26/10/2025
لكل الأمهات اليومين دول ..
1- لبسى العيال خريفى بكم خفيف خاصة بالليل او لو خارجة ..
2- ابنك اول ما يبدأ يرشح🤧 نضفى أنفه بمحلول ملح او بخاخ ماية البحر 🌊 وشفطى الافرازات بشفاط للأنف لأن الأنف👃 هى سبب معظم بلاوى الصدر فى الشتاء ده الاهم اول دور البرد 📣
3- لو ابنك أصلاً متشخص حساسية أنف😪 .. ابدأى فوراً بعلاجه الوقائى اللى كتبه دكتوره الشتاء اللى فات (بخاخات الكورتيزون و مضاد الحساسية).
4- لو ابنك متشخص حساسية صدر😖 ابدأى الاكياس اللى على الزبادى او الاقراص المضغ او البخاخ الوقائى بتاعه.
5- أهم حاجة بقى .. افصلى الولد اللى بيكح عن إخواته خاصة فى النوم بالليل - العيال بيناموا بوزهم فى القصبة الهوائية بتاعة اخواتهم أساساً 😭- وغيبيه من الحضانة او المدرسة طالما الكحة او الزكام بدأ يزيد عليه 🙏.
🔴📢
6- مصل الانفلونزا الموسمية💉 مهم جدا جدا لكل الأطفال أصحاب حساسية الأنف والصدر والبرد المتكرر وبصراحة كل الأطفال اللى بيروحو مدارس عشان حتى لو حمايته "50%" ضد فيروس الانفلونزا "بس" فإبنى أولى من دور برد يكلفنى صحته وعافيته 😢
🔴📣👻 نخلي بالنا من الي جاي اهم من الي فات :
الطفل ما بيتعودش علي الجلسات يا
بلاش هبد وكلام فاضي🤪
📌📌📣
المشروبات دي ليها مفعول السحر في علاج اي كحه رخمه
تيليو بلمون وعسل نحل .. يهديء الكحة ويوسع الشعب
ينسون دافئ عليها معلقه عسل ابيض
شربه الخضار عليها عصره ليمون اقوي مذيب للبلغم
🔴 الخناق /الخانوق.. التهاب الحنجرة و القصبة الهوائية كحه الحنجريه
منتشر الفترة دي بين الأطفال اما بسبب حساسية أو بسبب عدوى يسببها ڤيروس ال parainfluenza وده بيجي ف الاطفال من 6 شهور لحوالي 5 سنوات والاعراض بتكون كحة تشبه نباح الديب وكحة بترن Barking cough ناتجة عن التهابات بالحنجرة و القصبة الهوائية وبنسميه الخناق أو كروب croup.
🙏العلاج أساسي فيه
👋جرعة واحدة ديكساميثازون ( من 0.15 -0.6 مجم لكل كجم وزن) وريد او عضل او عن طريق الفم ( معلومة جديدة بس مكتوبة في كذا بحث ).
👋جلسات ادرينالين "ابنفرين ١مجم" (الجرعة ٠.٤ سم لكل كيلو وزن من الادرينالين المتاح عندنا)
على الاقل 2 امبول في الجلسة لان مفترض ان في نوع ادرينالين اسمه racemic مش موجود في مصر الامبول منه ب خمسة من اللي عندنا وبحد أقصى ٥ امبولات... وممكن جلسات بالميكورت أو بوديكسان كمان.
👋ممنوع في الحالة دي بالذات تدي اي موسعات للشعب الهوائية زي فاركولين او اتروفنت او ادوية شراب زي ابيكوفلين او ميوكوفلين او فنتولين او سالبوفنت او ايرونيل او بروبريك او بامبيديل... لانهم هيزودوا الحالة سوء.
📣 لو الكحه متكرره كل شهر أو أقل
ومعاها رشح أو انسداد وشخير في الأنف
احتمال كبير يبقي الطفل عنده حساسيه أنف أو لحميه
علاج اللحميه بيبقي عمليه بعد ٣ سنين
و علاج حساسيه الأنف
بخاخه Flix أو Ticnaze
مع ادويه مضادات الهيستامين
زي Levohistam desa
2 سم ونص مساء لمده اسبوعين
وأكياس Lelipel
كيس كل يوم مساء علي معلقه زبادي او عصير
🔴📢 الكحه لو استمرت اكتر من اسبوعين لازم نعمل اشعه علي الصدر لان كده احتمال التهاب رئوي
او شرقه بجسم غريب ذي قشرة لب او قشرة سوداني من ضمن اسباب الكحه المستمره علي فكره
الكحه لو بدأت من بعد ما الطفل شرق في حاجه
دي حبايه ترمس ، سوداني ، زرار
يبقي كده غالبا الجسم الغريب ده دخل علي مجري التنفس
لازم الام تنبه علي الطبيب حاجه زي كده
ودي بتحتاج منظار علي الشعب الهوائية عشان نشيل الجسم الغريب ده
لان مهما عملنا الطفل مش هيبطل كحه
🔴📢 لو الكحه متكرره عند طفلك ومعاها تزييق في الصدر ونهجان
وبالكحه دي بتزيد بالليل او مع المجهود
وعندكم حد في العيله عنده حساسيه صدر او أنف او جلد
والطفل غالبا بيحتاج جلسات بخار عشان يرتاح وياخد حقنه ديكسا في الاستقبال
كده الطفل ده عنده حساسيه صدر
وعلاج حساسيه الصدر من الأخر خاااالص
العلاج الوقائي أكياس سنجيولار أو ستاتيوكاست
Statukast or Lelipel sacchet
مع بخاخات
فلكسوتايد50 , 125 Filxotide
حسب شده ودرجه الحاله
أو سيروتيد 125 Seretide
عشان تمنع تكرار الكحه
وبندخل بخاخات موسعات الشعب عند وجود أزمه او هجمه بالبلدي
زي بخاخات
Ventolin أو Vialsalmol أو vental
طبعا عدد البخات في المره وتكرارها خلال اليوم والفتره اللي هتمشي عليها
الطبيب بيحددها بناء علي كشفه
والله يباركلكم بلاش موضوع الطفل هيتعود علي الجلسات
🔴📣📢
🔴📢 علاج الكحه البسيطه تسليك الأنف وسوايل دافيه عليها ليمون ( ينسون _ حلبه _ كراويه _ شربه )
وادويه الكحه الاعشاب الطبيعيه
ذي بلسم وكافينتول وبرونشيكم وبنتامكس
أو اللبوس ذي كفسيد باراستامول
الحاجات دي كافيه جدا
وزي ما قولنا كحه دور البرد ممكن تقعد اسبوعين بعد ما الطفل يخف من البرد
🔴📣📢
🔴📢 مش بنعطي دولفين وكتافلاي في حالات الكحه وحساسية الصدر☹️بيقفلوا صدر العيل والحاله بتسوء أكتر 🤨🤨
#دسمرحمدي
#عيادات بنون #الدور الثاني
#بجوار مسجد القدس
