19/01/2024
سؤال بقابله تقريباً يومياً كدكتور علاج طبيعي، خلينا نجاوب عليه..
أولاً: إجابة السؤال ده بدقة محتاج يكون جواب لحالة أو إصابة بعينها، لكن خلينا نحط معلومات تفيد الكل بخصوص السؤال..
ثانيا: عندي ليك أخبار سعيدة، ان أغلب الإصابات مش لازم توقف تمرينك بالكامل عشانها، بل على العكس انت ممكن تحصل فوايد في التعافي بتمرينك.. بس اتقل يا وحش خلينا نوضح ده قبل ما تروح تزوّد الإصابة😁
— ازاي تتمرن وانت مصاب بقى❗️❗️
اتمرن بس بعيد عن الجزء المصاب لو الإصابة في الرجل مرن -، الجزء العلوي والعكس، لو مصاب في دراع حتى ممكن تستمر في تمرين دراعك التاني وده هيحفز التعافي.👍
- اتمرن بحجم تدريبي وعدد مرات أقل.👍
- اتمرن في أنماط مختلفة مبتتسببش في زيادة الألم.👍
باقي أقول حاجة مهمة:
- أغلب الإصابات الرياضية سببها التحميل الزائد أو المفاجئ بعد توقف (overload) أو (overuse) ، وده ببساطة لما معدل وحجم تمرينك يفوق قدرة تعافي الأنسجة من التمرين، التهابات الأوتار مثال مشهور للقصة دي..تمرينك بحجم ومعدل أقل ،وزيادة تدريجية بطيئة أثناء الإصابة هو طريق لتقليل الإصابات المستقبلية لنفس السبب✅
- إن الكلام ده لا ينفي وجود حالات لازم معاها التوقف عن التمرين، وميعتبرش رخصة بدون تقييم لحالتك وإصابتك.✅
- إن ممكن تبعتلنا تسألنا لو بتعاني من إصابة وحابب تعرف ازاي تعالجها وترجع لتمرينك بصورة سليمة✅
