر زي النرجسي التقليدي، وده اللي بيخليه خطر لأنه تصرفاته بتبان زي السلوكيات العادية، بس الحقيقة إنهم بيتلاعبوا بمشاعرك عشان يكسبوا اهتمام أو سيطرة.

‏‎فالشخص اللي بيلعب الـ Soft Narcissistic Game ممكن يكون بيعمل ايه مثلا، تعالوا نوضح أكتر..

‏‎ 1. كارت الضحية (Victim Card): بيعمل نفسه ضحية بشكل مستمر عشان ياخد تعاطف أو اهتمام.
‏‎الشخص دا بيخلق مواقف يظهر فيها وكأنه دائمًا مظلوم، حتى لو هو نفسه جزء كبير من المشكلة.
‏‎زي مثلاً:
‏‎ • لما حد يقول: أنا دايمًا اللي بيحب الناس ويقف جنبهم، لكن محدش بيقدرني.
‏‎فالهدف هنا إنه يخليك تحس بالذنب أو تدي له اهتمام أكتر.
‏‎وهنا في جمله عظيمة بتقول :
‏‎‏The victim’s mask always hides a manipulator’s intentions.
‏‎“قناع الضحية ديماً بيخفي نوايا المتلاعب.”

‏‎2. التواضع المزيف (Humblebragging):

‏‎النوع ده بيحاول يظهر إنه متواضع، لكنه في الحقيقة بيمدح نفسه عشان ياخد الإعجاب بس بطريقة ملتوية ومش واضحة، ومن غير ما يبان إنه متعمد. وكمان بيقدم مجاملات مزيفة عشان يكسب حب الناس،
‏‎زي مثلاً:
‏‎ • أنا مش فاهم إزاي الناس شايفاني ذكي كده، أنا والله بعمل اللي عليا وخلاص.

‏‎و الغرض هنا بيكون دايمًا دافع شخصي بحت، فلو حرمته من الإعجاب اللي هو منتظرة، هيظهر صورة تانيه منه اما تستجدي الإعجاب اكتر بشكل في إلحاح، او في ترابيزة ما هتتقلب عليك.
‏‎وهنا في جملة لطيفه بتقولك :
‏‎‏False modesty is the thief of sincerity.
‏‎“التواضع الزائف بيسرق الإخلاص.”

‏‎3. التلميحات بدل المواجهة:
‏‎مش هيقولك صراحة إنه متضايق، بس هيسيبك تحس بالذنب.
‏‎الشخص ده نادرًا ما بيواجه بشكل مباشر، بس بيستخدم تلميحات تخليك أنت اللي تتصرف أو تحس بالتقصير.
‏‎مثلاً :
‏‎ • “آه، عادي يعني، أنا متوقعش منك تفتكر عيد ميلادي أصلاً.”

‏‎هو هنا مش بيقولك صراحة إنه متضايق، لكنه بيزرع شعور بالذنب جواك.

‏‎4. اللطف المبالغ فيه (Overly Nice):

‏‎في البداية، الشخص ده ممكن يبان إنه أطيب حد في العالم، لكنه بيستخدم اللطف ده كوسيلة للسيطرة أو كسب امتيازات، فبيبقى ظاهريًا بيهتم بالناس بس في العمق كل حاجة بتدور حواليه هو
‏‎مثال:
‏‎ • يعمل حاجات كتير ليك (مش لأنهم عايزين يساعدوا بجد)، وبعدين يفكرك كل شوية: اما بطريقة“فاكر لما عملت كذا وكذا عشانك؟” او "ما انت عارف انك كذا كذا (بالكلام او التصرفات اللي بتدور حوالين رد فعل منك بيحسسه بقيمته " وطبعاً من غير ما يكون في اي طلب بعدها بس بيلعب على عامل الوقت.

‏‎فالناس دي غالبًا بتكون صعبة تتعامل معاهم لإنهم بيخلوا كل حاجة تبدو طبيعية جدًا، وفي نفس الوقت بيستهلكوا طاقتك العاطفية لحسابهم.

‏‎5. الاهتمام المشروط:

‏‎بيظهر وكأنه مهتم بيك جدًا، لكن ده مش مجاني. هو دايمًا بيستنى حاجة في المقابل، حتى لو ما قالش ده بصراحة.
‏‎مثال:
‏‎ • “أنا كنت دايمًا واقف جنبك لما كنت محتاجني، إنت ليه مش هنا دلوقتي لما أنا محتاجك؟”

‏‎6. التلاعب بالمشاعر (Emotional Manipulation):

‏‎يستخدم مشاعر الحب، أو الخوف، أو الذنب، عشان يضغط عليك.
‏‎مثال:
‏‎ • “لو بتحبني بجد، كنت هتفهمني من غير ما أتكلم.”
‏‎الجملة دي بتبين إنه محتاج اهتمام، لكنها بتحمل ضغط نفسي عليك.

‏‎الـ Soft Narcissistic بيشتغل على حاجتين: ضعف الحدود العاطفية عند الناس، والرغبة الطبيعية إننا نرضي اللي حوالينا. لو عرفت تكشف اللعبة دي، هتقدر تحمي نفسك منها بسهولة.

‏‎إزاي تتعامل مع النوع ده؟

‏‎ 1. خليك واعي: افهم إن السلوك ده بيهدف لمصلحته مش مصلحتك.
‏‎ 2. حط حدود واضحة: لو حسيت إن في تلاعب، قول “لا” من غير تأنيب ضمير.
‏‎ 3. ما تنساقش للذنب: خلي قراراتك واعية ومبنية على حقائق مش مشاعر لحظية.
‏‎ 4. واجهه بالهدوء: لو ضروري، وضح إنك شايف التلاعب ده بس من غير ما تكون هجومي.

‏‎والأهم نركز على أفعال الناس مش كلامهم، السلوكيات والحدود مش النوايا هي اللي بتحدد المساحة اللي بتكون فيها آمن او مهدد .

‏‎الأمثلة اللي اتحطت بتتفهم في سياق مش حاجه مجردة او منفصله فمش كل حد حاجه من اللي مكتوب يبقي نرجسي، التشخيص محتاج متخصص و مش كل علامه او علامات نعرفها نقدر من خلالها نوضح تصنيف للناس، والمتخصص دوره بيفرق في حياتك لو مش عارف تحمى نفسك من دا او من تبعاته.

#سيكولوجيا #نرجسية ًا

27/10/2024