https://www.facebook.com/100645609301540/

صيدلية د/ أحمد صيام - Ahmed Siam Pharmacy, Zagazig (2026)

07/12/2025

ايه المشكلة من نشر صورة روشته لعلاج اي مرض ؟
ورقة وقلم واكتب معايا يا صديقي
١- العلاج دا ممكن ما ينفعش في الحمل
٢- ممكن ما ينفعش مع الرضاعة
٣- ممكن ما ينفعش للاطفال
٤- ما ينفعش لو فيه حساسية لأي مكون منه
٥- ما ينفعش لو التشخيص مختلف ( والتشخيص مهمة طبيب شاف الحالة )
٦- ما ينفعش لو فيه قصور كلوي او كبدي
٧- ما ينفعش يتاخد وقت وجود علامات خطر بتنبه لمرض تاني
٨- ما ينفعش يتاخد بدون دراسة تفاعلات الادوية

04/12/2025

الحقنى يا دكتور😱😱😱 الولد عمال يرجع ومافيش حاجه مستنيه فى بطنه كل لما اديله يشرب يرجع حتى العصير بيرجعه 😭😭...

🎖لو الترجيع اتكرر ممكن ناخد حقنه ترجيع زي الزوفران او الدانست او الكورتيبلكس ونصبر عليه ساعه بعد حقنه الترجيع ونحاول نشربه حاجه 😃😃😃...

🎖بس يا دكتور ده رجع تاني ... مهو انتي اللي مصبرتيش ... مش انا قولتلك بلاش يشرب أو ياكل بعد الترجيع على الاقل ساعه عشان يريح معدته الهايجه🧐🧐🧐

🎖لو الترجيع فضل مستمر وبدا يعمل اسهال كمان يبقي كده دي بدايه نزله معويه😭😭😭 ...

🎖 الطفل اللى عنده نزله معويه بنمنع عنه العصائر والحاجات المسكره ﻻنها بتزود اﻻسهال وتعجل بالجفاف لان السكر فيها كتير وبيزود الاسهال ... امال ادي ايه🤔🤔 ؟؟ ادي عصاير خاليه من السكر او شربه لسان عصفور دافيه وسوايل دافيه زي الينسون والكراويه بس تكون السكر عليها قليل 🤓🤓...

🎖الطفل الملهوف على الميه معناه ان فى جفاف🤔🤔 ومحتاج يتعوض لما بمحلول جفاف زي اكياس الهيدروسيف والريهدران وغيرها وفي حاله رفض الطفل لمحلول الجفاف او انه بيرجعه هو كمان يبقي كده في الحاله دي ممكن نحتاج محاليل وريديه فى المستشفى 🤓🤓

🎖 للاسف الامهات بتشرب الاوﻻد الميه 😱😱ﻻنه ملهوف عليها وده بيزود الجفاف ﻻن الميه ضعيفه في تعويض الجفاف لانها خاليه من السكريات والاملاح التعويضيه بالاضافه أنه بيشرب كتير ففرص الترجيع تزيد وفرص أنه ميرضاش يشرب محلول الجفاف تزيد 😭😭😭

🎖المحلول عباره عن خلطه من اﻻملاح والجلوكوز اللى بتعوض الفاقد وبتوازن نسب املاح الدم وبتعوض الفاقد في السكر والاملاح مع الاسهال والترجيع وبكده فرصه اننا نضطر نحجزه في المستشفي بتقل وفرصه انه يحصل جفاف بتقل 😎😎..

🎖طب يا دكتور ممكن اديله السفن اب 😔😔؟؟ ممنوع السفن آب والسبرايت فى النزﻻت المعويه لان نسبه الصوديوم فيها عاليه جدا ولو نسبه الصوديوم في الدم ارتفعت الطفل لازم هيحتاج يدخل المستشفي علشان يعالج الموضوع ده 😨😨

01/12/2025

🔥⛔️💣 “الدور المنتشر دلوقتي… مش بيعدّي.
ده بيهجم عليك وإنت صاحي… وبيوقع ناس سليمين في 24 ساعة كأن جسمهم اتطفّى مرة واحدة.
والخطير؟ مفيش جهاز مناعة مستعدله.”

المرعب؟
مفيش مقدمة… مفيش علامات… مفيش إنذار.
مش زي البرد اللي يقولك: “زوري ناشف… أنا داخل.”
لأ…
ده بييجي زي خبطة على قفاك وإنت مش مركز.

ناس بتصحى الصبح تلاقي نفسها:

• نفسها قصير
• دماغها تقيلة
• حرارة طالعة من تحت الجلد
• وعضلات عاملة إضراب كامل

وتفتكر إرهاق؟
لأ…
ده 3 فيروسات داخلين في نفس اللحظة… عاملين حرب شاملة جوّه جسمك.

---

🌡️ أول دقيقة الفيروس يدخل فيها:

الجسم يشغل “صفّارة إنذار” أنت مش سامعها… بس هي شغالة.

🔥 الحرارة تعلى
🔥 المخاط يزيد
🔥 الحلق والأنف يتنفخوا
🔥 النفس يتقل
🔥 القلب يسرّع
🔥 والعضلات تتسحب طاقتها في لحظة

ليه؟
عشان يحاصر الفيروس قبل ما يتكاثر.
لكن لما اللي داخل “مش واحد”…
لكن تلاتة؟
الجهاز المناعي يدخل وضع الاستنفار الكامل.

مش حملة…
ده اجتياح.

---

🧬 الثلاثة اللي داخلين فيك في نفس الوقت:

1️⃣ Influenza A – القائد
يسيطر من أول دقيقة…
يرفع الحرارة… يخنق النفس… يكسر الجسم…
ويخليك تكره السرير رغم إنه المكان الوحيد اللي تقدر تعيش فيه.

2️⃣ RSV – المخنّق
كحة خانقة… بلغم تخين… ونهجان من أقل مجهود.

3️⃣ Rhinovirus – البنزين على النار
لوحده بسيط…
بس وسط الاتنين؟
يدمر جهازك التنفسي في ساعات.

وبعد 3–4 أيام؟
موجة تانية من بكتيريا تدخل تحت الضرب.

---

🌪️ ليه الدور ده عنيف بالشكل ده؟

لأن أغلب الجسمان “منهكة” أصلًا:

❌ نوم قليل
❌ سترس عالي
❌ سكر كتير
❌ شمس صفر
❌ حركة قليلة
❌ أكل ضعيف

الجسم داخل الحرب من غير درع…
فالـ3 فيروسات يلاقوا الباب مفتوح.

---

🧠🩸 الأعراض… وإحساسها الحقيقي:

🔶 صداع ماسك عينيك من جوّه
جيوب ملتهبة + حرارة بتوسع الأوعية = نبض في دماغك.

🔶 الاحتقان اللي يخليك تفتح بقّك وانت نايم
الممرات الهوائية مقفولة نص قفلة.

🔶 كحة تصحيك من النوم
كحة دفاعية… الجسم بيطرد عدو.

🔶 بلغم تقيل زي الكتلة
مصيدة فيروسية…
عشان كده تحس إنك بتطلع “مادة”.

🔶 دوخة مع النفس
نقص أكسچين 2–3% بس يعمل كده.

🔶 صوت مبحوح
الأحبال ملتهبة لدرجة إنها “تستسلم”.

🔶 تكسير يخليك مش قادر تمسك الموبايل
المناعة بتسحب الجلوكوز للحرب.

🔶 نزول على الصدر أو الجيوب
لو المناعة هبطت… المخاط يغيّر اتجاهه.

---

🩺⚠️ قبل أي دواء:

جميع الأدوية تستخدم تحت إشراف طبي.
ولو عندك ضغط – قلب – ربو – حمل → استشير طبيبك.

---

🟥 الخطة العلاجية

1️⃣ Paracetamol 500 mg

ده “مُطفّي الحرائق” بتاع الجسم.
ينزل الحرارة ويقلل الالتهاب اللي عامل التكسير.

2️⃣ Otrivin للكبار (3 أيام بس)

يفتح الأنف في 30 ثانية.
يقلل الورم… ويساعدك تنام.
أكتر من 3 أيام؟
يجوّد الاحتقان بدل ما يريّحه.

3️⃣ Clarinase كل 12 ساعة

تركيبة مزدوجة: مضاد احتقان + مضاد حساسية.
يفتح الجيوب… يقلل الضغط على العين… ويخفف صداع الجيوب.
ممنوع لمرضى الضغط.

4️⃣ Tusskan syrup – للكحة الناشفة

يهدي مركز الكحة في المخ.
ممتاز للكحة اللي تصحيك من النوم.

5️⃣ Mucosolvan – للبلغم

يذوّب البلغم التقيل ويحوّله لسائل خفيف.
يحميك من النزول على الصدر.

6️⃣ Aerius 5 mg

يقلل التهيّج والكحة والحشرجة.
ممتاز لو عندك حساسية صدر.

7️⃣ Ventolin – وقت اللزوم

يفتح الشعب في دقايق…
يمنع النهجان…
ويرخّي الصدر.

8️⃣ غرغرة ميه وملح + Decosyl spray

تطهير + تقليل تورم + تخفيف ألم الزور.

---

🌿 المشروبات… بس النسخة الفعّالة بجد:

🍯 جنزبيل + ليمون + عسل
يسخّن الجسم…
يفتح الاحتقان…
يهدي الكحة.

🍵 نعناع دافئ
يريح الصدر…
يفتح النفس…
ويهدي القولون اللي بيستفز الكحة.

🥛 لبن بالكركم + فلفل أسود
يسكّن ويقلل الالتهاب…
ويساعد على النوم.

🫧 بخار بزيت نعناع
يفتح الجيوب في دقايق.

🍲 شوربة فراخ بروتين
أفضل سوائل + تعويض أملاح.

---

🔰 الروتين اللي يمنع الدور :

✔ 1) غسول الأنف Stuffy Exit

(مياه دافئة + ملح + بيكربونات)
يفتح الجيوب… ويمنع النزول على الصدر.

✔ 2) الشُربة الذهبية قبل النوم

(شربة + نص فص ثوم + جنزبيل + فلفل)
ترفع حرارة جهازك المناعي “الكويسة” وتسرّع الشفاء.

✔ 3) 15 دقيقة شمس الصبح

تعمل Reset للمناعة…
وتقلل الالتهاب الداخلي.

✔ 4) حمّام رجلين دافئ

يسحب الاحتقان من الرأس للقدم…
ويفتح النفس.

✔ 5) وقف السكر 72 ساعة

السكر يعطّل الخلايا المناعية بنسبة 50%.

✔ 6) بروتين أول ما تصحى

ضروري لصناعة الأجسام المضادة.

✔ 7) مشي 20 دقيقة

يزوّد أكسچين…
ويخفف الكحة الليلية.

✔ 8) شوربة عليها فلفل أسود

يفتح الجيوب… ويقلل الاحتقان.

✔ 9) بخار قبل النوم بـ10 دقايق

يقلل كحة الليل ويمنع الشخير الاحتقاني.

✔ 10) نام على جنبك اليمين

يفتح النفس أكتر من النوم على الضهر.

---

🛑 لازم دكتور لو:

🔥 حرارة فوق 39 لمدة يومين
🔥 نهجان
🔥 ألم صدر
🔥 كحة بدم
🔥 دوخة جديدة
🔥 كبار سن – حمل – أمراض مزمنة

---

💥 الخلاصة:

“ده مش دور برد…
ده هجوم مناعي من 3 فيروسات على جسم مرهق.
بس لو اتعاملت صح؟
هتعدّي في 3–5 أيام بدل أسبوعين.”

30/10/2025

90% من الفييدباك عليه من الناس اللي جربته بيقولوا إنه في أول استخدام ليه بيطلع حبوب،
وبعد كده مع الاستمرار على الروتين المناسب، الحبوب بتبدأ تهدي وتختفي.

هو ببساطة بيبدأ ينضّف المسام ويطلّع كل اللي كان محبوس فيها،
فـ طبيعي جدًا تطلع شوية حبوب في الأول،
وبعد كده البشرة بتبدأ تهدى وتتنضّف فعلًا.

المشكلة إن ناس كتير بتوقفه من أول أسبوع وتفتكر إنه مش نافع،
مع إن العكس هو اللي بيحصل...
هو بدأ يشتغل صح.

بس خلي بالك ..
الكلام ده مش قاعدة، ومش دائماً كل اللي بيطلع حبوب يبقى "تطهير للبشرة" أو Skin Purging.
ولو الحبوب فضلت تزيد بعد كام أسبوع،
أو بدأت تظهر في أماكن جديدة ماكنتش بتطلع فيها قبل كده،
يبقى ساعتها الغسول مش لايق على بشرتك ومحتاج يتوقف.

وفي كل الأحوال، خليك متابع بشرتك وخلّي الحكم دائماً بالنتيجة مش بالانطباع الأول.

29/10/2025

ابيدرا سولوستار

26/10/2025

الأتنين بيستخدموا لنفس المشكلة تقريبًا…
بس كل واحد ليه دور مختلف شوية.

الشامبو فيه مادة اسمها Ketoconazole 2%
ودي مضادة للفطريات اللي بتكون السبب الأساسي في القشرة اللي بترجع كل شوية.
الفطر ده طبيعي موجود في فروة الرأس، بس لما يزيد عن الطبيعي بيعمل التهاب خفيف وده اللي يخلّي القشرة ترجع.
يعني الشامبو بيشتغل على "المشكلة من جذورها" مش على الأعراض بس.

أما المحلول فتركيبته مختلفة،
لإنه بيجمع بين Salicylic acid و Betamethasone dipropionate.
الأول بيقشر طبقات الجلد الميت اللي عليها القشرة،
والتاني بيهدّي الالتهاب والاحمرار ويقلل الحكة بسرعة.

ده معناه ببساطة كده:
لو القشرة بسيطة ومفيهاش التهاب ظاهر، الشامبو كفاية.
لكن لو القشرة سميكة أو لازقة أو الفروة باينة إنها متهيّجة،
يبقى الأفضل تضيف كيريللا معاه لفترة مؤقتة.

وطريقة الاستخدام:
• الشامبو مرتين لتلاتة في الأسبوع، يتساب على الفروة ٥ دقايق قبل الشطف،
ويُفضّل بعديه ترطيب الشعر نفسه علشان الكيتوكونازول ساعات بينشفه شوية.

• المحلول يتحط على فروة ناشفة مرتين في اليوم لمدة من أسبوع لعشرة أيام.

التحسّن عادة بيبدأ في أول أسبوع، بس كمل الاستخدام علشان النتيجة تثبت.

وطبيعي جدًا إن القشرة ممكن ترجع بعد فترة من التوقف،
لأن الفطر المسبب ليها جزء طبيعي من الجلد،
يعني العلاج بيقلل نشاطه مؤقتًا مش بيمنعه نهائي.

بس ده مش معناه إنها هتفضل موجودة على طول 👌
اللي بيحصل إن الجلد محتاج صيانة بسيطة كل فترة علشان التوازن يفضل مستقر،
وده بيكون باستخدام الشامبو مرة كل أسبوع أو أسبوعين كوقاية،
خصوصًا لو فروة الرأس دهنية أو الجو حر ورطب.
وبالطريقة دي، القشرة بتفضل تحت السيطرة من غير ما تحتاج ترجع للعلاج كل شوية.

يعني باختصار…
الشامبو بيعالج السبب، والمحلول بيظبط النتيجة.
ولما يتاخدوا مع بعض بالطريقة الصح، النتيجة بتبقى ممتازة وسريعة جدًا 👌

23/10/2025

متوفر حاليا في صيدلية د.احمد صيام

23/10/2025

إنت كمريض مصري لازم يبقى عندك خلاص الوعي إنك تبقى فاهم سوق الدوا ماشي إزاي في مصر.
لازم تبقى عارف إن كل يوم هتلاقي صنفين تلاتة تجاريين نزلوا.

لازم تبقى عارف إن المُسكّن اللي مكتوب لك في الروشتة عبارة عن اسم شركة مش أكتر، مش السحر اللي هيعالجك من كل وجع والتهاب في جسمك، أو هيضيّع لك الخشونة من أول قرص، وإنك لو خدت نوع تاني شركة تانية مش هيعمل حاجة!
لأن لو ماعملش حاجة، اللي كان مكتوب لك برضه مش هيعمل حاجة!

لازم تبقى واعي إن فيه حاجة اسمها (مادة فعّالة)، وحاجة اسمها (اسم تجاري).

لازم تكون خلاص فهمت الدنيا ماشية إزاي، … مش هتلاقي في أي حتّة في العالم روشتة مكتوب فيها اسم تجاري لدواء معيّن!
مش هتلاقي صنف تحت بير سلم مكتوب لك يخليك تلف الدنيا والآخرة علشان تلاقيه!
مش هتلاقي حد بيأكد عليك تجيب الدواء من الصيدلية الفلانية وتيجي تورهولي!
مش هتلاقي كل نص ساعة دوا معدة نازل، أو حديد وكالسيوم “يونيك فورميولا”، أو دوا شَرْب أعشاب جديد بقى مفيش زيه في السوق بخلاصة ورق اللبلاب، أو حتى مُسكّن جديد بقى سحر لعلاج الخشونة والالتهابات مادته الفعّالة “إيتوريكوكسيب”!

إحنا عدّينا، أو بالمعنى الأصح إنت كمريض عدّيت، بمرحلة قبل كده تقريبًا مكنش فيه أدوية خالص في السوق.
فاكر لما جه فترة مكنش فيه أي فوارات للأملاح، وكل ما يتكتب لك نوع ما تلاقيهوش!
لدرجة إني والله العظيم مرة جالي روشتة لحد عنده أملاح ونقرس مكتوب له بالحرف كده: فوار يورسولفين أو يوريفين أو يور إيد أو كولي يورينال… أي واحد فيهم، دلوقتي بقي البديل حلو!

طب بلاش أدوية الغدة نفسها!
مش جه فترة الدكتور بقى يكتب لك الأربع أسماء التجارية: إلتروكسين، وإيوثروكس، وتي4-ثيرو، وثيروكسين… ويقولك اللي تلاقيه هاته!

بلاش… إنت دلوقتي كمريض قلب ومكتوب لك لانوكسين اللي منزلش بقاله فترة، والمثيل بتاعه اللي كان “معفّن” بـ11 جنيه قبل كده (40 قرص) واللي مكنتش بتفكّر فيه أصلًا… مش دايخ عليه دلوقتي وبتدوّخ لغاية ما تلاقيه!

أي نعم الكلام مش على كل الناس؛ لأن فعلًا في ناس خلاص اتعلمت وفهمت وبقى عندها الوعي، لكن للأسف الأغلبية لسه عندها نفس المشكلة.
نلتمس العذر أكيد، لأن في منهم ممكن يكونوا كبار سن أو مش متعلمين… بس للأسف إن فيه أكتر وأكتر عادي هتلاقيه متعلم ودارس وفاهم وما عندوش الوعي الكافي بالموضوع ده.

بالإضافة كمان—أنا ما بقولكش سيب الدوا اللي مكتوب لك وخُد البديل وخلاص، لأن فعلًا في بعض الأدوية يُفضَّل إنك لو هتاخدها تدوّر على المستورد:
يعني مثلًا زي أدوية الغدة، أدوية القلب، الأدوية اللي بتتتصنّع بطريقة معيّنة ومحتاجة Quality Control عالي على التصنيع—سواء بقى كانت أقراص مُغلّفة بتتتصنّع بطريقة معينة، أو محتاجة إنها تطلع في جسمك بمعدّل تحرير معيّن (Release Rate) زي دوا المعدة، أو الأدوية النفسية… وهكذا.
إنت لو قدّامك الاتنين—ساعتها اختار ماشي المستورد، أنا ما عنديش مشكلة في كده.

لكن يبقى مكتوب لك نوعين أو صنفين شركات مصري، وتقول لي: لأ أنا مش عايز ده، عايز المكتوب!
طب ما هم الاتنين نفس المادة الفعّالة يا حبيبي، والاتنين أصلًا ممكن تلاقيهم كمان بيتصنّعوا في مصنع واحد—ده طبعًا بعيدًا عن الأدوية اللي بتتتصنّع تحت بير سلم، كل يوم بنشوفها.

الخلاصة في البوست ده—أو الكلام اللي أنا بقوله—إنك كمريض مصري أو مستخدم مصري لازم يبقى عندك الوعي.
لأن للأسف: إن كان في طبيب ممكن يقول للمريض “لو ما لقيتش النوع ده هات أي بديل نفس المادة الفعّالة”، هتلاقي 10 قصاده بيأكدوا على المريض إنه يجيب اللي مكتوب بالضبط!

أنا لا بهاجم حد ولا بدافع عن حد؛ أنا عايزك إنت كمريض تبقى واعي:
اسأل—اللي مكتوب لك ده بكام؟ وهل مستورد؟ وهل بتستخدمه في حالة حرجة أو لحاجة ما ينفعش فيها الغلط؟ ولا مجرد مُسكّن مثلًا أو دوا بيحافظ على معدتك من الأدوية اللي إنت بتاخدها؟
ساعتها اسأل: الدوا ده بكام؟ وهل هو مصري؟ ولو مصري هل في مثيل ليه بنفس المادة الفعّالة أقل في السعر؟ وما تكسفش ولا تخاف.

خليك واعي.

30/09/2025

مبدأياً الجلسة عمرها ما بتبقى "حاجه واحده"، هي دايمًا بتتكوّن من محلول ملح ومعاه واحد أو أكتر من التلت أدوية المشهورين: الفاركولين ← الأتروفينت ← البالميكورت.
والجلسة نفسها بتاخد من 5 لـ 10 دقايق لحد ما البخار يخلص، والأهم إن الطفل يقعد يتنفس بهدوء لآخرها. وغالبًا بتتكرر مرتين أو تلات مرات في اليوم حسب الحالة ورأي الدكتور.

---

نبدأ مع الفاركولين (Salbutamol):

شغال من أول عمر ٦ شهور.

أقل من ٥ سنين ← ١٠ نقط.

أكبر من ٥ سنين ← ٢٠ نقطة.

💡 مثال:
طفل ٣ سنين ← ١٠ نقط + محلول ملح.
طفل ٧ سنين ← ٢٠ نقطة + محلول ملح.

وده بيوسع الشعب بسرعة ويريّح الكتمة، بس ممكن يعمل رعشة بسيطة أو يخلي ضربات القلب أسرع.

---

بعده نيجي لـ الأتروفينت (Ipratropium):

ينفع من أول يوم في العمر.

أقل من ٥ سنين ← أمبول تركيز 250 mcg.

أكبر من ٥ سنين ← أمبول تركيز 500 mcg.

💡 مثال:
رضيع ٦ شهور ← أمبول 250 كامل.
طفل ٦ سنين ← أمبول 500 كامل.

وده بيهدي الكتمة خصوصًا مع البرد والصفير، وتأثيره على القلب أقل من الفاركولين. وساعات الدكتور يكتب الفاركولين + الأتروفينت في نفس الجلسة علشان يكملوا شغل بعض.

---

ونوصل للجزء الأهم: البالميكورت (Budesonide – Pulmicort)

موجود بتركيزين: 0.25 mg/ml (ربع) و 0.5 mg/ml (نص).

أقل من ٨ سنين ← أمبول 0.25 مرتين يوميًا، أو أمبول 0.5 مرة واحدة.

أكبر من ٨ سنين ← أمبول 0.5 مرتين يوميًا.

💡 مثال:
طفل ٥ سنين ← ياخد أمبول 0.25 الصبح + أمبول 0.25 بالليل، أو أمبول 0.5 مرة واحدة حسب تعليمات الدكتور.
طفل ٩ سنين ← أمبول 0.5 مرتين يوميًا.

وده زي ماقولنا في البوست اللي فات إنه كورتيزون موضعي يقلل الالتهاب تدريجيًا، مش حاجة لحظية. الأمبول لازم يتــــرج كويس قبل الاستخدام، ولو اتفتح يتقسم لأقصى حاجة ١٢ ساعة. وبعد الجلسة الطفل يغسل بقه كويس علشان مايجيلوش فطريات أو بحة.

---

أما محلول الملح (Normal Saline 0.9%) فده الأساس اللي بيتخلط مع باقي الأدوية علشان الجهاز يطلع البخار مضبوط.
وساعات بيُستخدم لوحده أصلاً وبيبقى كفاية في الكحة البسيطة أو دور البرد عادي.

وعمليًا، في معظم الأجهزة بنستخدم من ٢ لـ ٥ مل محلول ملح حسب حجم الجهاز والجرعة المكتوبة، علشان في الآخر الحجم الكلي للجلسة يبقى حوالي ٣–٥ مل ويطلع بخار كفاية يقعد من ٥ لـ١٠ دقايق.

---

💡 تفاصيل عملية مهمة .. ركزي معايا ياست الكل علشان دول كام نقطة مهمين وفيه كتير مابيخدش باله منها:

الجلسة الأفضل تبقى بعد الأكل بساعة على الأقل.

لو المناخير مسدودة، ننضفها بمحلول ملح الأول.

الماسك لازم يغطي مناخير وبق الطفل كويس.

الأدوية ينفع تتحط كلها في جلسة واحدة إلا لو الدكتور قال غير كده.

نوقف الجلسة فورًا لو الطفل كتم أكتر أو حصل دوخة ورعشة جديدة.

الجهاز لازم يتغسل ويتنشف بعد كل مرة.

الأمبولات ما تتسابش في الشمس أو العربية، لازم تتخزن بعيد عن الضوء.

مش معنى إن الطفل اتحسن بعد جلستين إننا نوقف من نفسنا، ساعات الدكتور بيكتب كورس كام يوم لازم يتكمل.

بعد الجلسة يفضل الطفل يقعد هادي شوية ومايتعرضش لهوا بارد على طول.

طب والأعراض الجانبية!؟

الفاركولين ← رعشة أو خفقان.

الأتروفينت ← جفاف أو طعم غريب.

البالميكورت ← فطريات أو بحة لو ما اتغسلش الفم.

ولو الكتمة ما اتحسنتش بعد كام أيام أو رجعت تسوء تاني ← لازم مراجعة الدكتور فورًا.

---

طب نعرف إزاي الأم تتأكد إن الجلسة جابت نتيجة؟
النفس يبقى أهدى، الكتمة تقل، الطفل ينام أريح، والسُعال يخف.

أما بقي لو الكحة لسه شديدة جدًا، أو الطفل لونه أزرق حوالين البق، أو بيتنفس بسرعة زيادة ← دي حالة طوارئ لازم تتشاف فورًا.

---

الخلاصة:
الجلسات في الشتاء مهمة جدًا، وكل دواء فيهم ليه وظيفة مختلفة…
الفاركولين ← يوسع الشعب بسرعة.
الأتروفينت ← يهدي الكتمة ويقلل تأثير العصب.
البالميكورت ← يعالج الالتهاب تدريجيًا.
ومحلول الملح ← الأساس اللي بيكمل الباقي.
وجهاز النيبولايزر ← أساسي في كل بيت دلوقتي زيه زي الخلاط.

وطبعًا الدكتور بيختار تركيبة الجلسة على حسب الحالة:
ممكن يكتب فاركولين بس لو الكتمة جديدة ومحتاجة توسعة سريعة،
أو يضيف أتروفينت معاه لو البرد عامل زمزقة وكتمة زيادة،
ولو الحالة مزمنة أو فيها التهاب مستمر يضيف معاهم بالميكورت.

والكلام هنا مركز على الأطفال أكتر، لكن نفس الأدوية بتستخدم للكبار برضه بنفس المبدأ مع اختلافات بسيطة في الجرعات.

وأخيراً نصيحة للأهل: الجلسة مهمة، لكن مش كل حاجة.. لازم الطفل يفضل مرتاح، يشرب سوائل دافية، ويتابع مع دكتوره بانتظام.

22/08/2025

أثناء فتره الرضاعه
اللبن البقري والتوابل قللي منهم
العصائر الجاهزه والدهون قنني اكلهم
الحراق والمشروبات الغازيه امنعيهم
الشكولاته والقهوه والنسكافيه اهربي منهم

الحاجات دي لما الام تأكلها تنزل في اللبن فتزود الترجيع والعياط عند الطفل الرضيع

لانها بتعمل رخو للصمام بين المرئ والمعده وتزود إفراز حامض المعده وكمان بتقلل من كفاءة الغشاء المغاطي للمعده وده بيخلي اللبن يرجع من المعده بسهوله وبيسبب حرقان وتعب في المعده تخلي البيبي يعيط كتير

كمان كلامي يتنفذ
بوستاتي يتعملها لايك
صفحتي يتعملها شير
لاني بأسافر اوروبا اجيبلكم الكلام ده
مش جاي بالساهل كده

د. حسن رجب
مدرس طب الاطفال وحديثي الولاده (م)

22/08/2025

مسدس خرم اذن الاطفال موجود بالصيدليه مجانا
#مواعيد الفتح من 8صباحا #حتي 2 بعد منصف الليل

صيدلية د/ أحمد صيام - Ahmed Siam Pharmacy

07/12/2025

04/12/2025

01/12/2025

30/10/2025

29/10/2025

26/10/2025

23/10/2025

23/10/2025

30/09/2025

22/08/2025

22/08/2025

Address

Telephone

Website

Alerts

Shortcuts

Share

Category