What are the opening hours?

Monday 12pm - 6pm Tuesday 12pm - 6pm Wednesday 12pm - 6pm Thursday 12pm - 6pm Saturday 12pm - 6pm Sunday 12pm - 6pm

https://www.facebook.com/105229592056126/

TRUST Center ترست سنتر, مدينة العبور/الحي الخامس عمارة ١٩ بلوك ١٦٠٨٠ بجوار مستشفي فريد حبيب, Zagazig (2026)

17/01/2023

معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
١-تشخيص جميع امراض الدواجن بأحدث الوسائل العلمية والمعملية الحديثة.
٢-احدث استراتيجيات العلاج .
٣-متابعة قطعان التسمين والبياض والأمهات.
٤-تصميم برامج التحصين وفقاً للخريطة الوبائية لكل منطقة في جمهورية مصر العربية.
٥-تقييم برامج التحصينات اثناء وبعد نهاية كل دورة تربية .
٦- تصميم برامج لتطهير العنابر وتقييمها قبل بداية الدورة .
المعامل : معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠

08/08/2022

ازاي تتعامل مع قطيع تسمين فيه انيميا وريو

كتير من كتاكيت التسمين من مصادر مختلفة بنعمله بي سي ار عمر يوم وبنلاقي فيه انيميا او ريو او الاتنين .
نتعامل ازاي ؟؟؟؟؟
طبعا مش كل الكتاكيت اللي اختبارها ايجابي معناها انها هتترمي او هتكون دورة فاشله .
مبدئيا لازم تبلغ شركة الامهات بالنتيجه وده عشان يكونوا معاك في الصورة بعد كده خلال الاسبوع الاول تجنب اي نوع من انواع الحقن وركز جداا مع الكتاكيت واعدم اي كتاكيت نموها ضعيف او الترييش بتاعها سئ او عليها اعراض الهزال .
بالخطوة دي انت بتقلل فرصة الانتقال بين القطيع بنسبه كبيره جداااا .
بنتابع وزنة الاسبوع الاول اذا حققت حتي ٨٥% من المستهدف ده بيكون خبر كويس وبنعمل بعض التعاملات الدوائيه اللي بتخلي القطيع يتغلب علي مشاكل سوء الامتصاص والتثبيط المناعي لغاية وزنة الاسبوع التاني ودي اذا حققت ٨٠ - ٩٠% من المستهدف نقدر نقول ان الدورة هتكمل علي خير وان شاء الله وزنة الاسبوع التالت تكون مطابقة للمستهدف من السلالة .
قلل جدا من اللقاحات الحيه وحاول تتجنب الحقن وزود من استخدام البروبيوتك مع برنامجنا العلاجي للحالات دي وان شاء الله دورة موفقة .
ملاحظة هامه :
اذا كانت وزنة الاسبوع الاول ٤٠- ٦٠ % من المستهدف متكملش الدورة.
للتواصل و مزيد من المعلومات
معامل ترست سنتر د.عبدالكريم المنصور
استاذ بكلية الطب البيطري جامعة الزقازيق
معمل العبور: الحي الخامس بجوار مستشفي فريد حبيب
معمل الزقازيق: ميدان الزراعه برج القضاه ١
معمل ابوكبير- الشرقيه امام البنك الزراعي
٠١٠٩٤٣٣٣١٢٧
٠١٢٨٤٩١٧٠٢٠

22/07/2022

خلي بالك من التحصينات الحيه بعد الاسبوع التاني في التسمين
من المشاكل المكرره جدااا في عنابر التسمين ظهور الاعراض التنفسية والنافق وضعف استهلاك العلف بعد التحصين الحي ( وخاصة تحصينات النيوكاسل ) في عمر من ١٥ الي ٢٠ يوم . ودائما تظهر المشكله بعد التحصين بيومين او ٣ ايام وللاسف ممكن تطول وتكون سبب في فشل الدورة .
من المتابعة والتحاليل كانت اغلب الاسباب ان القطيع كان ظاهريا سليم ومفيهوش اي اعراض ولكن كان مصاب بأحد الفيروسات ( انفلونزا H9 - ادينو فيروس - فيروس انيميا الطيور - فيروس الجمبورو اصابة غير ظاهرة ) وطبعا مع التحصين ولأسباب مناعيه لايتسع المجال لذكرها حاليا بيكون تأثير اللقاح الحي بالظبط كأن القطيع تعرض لاصابة حقليه .
طيب نعمل ايه؟؟؟؟؟
من التجارب الحقلية في اكتر من محافظة او قطاع من قطاعات الجمهورية كانت الحلول كالتالي :
اولا . يتم عمل تشخيص متقدم باستخدام تقنية البي سي ار للقطيع حتي وان كان ظاهريا سليم ولايتم التحصين الحي اذا كانت نتيجة التحليل ايجابيه لفيروس او اكتر من اللي تم ذكرهم سابقاً.
ثانيا. اذا لم يكن متاح عمل البي سي ار يمكن انهاء برنامج التحصين في اليوم ١٣ او ١٤ ولكن ده بيعتمد علي لقاحات المعمل اللي ممكن تغطي باقي الدورة .
ثالثا. استخدام انواع اللقاح ضد النيوكاسل والمصنفة انها غير ممرضه وان كان في بعض الاحيان بيحصل منها ردود افعال شديده .
لمزيد من الاستفسارات يمكن التواصل مع
مركز ترست سنتر
استاذ دكتور عبدالكريم المنصور
الزقازيق ميدان الزراعه- العبور الحي الخامس
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠

27/06/2022

في ترست سنتر
يتم عمل قياس للمناعات الاميه والذي يحدد علي أساسه مواعيد التحصينات وانواعها المختلفة
كما نقوم في معمل ترست سنتر بعمل اختبار حساسيه وعزل بكتيري لاختيار المضادات الحيويه وأدوية التحضين المناسبه للقطيع
معامل ترست سنتر
الاستاذ الدكتور عبدالكريم المنصور
استاذ بكلية الطب البيطري جامعة الزقازيق
مدينة العبور - مدينة الزقازيق
٠١٠٩٤٣٣٣١٢٧ - ٠١٢٨٤٩١٧٠٢٠

18/06/2022

ايه رأيكوا في دورة تسمين بتحصينة واحده ؟؟؟
اصبح من الواضح لدي كل مربيين التسمين ومما لا يدع مجال للشك ان اغلب المشاكل المرضيه التي تواجه مربي التسمين خلال الدورة مرتبطة باللقاحات الحيه وخاصة بعد الاسبوع التاني . و طبعا ده ليه تفسيرات علميه اصبحت مؤكده ومنها ان اغلب القطعان قد تكون مصابة بأحد الفيروسات التي تثبط الجهاز المناعي بدون اعراض حقليه واضحة وتظهر المشكله مع تداخل هذه الفيروسات مع اللقاحات الحيه .
عشان كده بعد دراسه وبحث وتجارب حقليه قدرنا نوصل لبرنامج لقاح خفيف جدااا وكافي جداااا ونتجنب فيه الاستخدام المفرط للقاحات الحيه وتأثيرها علي نجاح الدورة .
اللي محتاج تفاصيل اكتر ممكن يتواصل معانا من خلال الصفحة او ارقام التليفونات .
معامل ترست سنتر
أ. د. عبدالكريم المنصور
استاذ بكلية الطب البيطري جامعة الزقازيق
معمل العبور : الحي الخامس بجوار مستشفي فريد حبيب
معمل الزقازيق: ميدان الزراعة برج القضاة ١
لمزيد من المعلومات
٠١٠٩٤٣٣٣١٢٧
٠١٢٨٤٩١٧٠٢٠

30/05/2022

مصادر الكتاكيت وتأثيرها علي نجاح الدورة
بقينا دلوقتي متعودين نسمع ريو وادينو وانيميا طيور في الكتاكيت وكترت الخلافات بين اصحاب قطعان الامهات وبين المربيين واصبحت المعامل ومراكز التشخيص اللي بتثبت حق المربي وتظهر مساوئ الكتاكيت في مرمي نيران اصحاب قطعان الامهات الرديئه وتحول الامر لحرب وسب وقذف .
لازم الاول نعرف كلمتين :
قطيع الامهات مسؤل انه يوصل للمربي كتكوت خالي تماما من الاصابات الفيروسيه التي تنتقل عن طريق البيض ( انتقال رأسي من الام للكتكوت ) واللي منها الانيميا والادينو والريو علي سبيل المثال
وكماااان لازم يكون الكتكوت لو مش مصاب يكون معاه مناعات اميه تحميه علي الاقل ٣ اسابيع
طبعا كلامي ده مزعل اغلب منتجي الكتاكيت اللي بنشخص في مصادرهم الفيروسات دي ودايما بيكون الرد عباره عن انكار واحيانا سب وقذف علينا ودايما يطلب من المربي انه يعمل عينات في اماكن هما عارفين كويس جداااا انهم هياخدوا منهم نتيجة سلبيه لكن للاسف الموضوع ده بسرعه بيتكشف و حالة القطيع بتقول مين صح ومين غلط
عشان كده وبما اننا دائما بنسعي لما فيه الخير للجميع عايز اقول ٣ رسائل :
الرساله الاولي لاصحاب قطعان الامهات : ياريت تشوفوا التقصير فين وصلحوه وياريت نسمع كويس من اصحاب العلم والخبره ونعمل متابعة دوريه لحالة القطيع ومستوي المناعات فيه .
الرساله التانيه لمربيين التسمين : لما يوصلك الكتكوت وتعمل اختبارات وتلاقي فيها اصابات فيروسيه متقبلش ان حد يخدعك ويقنعك انك تمشي في الاتجاه اللي هو عايزه واللي هو عارف كويس انه هيجيبلك منه تقارير بتقول ان قطيعه هو احسن قطيع في الكوكب خليك متمسك بثقتك في المكان اللي انت اخترته يكون مرجعيه ليك. كمان لازم مربي التسمين يفهم يعني ايه تطهير ويطهر عنابره بطريقه علميه صحيحه يضمن من خلالها انه يستقبل الكتكوت في بيئه خاليه من مسببات الامراض وكذلك يفهم كويس طرق التربيه الحديثه اللي تساعده في بدايه صحيه للقطيع .
الرساله التالته للي بضيع حق المربي: اتق الله وبلاش تشتري خاطر اصحاب الامهات وتقول ( بلاش مشاكل مع حد ) واعرف ان دي شهاده هتسأل عليها امام الله .
واخيرا نسأل الله ان يهدينا جميعا لما فيه الخير .
معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠
معامل ترست سنتر د.عبدالكريم المنصور

13/05/2022

الشكل ده مزعل كل المربيين في مصر اخر كام سنه ..
السداده اللي موجوده في تفريعة القصبة الهوائيه واللي خلت اغلب المربيين يمشوا في اتجاه خاطئ في التشخيص وبالتالي برامج تحصين غلط وصلت المشكله دي لحد الكارثه .
سؤال الموضوع
الشكل ده لا يمكن يحدث الا بوجود فيروس من الاتي ذكرهم :
١- فيروس النيوكاسل
٢- فيروس الاي بي
٣- فيروس الانفلونزا H9
٤-فيروس الانفلونزا H5
٥- كل ما سبق
اللي يختار الاجابه الصحيحه يكون من حقه يعمل تحليل قياس مناعات للانفلونزا والنيوكاسل مجانا بأحد فروع ترست سنتر .
بعد ٥ ايام ان شاء الله هنوضح الاجابه الصحيحه ونحدد اللي فازوا معانا في التعليقات وطبعا هيكون فيه توضيح لاسباب الكارثه اللي حصلت في مزارعنا .

02/05/2022

نداء عاجل لمربيين البياض التجاري ( بيض المائده )
فراخك بشرت امتي ؟؟؟ وهل وصلت الذروة في معادها ؟؟؟ وعملت ذروة فعلا ولا وصلت ٨٠% بالعافيه ؟؟ طيب لو عملت ذروة وفي معادها استمرت معاك كام اسبوع ؟؟؟ ولما خلصت دورة الانتاج حسبت الفرخة جابت كام بيضة في السنة ؟؟؟
بتحصن لفيروس انخفاض البيض ؟؟؟ طيب امتي ؟؟
بتحصن لفيروس النيمو ؟؟ وامتي ؟؟
اتأكدت ان قطيعك في فترة التربيه متصابش بفيروس انيميا الطيور ؟؟؟
عملت قياس مناعات دوري كل ٥ اسابيع عشان تعرف التحصينات اللي اديتها عملت المناعات اللي المفروض تعملها ولا لأ؟؟؟
بتعلف علف محبب ولا ماش ؟؟؟ طيب حللت العلف واتأكدت من نسب البروتين والكالسيوم والفوسفور ؟؟؟
بتستخدم برنامج اضاءة يتناسب مع طول وقصر النهار ولا حسب الظروف ؟؟؟
بتستخدم الاضاءة البيضاء ولا الحمراء ؟؟؟
كل الاسئله دي هنجاوب عليها ونقول كل حاجة ممكن تأثر ازاي بس قبل كده عايز كل مربي يقدر يرد علي الاسئله دي يشارك معانا عشان نقدر نفيد بعض .
معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠

29/04/2022

مصدر العلف في دورة التسمين ممكن يكون سبب في نجاح الدورة او فشلها .
السموم الفطريه من اهم العوامل اللي ممكن تدمر جهاز المناعه وكمان تتسبب في فشل برنامج التحصين .
العلف اللي تركيبته مش متوازنه ونسبة البروتين والرطوبة والطاقة وباقي العناصر غير مطابقة و اقل من المطلوب بتسبب ضعف في النمو وعدم تجانس واكيد بتأثر علي الاستجابة المناعيه للتحصينات او حتي الاصابات الحقليه .
بعض الانواع بتكون معتمدة علي مركزات حيوانيه من مصادر رديئه زي مخلفات المجازر ودي طبعا بتخليك طول الدورة تعاني من مشاكل معويه في القطيع ده غير التأثير علي المناعة وقدرة الكبد والكليتين .
بعض الانواع بتستخدم زيوت رديئه من مصادر فاسدة وطبعا طول الدورة بتعاني من تأثير التزنخات علي الكبد والكليتين ومشاكل ضعف الاوزان والاستسقا.
طيب نعمل ايه ؟؟؟
اخواتنا المربيين اللي بيشتغلوا بالآجل ارجوك اما يكون العلف جيد او انك متشتغلش احسن مش معني انه آجل يبقي تاخد حاجة تخسرك .
بالنسبه للمشروعات الصغيرة والمتوسطة والكبيره ياريت كل عربية علف او تشغيلة علف داخله عندنا نعملها تحليل لنسبة السموم الفطريه وكذلك تحليل لنسب البروتين والطاقة والرطوبة والرماد .
لو قدرنا كلنا نعمل كده مش هيكون موجود في السوق الا العلف الجيد فقط .
معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ -٠١٢٨٤٩١٧٠٢٠
معامل ترست سنتر د.عبدالكريم المنصور

23/04/2022

قولنا نص فراخ مصر ماتت وقولنا الاسباب كتير اهمها نوع الكتكوت والفيروسات اللي جايه معاه والسموم الفطريه اللي في العلف .
البوست ده نتكلم عن الكتكوت لان فعلا فيه كتكوت يحميك وكتكوت يبكيك.
كتير من المزارع وخصوصا المحطات اللي بيبقي فيها اكتر من مصدر للكتاكيت عرفوا اهمية الكتكوت في الدورة دي .
تقريبا مفيش مزرعه في مصر عدت من غير اصابات فيروسيه ( نيوكاسل - انفلونزا بانواعها - اي بي ) سواء واحد منهم او اتنين واحيانا كلهم بس شوفنا الفرق واضح ان مصدر الكتكوت الخالي من الانيميا والادينو والريو كانت الامور بتمشي والنافق بيكون محتمل (يعني من ٨ - ١٠% ) وده كان مقبول واحيانا الدورة تبقي كسبانة مع الاسعار الحاليه للتسمين .
انما مع مصادر الكتكوت اللي كانت داخلة الدورة بفيروس الانيميا او الادينو او الريو او احيانا كلهم مع بعض دي كانت بتعمل معدلات نفوق خياليه وصلت احيانا ٦٠% والباقي من الفراخ فرز بيتباع بنص السعر المعلن .
طيب نعمل ايه ؟؟؟
ياريت حضرتك اول ما تستلم الكتاكيت تعملهم اختبارات بي سي ار للفيروسات التلاتة ( انيميا وادينو وريو) ولو لقيت انهم مصابين انصحك متكملش الدورة باي شكل.
وكمان لو البي سي ار سلبي ياريت تعملهم اختبارات الاليزا وتشوف هل الكتاكيت فيها مناعات اميه تحميها ولا لأ عشان في حالة عدم وجود مناعات اميه كافيه ممكن يتصابوا منك في المزرعه خلال الاسبوع الاول والتاني وبرضو هتبقي النتيجة تزعلنا كلنا .
البوست الجاي نتكلم عن تأثير السموم الفطريه
معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠
معامل ترست سنتر د.عبدالكريم المنصور

15/04/2022

نص فراخ مصر بتموت
نفس الاعراض والاسباب مختلفه
ياتري مين السبب ؟؟؟؟؟
اقرأ الكلمتين دول عشان نعرف مين السبب
لما تلاقي نص فراخك بتموت دور علي حاجة من دول
برنامج تحصينك صح ؟؟ ولا واخده من ع النت من حد غير متخصص؟
لو برنامج تحصينك صح ١٠٠% وبرضو نص فراخك ماتت يبقي عندك حاجة من دول
سموم فطريه عاليه جدااا في العلف دمرت الجهاز المناعي ولا كأنك حصنت .
كتكوت جايلك ومعاه فيروسات الانيميا والادينو يعني قطيعك طول الدورة من غير جهاز مناعي ولا استجابه مناعيه .
طيب ايه الحل ؟؟؟؟
الحل في البوست القادم ان شاء الله....
معامل ترست سنتر
الأستاذ الدكتور عبدالكريم المنصور
استاذ بكلية الطب البيطري جامعة الزقازيق
معمل العبور - معمل الزقازيق
للتواصل و حجز موعد
٠١٠٩٤٣٣٣١٢٧ - ٠١٢٨٤٩١٧٠٢٠
معامل ترست سنتر د.عبدالكريم المنصور

TRUST Center ترست سنتر

17/01/2023

08/08/2022

22/07/2022

27/06/2022

18/06/2022

30/05/2022

13/05/2022

02/05/2022

29/04/2022

23/04/2022

15/04/2022

Address

Opening Hours

Telephone

Website

Alerts

Shortcuts

Share

Category

Monday	12pm - 6pm
Tuesday	12pm - 6pm
Wednesday	12pm - 6pm
Thursday	12pm - 6pm
Saturday	12pm - 6pm
Sunday	12pm - 6pm