Iso Clinic

06/01/2024

السلام عليكم
ف ناس اوقات بتحس ب ألم ف المكان اللى ف صورة (١) و متكنش عارف السبب

السبب بيكون ان في عضلة ف المكان دا ضعفت ف بدأت تسببلك ألم وانت قاعد او وانت بتمشى كتير وأما تيجى تقف ع رجل واحدة مبتعرفش توازن نفسك وبتقع زى ما ف صورة (٢)

لازم تروح لدكتور علاج طبيعى يحللك المشكلة لأنك محتاج تقوى العضلات ف المنطقة دى

وبس كدا اتمنى تكون استفدت ❤️

05/01/2024

السلام عليكم 🤚
كتير مننا فجأة كدا بيحس ب ألم ف اماكن ف جسمه ومبيكونش عارف اى السبب هو الم بيظهر فجأة كدا

المشكلة هنا ممكن تكون ف العضلات طب اى اللى ممكن يكون حصل للعضلة يعنى؟؟!

السبب ممكن يكون حاجة اسمها trigger point دى بتكون عبارة عن كورة كدا صغيرة(كلكيعة) بتحسها اما بتحط ايدك على مكان الألم او حواليه كدا ودى بتظهر ف العضلات وهى بتكون سبب الألم والشد

طب دى علاجها اى؟؟! بكل بساطة انك تخلى حد يضغط ع الكورة دى لمدة دقيقة ع الاقل وخلى بالك هتحس ب ألم وحد بيضغطلك عليها دا عادى جدا وطبيعى وبرضو الشخص اللى بيضغط عليها هيحس الكورة دى بتهرب من تحت ايده دا عادى والمفروض يحافظ ان يضغط عليها وميخليهاش تهرب منه والضغط يكون متوسط يعنى مش يخليك تصوت من الألم يعنى

وشكلها تحت ف الصور

وبس كدا اتمنى تكون استفدت ❤️

15/12/2023

في البوست دا هنتكلم عن علامات موجودة بتأكدلك أنك عندك مقاومة أنسولين و دا الباب المفتوح لكل أمراض الباطنة
زي الضغط و السكر و كل أمراض القلب
أول علامة أن يكون عندك زوائد جلدية أو تصبغات في الرقبة
تاني حاجه أن يكون عندك سمنة في منطقة البطن وخاصة لو انت شخص رفيع
تعبان ومرهق حتي وانت لسه صاحي من النوم

12/12/2023

زي ما الكل شايف الفترة دي إن ناس كتير ب تتهافت انها تعمل حجامه وخاصة الرياضيين ومشاهير العالم .
هكلمكم ف البوست دا عن فوائد الحجامه و تأثيرها الكبير علي الجسم.
من اهمها ١_ تعزيز القدرة الجنسية وزيادة الخصوبة.
٢_إزالة السموم من الجسم، وخاصة المدخنين.
٣_إبراز الكتلة العضلية للرجال.
٤_تعزيز صحة الجهاز الهضمي.
٥_تعزيز صحة الجهاز المناعي.
٦_الوقاية من سرطان البروستاتا.
٧_تساعد علي التخلص من القلق والاكتئاب
٨_تخفيف الالم واسترخاء العضلات
٩_المساعدة علي علاج ضغط الدم المرتفع
١٠_ لها دور كبير في علاج الصداع وخاصة الصداع النصفي
١١_تقليل نسبه الكوليسترول الضار

# وأهم شيء انها من السُنة النبوية ودي حاجه تخليك تعملها وانت مغمض ومن غير خوف.

11/12/2023

السلام عليكم 🤚

ومعانا بوست جديد هنتكلم فيه عن سبب من أسباب طرقعة المفاصل وهو عدم التوازن في القوة أو ما يعرف في الطب ب اسم (muscle imbalance) .

ودا بيكون عبارة أن بعض العضلات ضعفت وفيه عضلات تانية قوية فتكون النتيجة عدم توازن في العضلات ودا طبعا يأثر بشكل سلبى على المفاصل اللى العضلات بتشتغل عليها ويحط حمل زيادة اوى ع المفاصل كمان يسبب طرقعة في المفصل كل اما تحرك المفصل بتاعك.

طيب دلوقتى لو الطرقعة من غير ألم يبقا انت محتاج تقوى العضلات اللى حوالين المفصل بتاعك.

طب افرض في ألم مع الطرقعة لا كدا انت محتاج تزور دكتور علاج طبيعى عشان يقيمك بشكل كامل ويشوف مشكلتك والألم اللي بتسببه

وبس كدا شكرا اتمنى تكون استفدت❤️

08/12/2023

السلام عليكم 🤚
النهاردة هنتكلم عن مشكلة بسيطة ولكن بنلاحظها ع ناس كتير وبتسبب مشاكل طبعا وبص ع صورة رقم (١) هتلاقى ان الرجل دايما طالعة لبرا وانتا واقف مكانك او وانتا بتتمشى طب دا ممكن يكون بسبب اى :

دا بيكون بشكل كبير بسبب شد ف مجموعة عضلات موجودة عند مفصل الفخد والشد دا بياخد الرجل لبرا ف بتكون بالمنظر اللى موجود ف صورة رقم (١)

طب افرض انا عاوز احل المشكلة دى اعمل اى ؟

عندنا طريقة بسيطة وهى اننا نعمل تمارين إطالة للعضلات اللى شادة دى عشان الرجل ترجع لمكانها الطبيعى وواحد من التمارين دى هتلاقية ف صورة رقم (٢) وتواظب ع التمرين دا ع الاقل ٣ مرات يوميا ولو المشكلة متحلتش لازم تستشير دكتور علاج طبيعى عشان يعمل عليك فحوصات اكتر ويحللك المشكلة وبس كدا

اتمنى تكون استفدت ❤️

21/11/2023