https://www.facebook.com/103301832328962/

إستشاري الصحة النفسية - Dr/Somaia tarik

Home
Egypt
Zagazig
إستشاري الصحة النفسية - Dr/Somaia tarik

Contact information, map and directions, contact form, opening hours, services, ratings, photos, videos and announcements from إستشاري الصحة النفسية - Dr/Somaia tarik, Mental Health Service, Zagazig.

دعم متخصص في الصحة النفسية والإرشاد الأسري وتعديل السلوك
نساعدك في التعامل مع الاكتئاب والقلق وكل ما يعوقك عن التوازن
رحلتك للارتقاء بالذات وتحقيق السلام النفسي تبدأ من هنا

28/11/2025

الضغط النفسي بيتعب القلب والعقل 😔
خد لحظة تهدى، وتنفس بعمق، وفكر في حاجة بتحبها ❤️ خطوة صغيرة كل يوم تقدر تخفّف عنك التوتر 🌿.

21/11/2025

“مش كل انسحاب ضعف… ساعات الانسحاب نجاة.”
👈 اختار سلامك النفسي
قبل رضا الناس.

14/11/2025

الزوج النرجسي ….رزق،
🙈🙈 بس رزق للدكاتره النفسيين.
نركز يا بنات…. الله يكرمكم.
🌹

02/11/2025

🧠 لما عقلك ميسكتش أبدًا...

في ناس مش محتاجة تحصل مشكلة علشان تقلق،
دماغهم دايمًا شغالة، تحلل، تتوقع، تراجع، تعاتب،
تحاول تفهم كل حاجة… وتفسّر كل تصرف.

تلاقيهم بيقولوا: "أنا مش عارف أوقف تفكيري"،
"أنا تعبت من كتر التفكير"،
"نفسي أعيش لحظة من غير ما دماغي تزنّ."

اللي بيحصل إن العقل عندهم اتبرمج على التيقّظ الزائد،
زي إنذار شغال ٢٤ ساعة.
هو شايف إنه بيحميهم، بس في الحقيقة بيستنزفهم!

يخاف يسيب نفسه يرتاح،
لأن الراحة بالنسباله معناها "أنا مش مسيطر"،
فيفضل يفكر علشان يطمن...
بس الطمأنينة عمرها ما جت من التفكير الزايد،
الطمأنينة بتيجي من "الثقة". 🌿
---
💡 لو أنت من النوع ده:
مش مطلوب منك تبطل تفكر،
لكن محتاج تعلّم عقلك يعني إيه "سكون".

✨ جرب:
تمرين تنفس يومي بسيط، دقيقتين بس.
وقت محدد تفكر فيه… وبعده توقف.
تكتب أفكارك بدل ما تعيش جوه دماغك.
تذكّر دايمًا: "التحكم مش دايمًا في الفعل… أوقات في الاستسلام لله."
--
🩵 اللي تعبك مش التفكير... اللي تعبك إنك عمرك ما سمحت لعقلك يهدى.
ابدأ دلوقتي تعلّمه الهدوء، مش كرفاهية…
لكن كـ "نجاة". 🌸

30/10/2025

😴 التعب النفسي مش دايمًا دموع… ساعات بيكون نوم كتير وسكات
👈 لما تحس كده حاول تتحرك ولو بخطوة صغيرة هتفرق.

26/10/2025

لا تستسلم لليأس، فكل ألم له طريق للتعافي.
والتحسّن بنسبة ١٪ فى العلاج النفسي علامة عظيمة على أن التغيير بدأ فعلًا. 🌱

19/10/2025

🌀 القلق الانتقالي الحاد

في مراحل معينة من حياتنا… بنكون مش قادرين نفرّق إذا كنا مبسوطين ولا مضطربين، متحمسين ولا مرعوبين.
السبب مش ضعف ولا دراما… ده اسمه القلق الانتقالي الحاد.

💭 اضطراب بيظهر لما حياتك يحصل فيها تغيير جذري — حتى لو التغيير إيجابي — زي:
الانتقال لبلد جديدة 🧳
زواج أو طلاق 💍
فقدان أو انفصال عن شخص مهم 💔
تغيير كبير في الروتين أو الأمان النفسي

🧠 الجسم والعقل بيترجموا ده كخطر… لأن كل حاجة كانت مألوفة اختفت فجأة، فبيحصل ارتباك في الجهاز العصبي.

⚠️ الأعراض:
شعور داخلي بالقلق والخوف بدون سبب واضح
انقباض في الصدر أو رعشة أو ألم في الأطراف
أفكار سريعة أو تشاؤمية عن المستقبل
نوبات بكاء أو اختناق بدون مبرر منطقي
نوم متقطع أو أرق مزمن
أعراض جسدية نفسوجسدية (زي وجع الرجلين أو ضربات قلب سريعة)

🔍 الأسباب النفسية العميقة:
فقدان الإحساس بالسيطرة على الحياة
انفصال عن مصدر أمان (زي الأهل أو البيئة المعتادة)
تحميل الذات مسؤولية فوق طاقتها
مقاومة التغيير خوفًا من المجهول
💡 المخاطر:
لو ما اتاخدش على محمل الجد، القلق الانتقالي ممكن يتحول إلى:
اضطراب قلق مزمن
اكتئاب خفيف أو متوسط
إرهاق عصبي ونفسي طويل المدى

🌿 العلاج والدعم:
تقبّل المرحلة بدون مقاومة، واعتبارها عبور مؤقت
استخدام تمارين التنفس العميق يوميًا
كتابة المشاعر بدل تحليلها
التواصل المستمر مع مصدر أمان نفسي (شخص، معالج، أو حتى مكان ثابت)
تخفيف أي ضغط نفسي أو مهنة علاجية في الفترة دي

🫶 القلق الانتقالي مش علامة ضعف…
ده رد فعل طبيعي جدًا لعقل بيحاول يتأقلم مع واقع جديد.
خلي المرحلة دي تمر بهدوء، بدون جلد ذات، وبدون محاولة تشرحي لنفسك كل حاجة.
أحيانًا الحل مش في الفهم… الحل في الاحتواء والطمأنينة. 🤍

16/10/2025

الزواج مش مصحة نفسيةليُصلّح غير الأسوياء، ولا يداوي خلل التكوين النفسي.
الزواج علاقة نضج واتزان… مش تجربة علاج أو إنقاذ.

10/10/2025

💭 نعم.. إنه الوسواس القهري

تخيل إن في فكرة تهاجمك فجأة،
مش بإيدك، ومش قادر توقفها!
تحاول تبعدها بالعقل… ترجع بالقوة.
تحاول تلهي نفسك… تلاقي جسمك بيصرّف خوفك كأنه شايف خطر حقيقي 🌀

ضربات قلبك تزيد، نفسك يضيق، بطنك تتقلب، ودماغك تفضل تلف في نفس الدائرة.
وأنت جواك عارف إن مافيش سبب حقيقي للخوف…
بس جسدك مش مصدّق!

اللي بيحصل ده مش ضعف،
ولا قلة إيمان،
ده اضطراب اسمه الوسواس القهري —
بيخلّي الفكرة تتحول من مجرد خاطر بسيط،
لتهديد بيحتل وعيك غصب عنك 💭

ومع العلاج المعرفي السلوكي،
بنتعلّم سوا إزاي نوقف الدائرة دي:
إزاي نسيب الفكرة تيجي وتمشي من غير ما نحاربها،
وإزاي نعلّم العقل إنه يهدى بدل ما يدوّر على الإنذار في كل تفصيلة.

الفكرة ممكن تفضل تيجي...
بس إنت اللي هتتعلم ما تردش عليها.
وده أول طريق التحرر الحقيقي 🌿

✍️ د. سميه طارق
استشاري الصحة النفسية والإرشاد الأسري

07/10/2025

😤زينبو:
ازيك يادكتوره ممكن احكيلك مشكلتى

الدكتورة :
اتفضلي يا زينبو قوليلنا إيه اللى مضايقك كده، شكلك داخلة الجلسة مولّعة نار 🔥

😤 زينبو:
يا دكتورة أنا بتعصب من كل حاجة!
حد اتأخر عليا شوية، أتعصب
الكوباية وقعت، أتعصب
المروحة دوّرت بالعكس، أتعصب!

👩‍⚕️ الدكتورة :
يا نهار أبيض! إنتي مش بتتعصبي يا بنتي…
إنتي “جهاز إنذار” ما بيسكتش 😂

😤 زينبو:
طب أعمل إيه؟!
أنا مش قادرة أتحكم في نفسي، بحس قلبي بيجري جري!

👩‍⚕️ الدكتورة :
ما هو القلب اتعود يعيش في طوارئ طول الوقت
انتي من كتر القلق بقيتي مستعدة للحرب حتى لو اللي قدامك بيقدم لك نسكافيه ☕

😤 زينبو (تضحك):
والله يا دكتورة فعلاً بيحصل كده!

👩‍⚕️ الدكتورة :
بصي يازينبو ، من النهارده أي موقف يعصبك…
اعملي فيه ٣ حاجات:
خدي نفس عميق، قولي "يا رب سلّم"، وابتسمي غصب عنك.
اللي يشوفك هيتجنن، بس جسمك هيهدى.

😤 زينبو :
طب واللي بيستفزني أعمل معاه إيه؟ افتح نفوخه

👩‍⚕️ الدكتورة (بابتسامة شريرة):
ابتسمي له 😌
الابتسامة دي مش دليل ضعف، دي إعلان رسمي إنك فوق مستوى اللعب.

😤 زينبو (ضاحكة):
يعني أتعامل بالحكمة مش بالانفجار؟

👩‍⚕️ الدكتورة :
بالظبط…
اللي بينفجر أول، بيخسر آخر.
سيبي العصبية تموت من الجوع… وما تطعميهاش باهتمامك.

29/09/2025

✨ أنا معالج نفسي

🌿 المعالج النفسي بيكون أمان وسند للروح المرهَقة، نور يفتح طريق للي تايه في أفكاره ومشاعره.
شغله مش بس علاج… شغله حياة جديدة بتتولد، طمأنينة بترجع، وأمل بيتجدد.

🎯 رسالته إن القلوب اللي اتعذبت تلاقي سلام، والعقول اللي اتلخبطت تستعيد توازنها.

🕊️ قيمة المعالج النفسي مش في المقابل المادي… قيمته في كل نفس رجعت تتنفس براحة، وكل عين رجع لها البريق.

✨ المعالج النفسي مش وظيفة… ده معنى ورسالة، فيها طبطبة، فيها احتواء، وفيها حياة بتقوم من جديد.

"أنا معالج نفسي… رسالتي أداوي النفوس، مش أجمع فلوس."

27/09/2025

عمرك حسّيت إن قلبك بيدق بسرعة من غير سبب؟
أو صدرك مضغوط ومش قادر تاخد نفسك؟
أو دماغك مش بترحمك من التفكير والقلق طول اليوم؟

اللي بيعيش القلق عارف إنه مش مجرد "توتر عادي"، ده وجع داخلي بيأثر على كل حاجة: النوم، الشغل، العلاقات، وحتى أبسط تفاصيل اليوم.

اضطراب القلق ليه علاج، ومش لازم يفضل مسيطر على حياتك.
من خلال جلسات العلاج المعرفي السلوكي (CBT) هتتعلم:

✅ إزاي تتحكم في أفكارك المقلقة
✅ تمارين عملية للهدوء والسيطرة على التوتر
✅ تعيش يومك من غير خوف يوقفك

💙 مهما كان القلق واخد من طاقتك… فيه طريق للراحة، وفيه أمل ترجع تلاقي نفسك وتعيش حياتك بسلام 🌱✨

Address

Zagazig

Website

facebook.com

Alerts

Be the first to know and let us send you an email when إستشاري الصحة النفسية - Dr/Somaia tarik posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to إستشاري الصحة النفسية - Dr/Somaia tarik:

Shortcuts

Want your practice to be the top-listed Clinic in Zagazig?