دكتور احمد غبن .Dr.Ahmed Ghabn

30/12/2025

محتاج أوضح دا لكل الأمهات .. امنعوا أولادكم عن مقاطع الريلز
الولاد مبقاش عندهم صبر يستقبلوا معلومة والله .. معندهمش صبر لشرح درس عندهم في المنهج
عايزين الملخص .. عايزين ينجزوا .. بيسألوا على الوقت هيخلص امتى رغم إن الحصة تفاعلية مش مملة
معندهمش صبر يتعاملوا معانا .. عايز كل حاجه بسرعة والكلام بسرعة ومفيش تفكير

الولاد في خطر حقيقي .. الحقوهم قبل ما يضيعوا أكتر من كده

13/12/2025

🤍🤍🤍

07/12/2025

المشاكل اللى من النوع ده مايعرفش يحلها غير الآباء 😎

01/12/2025

السلام عليكم ورحمة الله وبركاته
إن شاء الله نستأنف العمل فى العيادات بكره
الثلاثاء ان شاء الله
ف المواعيد الرسمية
عيادة ابوحماد من ١ ظهرا إلى ٥ مساءا
عيادة الصوه من ٥ ونص مساءا إلى ١٠ مساءا

Dr. Ahmed Ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ ظهرا إلى ٥ مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني
من ٥ و نص مساءا إلى ١٠ مساءا
📞‏‪0120 680 2937‬‏

26/11/2025

السلام عليكم

اليوم الأربعاء هيكون اخر يوم عمل ف العيادات هذا الأسبوع
والعياده اجازه من الغد يوم الخميس ١١/٢٧ إلى يوم الإثنين ١٢/١

و العوده ان شاء الله لبداية العمل فى العيادات يوم الثلاثاء ١٢/٢
فى نفس المواعيد

Dr. Ahmed Ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

21/11/2025

ابني بيتلعثم… هل ده طبيعي؟ وإمتى أقلق؟ 🗣️👶

في أطفال كتير في سن 2–5 سنوات بيبدأوا يتكلموا ويتلعثموا شوية…
زي إنه يكرر أول كلمة أو حرف كذا مرة:
“ما.. ما.. ما.. ماااااااااااااااما”
ده اسمه: تلعثم تطوري مؤقت – وغالبًا بيروح لوحده ✨

✅ طبيعي في السن ده؟ أيوه.
✅ نمنعه؟ لأ، بس نساعده من غير ما نعلّق.

⸻

📌 طيب إمتى نبدأ نقلق؟

لو حصل واحد أو أكتر من دول:
• التلعثم مستمر أكتر من 6 شهور
• التلعثم بيزيد بدل ما يقل
• الطفل بيظهر عليه توتر أو قلق وهو بيتكلم
• بيبدأ يتجنب الكلام أو يسكت لما يتلخبط
• في تاريخ عائلي (بابا أو ماما عندهم تلعثم)

⸻

💡نصائح مهمة للأم:

🔹 متقاطعهوش وهو بيتكلم
🔹 متكملهوش الجملة
🔹 بصي في عينه واديه وقت
🔹 اتكلمي بهدوء – هو بيقلدك
🔹 تجنبي التعليقات زي: “اتكلم صح” أو “قول بسرعة”

ولو حسيتي إن الطفل بيعاني نفسيًا أو التلعثم بيزيد:
➡️ الافضل نروح لأخصائي تخاطب (فيه جلسات فعالة ومريحة)

Dr. Ahmed Ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏

09/11/2025

متنزلوش العيال المدرسة وهما زعلانين،. مهما كانت الأسباب... قولولهم كلام حلو وهما رايحين المدرسة (هتوحشوني ... ربنا معاكوا ... حاولوا تنبسطوا ... هعملكوا الاكل الي بتحبوه ع الغدا ... بحبكوا اوي).
- متسمحوش إنهم يناموا بليل وهما زعلانين .... مهما كان السبب (لو الموضوع كبير أجلي المناقشة فيه لوقت مناسب)..
- متصحوش العيال علي خناق ... بالراحه فوقيهم وانتي بتضحكي (ضحكتك بتفتح لهم يومهم).
خليها دايماً (صباح الفل... صباح الجمال... ألفي أغنية وحطي أسمائهم وغنيها واضحكوا،، والعبوا...)
- استقبلوا الولاد وهما داخلين م المدرسة بالإبتسامة الحلوة... وحشتوني أوي أوي .... أهلا حبايبي..

- متذكريش للعيال وانتي مستعجلة وعايزة تقومي تعملي أي حاجة...( هتقلب خناقة )..
- خلصي اللي انتي عايزاه قبل ما يرجعوا... مش ذنبهم إنك مستعجلة فتزعقي علشان يخلصوا.... لا.. لا.. لا...

- شجعي وقدري مجهودهم وتعبهم ومش مهم الدرجات الاهم أنهم رجعوا بخير ...
~♡ الدراسة فترة ؛ وعلاقتك بيهم طول العمر

04/11/2025

مشروبات الطاقه خطر يهدد صحة أولادنا

25/10/2025

أن تنام محتضنا طفلك الصغير فتسمع أنفاسه بالقرب منك وتشمّ رائحته وتتأمل تفاصيله الدقيقة ، كيف يكون لهذا الكف أن يكون بهذا الحجم ؟ وهل يستطيع هذا الأنف التنفس حقا ؟ يالجمال هذا الوجه الصغير وتلك الوجنتين تود ان تلتهمهما لتنسى شقاوة النهار والجرى واللعب والتعب وأن تراه كالملاك مغمضا عينيه وملامحه البريئة فى سكون ، تعلم شعوره بالأمان فى وجودك بجانبه ، تشد عليه بذراعيك لتتلمس انت منه الأمان بقربه منك !
دامت الأطفال بريئة نقية لا تعرف سوى الحب 🤍

16/10/2025

21/09/2025

رددوا
"اللَّهُمَّ إِنِّي أَسْتَوْدِعُكَ أَوْلَادِي فِي مَكَانٍ غَابَتْ عَنْهُمْ عَيْنِي وَعَيْنُكَ لَمْ تَغِبْ فَاحْفَظْهُمْ بِحِفْظِكَ، وَارْعَهُمْ بِعَيْنِكَ الَّتِي لَا تَنَامُ. اللَّهُمَّ يَسِّرْ لَهُمْ كُلَّ عَسِيرٍ وَوَفِّقْهُمْ وَاجْعَلْ التَّوْفِيقَ حَلِيفَهُمْ إِنَّكَ عَلَى كُلِّ شَيْءٍ قَدِيرٌ. اللَّهُمَّ إِنِّي أَسْأَلُكَ أَنْ تُعَافِيَهُمْ فِي أَبْدَانِهِمْ وَأَسْمَاعِهِمْ وَأَبْصَارِهِمْ وَأَنْفُسِهِمْ وَجَوَارِحِهِمْ، وَاجْعَلْهُمْ مِنْ الْمُعَافَيْنَ مِنْ الْبَلَاءِ بِرَحْمَتِكَ يَا اللَّهُ".
اللهم امين 🌹🌹🌹

17/09/2025

اقتربت الدراسه كل عام وحضراتكم بخير
عايز اقول شوية حاجات لازم نكون مستعدين ليها وعاملين حسابها
اطفالنا كلهم نومهم ويومهم مقلوب لازم نبدأ نعودهم من اول الاسبوع القادم ع مواعيد المدرسه يناموا ويصحوا بدري علشان ميتعبوش نفسيا وجسديا فترة الدراسه
اهتمي بتقديم الوجبات المفيده الي بتحتوي ع الحديد لان الطفل الي عنده انيميا عنده ضعف تركيز 🛑
لو طفلك عنده انيميا لازم يتعالج منها ده اهم حاجه 👌
كلمي طفلك عن المدرسه بكل حب وأملي عقله وتركيزه طاقه ايجابيه خليه يستني المدرسه وهو فرحان ده هيأثر جدا ع المستوي الدراسي وهيملاه حيويه وطاقه
بلاش تقولي أن السنه دي صعبه وان المنهج مليان بلاش الطاقه السلبيه ده طفل وانتي كده بتضغطي عليه بطريقه سيئه جدا 🛑
بسطي الأمور وهوني عليه ❤️
اعمل كل الي عليكي وادعي ربنا يوفقه ويسدد خطاه
ومن جواكي لازم تكوني عارفه أن كل طفل له قدراته الخاصه بيه وان الشطاره مش بالعافيه احترمي قدرات طفلك وحبيها ونميها
بلاش مقارانات مبتعملش حاجه غير أنها بتدمر الحاله النفسيه وبتحبط الطفل وبتضعف قدراته فقط
الطفل السوي نفسيا طفل معاصر قادر يواجه ...
أعانكم الله وايانا ع تربيتهم ❤️
دمتم بخير وعافية 🌹🌹🌹

Dr. ahmed ghabn
استشاري طب الاطفال وحديثي الولادة

📌 محافظة الشرقيه_مركز أبوحماد _شارع بورسعيد اعلي كازيون من ١ظهرا ل٥مساءا
📞 ‏‪0101 689 6867‬‏

📌محافظة الشرقيه_مركز ابوحماد_قرية الصوه شارع المعهد الديني من ٥مساءا ل١٠مساءا
📞‏‪0120 680 2937‬‏