28/04/2025
▪️واحد سايب ابنه بيعيط 11 محطه في المترو لحد ماقلبه وجعه وما بقاش قادر يطلع صوت
▪️واحد نزل بقلم جامد علي وش بنته الصغيرة اللي ما كملتش 6 سنين عشان بتلعب في الكيس اللي قالها ما تلعبيش فيه
▪️واحده بتشرشح لبنتها اللي في ثانوية عامة قدام صحابها ومدرسها عشان نقصت درجة في الامتحان وخلت اللي واقف كله يتفرج عليها ماهو احنا مش هنصرف عليكي من غير ما نذلك ونخلي اللي مايشتري يتفرج
▪️واحده بتسلف بنتها القرش وهي بتمن عليها وتحكي قدام الناس دا انا بفك زنقة بنتي !!!
▪️واحده بتجري ورا ابنها في الشارع بتقوله هلسعك بالكبريت لحد ماعربية كانت هتشيله
▪️واحده بتلسع ابنها بمعلقة سخنه وبتشكه بدبوس اما يغلط !!
•• مش قد الخلفه ما تخلفوش
مش عارفين تربوا ما تخلفوش
زهقانين والعيشة زفت ما تخلفوش
وياريت اصلاً ما تتجوزوش
••• ولعوا في نفسكم وما تجيبوش اطفال يعيشوا في بؤس عالم ما بيرحمش وبؤس اهالي انتكست فطرتهم
ما تخلفوش كفايه مشوهين ومعوقين وكفاية اطفال بتتساق زي البهايم بالضرب والتهديد
•••• ارحموا نفسكم واطفالكم والمجتمع كله ومش معنى انك كنت سبب في ان طفل ييجي الدنيا انه ملكك ومن حقك تعمل اللي انت عايزه فيه !!!
••••• انت ربنا جعلك سبب وجوده عشان تحميه وتوجهه للصح مش عشان تذله وتعذبه لانك خلفته ومحدش يقدر يكلمك اصلك ابوه واصلك امه
•• وياريت اللي ييجي يتجوز يفكر ألف مرة هل الطرف التاني ده يصلح انه يكون أب او أم ولا هي هيصه وخلاص !!
