Dr/ Talia Abdelrahman

16/01/2026

26/11/2025

اميرتي ♥️
زي النهارده من سنه ،كانت بتخاف جدا وغير متقبله حد ،التواصل بالزن والصريخ ،مكنش في ( لغه استقباليه ولا تعبيريه ، وكان عندنا نظره جانبيه )
بعد ما بدئنا اللغه التعبيرية وبدءت تتكلم حدث ما لم يكن بالحسبان ( الايكولاليا ) بس انا ولا يهمني بفضل لله قدرنا نخلص منها🥰♥️
اميرتي (بتحارب بكل قوتها حقيقي ) بتمني السنه الجايه زي دلوقتي تكون احسن ومتكونش محتجاني وتكون قد حالها ♥️♥️

26/11/2025

سنه كامله من التأهيل الشامل لحبوبي ، طبعا دي بعض المقتطفات السريعه ، لكن الرحله معاه كانت مليانه بمغامرات كتير ومتعه ومازلنا مستمرين 💪🏻🫂
حبوبي اشطر كتكوت ( بيحارب بكل قوته حبيبي)♥️
( مكنش في لغه استقباليه ولا تعبيريه ولا تواصل وتشخيصه توحد )
اتمنى يحبوبي السنه الجايه زي دلوقتي ،انزل فديو لينا وانت فى مرحله مش محتاجني ولا محتاج اى حد وتكون قد حالك حبيبي ♥️

04/11/2025

من احسن الطرق اللى بيتم استخدمها مع التوحد وبتجيب نتيجه ،(The Discrete Trial)

المصادر الاجنبيه دايما انا مغرمه بطريقه جلساتهم وشغلهم عموما
Discrete Trialعندك هنا مثلا مستخدم ال
ومفصل طريقه الشغل يخليك تكمل الفديوز وتشوف طريقتهم فى اداره الجلسات
-The SD
-A response or prompt
-Reinforcement or correction

SD: التعليمات بتاعتي ( المثير ) شاور على الكوره
ـResponse or Prompt : الاستجابه والتوجيه
لو شاور من نفسه بعزز وانتقل على الخطوه إللى بعد كدا ما مقدرش يحقق الهدف يستخدم Prompt بمسك أيده واشاور انا
اخر حاجه التعزيز
اول ما يحقق الهدف اعزز دا بيخلي عنده دافع فى المره التانيه أقوله شاور على. الكوره يشاور عالطول اقدم التعزيز فورا حدوث الاستجابه
طيب هفضل استخدم التعزيز بالشكل دا عالطول
لا مستحيل علشان ميحصلش أشباع ببدء اعمل جدول التعزيز
ان شاء لله هنزل طريقه التعزيز الصحيحه المره الجايه🫶🏻

03/09/2025

شغاله مع الطفل
قدامه تلت كروت
نمر ، بطاطا ، دب
قولت ليه
النمر = البطاطا
والدب= نمر
بطاطا = الدب
ولما اشاور على
( نمر ، بطاطا ، دب)
فهو امفروض يقول ( بطاطا ،. دب ، نمر )
لقيته النهارده بكل تلقائيه قالي : طب خلي النمر اسد ازاى نمر بطاطا مش قادر اتخيل وفضل يضحك 😅🫶
وفى اخر السيشن قالي : انتى ممكن تخلي بكره محمد صاحبي يبقي حسن 😂💗😂🙈
طالما دماغه جابت كدا فانا اطمنت😅

01/09/2025

لا يفهمها سوء الاخصائيين 👏🏻
عندي ثلاث اكواب
(أحمر ، اصفر ، اخضر )
الاحمر يتسمي اسود
الاصفر يتسمي ازرق
الاخضر هنسيبه زي ما هو
التعليمات
1. أوريه الكوب الأحمر وأسأله: "دا اسمه إيه ؟" → يرد "أسود".

2. أوريه الكوب الأصفر وأسأله: "اسمه إيه ؟" → يرد "أزرق".

3. أوريه الكوب الأخضر وأقوله: "اسمه إيه؟" → يرد "أخضر".
بعد كدا هحط الثلاث اكواب قدامه وابدء اخبط
مثلا على الاحمر ، الاخضر ، الاصفر
أقوله خبط علي اي امفروض يقولي :
( اسود ، اخضر ، ازرق )
أخبط على ( اصفر ، احمر ، اخضر )
هو يقولي ( ازرق ، اسود ، اخضر
--ببدء الاول بكوبين بعد كدا بزود تدريجي
--بغير الترتيب فى كل مره
ــفى الاخر بخلي الطفل هو اللى يحط القاعده بنفسه يعني هو اللى يغير ويقول الاحمر يبقي ازرق وهكذا

31/08/2025

لا يفهمها سوء الاخصائيين👏🏻
لما اقول للطفل ،
لما اقولك اقف اعمل العكس واقعد ..
اقف = اقعد
ولما اقولك صفق 👏🏻=طبطب على رجلك
ــــــــــــــ
لما اقولك تفاحه = سقف
ولما اقولك توت = ارفع ايدك اليمين لفوق
ــــــــــــ
لما اقولك :هات الكوره= اقف
ولما اقولك: هات الحلقه =اجري
ــــــــــــ
"اصطاد الصياد سمكه ليها رقبه طويله "
فين الغلط
" مره واحد عنده سفينه نزل بيها على الرصيف "
فين الغلط
خلينا نشوف الأهداف هنا اي!!

20/08/2025

لا يفهمها سوء الاخصائيين 📌
لما اقول لطفل
-شعرك هو ايدك
-عينك هي رجلك
-بقك هو دانك
وقوله شاور على👈🏻 ( ايدك ، عينك ، بقك )
فيشاور على 👈🏻( شعره ، رجله ،دانة )
اشتغلنا على أهم المهارات 🦻🏻Auditory Memory🦻🏻 Auditory Discrimination 🦻🏻Auditory Attention 🦻🏻Higher Auditory Processing

08/08/2025

بطريقه بسيطه خالص مع امثله بتقابلنا دايما فى الجلسات تعالو نوضح
فنيات التعزيز التفاضلي (Differential Reinforcement)
🟡 DRO
(Differential Reinforcement of Other Behavior)
يعني أعزز الطفل لما ما يعملش السلوك الغلط لمدة معينة.
- مثال: معضش لمدة ٥ دقايق → ياخد مكافأة.
🟢 DRI
(Differential Reinforcement of Incompatible Behavior)
يعني أعزز سلوك مينفعش يحصل مع السلوك الغلط في نفس الوقت.
- مثال: الطفل بدل ما يضرب، يمسك كورة → مستحيل يضرب وهو ماسكها.
🔵 DRA
(Differential Reinforcement of Alternative Behavior)
يعني أعلم الطفل سلوك بديل ومناسب، وأعززه عليه.
- مثال: بدل ما يصرخ عشان ياخد حاجة، يطلب بكلمة أو إشارة → أمدحه.
🔴 DRL
(Differential Reinforcement of Low Rates of Behavior)
يعني أعزز لما الطفل يقلل السلوك اللي بيكرره كتير، مش نمنعه خالص.
- مثال: كان بيقاطع ١٠ مرات، ولما بقوا ٥ بس → ياخد تعزيز.