أخصائية إضطرابات اللغة والتخاطب-SP/Haidy Ashraf (2025)

16/08/2025

وماتوفيقي الا بالله ❤️
الحمد لله اراء اول محاضرة من كورس التخاطب❤️
ولسة التقيل جاي❤️❤️💪
متاح دخول للكورس للتفاصيل برايفت❤️

30/07/2025

السلام عليكم
ده محتوي الكورس التدريبي الي قولت عليه هيبقي ان شاء الله ٨ محاضرات + محاضرة مجانيه
اول ٥ مجاني ان شاء الله ❤️
طب لو الخمسة خلصوا؟ معني كده مفيش عروض!!
لا طبعا انتوا مش متعودين مني علي كده ❤️
كل اتنين صحاب هيبقي ليهم خصم والسعر اصلا بسيط❤️
طب ايه الي هضمن انك بعد ماتخلص الكورس هتكون عارفة؟؟
هتطلع من الكورس ملم بكمية معلومات كبيرة ليها علاقة باضطرابات اللغة والتخاطب وازاي تكون قادر تقييم الطفل وتحط خطه من الالف للياء وطبعا اخر الكورس فيه شهاده ❤️
وطبعا الي خضروا معايا ورش وكورسات قبل كده كل محاضرة بتبقي دسمة وتقيله❤️
الحق مكانك ❤️

المحاضر:
د/ هايدي اشرف
•باحثة ماجيستير بكلية علوم الاعاقة والتأهيل.
•حاصلة علي تمهيدي ماجيستير بقسم اضطرابات اللغة والتخاطب.
•حاصلة علي دبلوم خاص بقسم اضطرابات اللغة والتخاطب.
•اخصائية تقييم وتشخيص بالمعامل المتخصصة بكلية علوم الاعاقة والتأهيل.
•حاصلة علي بكالوريوس بقسم اضطرابات والتخاطب كلية علوم اعاقة.
•اخصائية تربية خاصة بمجمع عيادات التيسير بالزقازيق.
•اخصائية ومدربة ومحاضرة سابقة بأكاديمية حمزة.

للتواصل واتس❤️
012 81922384

13/07/2025

بعد نجاح الورش السابقه والاراء الايجابيه قررنا نقدملكم ورشة وافيه عن تعديل السلوك❤️
للحجز والتفاصيل التواصل برايفت❤️
لينك جروب الورشة:
https://chat.whatsapp.com/Kk7o6Db0BqD3Xo7R9VgGWH

11/04/2025

اختبار رسم الرجل بيتحسب منه العمر العقلي للطفل ونسبة ذكائة❤️

04/04/2025

بعد نجاح ورشة دراسة الحالة قررت عمل ورشة عن الافازيا مجانية❤️
لينك جروب الورشة:
https://chat.whatsapp.com/K2wsJH9cyPDI7zJq4OUKiS
لينك الجروب الاساسي:

https://chat.whatsapp.com/CqeHrEjZqBQL2X1UeQG7nL

10/02/2025

نظرا للاقبال علي ورشة دراسة الحالة ..سيتم اعادتها❤️
لو مهتم كومنت وهبعت لينك جروب الورشة❤️

26/01/2025

مجاااااناااااااا🚨🚨🚨
ورششششة اونلاين عن استماااارة دراسة الحالة ❤️
هنتعلم ازاي نتعامل مع ولي الامر اول مايجي..وايه المعلومات الي هتفدني في شغلي مع الحالة ...وازاي ناخد التاريخ التطوري للحالة...وازاي نعمل دراسة حالة خاصه بينا❤️
الي مهتم ينورنا في الجروب الخاص بالورشة❤️

23/01/2025

هنشرح شرح مبسط للتعزيز ❤️
التعزيز ده فنيه من فنيات تعديل السلوك والفنية دي ممكن نستخدمها واحنا بنعلم الطفل سلوك جديد او بنقوي سلوك موجود عنده بنعمله وممكن بنحد بيه سلوك سئ الطفل بيقوم بيه.

التعزيز ده نوعين:
١-تعزيز ايجابي : وده بنكافئ الطفل علي السلوك الايجابي الي قام بيه ..ممكن يبقي لفظي زي شاطر وممتاز ..ممكن معنوي ابتسملة او اسقفله وفيه انواع تانيه كتير.

اما التعزيز السلبي: انا بسحب من الطفل حاجه مبيحبهاش او بتضغط عليه وهنا لازم نفرق بين العقاب والتعزيز السلبي لان العقاب انا بقدم مثير منفر للطفل اما التعزيز السلبي انا بشيل حاجه بيكرهها ..زي مثلا ان الطفل لما يعمل سلوك ايجابي اخليه مثلا بدل مايحل ٤ صفحات واجب اخليهم ٣
-ده كان شرح بسيط لفنيه مهمه جدا من غنيات تعديل السلوك❤️
لينك جروب الواتس بيحصل فيه مناقشات علميه وبنستقبل عليه اسئلة❤️
https://chat.whatsapp.com/CqeHrEjZqBQL2X1UeQG7nL

20/09/2024

ملزمة مهمة جدا بنستخدمها في تأهيل اضطرابات النطق❤️
لايك وكومنت علي البوست وهتتبعت لحضرتك❤️
جمعة مباركة❤️

18/08/2023

👈🏻هنتكلم النهاردة عن التلعثم في ال DSM-5(2013*:

⭕الدليل التشخيصي والأحصائي الخامس قدم تعريف للتعلثم 👈🏻وهو:
*أ*-اضطراب في السلاسة الطبيعية وتوقيت الكلام مما يعتبر غير مناسب لعمر الفرد والمهارات اللغوية، ويستمر مع الزمن، ويتميز بالحدوث المتكرر والملاحظ لواحد او اكثر مما يلي:
1️⃣التكرار الصوتي اللفظي
2️⃣الاطالات الصوتيه للحروف الساكنة وكذلك الحروف العلة
3️⃣تكسير الكلمات (توقف مؤقت داخل الكلمة الواحدة)
4️⃣حظر مسموع او صامت (وقفات في سياق الحديث مملؤة او فارغة).
5️⃣الإطناب (استعمال بدائل الكلمات لتجنب الكلمات الإشكالية)
6️⃣تنتج الكلمات مع زيادة التوتر الجسدي.
7️⃣التكرار الاحادي لكلمة واحدة.

⚫بعد الرغي ده كلة الكلام ده معناة ايه ⁉️
الدليل بيقول ان التلعثم اضطراب في السلاسة الطبيعية للكلام يعني اللغة موجودة بس في مشكلة في تدفق الكلام وده طبعا بيبقي غير مناسب لعمر الفرد، طب هو لية حط حتة انه غير مناسب لعمر الفرد؟عشان في بداية النمو اللغوي احيانا بيحصل للاطفال تلعثم عشان مبيبقوش متمكنين من اللغة اوي لسه وبيروح لوحدة، كمان الدليل قال ممكن يحصل حاجة واحدة من دول او كذة حاجة بشرط انها تتكرر زي انه: 👈🏻يطول في صوت
👈🏻يكرر صوت او مقطع وبيبقي غالبا في بداية الكلمة
👈🏻يوقف في نص الكلمة زي (شو... كة)
👈🏻يوقف في وسط الكلام زي (انا اسمي.... محمد)
👈🏻يكرر كلمة احادية المقطع يعني فيها مقطع واحد زي (انا انا انا اسمي محمد)
👈🏻الكلام بيطلع منه مع لزمات زي( يغمض عينة جامد او يحرك ايده واو يخبط علي حاجة قدامة.. الخ)

*ب*-يسبب اضطراب القلق حول التحدث، أو يؤدي الي قيود علي التواصل الفعال، والمشاركة الاجتماعية، والأداء الأكاديمي أو المهني، بشكل فردي او في مجموعة.
⭕ بمعني ان الشخص الي عندة تلعثم بيبقي عنده قلق وخايف يتكلم ويخلية مش قادر يشارك اجتماعية زي مثلا انه يرفع ايدة يجاوب في الفصل وده طبعا بيأثر علي مستواة الدراسي وشغلة.
*ت*-بدء الاعراض يكون في فترة النمو المبكرة

*ث*-لا ينسب الاضطراب الي عجز حركي حسي كلامي، كما لايناسب الي سوء الانسياب المرتبط بمشكلات العصبية ( مثل سكتة الدماغية، والاورام والصدمات) او حالة طبية اخري، ولايفسر بأنة اضطراب ناتج عن مشكلات عقلية.

🤍

11/08/2023

👈🏻هنتكلم النهاردة عن اسباب التلعثم وعشان نعرف اسباب التلعثم لازم نعرف يعني ايه تلعثم.

- *مفهوم التلعثم*:هو اضطراب في ايقاع الكلام وطلاقتة، يتميز بالتوقف والتكرار او الاطالة في الاصوات او الحروف او الكلمات، وقد يأخذ شكلا تشنجيا في عملية تشكيل او تقويم الاصوات الحروف فتخرج بصعوبة ومجاهدة بالغة.

✍️طب ايه هي اسبابة؟؟؟
-مفيش سبب محدد لكن فية نظريات بتفسر ليه بيحصل.. هشرحها بأختصار🤝🤝

1️⃣النظريات الفسيولوجية: فيه مجموعه من العلماء قالوا بسبب ان فيه مشكلات في اللسان نفسة وفيه مجموعة قالوا بسبب ان فيه خلل في وظايف المخ نفسه.. او ان فيه شق من الشقين بتوع المخ مش بيتحكم في اللغة فده بيعمل خلل فيه مجموعة قالوا انها بتحصل بسبب الاختلافات في الفس
فيسيولوجية و الكميائية والحيوية بين العاديين والمتلعثمين ودي ممكن تحصل بسهوله بسبب الاثارة والانفعال والجهد العضلي والوهن او الضعف، فيه مجموعة بتقول ان فيه اساس جيني للمشكلة.

2️⃣النظريات النفسية:
فيه مجموعة بتقول ان سبب التلعثم هو التشخيص الوالدي يعني ايه؟يعني ان فيه اولياء امور عندهم معايير عالية للطلاقة في كلام الطفل وميعرفوش ان جميع الاطفال بيحصلهم عدم طلاقة اول مايبدأوا يتعلموا الكلام ونتيجة للقلق الي بيبقي فيه اولياء الامور ونقدهم للطفل والتصحيح الي بيصححوة لكلامهم بيخلي الطفل يتكلم بشكل غير سوي، او بيحصل بسبب حاجة اسمها الصراع الاقدام والاحجام ودي يعني ان الطفل المتلعثم بيبقي محتار بين انه يسكت او يتكلم.. فلما يكون الدافع بتاع انه يتحنب الكلام اكتر بيسكت ولما يكون الدافع الاقدام علي الكلام بيتكلم ولما يكون الدافعين متساويين بيتلعثم
3️⃣اما بقي نظريات التعلم زي :
✍️الاشراط الكلاسيكي: العالم بافلوف شاف ان لما يتزامن احد المثيرات مثل العقاب الذي يستثير استجابة مثل القلق مع موقف الكلام الذي لايستثير القلق، ولما يتكرر كذه مره فا فموقف الكلام هيثير القلق.
✍️الاشراط الاجرائي:
دي بتشوف ان التلعثم ممكن يزيد بالمعززات ويقل بالعقاب.
✍️نظرية العاملين:
النظرية دي بتشوف ان التلعثم ده بيحصل بسبب القلق المشروط كلاسيكيا اما لو غير كده فاهيبقي سلوك اجرائي .

#هايدي اشرف🤍

11/08/2023

Pdf حلو جدا هيفيدك انك تشتغل البرجماتية مع الطفل وتستخدمة مع اكتر من اعاقة❤️
تم في الكومنت وهبعت♥️

أخصائية إضطرابات اللغة والتخاطب-SP/Haidy Ashraf

16/08/2025

30/07/2025

13/07/2025

11/04/2025

04/04/2025

10/02/2025

26/01/2025

23/01/2025

20/09/2024

18/08/2023

11/08/2023

11/08/2023

Address

Telephone

Website

Alerts

Contact The Practice

Shortcuts

Share