https://www.facebook.com/103536934738063/

ZMRS - Zagazig Medical Research Society, Zagazig (2025)

27/10/2022

الحمد لله تم قبول بحث جديد لفريقنا بعنوان:
"Dose-dependent Efficacy and Safety of Licogliflozin on Obese Adults: A systematic Review and Meta-analysis of Randomized Controlled Trials"

تم قبولها للنشر في مجلة:
Diabetes & Metabolic Syndrome: Clinical Research & Reviews.

https://doi.org/10.1016/j.dsx.2022.102657

شكراً لكل المشاركين من اعضاء فريقنا البحثى ZMRS على مجهودهم المتواصل ومبروك لجميع أعضاء البحث :
Alaa Mohamed Zaki, Dina Essam Abo-Elnour, Yomna Emad Abdalla, Rehab Yosri Hassan, Moaz Khaled Salama, Toka Elboraay, Ibrahim Abdelmonaem Abdelhaleem.

ولسه مكملين ان شاء الله ❤️

27/10/2022

بحث جديد لفريقنا بعنوان :

"The effects of acupressure on postoperative nausea and vomiting among patients undergoing laparoscopic surgery: A meta-analysis of randomized controlled trials."

تم قبولها للنشر ف مجلة:
Explore: the journal of science & healing.

https://doi.org/10.1016/j.explore.2022.10.015

شكرا لكل المشاركين من اعضاء ZMRS علي مجهودكم و مبروك لجميع أعضاء البحث:
Hazem salama, Esraa Elsayed, Aml Brakat, khaled Abuelkhair, Mohamed Hussein, Sara Saber, Ibraheem Abdelhaleem.

و لسه مكملين ان شاء الله 🤍

18/10/2022

Partnership is Power 💥

TAKWEEN
▫️ منظمة تطوعية مهمتها تقليل الفجوة بين سوق العمل والدراسة الأكاديمية.

▫️ بتقدملك Online Sessions في جميع التخصصات الخاصة بسوق العمل وبرامج تخصصية كاملة تحت إشراف محاضرين متميزين في جميع المجالات.

▫️ تدريب خاص لتأهيل الشباب لسوق العمل من سن 25:18 سنة.

مستني ايه يلا انتهز الفرصه 🏃🏻‍♀️
https://www.facebook.com/TakweenZagazig

17/10/2022

Partnership is Power ✨

سنتر سما ومكتبة زاد ZAD Zagazig
▫️ طباعة جميع الكتب الجامعية بأعلى جودة ، طباعة ليزر وألوان وخدمات التصوير.

▫️ إعداد وتنسيق الرسائل العلمية ، خدمات البحث على الإنترنت ، خدمات الدعاية والإعلان وخدمات التصميم Graphic design.

🌟 Special offers and discounts for ZMRS members (all previous waves included).

مكتبة زاد
https://www.facebook.com/ZadZagazig

سنتر سما
https://www.facebook.com/profile.php?id=100063909226286

13/10/2022

Partnership is Power ✨

تأهيل Ta'hel
▫️اسم على مسمى بيأهل الطلبة ويحولهم لرواد أعمال قادرين يثبتوا جدارتهم في سوق العمل

▫️بيساعدك تقوي شخصيك و تعمل بريزنتيشن قدام اي عدد و ينمي جواك روح القائد

▫️بيساعدك تعمل CV الخاص بيك

▫️ بيساعدك كمان ازاي تلاقي شغل و يكون ليك بروفايل على اكبر منصة توظيف LinkedIn

✔️ مستني ايه متضيعش الفرصه
https://www.facebook.com/Taheel2018/

05/10/2022

جاي من الكلية مفرهد و تعبان و مش طايق نفسك كالعادة و هووووب حدفت نفسك ع السرير و قولت تنام شوية تقوم علي دقة تليفون من صديقك الصدوق (سيد) و سيد من عاشقي الكورة في مصر .. من صغره و هو بيعشق الكورة و كان بيهرب من المدرسة عشان يلعب كورة و كان عاااااااشق جداً للكابتن أبو تريكة و كان بيحط صوره في كل أركان الأوضة و مشتري كورة مستوردة كدا حلوة عشان حجوزات الكورة ...
يقوم سيد يتصل بيا و يقولي " أنزل حالاً عندنا حجز كورة دلوقتى"
"دلوقتي دلوقتي يا سيد؟" " أه دلوقتى"
و تقوم سيادتك تقوم تغسل وشك المكرمش و تأكل أي حاجة و تلبس لبس الكورة بعد ما غسلته من المباراة العنيفة بتاعت امبارح و تنزل للملعب الخماسي و تلتقي بصديقك (سيد) اللي لسه خارج من إصابة قوية في الركبة و طلع منها من أسبوع و قومتوا سلمتوا علي بعض و بتستعدوا لنزول الملعب تقوم تلاقي سيد مطلع حبوب كدا
"أيه دا يا سيد؟"
"لا يا راجل مفيش حاجة دا ترامادول بس"
"أيه يسطا؟"
"ترامادول ياعم"
"انت مش لسه خارج من المستشفي و رجلك بقت تمام أيه لازمتها الترامادول بقي؟"
"ماهو يسطا بيخلي أدائي حلو في الملعب الصراحة و مبقتش عارف أستغني عنه"
"في أيه ياعم دا مسكن للألم يعني مش حوار"
"طب أنت عارف مسكن الألم دا أليات تشغيله ايه في الجسم ولا بتقولها جدعنة منك كدا؟"
"ايه آليات دي؟"
"بعيداً عن السؤال دا يا سيد أنا هقولك... الترامادول يا سيد هو مسكن آلام قوي جداً بيستخدموه لما ميلاقوش رجاء من مسكنات الآلم التانية اللي أي حد بيستخدمها لأنه ببساطة شديدة بيلعب في مراكز الألم اللي موجودة في مخك و الحبل الشوكي"
"طب أهو ياعم أديك قولتها بلسانك اهو بيسكن الآلم مكبر الموضوع ليه بقي؟"
"هو أنت يلا سايب ماسك في النص اللي عايزه و فاكر أن الكلام خلص ؟! الترامادول زي ماهو مفيد لحالات فهو بردو مضر و أضراره أكتر من فوايده ... الترامادول ممكن بسبب سوء أستخدامه ممكن يسببلك تشنجات و نوبة صرع مع أستخدامك المستمر له وقت طويل و كمان لو عندك مشكلة في جهازك التنفسي هيزودهالك أو لو بتتعاطاه مع محفزات تانية"
"أنت أوفر أوي يسطا ... ما كل لعيبة الكورة بتاخده دانا سمعت أن 90% من لعيبة الكورة في مصر بياخدوه قبل ما يلعبوا يعني و زيها دراسة عملها الأتحاد الدولي لكورة القدم بتقول أن في مونديال 2010 كان تلت لاعيبة البطولة مدمنين ترامادول و أشهرهم فريق الترسانة لما عرفوا أن في 6 لاعيبة أخدوا ترامادول بردو"
طبعاً سيد هيتعبني معاه أنا عارف بس لازم أواجهه بالأمثلة
"تعرف عمرو زكي يا سيد؟"
"اه الراجل اللي بيلعب في الزمالك دا ماله؟"
"متعرفش أن جاله جاله هبوط حاد في الدورة الدموية؟"
"يا ساتر يارب ليه؟!"
"لأنه كان فاكر زيك كدا الحياة زي السكينة في الحلاوة و أستمر ياخد ترامادول حتي بعد ما خف من إصابته في ركبته لغاية ما خد معاها محفز الفياجرا و حصله اللي حصل دا"
" لا إله الإ الله هو للدرجادي خطير؟"
"أومال أنا بقولك أيه ياابني من الصبح؟ و عشان كدا في وكالة عالمية كبيرة أسمها WADA أصدرت قرارها بحذر تناول اللاعبين للترامادول بداية من 2024 ... لعب الكورة مش مستاهل أنك تضيع نفسك و تضيع حياتك عشان تعرف تجري أو تعرف تتجنب أي وجع يجيلك .. ربنا سبحانه و تعالي خلقك عشان ينبهك بمراكز الألم دي و أنت تيجي بكل تناحة تبطلها عشان تعرف تجري و أنت مرتاح؟! ... صدقني يسطا كتير أوي دخل الطريق دا و خسر سواء خسر حياته أو خسر وظيفته أو خسر أهله و متبقاش ليهم غير الدعاء لربنا أنه يرجعهم تاني زي الأول قبل ما يكونوا مدمنين ... و أفتكر دايماً أن صحتك النفسية و البدنية أهم مليون مرة من جول هتسجله في شبكة أي فريق"
"عندك حق، طب و بعدين يسطا أعمل ايه"
"ولا حاجة هتروح لدكتور و هيكتبلك علي دواء يعكس تأثيره و يعالجك من الإدمان دا ... المهم أنك لحقت نفسك بدري"
"ماشي يسطا ... طب مش يلا نلعب؟"
"يلا ياعم دانا دافع 30 جنيه مش عايزهم يضيعوا أونطة كدا"

"عندما تفقد الثروة فلا شيء يفقد، وعندما تفقد الصحة فبعض ما قد فقد، وعندما تفقد ذاتك فكل شيء قد فقد"

24/09/2022

في الفتره الاخيره في مصر ظهر حالات كتير لاطفال بيعانوا من مرض ضمور العضلات الشوكي والحالات كانت محتاجه تبرعات والا للاسف كان الاطفال دول ممكن يموتوا.فخلينا نعرف حاجات بسيطه عن مرض ضمور العضلات وليه هو ممكن يموت.

مرض ضمور العضلات هو عباره عن مرض وراثي بيأثر على الmotor neurons ودي الخلايا المسؤوله عن حركه العضلات عن طريق إرسال إشارات عصبيه ليها فتبدأ العضلات تتحرك .ولو الخلايا دي باظت العضلات مش هتتحرك وهيحصلها ضمور .ومن ضمن العضلات اللي ممكن يحصل فيها كده هي عضلات التنفس عشان كده المرض بيؤدي للوفاه لو الطفل مأخدش العلاج .

طب ازاي المرض بيبوظ العضلات دي ؟
المرض بيحصل نتيجه طفره في الجين SMN1 والجين ده. بيبصنع بروتين مسؤول عن صحه خلايا الmotor neurons
المرض نادر على مستوى العالم ولكن زي ما إحنا ملاحظين أنه كتير في مصر وده بسبب جواز القرايب المنتشر بحد كبير عندنا.

ايه اعراض المرض؟
المرض ليه اربع انواع اخطرهم النوع الأول وده بيبدأ عند الولاده واعراضه بتبدأ بصعوبه في البلع والرضاعة وعدوى تنفسيه متكرره ولو وصل لعضلات التنفس غالبا الطفل بيموت قبل سنتين
وفيه النوع التاني وده بيأثر اكتر على عضلات الطرف السفلي وعشان كده بيأثر على قدره الطفل على المشي وبيسبب شلل في الأطراف السفلية
النوع التالت والرابع أعراضهم اخف من اول نوعين وممكن الانسان يعيش بيهم طول حياته .

علاج المرض جذرياً تم توفيرة بواسطة شركة في سويسرا اسمها نوفارتيس وروش، بس دايما لما بنسمع عن المرض دا بنسمع عن تجميع التبرعات ودا لأن دواه Zolgensma بيوصل سعره ل 2.1 مليون دولار.
الدواء سعره الغالي جدا بيرجع لطريقة عمله وهي أنه بيعالج الطفرات المسببة للمرض او بمعنى ابسط بيشتغل على الجينات. الدوا بيحسن معدلات الحياة للأطفال وبيقلل معدل احتياجهم لأجهزة التنفس الصناعي.
للأسف معدل المرض مش قليل في الوطن العربي ومصر وكلنا حضرنا حملات التبرع اللي بدأت من فترة لأطفال ضمور العضلات الشوكي وأشهرهم الطفلة رقية، والتوأم علياء وفريدة.

وفي النهاية بنتمنى استمرار التبرعات بقوة، و بندعي بالشفاء والصحة لكل الاطفال.🤍

by: Alia Mohamed & Sarah A. ElReesh

18/09/2022

في يوم من تلك األيام الدراسية كما جرت العادة في أي جامعة خلقها ربنا و بعد رجوعك من المعركة قولت بقي ترفه عن نفسك شوية و
تحضرلك شوية فشار و ت توصي بالبيبسي بتاعك مع كيس الشيبسي اللي ب الجبنة و تعملك أحلي موفي نايت و يشاء القدر أنك تفتحلك فيلم
z war world لحد ما ييجي المشهد بتاع الفنان القدير Brad Pitt و هو جوا المعمل بعد ما حقن نفسه بالفيروس و وقف قدام
الزومبي و محصلوش حاجة.
هوب عقلك ميسيبكش في حالك و يبدأ أوفر ثينكينج الساعة 12 بعد منتصف الليل عن أنه ازااااااي يحقن
نفسه بالفيروس اللي هو المفروض ممكن يأذيه ؟!
دي نفس المعضلة العلمية اللي شافها المجتمع العلمي وقت ما خرج عليهم الدكتور "Jenner Edward "ب اللقاح لمرض الجدري .
مرض الجدري أو smallpox هو واحد من الأمراض الخبيثة اللي ظهرت في نهايات القرن الثامن عشر و بدايات القرن التاسع عشر
و تظهر الأعراض الأولى للإصابة بمرض الجدري بعد مرور مدة زمنية تتراوح بين 10 أيام و14 يوماً من إصابتك بالعدوى عادةً.
وخلال فترة الحضانة التي تتراوح مدتها بين 7 أيام و17 يوماُ.
و من أشهر أعراضه الحمي، الصداع و الشعور بالقئ و ظهور
ندبات علي الجلد .
كان ساعتها المرض دا منتشر بشكل مخيف في أوروبا ل درجة أن 3 من أصل 10 أفراد ممكن يعانوا منه و ممكن المعاناة دي تتحول
لوفاة نتيجة أعراضه الشديدة و دا علي حسب ال CDC
لحد ما في سنة 1796 راحت فلاحه بريطانية بترعي الأبقار أسمها Nelmes Sarah راحت لدكتور وقالتله أنا يا دكتور كنت مصابة
بجدري البقر وقتها بس متصابتش بجدري البشر لحد دلوقتى وهنا اللمبة نورت فوق رأس دكتور
إدوارد راح قالها ال دا إحنا نجرب بقي و نشوف بنفسنا الحوار دا...
قام الدكتور إدوارد قعد يدور لحد ما لقي أن في نوعين من جدري البقر واحد منهم شبيه بالجدري اللي بيجي للبشر قالك باااااااس أنا
خلاص كده لقيتها فراح قايل طب ليه ما نقتلش الفيروس بفيروس زيه؟ اللي هو ماشيين تحت حكمة عربية قديمة بتقول " لا يفل الحديد إلا
الحديد" راح جاب علطول طفل صغير عن ده 8 سنين اسمه جيمس فيبس .. المهم الولد دا أخد جدري البقر و حس بشوية حمي خفيفة راح
في يوليو عام 1796 خد إدوارد عينة من الجدري المميت و حقنها في الواد جيمس بردو و عمل الحوار دا و كرره 20 مرة تخيل؟!. بس هل العلماء يسكتوا؟ ال طبعاً بس يا سي دي و ساعتها بسبب الصدفة دي ظهرلنا أول تلقيح ضد ال smallpox في التاريخ
المجتمع البريطاني وقتها يقولك أيه ياعم دا أنت هتخلي دمنا كله بقري ياعم انت!! و الدكاترة ساعتها كانوا شايفين أن دا هيقلل من دخلهم
لإن الجدري ساعتها كان بيتعالج بطريقة تانية غير التلقيح و هي طريقة التجدير لكن وقتها بريطانيا مسكتتش و خلت التطعيم
إجباري و تغريم أي حد مش هيطعم إبنه بلقاح الجدري قبل بلوغه ال3 شهور. لحد عام 1801 تم تطعيم أكتر من 100,000طفل و
من هنا فتح الدكتور إدوار جينر الطريق لعلم المناعة في تطوير اللقاح دا و القضاء علي جدري البشر لغاية ما أعلنت منظمة الصحة
أنها قضت علي الجدري تماما في العالم كله عام 1980
بس السؤال هنا بقي هل في لقاحات تانية ممكن نكتشفها لبعض الفيروسات اللي لسه ليها وجود علي الأرض بنفس الطريقة اللي عالج بيها
إدوارد جينر وال لا؟
بس دا ميمنعش أن فيلم z war World حلو و ممكن الواحد بردو يتفرج عليه : D

BY: Mena maged & Yehia nabil

17/08/2022

Primary vs Secondary Research

بعد ما عرفنا فى البوستات إللى فاتت
What Is research?
Why research is important?
How to become a researcher?
النهاردة إن شاء الله هناقش إحدى تقسيمات أنواع الريسيرش واللى بتقسمه حسب مصدر الداتا إلى Primary Research & Secondary Research
وهنعرف الفرق بين الإتنين.

- Primary Research
ودا الباحث بيجمع فيه الداتا اللي هيشتغل عليها بنفسه مباشرة من المريض أو العينة المستهدفة بدلاً من الإعتماد على داتا تم تجميعها مسبقاً ودي بتبقى ميزه أن الداتا بتبقى جديدة و دقيقة والباحث بيركز على المعلومات إللى محتاجها.
الباحث بيعتمد فى تجميع الداتا على عدة وسائل زى الـ
Survey - Interview - Questionnaires - Focus group.
ولكن عيوب الابحاث الأولية إنها بتاخد فترة زمنية طويلة لتجميع الداتا بالإضافة إلى بعض المشاكل اللى بتواجه الباحثيين زى إن المرضى يقرروا ينسحبوا من الدراسة بالإضافة إلى إنها مكلفة.

- Secondary Research
ودا بيطلق عليه البحث المكتبي ودا لإن الباحث بيحصل على الداتا إللى محتاجها من أوراق علمية لدراسات تمت و نشرت مسبقاً مش من الأفراد اللى ضمن العينة بخلاف الأبحاث الأولية، يعنى الباحث بيتعامل مع الداتا اللى شخص غيره جمعها قبل كده.
ومن مميزات الأبحاث الثانوية إن بتتلاشى عيوب الأبحاث الأولية من حيث الوقت والتكلفة.
والأبحاث الثانوية بتشمل
Systematic Review:
عبارة عن تجميع مع نتائج دراسات أولية مختلفة واللي بيكون عددها كبير وصعب الاطلاع عليها كلها وبتقارنهم ببعض، وبتوفر للقارئ إجابة مجمعة قوية بدون تحيز وفي وبتأتى فى قمة التسلسل الهرمى للـ evidence وبيتم الإعتماد عليها فى وضع ال guidelines.

Meta-analysis:
هى عملية التحليل الإحصائى التى تتبع الـ Systematic Review
لتلخيص نتائج الدراسات المجمعة واللى بتناقش نقطة معينة لتقدير نتيجة أكثر دقة من الدراسات المنفردة.

إحنا فى ZMRS بنوفر فرصة
تعلم الـ Systematic Review & Meta-analysis
من A TO Z بشكل مجانى تماماً.

إن شاء الله هنكون جروب جديد لكل الناس اللى حابه تتعلم البحث العلمى وتشارك فى نشر الأبحاث قريباً.

stay tuned.

Zmrs Imedra
ZMRS - Zagazig Medical Research Society

16/08/2022

إزاي تبقي باحث وتشارك فى نشر الأبحاث العلمية؟

علشان تكتسب مهارات البحث العلمى يلزمك جزء من التعلم النظرى ويتبعه تطبيق عملى على اللى إتعلمته.

مصادر التعلم متاحه على اليوتيوب بالإضافة إلى وجود الكورسات المدفوعة إللى بتقدملك شرح مميز وفرصة للتطبيق والمشاركة فى الأبحاث وكذلك الكورسات المجانية على المنصات التعليمية المشهورة زي udemy أو Coursera المهم إنك تاخد المادة العلمية بطريقة organized
وتتطبق على اللى إتعلمته.

وإحنا فى ZMRS هدفنا زيادة الوعى بأهمية البحث العلمى وتعليم مهارات البحث العلمى بطريقة فعالة وتوفير فرص للمشاركة فى الابحاث علشان كده بنوفر ماتريالز تعليمية منظمة وتطبيق على كل المهارات إللى هتتعلمها وكمان فرصة للمشاركة فى الأبحاث لو انت شخص مجتهد ودا كله بشكل مجانى تماماً.

وإن شاء الله هنفتح التقديم للجروب الجديد قريب.
تابعونا علشان تعرفوا أكتر عن التيم..

Zmrs Imedra
ZMRS - Zagazig Medical Research Society

15/08/2022

- إيه أهمية البحث العلمى والمشاركة فى نشر الأبحاث ليا كطبيب سواء طالب أو خريج؟

أهمية البحث العلمى ظهرت بشكل ملحوظ فى فترة الوباء وكانت كل الدول موفرة ميزانيات كبيرة مخصصة للبحث العلمى وللعلماء.
وبقى مشاركتك فى الابحاث شىء ضرورى للـ CV بتاعك لو ناوى تعمل معادلة وتسافر دا غير إن فى دول زى أمريكا بتعرض عليك فرصة الإقامة الدائمة (Greencard) لو إنت باحث مميز وأبحاثك ذات جودة عالية و ضافت للعلم.

فبجانب إن نشرك للأبحاث إضافة قوية وضرورية للـ CV بتاعك إلا إنه هيخليك طبيب مميز وشاطر فى تخصصك و Updated بكل ال guidelines الجديدة وهتقدر توصل لأفضل قرار يفيد المريض بتاعك.

وبالإضافة إنه هينمى عند شغف المعرفة والبحث وتعلم أشياء جديدة .
ونحب نستشهد بكلام الإمام على بن أبى طالب:
فَفُزْ بِعِلْمٍ تِعِش حَيًّا بِه أَبَدا..النَّاسُ مَوتى وأَهلُ العِلمِ أَحْيَاءُ
فيكفيك إنك تكون شخص منتج للعلم ولست مستهلك.

Zmrs Imedra
ZMRS - Zagazig Medical Research Society

14/08/2022

إحنا بنقصد ايه بالبحث العلمي أو الـ Scientific Research ؟

ببساطه هو أي تجربة بتهدف انها تضيف معرفة جديدة أو تجاوب على تساؤل معين بطريقة ممنهجة وعلمية، البحث ممكن يتضمن اننا نجمع معلومات لأول مرة أو ننظم و نحلل داتا موجودة مسبقاً عشان نزود من فهمنا لموضوع أو مرض معين ونغطى ال gaps الموجودة فيه.

البحث العلمي هو طريقتنا عشان نفهم الأمراض،نقيس فعالية الأدوية وصولاً لأفضل Guidelines عشان نحسن من الرعاية اللي بنقدمها كعاملين في المجال الصحي.

لو حابب تعرف أكتر عن البحث العلمى وإزاى تكتسب مهارات الباحث تابعنا على البيدج والأكونت الخاص بينا.

Zmrs Imedra
ZMRS - Zagazig Medical Research Society

13/08/2022

الفترة اللى فاتت زاد الكلام عن البحث العلمي وأهميته واللى زادت بشكل كبير مؤخراً وبقى طلاب كتير عايزين يعرفوا يعنى إيه بحث علمى وإيه اللى ممكن يستفاده وإزاى يسلك طريق البحث العلمى وعلشان كده البوست هنناقش أهم 3 اسئلة بيخطروا على البال لما تذكر كلمة البحث العلمى.
ان شاء الله هنفتح التقديم للجروب الجديد قريب.

تابعونا علشان تعرفوا أكتر عن التيم.

Zmrs Imedra
ZMRS - Zagazig Medical Research Society

01/04/2022

كل سنة و حضراتكم طيبين يا دكاترة 🤍
رمضان كريم علينا كلنا و ربنا يتقبل منا و منكم صالح الاعمال🌙🤍

ان شاء الله هنرجع معاكم قريب وهنفتح recruitment جديد.
اي استفسار ابعتولنا و هنرد عليكم .

بالتوفيق لينا كلنا 🤍

01/04/2022

كل سنة و حضراتكم طيبين يا دكاترة 🤍
رمضان كريم علينا كلنا و ربنا يتقبل منا و منكم صالح الاعمال🌙🤍

ان شاء الله هنرجع معاكم قريب وهنفتح recruitment جديد .
اي استفسار ابعتولنا و هنرد عليكم.

بالتوفيق لينا كلنا 🤍

23/10/2021

الحمد لله تم قبول اول بحث للتيم بعنوان:
" Efficacy and Safety of Imeglimin in Patients with Type 2 Diabetes Mellitus: A Systematic Review and Meta analysis of Randomized Clinical Trials"
تم قبولها للنشر في مجله
Diabetes & Metabolic Syndrome: Clinical Research & Reviews.
Impact Score: 2.46 (Q2)

الف مبرووك لكل اعضاء البحث:
Ibrahim Abdeelmoneam, Nada Ismail, Hadeer Mohamed, Feras Alsabbagh, Ahmed Amer, and Mahmoud Ebada
ولسه مكملين ان شاء الله ❤️❤️

16/04/2021

وشك زي القمر ..😇

الجمله ممكن تبان اطراء لكنها في بعض الأحيان ممكن تدل على مرض خطير وهو (الكوشينج) أو وجه القمر .🌝

طيب ايه هو الكوشينج❓❗

🔺 هو مرض بيحصل نتيجه زياده افراز هرمون الكورتيزول في الدم نتيجة أو ممكن يحصل بسبب تناول الشخص كميات كبيره من ادويه الكورتيزون على فترات طويله.
طيب هل المرض ده خطير ❓❗

🔺 المرض بيسبب اعراض كتيره ومن ضمنها السمنه المفرطه ودهون حول الرقبه ودي أخطارها كتيره جدا واعراض تانيه زي الاكتئاب وارتفاع ضغط الدم وخطوط حمراء في الجلد (stretch marks) وحبوب في الوش غير أن الجلد بيبقى رفيع وسهل يحصل فيه كدمات ولو حصل جروح مبتلمش بسرعه وممكن الجروح دي تتلوث وتسبب مشاكل خطيره ،غير زياده العرضه للاصابه بمرض السكر وكسر العظام بسهوله .
غير انه في الستات بيسبب لخبطه في الدوره الشهريه وزياده في شعر الجسم
وفي الرجاله بيسبب فقدان الرغبه الجنسيه ونقص الخصوبه.

وبالنسبه للعلاج ❓❗
المرض خطير لكن هو من الأمراض اللي ليها علاج والعلاج بيبقى على حسب الحاله وتقييم الطبيب ليها ولكن كل ما كشفنا عن المرض اسرع كل ما كان افضل .
وطبعاً لازم نحذر الناس اللي بياخدوا ادويه من نفسهم خصوصا اللي فيها كورتيزون من خطوره الموضوع خصوصا انه ممكن يؤدي للإصابة بمرض زي الكوشينج
مع تمنياتنا للجميع بالصحه❣️

12/04/2021

كل عام وأنتم بخير رمضان مبارك عليكم جميعا. أعاده الله عليكم أعوام عديدة وأزمنة مديدة. أعادة الله علينا وعليكم بالخير❤️❤️

ZMRS - Zagazig Medical Research Society

27/10/2022

27/10/2022

18/10/2022

17/10/2022

13/10/2022

05/10/2022

24/09/2022

18/09/2022

17/08/2022

16/08/2022

15/08/2022

14/08/2022

13/08/2022

01/04/2022

01/04/2022

23/10/2021

16/04/2021

12/04/2021

Address

Website

Alerts

Contact The Practice

Shortcuts

Share

Category