عيادة د. امل الجوهري لطب الأطفال

عيادة د. امل الجوهري لطب الأطفال عيادة د امل الجوهرى
عيادة طفولة لطب الأطفال واستشارات الرضاعه الطبيعيه

🌹 استشاري طب الاطفال وحديثي الولادة
🌹 دكتوراه طب الاطفال كليه الطب ومستشفيات جامعه الزقازيق
🌹 استشاري دولي الرضاعه الطبيعيه
🌹 دبلومه الجمعيه الاوروبيه لامراض وزراعه الكلي في الاطفال

30/04/2026

دكتوره ابنى حاطط ايده فى الفم طول الوقت وعصبى ده ايه سببه 📌👇
كتير من الرضع بيمصوا أيديهم او صوابهم للأسباب التالية
١-تهدية النفس لو الطفل خايف
٢-من علامات الجوع المتوسطه 👶
٣-التعرف على الجسم واستكشافه 😌
٤-اثناء التسنين تهدية اللسه 😓
٥-علامه لتعب فى المعده زى الارتجاع الصامت ⛔️⛔️
طيب ازاى نشك انه ارتجاع صامت 📵
طفل الارتجاع الصامت مبيكونش عنده ترجيع واضح لمن عنده باقى الاعراض المزعجة للارتجاع وزياده حموضه المعده من 👇
زياده إفراز اللعاب وسيلان بالفم طول الوقت لان اللعاب قلوى بيهدى الطفل لما يبلعه مع العصبيه ورفض الرضاعه او النوم على الظهر وعدم انتظام النوم كل العلامات دى نخلينا نشك ان الطفل عنده ارتجاع صامت 👍👍✅
وقتها إعطاء علاج الارتجاع بيحسن كل الاعراض دى وبيرتاح الطفل من الام الرضاعه وبيرجع لطبيعته 🙏
د امل الجوهرى
مدرس طب الأطفال واستشارى طب الاطفال وحديثى الولادة
#امهات #أطفال

الطفح الفيروسي المصاحب بارتفاع شديد فى درجة الحراره وعصبيه للطفل ورفض للأكل 🥲منتشر الفتره دى ومع تقلب الأحوال الجوية مجم...
17/04/2026

الطفح الفيروسي المصاحب بارتفاع شديد فى درجة الحراره وعصبيه للطفل ورفض للأكل 🥲
منتشر الفتره دى ومع تقلب الأحوال الجوية مجموعه من الالتهابات الفيروسية فى الاطفال منها فيرس coxsackie virus and Human herder virus 6
الفيروسات دى بتسبب ارتفاع بدرجه الحراره مع طفح بالجسم وممكن تعمل قرح بالحلق والام اثناء الرضاعه او البلع للطفل 👶😓
الحمد لله ان مضاعفاتهم نادره وعلاجهم بسيط مع التوجه للطبيب المختص لإعطاء الطفل العلاج المناسب وبفضل الله خلال أيام الحراره والطفح بيتحسنوا وشهيه الطفل بترجع الطبيعى ✅🙏
النصايح المهمة ان الطفل يشرب سوائل كويس او محلول جفاف لو رافض الاكل وإعطاء خوافض الحراره بانتظام حتى لو مفيش سخونيه لانها مهمه لتسكين الام الحلق ✅
ده احد الاطفال المتابع معانا عمره ١٠شهور قبل وبعد العلاج والتحسن الحمد لله 🙂🙏
د امل الجوهرى مدرس واستشارى طب الاطفال وحديثى الولاده

14/04/2026

ابنى رضيع و بينام وهو بيمص صباعه هل ده خطر ⚠️
نص الإبهام فى الرضع من النشاطات المتكرره اسبابها
١-الطفل يهدى نفسه ويساعدها على النوم
٢-الطفل بيستكشف جسمه
٣-الطفل بدأت عليه علامات الجوع 😅
طيب هل منها مشاكل 📌👇
الحقيقة مدام الطفل بيعملها قبل عمر سنه لسنتين عاده مبيكونش منها مشاكل على الأسنان لكن لو استمرت فوق كده ممكن تعمل اعوجاج بالأسنان الاماميه واختلاف بين الفكين ✅
نتخلص منها ازاى لو الطفل عدى سنه
اولا نحاول نلهى الطفل لما يعملها بدون زعيق او عقاب وممكن نديلوا مكافاه لو معملهاش كمان نحاول نحط على الأصبع بلاستر بالليل هيقلل المص وعاده بيتحسن لما يكبر 🙏
د امل الجوهرى
مدرس واستشارى طب الأطفال وحديثى الولادة
#أطفال

11/04/2026

نبدا الزبادى والبسكوت امتى الطفل اشهر سوال من الجدات والأمهات عن الاكل 😇✅
دخول البروتين ومنتجات الألبان من بعد الشهر السادس الوقت الأفضل ✅
ولنفكر ديما بدخول الأكل الغنى بالحديد زى الفراخ المسلوقة واللحم او الكبده المسلوقه لأكل الطفل مع الخضار المسلوق او الشوبة لان الطفل بيحتاج كميه حديد اكبر بعد ٦شهور ويقدر يكفيه الرضاعه فقط ✅✅😇
البسكوت ومنتجات القمح مسموحة كذلك انت بفضل ندخلها بعد الزبادى بأسبوعين زى البسكوت ولسان العصفور والمكرونه والعيش ✅🙏
المكسرات مسموحة من بعد السادس زى السودانى المطحون او السمسم ونجربهم علشان نطمن عدم وجود حساسية ✅
د امل الجوهرى مدرس واستشارى طب الأطفال وحديثى الولاده
#امهات #أطفال دخول_الزبادى

09/04/2026

دكتوره طفلى لسه مولود نايم طول الوقت هل ده طبيعى 👶📌✅
حديثى الولاده الفتره الطبيعيه للنوم بعد ولادتهم بتصل من ١٢-١٨ساعه فى اليوم علشان كده المهم نصحيه كل ٣ساعات يرضع 📌لان دوره النوم عنده لسه مستقرتش
وكل ما يكبر بيدا دوره النوم تستقر واللى بتتكون من ٤مراحل أساسية 👇📌
١-المرحلة الاولى نوم خفيف فى بدايه الدخول فى النوم
٢-المرحلة الثانيه Non Rapid eye movement sleep مرحلة اعمق من النوم الخفيف بيقل فيها النبض والنفس
٣-المرحلة الثالثه النوم العميق ودى بيكون فيها الطفل صعب نصحيه ودى مهمه لنمو المخ والنمو والتطور ✅
٤-المرحلة الرابعه rapid eye movement sleep مرحلة الأحلام ودى المرحلة اللى ممكن الطفل يطلع فيها أصوات او يضحك او يتحرك ومهمه لتطور المخ ✅🤱
فاى حركات بيعملها الطفل وهو نايم بتكون خلال المرحلة دى 👶📌
د امل الجوهرى
مدرس واستشارى طب الاطفال وحديثى الولادة
#امهات

05/04/2026

دكتوره ابنى عنده ٣شهور وجسمه كله بيطقطق كل ما احركة هل ده طبيعى 😅👶
الأطفال مفاصلهم عباره عن غضروف شبه قرقوشة الفراخ اللى بتلاقيها عند مفصل الفخذ والغضاريف طريه وزهره غير العظام
طيب فايدتها ايه 👇
١-اولا مهمة جدا لتكوين العظام اللى بتدى للطفل فرصه انه يكبر ويطول مع العمر
٢-انها رخوه بتتحمل الصدمات والخلطات اثناء نمو الطفل
فأثناء حركه الطفل تظهر الطقطقه من احتكاك الغضاريف او خروج جزيئات هواء بينهم اثناء الاحتكاك ✅
حاجه حميده مفيش منها اى مشاكل بتتحسن مع العمر ✅
وننصح أننا ندى فيتامين دال الجرعة الوقائية بانتظام 🙏
د امل الجوهرى
مدرس واستشارى طب الأطفال وحديثى الولادة
#امهات #أطفال

01/04/2026

طفح جلدى كثير الظهور فى حديثى الولادة شبه الحبوب الصغيره بينتشر فى كل جسم الطفل Erythema toxicum neonatorum
او الطفح الحمامى السمية الوليدية 📌
جالنا أهل خايفين على الطفل لما ظهر الطفح ده على ثالث يوم ولاده 🥲🤱
طيب ايه سببه
مفيش سبب معين أكيد لكن الأغلب هو رد فعل تحسسي لتغيير البيءة المحيطة بالطفل بعد الولادة ✅
امتى بيختفى وهل محتاج علاج ؟
بيتحسن خلال أسبوعين من الولاده ملوش علاج محدد يمكن وصف مرطب للجلد لان بيحصل تقشير فى الجلد فى نهاية الطفح ✅
امتى نقلق ونستشير الطبيب 👇
لو الطفح استمر اكثر من أسبوعين او حالة الطفل العامة ورضاعته فيها مشكله 👶🤝
د امل الجوهرى مدرس واستشاري طب الاطفال وحديثى الولادة
#امهات

30/03/2026

حساسية العين أعراضها ذادت مع التراب المصاحب لتغير الجو والعواصف أعراضها بتدايق الطفل والأهل من ورم فى العين وإفرازات وهرش فى العين وصعوبة فى الرويه بشكل واضح 🥲📌
افضل الحلول
٢-تجنب النزول وقت العواصف والتراب او الخروج قدر المستطاع
٣-نلبس الطفل نظاره شمس او نازل فى جو مش مستقر
٣-قطرات الحساسية المحتويه على مضاد للتحسس امنه 🙏
٤-كمادات ماء بارد على العين ✅
امتى نحتاج نروح لطبيب العيون او الاعراض بتسوء رغم العلاج او ملتحمه العين ورمت بشكل كبير او حصل احمرار فى الجفن وإفرازات أدت إلى إغلاق العين وصعوبة الروية 📌📌
د امل الجوهرى مدرس واستشاري طب الاطفال وحديثى الولادة
#امهات

20/03/2026

الأفضل فى حلويات العيد للأطفال اى نوع من المخبوزات 👇📌
البسكوت يعتبر خيار افضل لانه اخف فى مكوناته عن كحك العيد اللى فيه كميه سمن وسكر عالية ✅
لو الطفل اكل كميه كبيره من حلويات العيد ممكن يحصله toddler diarrhea او اسهال وتلبك نتيجة صعوبه هضم كميات الدهون والسكر العاليه لكنها بسيطه وبتتحسن خلال يومين من تقليل استهلاك الكحك والسكريات ✅🙏
ننصح ١-الاكل باعتدال فى حدود قطعتين ل٣فى اليوم
٢-الافضل إعطاء الطفال حلويات العيد بعد الوجبة بحيث يكون مش جعان 😋
٣-شرب الماء والسوائل الدافية والخضار بين الوجبات 🍪
كل عام وأنتم بخير 🥳
د امل الجوهرى مدرس واستشارى طب الأطفال وحديثى الولادة #امهات #أطفال

13/03/2026

دكتورة ابنى اتعض فى وشه وجابت دم 🩸 هل فى خطر ⛔️⛔️📌
عضة الطفل او عضة الإنسان ممن يحصل منها مشاكل واهمها
١-العدوى فى الجلد وتورم مكان العضة
٢-الم و كدمه فى الجلد ودى ممكن ندهن عليها جل ريباريل وبتتحسن
٣-اختراق الجلد ونزول دم وقتها لازم نطهر الجلد بماء جارى ومطهر زى الكحول او البتادين ونخليها مكشوفه وممكن تحتاج مضاد حيوى لو حصل عدوى✅
٤-هل بنحتاج تطعيم التتنس عاده لا لان معظم الاطفال بيكونوا اخدين التطعيم اجبارى ممكن نحتاج جرعة منشطه لو العضة عميقة او الطفل عدى على التطعيم بتاعه ٥سنوات من تطعيم التتنس الاجبارى اللى بيتاخد عند ٢،٤،٦شهور من العمر ✅👍
طيب ليه بعض الاطفال بتعض 👇😅⛔️
١-اثناء التسنين📌
٢-تعبير عن الغضب والاستياء من شخص او موقف
٣-عايز يجزب الانتباه
نقدر نتعامل ازاى فى الموقف ده
نهدى الطفل اللى اتعض ونعتذرله وننظف العضة ونرجع للطفل اللى عضة نوضح رفض واضح للفعل ونبدا نعرف هو ليه عمل كده ونصلح السبب قدر المستطاع ✅
د امل الجوهرى مدرس واستشاري طب الاطفال وحديثى الولادة
#امهات

08/03/2026

3انواع حلويات لطفلك من ياميش رمضان 🌙
د امل الجوهرى مدرس طب الأطفال وحديثى الولادة
#امهات #أطفال

28/02/2026

دكتوره ابنى عنده سنة ولسه مزحفش او بيرجع بالمقعدة هل كده عنده مشكلة 📌🤔
الزحف فى الرضع اتشال من العلامات الأساسية للتطور الحركى للرضع لان الدراسات وجدت بعض الاطفال بيتخطوا الزحف للوقوف والمشي مباشرة ✅
الزحف ليه أنماط متعدده منها
١-الزحف العادى للأمام على الركبتين
٢-الزحف للأمام على القدمين والايدى زى العنكبوت
٣-الزحف للأمام على البطن
٤-الزحف على المقعده
كل الأنماط دى طبيعيه والزحف على المقعده عاده الطفل بياخد وقت على ما يمشي بدون اى مشاكل أخرى 🙏
لو طفلك نموه وتطوره طبيعى لا داعى للقلق ومدام الطفل بيقدر يوصل للألعاب او الحاجات اللى عايزها ده مطمئن ✅🙏
ازاى تساعد الطفل يزحف
١-وضع أمامه لعبة 🧸 او حاجة محببه يصل ليها عن بعد 📌
٢-وضعه على البطن ده بيحفزه
٣-التمثيل للحركة أمامه او نوريه طفل بيعمل الحركة ده بيساعده يقلدها 👍
د امل الجوهرى مدرس واستشاري طب الاطفال وحديثى الولادة
#امهات

Address

الزقازيق . القومية شارع طلبة عويضة برج المهنيين الدور الثالث (اسانسير) امام رنين فوق توته 2
Zagazig
44511

Telephone

+201282667593

Website

Alerts

Be the first to know and let us send you an email when عيادة د. امل الجوهري لطب الأطفال posts news and promotions. Your email address will not be used for any other purpose, and you can unsubscribe at any time.

Shortcuts

Share

Category