20/07/2022
فيتامين A والغدة الدرقية :
كتير من الناس ميعرفوش العلاقة بينهم بس تعالوا نعرف ايه الحكاية 🤔
فيتامين A طالع بمنظرين
1_ Beta Carotene ( inactive ) يعني خامل غير نشط وده موجود في الخضار زي الجزر السبانخ البقدونس الخس
بس عشان جسمنا يستفيد بيه لازم يتحول الاول
لشكل :
2_ نشط اللي هو ال (Retinol) وده بيحصل بمساعدة الغدة الدرقية يعني اللي عندهم قصور في الغدة الدرقية مش هيقدروا يستفيدوا من فيتامين A الموجود في الخضار 🤦🏻
طب والحل يعني ؟؟! 🙆🏻
الحل انك تاكلي فيتامين A النشط عل طول 🤷🏻♀
وده موجود في المنتجات الحيوانية زي صفار البيض / زيت السمك / زيت كبد الحوت / الاجبان / الزبدة البلدي
🗣 الحقيقة ان الغدة الدرقية كمان محتاجة فيتامين A عشان تحول الصيغة غير النشطة من هرمون T4 ل الصيغة النشطة من هرمون T3 يعني مصلحة متبادلة 🤷🏻♀
وعشان تحافظوا عل الغدة الدرقية وسواء كنتي بتعاني من قصور او فرط نشاط في الغدة فلازم تاكلي الاكل اللي فيه فيتامين A 👍👌
