05/04/2025
🦴 هو المفصل الصناعي هيقعد قد إيه يادكتور؟
دا السؤال المعتاد لاي حد هيعمل استبدال لمفصل الفخذ، والاجابه طبقًا للأبحاث.. من 15 لـ 25 سنة من غير مضاعفات وبحالة طبيعية.
💡 وده بنقدر نحققه ازاي؟!
اولا نعمل العملية في الوقت المناسب لو عندنا إصابة او تلف في مفصل الفخذ بيأثر على الحركة مش لازم نستنى لحد ما يحصل تآكل كامل..
ثانيا مهارة الجرّاح في اختيار المفصل المناسب واستعادة الوضع التشريحي للمفصل بشكل مطابق للمفصل السليم.
📌 طيب لو أنا سني صغير (اقل من 45 مثلا) وقالولي استنى لما تكبر؟
نقولك اللي بيحدد افضل توقيت للعمليه هو سبب وحجم التلف وتأثيره على الحركة والألم .. علميا العمر يبقي اخر عامل بيحدد ده.
🛠️ طيب الدكتور يقدر يعمل إيه علشان المفصل يعيش أطول؟
🔍 تحديد القياسات بدقة قبل العملية بالأشعة المقطعية
⚙️ زراعة مفصل متطابق مع الجهة التانية (لو سليمة)
🖥️ استخدام تقنيات حديثة بتحسب قياسات المفصل زي الأشعة اللحظية والـ Navigator داخل العمليات
♻️ طيب بعد عمر طويل ان شاء الله هحتاج اغير دا كله من تاني؟!
مش بالضرورة.. ثانيا تركيب المفصل الأولى في بدايات الاصابه و بوضع قياسي بيخلي جراحات المراجعة أسهل جدا.
ده اللي قدرنا نحققه في الحالة دي لمريضة كانت بتعاني من تآكل في مفصل الفخذ بعد أكتر من تدخل جراحي، والحمد لله قدرت ترجع لحياتها بشكل أفضل.
نتشرف دايمًا بالإجابة عن كل الأسئلة اللي بتهمكم بخصوص عمليات استبدال مفصل الفخذ.
دمتم سالمين ❤️
الدكتور / محمد راشد
استشاري جراحة العظام والمفاصل
زمالة جراحات كسور الحوض والمفاصل الصناعيه مستشفى جامعة آخن - المانيا
