Dr Ali Al Rooby At kids Zone

11/06/2025

🦷 *التسنين عند الأطفال.. حقايق لازم تعرفيها!* 🦷

❌ *مفهوم خاطئ*
"التسنين بيعمل حرارة عالية و إسهال"

✅ *الحقيقة*
التسنين مالوش علاقة بالسخونية أو الإسهال. دي أعراض مرضية محتاجة كشف… علشان ممكن يكون فيه سبب تاني!

🍼 *إيه أعراض التسنين بقى؟*
🔸 زيادة اللعاب (البيبى بيريل كتير)
🔸 عض إيده وأي حاجة حواليه
🔸 بكاء وعصبية من غير سبب
🔸 نومه قليل ومتقلب
🔸 احمرار اللثة وتورم بسيط
🔸 فقدان بسيط في الشهية

💡لو الحرارة عدت ٣٨.٥° أو فيه إسهال شديد أو رفض أكل تام 👈🏻 لازم كشف فورًا.

🦷 *حافظي على صحة صغيرك، واطمني عليه دايمًا معانا*
* * * *

08/06/2025

كل عام وانتم بخير


@أبرز المعجبين

خلي بالك من أول تعليق
👇🏻👇🏻👇🏻👇🏻

03/06/2025

حالات النزلات المعويه عنيفه جداً الايام دي بلاش بطيخ ولا خوخ اليومين دول افضل من فضلكم

01/06/2025

🦷 أسنان طفلك محتاجة رعاية من بدري !
من أول ما سنة صغيرة تطلع،
استخدمي فرشة أطفال بالماء بدون.
نظفي أسنانه مرتين في اليوم…
عشان تحميه من التسوس ووجع الأسنان 👶🪥✨

29/05/2025

🌀 * #الجُدري_المائي*🌀
*( Chicken pox )*
*منتشر جداً اليومين دول*

✍️ عدوى فيروسية بتنتقل عن طريق التلامس و رذاذ الفم و بيتميز بظهور فقاقيع مائية أولا في البطن و يليها الظهر و بعدين تنتشر في الجسم كله و لا يشترط إرتفاع درجة الحرارة 🤢

👈 الطفل بيفضل معدي للمحيطين بيه من أول ظهور الفقاقيع المائية لغاية ما تِنشف و تبقى لونها بني و تقشر ... و بالتالي👈 يفَضل إننا نِعزل الطفل في الفترة دي و يكون ليه أغراضه الخاصة للأكل و الشرب و النظافة 😷

👈 يُعتبر الجدري المائي من الأمراض المشهورة جداً في الأطفال ....لذلك
لازم نوضح شوية نُقط مُهمة كالٱتي :-

1️⃣ الجُدري المائي ليه تطعيم و بيتاخد في عُمر ١٢ شهر إلى ١٥ شهر و ليه جُرعة تنشيطية عِند عُمر ٤ سنوات إلى ٦ سنوات و بيعطي مناعة طول العُمر .👌👌

2️⃣ مُمكن نِحَمي الطفل ( نغسل جِسمه ) عادي وقت العدوى ... .... أيوه ممكن يستحموا عادي و دا مش هاينشر العدوى و لا حاجة بالعكس بيقلل من الٱحساس بالألم و الحكة بس لازم :- 👇👇👇

نستخدم ماء فاتر ( مش ساخن و لا بارد ) ...
و لا تزيد فترة الإستحمام عن ١٥ : ٢٠ دقيقة ...
و نخللي بالنا إن التجفيف يكون بالطبطبه و مش بالطريقة العادية علشان نتفادى جَرح الفقاقيع لإن دا بيسبب علامة مستديمة في جلد الطفل 🙁🙁 ....
و لنفس السبب لازم نراعي إن أظافر الطفل تكون دائما مقصوصة ⁦🧐

3️⃣ لازم نقدم للطفل السوائل في صورة ماء أو حليب أو عصائر أو شوربة طول اليوم علشان نحافظ على جسمه رطب و كمان نقلل نوبات إرتفاع درجة الحرارة😨

4️⃣ الأدوية اللي بنستخدمها مع الجدري المائي طبعا بوصف الطبيب زي مضادات الهيستامين علشان نقلل الحكة .... و المرطبات و بنحطه على مناطق الإصابة فقط و ممكن نعملها لِعبة للطفل إنه يبلل قطنة باللوشن و يلون الفقاقيع كنوع من أنواع الإلهاء وقت التعب ..... اللوشن دا بيهدي الحكة و بيساعد في تنشيف الفقاقيع بسرعة و بيقلل الألم 👶

5️⃣ المُسكن و خافض الحرارة المسموح بيه هو الباراسيتامول و كل ما يشابهه في السوق و نخللي بالنا :-

❌ ممنوع إستخدام الأسبرين تماماً للإننا ممكن نِعرض الطفل لحاجة إسمها ( Rye syndrome ) و دا عبارة عن فشل مفاجئ في وظائف الكبد 😓😓

❌ البروفين و الإيبوبروفين لا يفضل إستخدامهم كخافض حرارة أو مسكن في حالات الجُدري المائي لإنهم ممكن يسببوا مضاعفات شديدة بتظهر في صورة غرغرينة لأنسجة الجسم و دي بنسميها
( Necrotizing fasciitis )

✔️ ممكن نستخدم المضاد الفيروسي و دا عبارة عن شراب بالفم علشان نقصر فترة المرض و دا طبعا بإشراف الطبيب .

⛔ من علامات الخطر اللي تخللينا نتحرك فوراً لأقرب مستشفى إن الحرارة تزيد عن ٤٠ أو إننا نلاقي الطفل فاقد لإتزانة أو رافض تماماً الأكل و الشرب ..

*الجُدري المائي ممكن يستمر من ٥ الى ١٠ ايام و ينتهي تماما*

✍️ في حالة ظهور فقاقيع جديدة بعد مرور ١٠ أيام دي بتكون علامة إن الطفل مناعته ضعيفة و محتاج متابعة مع طبيب مختص
⁦👨🏻‍⚕️

دُمتم و إياهم سالمين ⁦❤️⁩🙂⁦❤️⁩

* #الجُدري_المائي* * * * *

26/05/2025

🤲اللهُم اجرنا من نار جهنم وخفف عنّا حر الدنيا والآخرة، واجعلنا في ظل عرشك يوم لا ظل إلا ظلك"
🤲اللهم هون حرارة شمسك على الساعين بأرضك قاصدين حلال رزقك..
🤲اللهم اجعلها بردا وسلاما على جميع عبادك
🤲اللهم قِنا شر هذا الحر، اللهم خفف حرارة الشمس وأثرها علينا، اللهم أجرنا من نار جهنم🤲🤲

25/05/2025

في الجو الحر ده
لازم نحافظ على أطفالنا:
✔️ نشربهم مياه كتير.🥛
✔️ نلبسهم لبس خفيف وقطن.👶🛀🏼
✔️ نبعدهم عن الشمس وقت الظهر.💥

16/05/2025

بشرى ساره لمتابعينا الأفاضل في عياده عرب الفدان بابوحماد
الكشف بالاشعة التلفزيونية

@أبرز المعجبين

14/05/2025

10/05/2025

💢 *حمى التيفود عند الأطفال ووهم التحليل* 💢
*Typhoid Fever*

🧕 *إيه هي حمى التيفود؟*
👨‍⚕️ حمى التيفود هي عدوى بكتيرية خطيرة بتسببها بكتيريا اسمها Salmonella typhi.
🧕 *بتتنقل عن طريق ايه ؟*
👨‍⚕️
• أكل أو شرب حاجة ملوثة.
• أو من خلال التعامل مع شخص مصاب.
🧕 *طيب إزاي بتحصل العدوى؟*
👨‍⚕️
👈🏻 الطفل ياكل أكل فيه البكتيريا.
👈🏻 أو يشرب مياه ملوثة.
👈🏻 أو يستخدم أدوات حد مصاب.
👈🏻 أو من نظافة شخصية سيئة.
🧕 *طيب ايه أعراض حمى التيفود عند الأطفال ؟*
👨‍⚕️ بتبدأ الأعراض بشكل تدريجي:
👈🏻 سخونية عالية بتزيد يوم عن يوم.
👈🏻 صداع مستمر.
👈🏻 آلام في البطن.
👈🏻 إسهال أو إمساك.
👈🏻 فقدان الشهية.
👈🏻 آلام في الجسم.
👈🏻 طفح جلدي بسيط أحيانًا.
👈🏻 إرهاق شديد.
👈🏻 انتفاخ بالبطن في الحالات المتقدمة.
🧕 *طب هل ليه مضاعفات (لو اتأخر العلاج)؟*
👨‍⚕️ممكن طبعا يحصل مضاعفات
👈🏻 نزيف في الأمعاء.
👈🏻 ثقب في الأمعاء.
👈🏻 التهابات في الكبد أو القلب.
👈🏻 اضطرابات بالجهاز العصبي.
👈🏻 التهاب رئوي.

🧕 *ازاي يتم تشخيص التيفود ؟*
👨‍⚕️ تمام نيجي بقى للكلام المهم
1️⃣ كشف طبي شامل وده مهم جدا لان ممكن من الاعراض فقط الطفل يتشخص.
2️⃣ مزرعة دم (أدق اختبار)
3️⃣ مزرعة براز/بول.
4️⃣ متابعة درجة الحرارة والأعراض.
5️⃣ *تحليل Widal Test* غير مفيد ولا يعتمد عليه في التشخيص لان النتيجه بتاعته بتتاثر بميكروبات كثيره

🧕 *ازاي بنعالج التيفود ؟*
👨‍⚕️
👈🏻 مضادات حيوية قوية يحددها الدكتور.
👈🏻 خوافض حرارة.
👈🏻 محاليل تعويض سوائل لو في جفاف.
👈🏻 راحة تامة في البيت أو المستشفى حسب الحالة.
👈🏻 متابعة دقيقة مع الدكتور.

🧕 *كيفية الوقاية من التيفود ؟*
👨‍⚕️
✔️ شرب مياه نظيفة.
✔️ غسل اليدين باستمرار.
✔️ طهي الأكل كويس.
✔️ تجنب الأكل المكشوف.

🧕 *هل تحليل Widal دقيق؟*
👈🏻 دقته محدودة جدًا لوحده لان النسبة بتتأثر بأي ميكروبات في الجسم. علشان كده لا يعتمد عليه في التشخيص.
👈🏻 الأفضل: مزرعة دم خصوصًا في أول أسبوع.
👈🏻 ويفضل متابعة التحاليل مع أعراض الطفل.

👨‍⚕️ *نصيحة للأهالي* 👨‍⚕️
لو طفلك جاله:
• سخونية عالية مستمرة.
• أعراض تعب معوي.
• إرهاق شديد.
لازم:
• زيارة طبيب أطفال فورًا.
• عمل التحاليل اللازمة.
• ما تديش أي مضاد حيوي من نفسك.

* * * *