11/09/2025
🔷️🔷️قصة قصيرة حدثت بالفعل🔷️🔷️
حالة من الحالات المتابعة معايا الحمل جالها وجع فى جرح القيصرية وتحجيرة متكررة فى بطنها والكلام ده كان بالليل وهى فى اخر الشهر التامن ومرضيتش تتصل عليا عشان متقلقنيش او تسببلى ازعاج( انا راضى بالازعاج والقلق😔)
اتصلت عليا الصبح يا دكتور فى وجع بيروح ويجى واخدت مسكنات والوجع مبيخفش
حضرتك هتطلعى عالمستشفى لان ده كدة ولادة
طب والبيبى يا دكتور ( خايفة على البيبى اكتر من نفسها ❤)
فقلتلهاالبيبى احتمال كبير يحتاج حضانة بس ما باليد حيلة 😔
طب نستنى يا دكتور؟؟
طبعا صوتها فى التليفون بيقول انها فى ولادة
اصريت انها تطلع عالمستشفى وانها متدخلش العمليات غير لما اروح اكشف عليها بنفسي🤰
اول ما شفتها وكشفت عليها وحطيت ايدى على جرح القيصرية قلتلها قيصرية فورا
جهزنا العمليات واستعنا بالله وبدانا القيصرية وطبعا زى ما اتوقعت جرح القيصرية القديم كله مفتوح وكيس الماية
طالعلنا من الجرح وبيقول انا اهو☺
ده طبعا حالة بنسميها انفجار فى جرح القيصرية😥😥
الحمد لله تم ولادة البنوتة (الانسة كارما )على خير🤩🤩
وبفضل الله تم خروج الحالة والبنوتة من المستشفى على خير من غير نقل دم او حتى نحتاح لحضانة🤲
👌 وجع فى جرح القيصرية او تحجيرة فى البطن مستمرة خصوصا فى الشهر التامن او التاسع متتردديش لحظة انك تتصلى بدكتورك او حتى تتوجهى لاقرب مستشفى عشان تطمنى على نفسك وتطمنى على البيبى
👈كل ما القرار بيتاخد بدرى كل ما بنتفادى حدوث مشاكل كتيرة للام او البيبى
💕💕كان لازم نوثق اللحظة ده وانا بأذن لكارما 💕💕
