https://www.facebook.com/104022504302825/

دكتورة غادة عبدالمنعم - استشاري الحساسية والمناعة

Home
Egypt
Zagazig
دكتورة غادة عبدالمنعم - استشاري الحساسية والمناعة

Contact information, map and directions, contact form, opening hours, services, ratings, photos, videos and announcements from دكتورة غادة عبدالمنعم - استشاري الحساسية والمناعة, Allergist, Zagazig.

دكتور غادة عبد المنعم استشاري الحساسية والمناعة ومدرس بكلية الطب جامعة الزقازيق
Dr. Ghada Abdel Monem, Allergy and Immunology Consultant and Assistant Professor at the Faculty of Medicine, Zagazig University.

23/06/2025

ابنك بيحب الخوج والمانجا بس بتعمل له مشاكل⁉️

فاكهة الصيف مغرية للأطفال، بس مش كل طفل جسمه بيتقبلها.
في بعض الأطفال ممكن يظهر عليهم أعراض غريبة بعد أكل فواكه معينة زي:

▪️حكة حوالين الفم
▪️طفح جلدي
▪️تورم خفيف في الشفايف أو العين
▪️كحة أو نهجان بسيط

ده ممكن يكون حساسية من فاكهة معينة.🍓
وأشهر الفواكه اللي بتسبب ده:
الفراولة – المانجا – الكيوي – الخوخ – الأناناس – البطيخ

لو لاحظتي أي أعراض بعد أكل نوع معين، وقفيه فورًا وبلغي الدكتور.
وخلي بالك دايمًا لما تدخلي فاكهة جديدة لطفلك لأول مرة.

قولي لنا، إيه الفاكهة اللي أطفالك جسمهم ما استحملهاش؟
شاركينا تجربتك علشان كل أم تستفيد!💙

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

18/06/2025

لكل أهلنا في الصعيد وسوهاج وقنا والأقصر 🎊
استنونا يوم الالخميس 26 يونيو، في عيادات International clinic .
هيكون موجود معانا دكتورة غادة عبد المنعم، إستشاري الحساسية والمناعة، وأستاذ مساعد في كلية الطب بجامعة الزقازيق.🩻🩺
لعلاج حالات أمراض الحساسية والمناعة، هدفنا دايمًا تعزيز الوعي بأمراض المناعة، ومساعدة الناس يوصلوا لحياة صحية بعيد عن مضاعفات ومشاكل الحساسية.سؤالك لأهل التخصص دايمًا أقصر الطرق للوصول لحياة سليمة وصحية.💙

📍العنوان: ميدان الشبان بجوار كافيه بيسكا.
للحجز التواصل على رقم 📲: 01558178282
أو على رقم: 01099126044.

04/06/2025

كل سنة وأنتم بخير وعيد سعيد.😍
في عيد الأضحى، بنفكركم تاكلوا بحذر وتاخدوا بالكم من الأكلات اللي ممكن تسبب لكم حساسية.🙏🏻
عيدكم صحة وفرحة وسط أهلكم وحبايبكم. 💜

24/05/2025

ناس كتير بتخلط بين الحساسية والمناعة الذاتية، مع إن في فرق كبير جدًا بينهم‼️

▪️الحساسية: دي بتحصل لما جهاز المناعة يهاجم حاجات مش خطر أصلًا، زي:
التراب، الريحة، حبوب اللقاح، أكل معين...
-فالجسم يتعامل مع الحاجة دي كأنها عدو، وتظهر أعراض زي العطس، الكحة، طفح جلدي، أو ضيق تنفس.

▪️ المناعة الذاتية:
الجسم بدل ما يهاجم الميكروبات، يهاجم نفسه!
يعني يفتكر إن أعضاءه أو خلاياه "عدو" ويبدأ يهاجمها، وده بيسبب أمراض زي: الذئبة الحمراء، الروماتويد، السكر النوع الأول، وغيرها.

ببساطة:
الحساسية= رد فعل زيادة ضد حاجات خارجية.
المناعة الذاتية= هجوم داخلي على الجسم نفسه.

لو بتحس بأعراض غريبة أو متكررة، متستهونش وروح لدكتور متخصص يشوف حالتك صح.💙

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

21/05/2025

بتحب الأكل السريع؟ برجر، فراخ مقلية، بطاطس محمرة، وكمان مشروبات غازي جنبهم؟
كل ده شكله مغري وطعمه حلو، بس للأسف.. مش دايمًا كل حلو مفيد!🍔⚠️

خليني أقولك ليه الأكل السريع بيحارب مناعتك:

أول حاجة، الأكل ده مليان دهون مشبعة وسكريات▪️ كتير، وده بيضعف خلايا المناعة اللي بتحمي جسمك من الفيروسات والبكتيريا.

تاني حاجة، الأكل السريع بيقلل امتصاص الجسم▪️ للفيتامينات والمعادن المهمة زي فيتامين C، والزنك، والماغنسيوم.

كمان بيزود الالتهابات في الجسم، وده بيخلي المناعة▪️ مشغولة تحارب الالتهاب بدل ما تركز على حمايتك من الأمراض.

وعلشان كده، تلاقي اللي بياكل أكل سريع كتير دايمًا▪️ تعبان، مناعته ضعيفة، وبيحصله برد وأنفلونزا على طول.

يعني إيه الحل؟
مش بقولك بطل أكل سريع خالص، بس خليه على فترات بعيدة، وبلاش يبقى أسلوب حياة.
اهتم بأكلك يبقى متوازن، فيه خضار وفاكهة، وقلل السكر والدهون.. علشان مناعتك تبقى حصن ضد أي مرض.💜

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

19/05/2025

جسمك محتاج دعم علشان يقاوم أي دور برد أو تعب. وبدل ما نلجأ للأدوية أول ما نحس بوجع، فيه مشروبات بسيطة ممكن تعزز مناعتك بشكل طبيعي:

مية دافية بعصرة ليمون وشوية عسل:
مشروب سحري بيصحّي المناعة ويطرد السموم.

زنجبيل بليمون:
بيقلل الالتهابات ويدفي الجسم، خصوصًا في الجو البارد.

كركم بالحليب (الدهب السايح):
مضاد قوي للأكسدة وبيدّي الجسم طاقة وحيوية.

مشروب القرفة بالعسل:
بيقوّي المناعة وبيقاوم البكتيريا والفيروسات.

عصير برتقان فريش:
مليان فيتامين C اللي بيحب المناعة جدًا!

خلي الحاجات دي عادة يومية، وهتحسي بالفرق في صحتك ومناعتك.🩷

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

17/05/2025

عارفين الجملة اللي دايمًا بنسمعها: "هاتلي حاجة سريعة من بره"؟🍔
للأسف، السريع ده بييجي على صحتنا بسرعة كمان!

▪️الأكلات اللي مليانة دهون مشبعة ومقليات كتير مش بس بتزوّد الوزن، دي كمان بتأثر على مناعتنا.
ليه؟

▪️الدهون الكتير بتعمل التهابات مزمنة في الجسم، وده بيخلي المناعة تشتغل بشكل غلط أو أضعف.

▪️ممكن تزود من أعراض الحساسية وتخلي الجسم أكتر حساسية لأي حاجة حواليه.

▪️وكمان بتقلل من امتصاص الجسم للفيتامينات المهمة اللي بتحافظ على جهاز المناعة.

▪️يعني مش بس هتتعب معدتك، ده كمان جهازك المناعي هيكون مشغول في مقاومة أضرار الأكل بدل ما يحميك من الفيروسات والميكروبات!

اختاروا أكل صحي، متوازن، فيه خضار وفواكه، وقللوا من المقليات والأكلات السريعة... عشان صحتكم تستاهل.💙

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

14/05/2025

آه والله! خطير... علشان لما بينقص في الجسم ممكن يعمل مصايب وإحنا مش واخدين بالنا‼️

فيتامين D مش بس عشان العضم والأسنان، ده ليه دور مهم جدًا في جهاز المناعة. لما نسبته بتقل، الجسم بيبقى معرض أكتر لأي عدوى، وجهاز المناعة بيكسل ومبيشتغلش بكفاءة!

أعراض نقصه ممكن تكون:
▪️تعب وكسل من غير سبب.
▪️تساقط شعر.
▪️وجع في العضم والمفاصل.
▪️اكتئاب أو تقلب في المزاج.
▪️نزلات برد متكررة.
والكارثة إن معظمنا عنده نقص فيه ومش عارف!
وعلشان كده لازم كل شوية نتابع نسبته في الجسم وناخده من مصادره زي:
▫️التعرض للشمس وقت الضهر (بس بحذر).
▫️أكلات زي البيض، السمك، اللبن.
▫️ولو محتاجين، بناخده كمكمل غذائي بس تحت إشراف دكتور.

خلي بالك من صحتك... فيتامين D مش تفصيلة، ده عنصر أساسي للجسم!💙

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

07/05/2025

فيتامين D مهم جدًا، ونقصه ممكن يعمل مشاكل كتير للجسم‼️

30/04/2025

مع التقدم في العمر، جهاز المناعة بيبدأ يتغير بشكل ملحوظ، وده بيأثر على قدرة الجسم في محاربة الأمراض والعدوى. خلينا نتكلم بشكل علمي وبسيط عن إزاي التقدم في السن بيأثر على جهاز المناعة وإيه الحلول اللي ممكن تساعد في تحسين أدائه:

1️⃣ مع تقدم العمر، الجهاز المناعي بيقل كفاءة الجهاز المناعي، وده بيخلي كبار السن أكثر عرضة للإصابة بالعدوى والأمراض، زي الأنفلونزا والالتهاب الرئوي.

2️⃣ استجابة الجسم لأي عدوى أو لقاح بتكون أبطأ وأقل كفاءة، وده لأن عدد خلايا المناعة (زي الخلايا التائية والخلايا البائية) بينقص أو بيكون أقل نشاط.

3️⃣ مع التقدم في العمر، الجسم بيكون معرض لزيادة الالتهابات المزمنة (زي التهاب المفاصل)، وده لأن جهاز المناعة بيكون في حالة تحفز مستمر، وده ممكن يأثر على صحة الجسم بشكل عام.

4️⃣نخاع العظام، اللي هو المسؤول عن إنتاج خلايا الدم البيضاء، بيقل إنتاجه مع العمر، وده بيضعف استجابة الجسم لأي عدوى جديدة.

وإيه هي الحلول للحفاظ على المناعة مع التقدم في السن⁉️

▪️ تناول الأطعمة الغنية بالفيتامينات والمعادن، خصوصًا فيتامين C، فيتامين D، والزنك، اللي بيدعموا المناعة.
▪️ممارسة الرياضة بانتظام حتى لو كانت بسيطة زي المشي، الرياضة بتحفز جهاز المناعة وتحسن من وظائفه.
▪️النوم الكافي مهم جدًا لتجديد خلايا الجسم ودعم المناعة.
▪️التطعيمات السنوية زي لقاح الإنفلونزا، ده مهم جدًا لكبار السن لتقليل فرص الإصابة بالأمراض.
▪️التوتر المزمن بيأثر سلبًا على جهاز المناعة، فحاول دايمًا تسترخي وتعمل أنشطة تحبها.

الاهتمام بجهاز المناعة هو جزء مهم من الحفاظ على صحتنا كل ما كبرنا في السن، واتباع النصايح دي ممكن يحسن كتير من جودة الحياة ويقلل من خطر الإصابة بالأمراض.🛡🏋‍♀️

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

26/04/2025

شكاوي بنسمعها كتير الفترة دي عن مشاكل الجيوب الأنفية، خصوصًا من الأشخاص اللي بينزلوا الشارع كتير.
أنت عارف إن حساسية الجيوب الأنفية مش مجرد انسداد أنف؟ 😷
الأعراض بتاعتها ممكن تأثر على جودة حياتك، بداية من الصداع المستمر لحد الإرهاق والتعب.
طيب إيه اللي ممكن يسببها⁉️
الأتربة، حبوب اللقاح، حتى الروائح القوية، كل ده ممكن يكون سبب في تهيج الجيوب الأنفية.
◾️ وإيه الحل؟
-التشخيص السليم والعلاج المناسب من دكتور متخصص في الحساسية والمناعة هو اللي هيخلصك من الألم ده ويخليك تعيش يومك بشكل طبيعي.🩶

✅د. غادة عبد المنعم:
▪️استشاري الحساسية والمناعة.
▪️أستاذ مساعد بكلية الطب جامعة الزقازيق.
📍العنوان: الزقازيق - وسط البلد - أمام عمر أفندي ناصية عالم ماركت
📱01147670014

Address

Zagazig

Telephone

+201147670014

Website

facebook.com

Alerts

Be the first to know and let us send you an email when دكتورة غادة عبدالمنعم - استشاري الحساسية والمناعة posts news and promotions. Your email address will not be used for any other purpose, and you can unsubscribe at any time.